教育王國
標題: 小學生愛比較 外遊要去日韓法 [打印本頁]
作者: elbar 時間: 17-6-14 13:39 標題: 小學生愛比較 外遊要去日韓法
放假去旅行，近年已成為港人「指定動作」。但有家長發現，出國原來已難「滿足」子女，有小學男生明言羨慕同學可去日、韓及法國，要求母親照辦。社工指，學童互相攀比情況普遍，促家長將教育重點放在經歷，而非物質多寡。
小學生出國「有要求」？有家長在討論區指，早前帶着讀小學的兒子首度出國，一家到台灣旅遊，豈料兒子未感滿足，更明言想去日本、韓國或法國「補數」，令她大為氣結。帖文指︰「之前帶囝囝第一次飛台灣，他本身好開心，但返學校派手信後，回來跟我說羨慕同學去過日本、韓國同法國；我即教他大個搵到錢想去邊都得。」
旅行重點 應為增廣見聞
不少網民認同中小學生攀比情況嚴重，有人指讀中學的女兒曾「求媽咪不要不上班，否則自己無得去旅行」；亦有網民指，兒子的同學曾因無得去旅行而大發脾氣，最後家人要「碌卡分期付款」滿足其要求。有網民則指兒子曾抱怨，「點解同學仔有生日會，他卻沒有」。
明愛小學學生輔導服務高級督導主任馮慶球指，學童互相比較的情況普遍︰「即使屋企有車，都會介懷是日本車定歐洲車；又會比較屋企有無請工人。」他建議家長帶子女去旅行時，應強調目的地並非重點，可增廣見聞才重要。「出發前可與子女研究目的地的文化及特色，視作一種學習，而非單純享受旅遊。」
孩子動輒嗌「想要」 父母應糾正
資深社工彭智聰指，當今學童的問題是常有過多且過早的「刺激體驗」。「好多時候搞活動，小朋友會話細個時已玩過，根本無興趣再玩。」他指兒童的腦部發育，未必能消化「超齡」體驗，過早帶他們出國旅行，實質意義不大，反而建議家長多帶孩子參與大自然活動。「去日本或法國，對孩子而言都只是一個地方，不一定能學到甚麼，接觸大自然的體驗會更好。」
彭續指，很多孩子愛以「想要」、「應該有」等方式表達，父母應及時糾正︰「要讓子女學懂感恩及感謝，明白物質享受不是必然。例如吃雞翼時，不妨教他們背後的產業鏈，如雞販要怎樣飼養，市場怎樣銷售，父母又要怎樣賺錢才能買到等，讓孩子明白背後的代價及成本。」
作者: Cheeselover 時間: 17-6-14 23:17 標題: 回覆樓主
唷！為何不問問小朋友(甚至中學生)，回祖國看看錦繡河山又怎樣？我猜任何愛國團體也不敢做這個調查。
作者: Jane1983 時間: 17-6-15 12:10
中學生仲講吓朋輩，小學生咁樣做，多數係屋企問題。父母成日講去邊度外遊幾爽，點樣玩幾型，細路哥會跟足。
作者: IloveJJ 時間: 17-6-15 14:46
提示: 作者被禁止或刪除 內容自動屏蔽
作者: nintendo 時間: 17-6-15 14:59
IloveJJ 發表於 17-6-15 14:46 
其實，呢個世界大把人好過你，又大把人差過你，有咩好比?
