教育王國
標題: 剛check到是資優，有什麼可以做？ [打印本頁]
作者: szetob 時間: 17-6-11 19:09 標題: 剛check到是資優，有什麼可以做？
本帖最後由 szetob 於 17-6-11 19:10 編輯
仔仔剛滿7歲，讀小一，剛check到是資優，無連帶其他行為問題，現讀直資一條龍學校，成績不錯，社交也ok, 只是上堂勁多口和周身郁（但唔會走出位），被老師投訴太多野講，佢係happy boy, 都愛玩愛笑， 咁依家我要做什麼？好唔好通知學校？
作者: elmobeebee 時間: 17-6-12 08:28
szetob 發表於 17-6-11 19:09 
仔仔剛滿7歲，讀小一，剛check到是資優，無連帶其他行為問題，現讀直資一條龍學校，成績不錯，社交也ok, 只 ...
cp 有咩advice?
係老師建議仔仔做test 嗎?
我仔仔同你仔仔相似，今年小二，係老師建議佢做test。話如果佢係gifted, 老師會諒解佢多D, 學校亦會有措施配合。
我地有將test 結果&cp建議同老師傾番。
作者: szetob 時間: 17-6-12 14:22
回覆 elmobeebee 的帖子
老師話佢好聰明，覺得佢iq高，所以我地先去check。我都係想老師會體諒佢多d, 不過詳細報告要下個月先有
作者: mama_papa 時間: 17-6-12 15:44
elmobeebee 發表於 17-6-12 08:28
cp 有咩advice?
係老師建議仔仔做test 嗎?
我仔仔同你仔仔相似，今年小二，係老師建議佢做test。話如果佢 ...
作者: elmobeebee 時間: 17-6-12 15:51
mama_papa 發表於 17-6-12 15:44
真是好奇怪的理論，我聽話唔少學校/老師話如果是資優就會包容多D，唔通唔係資優就唔需要包容？ ...
你有D 斷章取義
我亦無必要公開forum同你講太多自己個仔嘅情況
作者: mama_papa 時間: 17-6-12 16:00
回覆 elmobeebee 的帖子
唔好意思！
我想信妳誤會了，我無意冒犯。
我指的是很多學校和老師表示如果是資優就會包容多D，但其實不是應對所有學生都包容嗎？
利申：極度麻煩資優生家長
作者: elmobeebee 時間: 17-6-12 16:32
mama_papa 發表於 17-6-12 16:00
回覆 elmobeebee 的帖子
唔好意思！
本帖最後由 elmobeebee 於 17-6-12 16:39 編輯
對所有學生已經包容
但當小朋友有特殊需要，已經唔可以用ㄧ般包容度應付，老師要更包容=起碼知佢唔係有心曳咁樣。但唔係優待佢!犯錯都係要承担後果，同其他人ㄧ視同仁
如果你自己有資優子女，應該好明嗰種不被了解嘅難處。
你嘅提問好似你唔了解。
作者: mama_papa 時間: 17-6-12 16:51
回覆 elmobeebee 的帖子
唔好意思！
我想信妳覺得我冒犯了。
在此致歉！
作者: szetob 時間: 17-6-12 16:56
希望老師會對有特殊學習需要的小孩多一點點包容，而不是對其他孩子不包容。
作者: szetob 時間: 17-6-12 17:03
我見好多課程都係要小四後先可以讀，如果我想了解多d，初小好似無野可以做到，會否有什麼谷或會可讓我知多點，或和同是初小的家長交流下？
作者: mama_papa 時間: 17-6-12 17:22
回覆 szetob 的帖子
其實這個谷已經有唔少資料，亦有唔少前輩分享。
妳亦可參加HKAGE的家長課程。
http://www.hkage.org.hk/b5/parents/parent-education-programme
作者: setom 時間: 17-6-12 22:03
szetob 發表於 17-6-12 17:03
我見好多課程都係要小四後先可以讀，如果我想了解多d，初小好似無野可以做到，會否有什麼谷或會可讓我知多 ...
資優教育學苑的對像為小四或以上的學生, 也會酌情收小三甚至小二的學生, 但一定要學校推薦才會考慮這類越級學生, 詳情要向本身就讀的學校老師問問.
作者: Radiomama 時間: 17-6-12 22:20
szetob 發表於 17-6-12 17:03
我見好多課程都係要小四後先可以讀，如果我想了解多d，初小好似無野可以做到，會否有什麼谷或會可讓我知多 ...
最近讀了一篇文章關於培育資優兒童，節録如下：
傳統栽培資優學生是按長處，再加以栽培，這種方法忽略了孩子的情感需要。其實美國數年前就有一個案例，美國康涅狄格州校園槍擊案，兇手正是資優生，由於他缺乏正面人生觀，最後無法與人相處，發生悲劇事件。支援資優學生，可從「D.E.A.R.」四方面著手。
1. 加廣（Diversify）：資優年紀越小，越容易不同步發展，例如數學天才，但也要留意其語文的天份，我們要廣闊其學習經歷。
2. 加深（Enrich）：到高小的年紀，就可因應其掌握的能力，為他們就該方面加深程度。
3. 加速（Accelerate）：若孩子的各方才能很高，他會覺得生活很悶，若通過多方面的評鑑符合，我們可協助其跳班。
4. 加值（Respect）：評估DEA後，也不一定全部滿足，資優生也不一定將來會成功，原因之一是少了自我發展，智能與情意沒有平衡發展，例如學習如何與一般人合作。這點正是補充學術以外的生涯學習。
-----------
留意上述所說是有次序的，初小宜「加廣」，可按喜好嘗試不同事物。
個人覺得最重要是發展情感教育，同情心、愛心很重要。不用急著去上資優課程，小孩時間空間有限，慢慢來。
作者: akys 時間: 17-6-12 23:10
Radiomama 發表於 17-6-12 22:20
最近讀了一篇文章關於培育資優兒童，節録如下：
傳統栽培資優學生是按長處，再加以栽培，這種方法忽略了 ...
同意小學階段要注意情感教育，同情心、愛心等。建議玩童軍，雖然用好多時間，但學到好多個人修養和技能，如果有幸做到隊長會對Teamwork，紀律有更深刻領悟。
到中學可以按興趣揀科目深入研究，坊間有免費嘅HKAGE，有付費嘅大學Courses，亦有網上課程，大把嘢玩。
作者: szetob 時間: 17-6-12 23:15
本帖最後由 szetob 於 17-6-12 23:17 編輯
謝謝大家的意見，我會試下自己先上家長課程，了解多點。
我也覺得情感教育很重要，一直覺得除了對父母外，仔仔對其他人也欠同理心，已經不停藉身邊事物來教導，但未見成效。童軍也是不錯的提議，謝謝
作者: 牛奶朱古力 時間: 17-6-24 00:52
szetob 發表於 17-6-11 19:09
仔仔剛滿7歲，讀小一，剛check到是資優，無連帶其他行為問題，現讀直資一條龍學校，成績不錯，社交也ok, 只 ...
留，我仔case一樣
作者: 964000 時間: 17-6-24 08:14
akys 發表於 17-6-12 23:10
冇人知邊種培育方法係最好，因為可變數太多。不過我贊成小學階段應該要『廣』，唔好咁快俾佢哋側埋一面。孩 ...
完全同意，這個階段，加廣和情意社交教育更重要，咁快側埋一邊不大好
作者: billylaw 時間: 17-9-17 00:57
szetob 發表於 17-6-11 19:09
仔仔剛滿7歲，讀小一，剛check到是資優，無連帶其他行為問題，現讀直資一條龍學校，成績不錯，社交也ok, 只 ...
請問你帶你小朋友邊度check?因我女老師建議我帶佢check下，謝謝
作者: szetob 時間: 17-9-30 23:32
回覆 billylaw 的帖子
中大
作者: Cocomada2 時間: 17-10-19 00:06
是否會包容多一點要視乎老師本身，老經驗果班好少會睇呢d，事實上，呢d幾千蚊既中大iq test又好，出邊私家iq test又好，好多band1,2既小學一班都至少十幾個，你話老師同校長會唔會覺得有咩分別吖？ 建議搵錢唔易既家庭就無謂晒呢d錢。
作者: samsam123321 時間: 17-10-21 22:16
本帖最後由 samsam123321 於 18-6-27 18:01 編輯
當del.....