係，永遠有人比自己有錢，點跟得咁多？
去日韓法濕濕碎，我姪女個同學去過南極。
作者: Jane1983 時間: 17-6-15 16:56
回覆 IloveJJ 的帖子
我女無扭過物質嘢，旅行書包文具衫裙生日會，從無話人有佢又要。唔係佢特别乖，係家庭習慣，家長親友無對呢d趨之以騖，佢都覺得可有可無。
不過到中學青春期，唔知會唔會朋輩影響，就唔敢講。
作者: nintendo 時間: 17-6-16 07:00 標題: 回覆樓主
我認識一個富家孩子。
有一天知道一個平時十分低調的同學仔比自己更有錢，十分不甘心，直頭嬲咗人地。
其實，家庭教育十分重要。
有錢，也不一定要去盡。
千金難買少年窮，又唔係冇嘢食冇屋住。
現在香港的現象是，十分多家長，將身家都卦晒上身。
Facebook 尤其睇到不同心態。
我有個親戚，明明只是小康家庭，但在 facebook 的吃喝玩樂，和富貴人家一樣。我地係親戚當然知佢有幾多實力，但佢地兩公婆的朋友，相信以為佢地係富二代。
真正有實力一件事，但為求在 facebook 威而充大頭，何必？
小朋友嘆慣享受慣，大個就唔捱得。
作者: ANChan59 時間: 17-6-16 10:29
nintendo 發表於 17-6-16 07:00
我認識一個富家孩子。
有一天知道一個平時十分低調的同學仔比自己更有錢，十分不甘心，直頭嬲咗人地。
其實 ...
送小朋友去落後地區做義工，對他們好有啓發性！遠比去發達地區吃喝玩樂有意思，但有多少家長願意參與及鼓勵呢，放假還去捱！
作者: shadeslayer 時間: 17-6-16 13:12
ANChan59 發表於 17-6-16 10:29
送小朋友去落後地區做義工，對他們好有啓發性！遠比去發達地區吃喝玩樂有意思，但有多少家長願意參與及鼓 ...
IB CAS 的 S 便是 Service, 讀1B的孩子多會有 community service 概念。
幾年前我也有帶女兒到弱勢學校義教英文，不過我出發點係讓她不要自卑，也見識下弱勢社群。 後來義務團體沒有用攪。
作者: ANChan59 時間: 17-6-16 13:22
shadeslayer 發表於 17-6-16 13:12
IB CAS 的 S 便是 Service, 讀1B的孩子多會有 community service 概念。
幾年前我也有帶女兒到弱勢學校 ...
我都記得，鮮魚行小學。
是否升呢之後，不用補底？
作者: shadeslayer 時間: 17-6-16 13:28
ANChan59 發表於 17-6-16 13:22
我都記得，鮮魚行小學。
魚仔校係其中一間，我和女兒有去另一間深水埗小學。
魚仔校以前有好多義務班，我和呀女只係跟其中一個團體。依家唔知了。
作者: IloveJJ 時間: 17-6-18 09:13
提示: 作者被禁止或刪除 內容自動屏蔽
作者: ANChan59 時間: 17-6-18 10:06
shadeslayer 發表於 17-6-16 13:28
魚仔校係其中一間，我和女兒有去另一間深水埗小學。
魚仔校以前有好多義務班，我和呀女只係跟其中一個團 ...
Good for her. 
作者: MrBeast 時間: 17-6-19 13:28
本帖最後由 MrBeast 於 17-6-19 13:50 編輯
nintendo 發表於 17-6-16 07:00
我認識一個富家孩子。
有一天知道一個平時十分低調的同學仔比自己更有錢，十分不甘心，直頭嬲咗人地。
其實 ...
我都有個舊同學，都係近幾年先知係隱型富豪（不是李+x 個隻），不過佢都話e世代的留學生，有d有＄到可以坐私人飛機去paris bfast，佢仔唔會埋到堆
作者: MrBeast 時間: 17-6-19 13:54
Cheeselover 發表於 17-6-14 23:17
唷！為何不問問小朋友(甚至中學生)，回祖國看看錦繡河山又怎樣？我猜任何愛國團體也不敢做這個調查。
...