作者: ABC_mama 時間: 17-11-21 13:41
elmobeebee 發表於 17-6-12 08:28
cp 有咩advice?
係老師建議仔仔做test 嗎?
我仔仔同你仔仔相似，今年小二，係老師建議佢做test。話如果佢 ...
作者: atirw 時間: 17-11-30 12:36
szetob 發表於 17-6-12 16:56
希望老師會對有特殊學習需要的小孩多一點點包容，而不是對其他孩子不包容。 ...
真慘資優都変特殊!我仔小ㄧ,就話要見社工。
作者: Daibuttercup 時間: 17-12-1 23:49 標題: 回覆樓主
請問各位優資小朋友的家長，您們小朋友於PN到Kindergarten 階段會與別不同嗎？是否已經有些蛛絲馬跡他們是優資？
作者: littlemonkey09 時間: 17-12-2 23:27
Daibuttercup 發表於 17-12-1 23:49
請問各位優資小朋友的家長，您們小朋友於PN到Kindergarten 階段會與別不同嗎？是否已經有些蛛絲馬跡他們是 ...
我隻仔好遲先識講野，人哋歲幾２歲就支支喳喳，我隻就三歲先開金囗叫人，成日掛住玩圓形的物体，屋企凡係有圓的物体，我隻仔拆出來玩，最鐘意的玩具係算盤和數字磁石貼，大字和圖片都唔去認，嚇得我以為個仔係自閉兒！屋企附近大大細細的幼稚園都reject, 所以山長水遠去九龍塘讀pn 和Ｋ。上Ｋ後，就對太空和恐龍有研究，可能果排新聞成日講大陸的航天科技，屋企就買咗好多呢ｄ書。Ｋ２識字多咗，講野又多咗，而且新聞又咗火山、地震呢ｄ字眼出現，我隻仔又係度十萬個為什麼問問，最愛的節目係學是學非，人哋小朋友的偶像係卡通人物，我隻仔竟然係學是學非入面出現的大學教授！數學冇乜點教佢，自己走得好快，尤其係Ｋ２去Ｋ３的暑假！只要係佢想知的野，阿仔的動力就爆發好勁，有ｄ唔係佢年紀要識的野，就不斷問問！現在２年級，已經好清晰地知道地震成因，咩係版塊運動、咩係斷層。學期初ＧＳ教咗ｄ人体基本器官，久遺咗好耐的人體大百科的書，阿仔又揾番出來睇，又發掘新的問題出來！有ｄ資優兒童自學力好強，只要大人身邊提點吓就好快上手。到目前為止，我冇打算要跳級，隨佢意願學額外的野。
作者: szetob 時間: 17-12-3 23:32
回覆 Daibuttercup 的帖子
仔仔 歲零識a至z, 2歲已識唔少英文和中文字，3歲識加減，不過幼稚園讀happy school, 學校無學術， 無乜培訓，語文就無乜太突出，但佢小學一年級開始看歷史書， 依家2年級睇史記，歷史和地理熟過我，學野好快。
作者: omg012 時間: 17-12-7 21:45
本帖最後由 omg012 於 17-12-16 07:24 編輯
我和很多資優家長都有這問題，應該如何培養資優小孩子呢？我想了這問題已兩年多，發現要達到不同的目的，有不同的方法。
1）要績優其實不難。因資優小朋友天資聰穎，記性又好，上課只要留心，減少考試不小心錯誤，成績要名列前矛，比其他非資優學生容易得多。
2）要跳級超前同年的小孩，快人一步。如果各科成績優異，加上心理上都可適應和年長同學相處，學校也支持，要成事也非不可能。
3）要升讀有名英中，如（1）。
4）要升讀四大，如（1）。
5）要在社會有成就。這個就很難說，因為資優生可能只是部分學科成績好，不一定全面都很好的發展，也不一定能通情達理，高智能同時要有高智慧，有專業操守，加上努力不懈才可以有好的成就。
6）要成為科學家。有（5）的優點之餘，更要有創意和發現問題的洞察力。
7）等等...
如何培養孩子的創意？我想就是要家長包容，不要常常説不，管小一點，容讓和鼓勵孩子有廣大的思想空間。還有在他專長領域上加上其他，例如文化藝術，體育運動，多接觸大自然等，這樣才可激勵孩子有新的思想。
作者: Tang23 時間: 17-12-13 22:02
小朋友仍在幼稚園，老師認為他比同學快得快很多覺得有可能是資優.
我們未覺得需要test, 但諗如果IB base 的幼稚園是否可以更加啓發到他？還是應該選深的幼稚園讓他學得快？
因為老師說他學了之後便沒有心機聽老師繼續repeat 教其他同學
可以給些意見嗎？
作者: 小曳人 時間: 17-12-19 11:18
回覆 Tang23 的帖子
當初選KG時，我地的確有同你差唔多諗法，係咪應該選教深嘅課程？
結果係，幾深都無用，香港又唔多學校俾跳班，而跳班亦唔適合心智發展慢嗰班資優！
(其實阿仔升K1時已經識做人家升小一嘅暑期習作... 除咗未係幾識寫字之外)
我仔個case可能有d 極端，以下係我嘅睇法
如果講上堂悶，應該IB/傳統都一樣悶，但可能IB多d花臣，唔駛坐咁定，但如果佢不停問問題的話，一樣死...
我覺得，有一樣野一定唔會錯，就係教佢認字，俾佢自己睇書(自學)，帶領佢見識唔同事物，再補書，保持學習興趣
上咩小學，自己都要响外面幫佢搵專長，我認識嘅國際學校家長一樣可以鬧爆學校！
只要你心中明白，學校唔係學知識嘅地方，只係學習同人相處嘅地方，咁可能會比較好過... 特別係當你發現原來都有少少知識學到！
作者: YanKanMom 時間: 17-12-19 14:21
本帖最後由 YanKanMom 於 17-12-19 14:22 編輯
小曳人 發表於 17-12-19 11:18
回覆 Tang23 的帖子
當初選KG時，我地的確有同你差唔多諗法，係咪應該選教深嘅課程？
"學校唔係學知識嘅地方，只係學習同人相處嘅地方，咁可能會比較好過... 特別係當你發現原來都有少少知識學到！"正是啊, 他們在學校唔係完全學唔到知識, 但一定不是主要來源地.
作者: bksummer 時間: 17-12-19 17:29
小曳人 發表於 17-12-19 11:18
回覆 Tang23 的帖子
當初選KG時，我地的確有同你差唔多諗法，係咪應該選教深嘅課程？
最後一句笑jor
作者: 小曳人 時間: 17-12-19 18:29
bksummer 發表於 17-12-19 17:29
最後一句笑jor
一個會好開心咁同我講：返學好開心，因為有野學！
一個好嬲咁同我講：我唔要返學，學校都無野學嘅！
真係無命！
作者: JCR 時間: 17-12-20 09:46
還是相同的想法，資優的會朝他有興趣的多方吸收知識,能做啥，説真的，只能在不同階段了解他目前有興趣的项目,有能力就把書本拿來再讀一下，舆他有共同話題，從中找到樂趣也增加親子間的感情,否則，他越走越遠，自己跟不上了，他也懒得理你了。另外，就是陪他去書店/圖書館找他喜歡的書，一起参舆。總之，儘量去了解他，陪他，有能力再参舆他的學習。
學校真的是讓他學習做人的地方，某些科目，學校的程度遠遠不及他們懂的，
我們剛見完老師，一致同意應該讓小孩多㸃失敗舆挫折，否則，一直表現的很聰明，高高在上，一旦稍有失敗，承受力不够的話，小孩的心裡壓力會很大的。偶爾的挫折是很需要的。我們小孩曾有科的考试拿了全班最差的而之前是全级排前的，我們只是笑著對他説-----"想不到你也會有今天，肯定都粗心大意了"---他自己知道問题在那，下次考試又重回應有的水平，而老師也是笑著對他説----"你這次很拼哦"。
可能兒子幸運，目前遇到的老師都知他的情况，知他學習强。老師説他觀察過，即使上課他都不抬頭，但他都在聴，也在做筆記，所以老師認爲他是認真聴課，不會要求他一定要抬頭。
而老師也會安排一些任務，目的就是，不光只有學習，参舆班上的事務，带领小團隊，對團隊有義務及付出,這些都是學做人。
適當的失敗是必要的，資優不是全能，不是天才，也不是一直高高在上，他始终要融入社會的，不敢、不肯面對失敗，绝不是好事，我們哪個没失敗過呢？
作者: scyauchris 時間: 17-12-26 21:08
回覆 小曳人 的帖子
我要學你同樣想法, 咁先會開心好多。
作者: Rlin88 時間: 18-1-6 15:50
話係資優都作用不大......