作者: MrBeast 時間: 17-6-19 20:14
今年只得9歲的「香港小巨肺」譚芷昀(Celine)近日參加《全美一叮》(《American’s Got Talent》)第12季比賽，選唱《鐵達尼號》電影主題曲《My Heart Will Go On》而一戰成名。該節目Facebook專頁及YouTube官方頻道只是一天便有超過2500萬和460萬瀏覽量，不少人都稱讚她的歌喉。一名得9歲嘅小朋友，能夠喺台上唱隻咁高音嘅歌，而且仲咁有台風十分鎮定，睇得出係久經訓練。其實Celine喺呢個節目之前已經參加過唔少歌唱比賽，大大話話都有成廿個，已經有唔少喺中國參加乜乜晚會嘅機會，佢自己都曾經喺四年前開個個人演唱會，認真巴閉！
點解細細個就可以咁有型有格？除咗有天賦之外，皆因佢仲有個好爸爸！譚順生（Steve）作為一個專業的唱歌及鋼琴老師，一早就已經發現囡囡嘅音樂天份，所以除咗自己培養佢之外，仲送咗佢去家燕媽媽藝術中心度學唱歌跳舞。而且還不時帶佢出去表演，除咗之前訪問透露過會帶囡囡去地鐵唱歌練膽量之外，還會運用自己的人脈關係為囡囡爭取更多演出機會。根據其他傳媒報導，為了唔影響Celine的學業，Steve寧願自己辛苦都要住喺月租成七萬蚊嘅山頂單位，就係為咗囡囡可以讀該區嘅國際學校，認真唔話得！當然，作為一名專業的音樂老師要拎出呢啲錢其實唔係咩問題，所以Celine在天賦同後天培養方面都可以話係得天獨厚，成名絕對唔係僥倖！
但係，如果剩係得天賦，無咗後天培養又會係點呢？如果Celine唔係出身一個音樂世家同埋叫做有返咁上下家底的話，佢而家條路又會係點行？起碼如果佢屋企唔係有錢，未必可以俾到錢佢去美國表演，唔會可以跟到家燕媽媽學嘢，更加未必可以行唱歌呢條路，因為靠唱歌未必搵到錢。而家普遍家長都覺得讀書先係最重要，音樂、運動、藝術等等只可以當係興趣，上吓興趣班係無問題，但唔好當係一個終身職業囉！如果唔係點會有人講運動其實無乜貢獻，又點會有咁多為咗唱歌捱窮捱餓嘅歌手出現，講到底都係香港普羅嘅價值觀係咁，有人話過香港其實係一個文化沙漠，都唔可以話係錯晒，因為好多人都為咗現實而扼殺咗好多可能性。好在Celine爸爸本身都係音樂人，唔會存在歧視藝術的問題，又好彩佢老爸並唔係一個窮嘅音樂人，如果唔係可能變咗帶個囡出街頭賣唱。亦都因為有錢，佢唔使焗限喺香港參加節目，可以返大陸出美國，你知香港人幾咁鍾意乜都踩幾腳，如果同一個情況喺香港發生，可能就會出現話Celine老積、扮大個、亂嗌一通，未必可以好似喺美國咁得到咁多人嘅讚賞。
想當年趙展彤12歲參加《超級巨聲》，先唔好談論兩個人唱功上有無高低之別，但當年一出已經負評如潮，根本沒人留意她的歌聲。一來是因為當年還細的她態度性格問題有被宣染，二來又未必有人好像Celine爸爸Steve一樣咁熟悉呢個行業去教佢，所以Celine今次成功其實背後需要有好多支持先做到出嚟。比著係窮人家庭，Celine可能都會俾人讚唱歌好好聽，不過只係讚吓囉，可能佢屋企人會多啲帶佢出去唱K拎吓虛榮感，之後？咪繼續讀書返學囉。喺學校可能可以參加吓啲歌唱比賽拎吓獎，之後俾人發掘吓，從一個窮家出身的歌手出發，浸返幾年可能會出名，又可能因為時間磨蝕晒所以靈氣，總之好難會去到而家喺美國獻唱嘅人氣高度。說到底，起跑線真係好重要，因為可以令你事半功倍，加埋marketing嘅包裝更加可以令你一夜成名。我地唔係要去質疑Celine嘅能力，而係應該檢討吓有幾多個Celine無被發掘出來。
https://www.hk01.com/sns/article ... utm_campaign=buffer
作者: shadeslayer 時間: 17-6-19 20:15
MrBeast 發表於 17-6-19 13:54
我又會問，kg 小學又日本又歐洲，咁到中學去邊好？大學畢業去火星？其實香港大陸都好多好去處，只是大人有 ...