作者: scgift 時間: 18-1-6 19:05
小曳人 發表於 17-12-19 11:18
回覆 Tang23 的帖子
當初選KG時，我地的確有同你差唔多諗法，係咪應該選教深嘅課程？
你最後講既說話安慰了我。不過請問應該點樣面對老師既要求呢？
阿女讀緊保記幼稚園K2, 開學冇耐班主任已經投訴佢上堂唔專心周圍望，仲要出埋位幫手執課室啲野(事後問返阿女，班主任教既野係佢歲幾時已經識既，佢覺得好無聊)。又試過出outing,被老師投訴佢行路時唔專心有幾次差啲掛住望野而撞燈柱(佢超級好奇，出親街一段10分鐘既路程可以行下睇下玩下研究下行左30分鐘出來)。我唯有同阿女講要專重老師，就算覺得悶都應該望住老師…同老師去街冇媽咪喺身邊陪住就唔好周圍望…
最近喺偶然機會下遇上一位由美國來的心理學博士，佢觀察左阿女5~10分鐘後同我講阿女係資優，講左一大堆叫我好好培育阿女既說話，所以開始煩惱緊學校既問題…
其實之前老師話佢唔專心時，我都有宛轉解釋過阿女對啲已經識既野會覺得悶，但老師係不以為然。最近阿女開始會對老師多左提問"點解"(以前極內向怕羞，有問題唔會問老師問出口)。好似佢做功課寫個4字明明同題目個字體一樣(埋口尖頂4)，但老師圈住個尖頂喺隔離寫返學校教寫嗰個4字(頂部係開口)，阿女走去問老師點解話佢錯。最近學校忽然取消左借閱圖書，佢又問老師點解…我開始擔心遲早又被老師投訴佢問題太多/挑戰老師…始終學校係傳統教學，老師既思維都好傳統…
作者: 小曳人 時間: 18-1-8 09:20
回覆 scgift 的帖子
又唔駛太緊張，好多小朋友都會問點解，只係未必直接問老師
我個人主張：學校嘅事，學校解決
如果只係"專心"問題，已經好小事，多d同小朋友講，唔好騷擾到老師，就算明白哂都要坐好，定定地
當然，聽唔聽~要睇性格啦，有人會教孩子，就算識哂都可以聽多次，佢孩子做到！
有人會教孩子發白日夢，因為起碼唔會騷擾到老師
加油呀！
作者: scgift 時間: 18-1-8 10:29
小曳人 發表於 18-1-8 09:20
回覆 scgift 的帖子
又唔駛太緊張，好多小朋友都會問點解，只係未必直接問老師
最慘係老師覺得就算坐定但周圍望都唔可以……還好阿女一向都算乖巧坐得定，我同佢講過幾次後暫時少左被老師投訴。我除左叫佢眼睛要望住老師外，都有教佢自己喺個腦度諗野。不過擔心好難keep到畢業…
我擔心既係下學期開始後，課程會深啲(其他同學要多啲時間去學習/重温)，到時佢上堂會更唔耐煩。正如佢一開學已同我投訴老師成日要佢地讀青田圖書(同一本書讀好多次)，無限loop咁問點解要讀咁多次咁悶(佢讀1-2次就識背)…
作者: 小曳人 時間: 18-1-8 12:02
scgift 發表於 18-1-8 10:29
最慘係老師覺得就算坐定但周圍望都唔可以……還好阿女一向都算乖巧坐得定，我同佢講過幾次後暫時少左被老 ...