日本韓國有好多地方，歐洲美洲更多，你少担心無地方去。
唔係讀萬卷書不如行萬里路咩？
作者: shadeslayer 時間: 17-6-19 20:20
MrBeast 發表於 17-6-19 20:14
今年只得9歲的「香港小巨肺」譚芷昀(Celine)近日參加《全美一叮》(《American’s Got Talent》)第12季比賽 ...
使乜用七萬租屋才可讀山頂國際學校呀？ 半山山腳也有不少好學校。
作者: MrBeast 時間: 17-6-19 20:31
本帖最後由 MrBeast 於 17-6-20 10:47 編輯
shadeslayer 發表於 17-6-19 20:20
使乜用七萬租屋才可讀山頂國際學校呀？ 半山山腳也有不少好學校。
我都唔明同住邊有冇乜直接關係，but i guess 可能同social circle 有關係多d
作者: shadeslayer 時間: 17-6-19 20:45
MrBeast 發表於 17-6-19 20:31
german swiss 我都覺得幾好，不過我都唔明同住邊有冇乜直接關係，but i guess 可能同social circle 有關係 ...
本帖最後由 shadeslayer 於 17-6-19 21:07 編輯
佢好似讀 ESF BHS. 唔知係未最近轉左校。
Social Circle 係學校發生多，住係邊影響微。
作者: Stillgood2 時間: 17-6-19 21:55
MrBeast 發表於 17-6-19 20:14
今年只得9歲的「香港小巨肺」譚芷昀(Celine)近日參加《全美一叮》(《American’s Got Talent》)第12季比賽 ...
同樣"Talent". 幾個月前睇Angelia Jordan.唱Fly me to the moon. 太天才了。用佢做咗電話玲声。
不过，音樂係個人喜好。
Talent on a right platform & right time.
Susan Boyle. 同様有天賦。Angel sound.
同人唔同命。
作者: MrBeast 時間: 17-6-20 08:25
本帖最後由 MrBeast 於 17-6-20 08:43 編輯
住山頂都是一投資 
最近爆紅的Celine妹妹原來曾是「家燕媽媽藝術中心」的學生，對於近日Celine妹妹聲名大噪，家燕姐接受《香港01》電話訪問時表示：「Celine佢真係一個好有天份好有潛質嘅一個小妹妹，但係講起佢爸爸（譚順生）就真係有點兒那個，真係食碗面反碗底。當年佢爸爸有同我講，話想喺『家燕媽媽藝術中心』入面教小朋友唱歌，我見佢認識音樂又有熱誠，我就請咗佢。但後來我覺得好奇怪，點解我啲學生唔喺學校上堂，而係逐個逐個上佢（譚順生）教室同佢單對單上堂。後來啲學生家長走番轉頭同我講，話去咗譚順生度上堂，話譚順生sell佢哋單獨授課，收咗一萬蚊學費，成個課程都未完成，就要佢哋交下期學費。」
講到譚順生「搶客」，家燕姐失望地表示:「我知道呢件事之後，我真係好失望，我哋都有我哋嘅行規，你喺人哋學校做導師，唔可以就咁搶咗人哋嘅學生，要同人哋講聲，我覺得咁做好無道義。」家燕姐又慨嘆：「你要向上爬唔緊要，但係唔可以咁工心計。」
家燕姐又提到：「最初Celine報讀戲劇班，因為佢爸爸好想個女加入TVB，而我見佢好有潛質，就介紹佢去TVB一個母親節節目，咁就上咗鏡喇。」
至於Celine能夠參加內地節目《中國新聲代》並且奪冠，原來全靠家燕姐幫忙，家燕姐憶述：「當初Celine參加內地選秀節目都係由我搭路，因為我覺得Celine係好有天份，但係佢當時唔合符參賽資格。因為嗰陣參賽者最小要年滿10至11歲，但當時Celine只得5歲未能參賽；所以就用我喺湖南衛視嘅關係介紹佢去參賽，最後佢仲有好好嘅成績。但係佢爸爸連一句多謝都冇講，仲要喺自己嘅網站，話佢自己有渠道可以幫小朋友報名（參賽），但要啲小朋友上佢堂。以呢樣嘢做賣點，我覺得呢個人好有居心，同呢個人合作要好小心。」
https://www.hk01.com/%E9%9F%B3%E6%A8%82/98921/Celine%E7%88%B8%E7%88%B8%E6%86%91%E5%A5%B3%E8%B2%B4-%E5%AE%B6%E7%87%95%E5%A7%90-%E6%AD%A4%E4%BA%BA%E5%B1%85%E5%BF%83%E5%8F%B5%E6%B8%AC
作者: Jane1983 時間: 17-6-20 10:23
回覆 MrBeast 的帖子
當時佢入Esf，應該仲係catchment area的政策，所以住邊有影響。
作者: Jane1983 時間: 17-6-20 10:30
這種超級新星日後如何，其實很難說。之前唔記得睇邊份報導，講到中國年青網球手徐詩霖，8歲去美國學打波，聲名鵲起，拿了不少青年國際賽獎項，後來回國發展，未起飛就爆煲，官司纒身，仲講到話當年自己16、17歲由父親代表佢同經紀人公司簽約，係父母出賣年幼仔女，乜都講得出。而家一審敗訴，就話想退役...
作者: MrBeast 時間: 17-6-20 10:57
Jane1983 發表於 17-6-20 10:23
回覆 MrBeast 的帖子
當時佢入Esf，應該仲係catchment area的政策，所以住邊有影響。 ...
我遇見過不少愛比較的小朋友，由比電視大小，至車高低，到屋企有幾大，比較mentality 大多來自父母吧（direct or indirectly)，但沒有'ambitious'的父母，又未必有celine tam。
身邊朋友去邊旅行，別人周遊列國，雖然小朋友未必出聲，但做父母唔多唔少都會有d壓力，afford 得到，都要做下羊羣，好難出污泥而不染
作者: MrBeast 時間: 17-6-20 11:00
Jane1983 發表於 17-6-20 10:30
這種超級新星日後如何，其實很難說。之前唔記得睇邊份報導，講到中國年青網球手徐詩霖，8歲去美國學打波， ...
作者: Jane1983 時間: 17-6-20 12:31
回覆 MrBeast 的帖子
唔關去唔去旅行，又或者去邊度旅行事，係父母在整個過程中，灌輸到乜嘢價值觀比小朋友。
有見過小朋友幾歲就好銅臭，或者係好manipulative，呢d都係有樣學樣跟大人。
作者: nintendo 時間: 17-6-20 12:48
shadeslayer 發表於 17-6-19 20:45
本帖最後由 shadeslayer 於 17-6-19 21:07 編輯
佢好似讀 ESF BHS. 唔知係未最近轉左校。
Peak School
作者: nintendo 時間: 17-6-20 12:53
MrBeast 發表於 17-6-20 08:25
住山頂都是一投資
最近爆紅的Celine妹妹原來曾是「家燕媽媽藝術中心」的學生，對於近日Celine妹 ...
幾年前已經有 post 在 BK 大海討論佢，我估係爸爸自己 post video 上 BK 
當時有贊有彈，感覺爸爸十分進取。
佢自己有教室，個女是生招牌。
作者: nintendo 時間: 17-6-20 13:00
Jane1983 發表於 17-6-20 10:30
這種超級新星日後如何，其實很難說。之前唔記得睇邊份報導，講到中國年青網球手徐詩霖，8歲去美國學打波， ...
香港容不下這類人。
其實音樂人在香港，結果會如 celine 爸，教音樂。
一係去英美發展。
但英美又大把這些孩子。
不過，小妹妹的經驗可以是將來入大學 portfolio 一個亮點。
作者: MrBeast 時間: 17-6-20 15:01
Jane1983 發表於 17-6-20 12:31
回覆 MrBeast 的帖子
唔關去唔去旅行，又或者去邊度旅行事，係父母在整個過程中，灌輸到乜嘢價值觀比小朋 ...
作者: 20120808 時間: 17-6-20 15:29
比較從來不是問題，幼兒園小學中學名校是比较的结果，有學業名次是比较，大学排名是比较，香港经济地位排名是比较，活在比较的方式下，小學生愛比較，不只是家長做成的，根本社會生活就在比较中進行。
有什么好比較？不要把自己的頭顱插入沙堆中，自欺欺人啊！
作者: Stillgood2 時間: 17-6-20 16:45
Jane1983 發表於 17-6-20 10:30
這種超級新星日後如何，其實很難說。之前唔記得睇邊份報導，講到中國年青網球手徐詩霖，8歲去美國學打波， ...
作者: Jane1983 時間: 17-6-20 17:04
回覆 MrBeast 的帖子
你千祈唔好咁唸，你咁唸，好容易影響到佢都咁唸。唔通日後佢的所有友輩都係亞爸出首期買樓，屋企比錢做生意，家長就要滿足佢，否則就對佢唔住咩。
你愛佢，咁多年用心教養佢，已經係最寶貴的付出。其餘物質嘢，你唔欠佢ga。
作者: Jane1983 時間: 17-6-20 17:07
回覆 Stillgood2 的帖子
真係唔識講，有天賦係好，但要成就偉大事業仲要好多其他的質素。
作者: 20120808 時間: 17-6-20 17:08
世界都是强調買點的，Celine Tam 的買點是首個華人小女孩勝出。有冇睇过Jackie Evancho,赢 british talent 同 american talent 嘅時候係大约十歲小女孩，出名後已立刻進行世界巡遊个人演唱会，香港是其中一站，我和兒子去睇，童真是難寻了，説的都是老練的台詞，六年后今日的Jackie Evancho 已是婷婷玉立的少女，作歌唱家四處表演，欧洲大，四處巡遊表演，路就是这样了。。。。
衆裡尋名千百度
名聲一起金利來
作者: Stillgood2 時間: 17-6-20 17:32
20120808 發表於 17-6-20 17:08
世界都是强調買點的，Celine Tam 的買點是首個華人小女孩勝出。有冇睇过Jackie Evancho,赢 british talent ...
作者: MrBeast 時間: 17-6-20 17:43
Jane1983 發表於 17-6-20 17:04
回覆 MrBeast 的帖子
你千祈唔好咁唸，你咁唸，好容易影響到佢都咁唸。唔通日後佢的所有友輩都係亞爸出首 ...
作者: Jane1983 時間: 17-6-20 18:18
回覆 MrBeast 的帖子
幾時豪吓，大家開心吓，點樣滿足小朋友心願，又唔會令佢覺得老奉唔珍惜，真係藝術。睇得出你係有心人，希望你成功 
作者: Cheeselover 時間: 17-6-21 06:24 標題: 回覆樓主
我常常用平民價去享受星級旅遊，小女兒只關心節目內容，沒有要求質素，其實只要一家人一起去玩，去邊都開心。
作者: nintendo 時間: 17-6-21 13:49
20120808 發表於 17-6-20 17:08
世界都是强調買點的，Celine Tam 的買點是首個華人小女孩勝出。有冇睇过Jackie Evancho,赢 british talent ...
咁希望 Celine 可以在外國發展。
Celine 爸已爆煲，佢的博士學位，甚至甚麼比賽獎，都....
作者: 20120808 時間: 17-6-21 14:43
nintendo 發表於 17-6-21 13:49
咁希望 Celine 可以在外國發展。
Celine 爸已爆煲，佢的博士學位，甚至甚麼比賽獎，都....
[youtube]LYwmMfGvyD0[/youtube]
作者: MrBeast 時間: 17-6-21 22:44
Cheeselover 發表於 17-6-21 06:24
我常常用平民價去享受星級旅遊，小女兒只關心節目內容，沒有要求質素，其實只要一家人一起去玩，去邊都開心 ...
作者: judy 時間: 17-6-22 10:36
摘自<<晴報>>
港人熱愛旅行，有網友分享友人夫婦為了「四季遊日」，不惜「碌卡」借貸，最終背負超過20萬元債務，甚至要向朋友「籌款」還錢。有社工指，不少負債個案是本身已有債務，眼見還款無望，因而盡情借錢享樂。
旅行享樂本為放鬆身心，但過度花費隨時令人身陷債務危機。有網民在討論區分享朋友的處境，形容友人夫婦一年最少去4次日本，打聽下才知對方其實相當「手緊」，為了旅遊更欠下逾20萬元債務。帖文指︰「我本身家庭收入不俗，一年都未必負擔到去一次旅行，近日見朋友兩公婆又去日本，本想託他們代購衣物，誰知友人要求我先付款。追問下才知他們原來每次都靠碌卡及借貸才能成行，現已欠銀行逾20萬元，成班朋友依家仲籌款幫他們還債。」
借錢玩樂多為年輕人
有網友對「借錢都要去旅行」感到難以理解。有人則指，不少人表面雖然風光，實際卻欠債纍纍，「為了玩樂而借錢，真是病態」。另有網民分享，有朋友即使丈夫「欠下成身債」，她仍懶理家庭負擔大，「周圍去旅行都唔幫老公還債」。
圓滿關係中心總監暨心理輔導學家蔡綺文表示，借錢玩樂的個案以年輕人為主。「部分青輕人或有先使未來錢的習慣，而且眼見樓價高昂，感到人生目標難實現，因而更追求及時享樂。」她指，曾有女生月入僅萬多元，但每隔兩個月便去一次日本。「女生有時更問媽媽借錢，其母感奇怪，不知女兒為何有錢及假期多番去旅行，後來才知她申請無薪假出門玩樂。」
無力還債 變自暴自棄
東華三院健康理財家庭輔導中心主任陳福龍指，處理過不少年輕人為玩樂而負債的個案。「不少案例是本身已有一定債務，如『碌卡』後只還最低利息，令債務愈滾愈大，最後自覺無力還債，於是自暴自棄；有事主因覺得遲早會破產，決定『碌卡碌到盡』，盡情去旅行。」
陳續指，有個案是新婚夫婦豪辦婚禮及蜜月旅行，妻子感到丈夫過分豪爽，事後揭發所有開支均是「碌卡」支付，結果新婚即欠下銀行逾60萬元。「借錢玩樂的個案一定有迹可尋，例如親人若無儲蓄習慣，又習慣即興大手筆花費，已是警號。」
作者: 20120808 時間: 17-6-22 12:14
現在樓價不理性高企，年青人打工仔不吃不渴20年，也未必能附樓價首期，倒不如趁年輕，身体和脚還有本錢的時候，遠遊多番，開闊眼界，及時行樂，或能在旅游當中，找到香港以外的容身之處，不需在香港一世做樓奴，為地產商增添財富，不是有一句:讀萬券書，不如行萬里路嗎? 中國人的守舊思维，先有事業，再置業然后成家立室，現在楼價下如何立室? 還能趁年轻遠遊?供完樓已無力遠行矣！
可否把價值倒轉一下：先行萬里路，開闊眼界，找容身處立室。
| 歡迎光臨 教育王國 (/) |
Powered by Discuz! X1.5 |