不過呢，建議你放鬆d，唔駛對老師講嘅咁在意，你同阿女都無錯！
我覺得，KG d老師更加唔識處理d叻人仔
作者: scgift 時間: 18-1-10 09:05
小曳人 發表於 18-1-8 12:02
你呢d情況，如果老師真係成日投訴，我覺得要同老師溝通但你未做評估，又好難講...
不過呢，建議你放鬆d，唔 ...
如果冇咩特別問題既話，我冇打算做評估的。其實我由頭到尾都覺得阿女冇錯，只係對於老師既睇法感到有點無奈。因為聽聞呢間學校老師喺成績表上寫既評語可以好狠，所以才有點擔心如果持續被老師投訴的話成績表上既評語會唔見得人…
作者: 小曳人 時間: 18-1-10 20:04
scgift 發表於 18-1-10 09:05
如果冇咩特別問題既話，我冇打算做評估的。其實我由頭到尾都覺得阿女冇錯，只係對於老師既睇法感到有點無 ...
作者: scgift 時間: 18-1-11 09:05
小曳人 發表於 18-1-10 20:04
孩子日子亦不好過好！
還好阿女好喜歡返學好鍾意學校，因為有得玩XDDD 希望可以安然無恙順順利利讀到畢業吧。
作者: 王家爸爸 時間: 18-1-12 08:50
scgift 發表於 18-1-8 10:29
最慘係老師覺得就算坐定但周圍望都唔可以……還好阿女一向都算乖巧坐得定，我同佢講過幾次後暫時少左被老 ...
同老師傾完之後，老師多咗問佢問題，但係佢完全識答，亦知道老師講緊嘜。反而越讀啲課程越深之後，佢覺得無咁悶，甚至開始有啲唔多識，就會專心好多。
作者: scgift 時間: 18-1-13 15:58
王家爸爸 發表於 18-1-12 08:50
其實可能小朋友完全明白老師講嘜，所以會周圍望。我兩個仔當年都係成日被老師話唔專心，坐唔定（你既坐得定 ...
唉…早2日又被班主任投訴佢最近上堂好唔專心，成日同隔離位同學傾偈。老師都有多左問佢問題，但有時佢答唔到(因老師唔係問問題睇你識唔識，而係問剛才老師/睇video中講過啲咩？唔專心當然講唔出)。不過老師好似開始了解佢係覺得悶所以唔專心，唔知講真定講笑咁叫我唔好再俾咁多野(意指知識)阿女…=_=" 阿女係好奇寶寶，咩都想睇想知多啲，我冇可能/都好難遷就學校個課程……
P.S.我女只係讀普通劵校，課程對佢來講真係好淺，睇怕好難遇到佢覺得難既學術要求…還好劵校每日花在學術上既時間唔多，希望佢往後既日子唔會太難過。
作者: LSKLTK 時間: 18-1-13 16:09
本帖最後由 LSKLTK 於 19-4-23 18:32 編輯
JCR 發表於 17-12-20 01:46
還是相同的想法，資優的會朝他有興趣的多方吸收知識,能做啥，説真的，只
作者: LSKLTK 時間: 18-1-13 16:13
本帖最後由 LSKLTK 於 19-4-23 18:36 編輯
小曳人 發表於 17-12-19 03:18
回覆 Tang23 的帖子
當初選KG時，我地的確有同你差唔多諗法，係咪應該選教深嘅課程？
非常認同你所講，都係我一直相信嘅嘢。
只不過自己比較著重操行，已經常提點佢坐定，小啲小動作⋯⋯但佢唔上心，唉！
作者: 王家爸爸 時間: 18-1-13 16:30
scgift 發表於 18-1-13 15:58
唉…早2日又被班主任投訴佢最近上堂好唔專心，成日同隔離位同學傾偈。老師都有多左問佢問題，但有時佢答唔 ...
作者: scgift 時間: 18-1-13 21:04
王家爸爸 發表於 18-1-13 16:30
如果唔係次次答到老師既問題，老師好難容忍佢唔專心。
如果係課程要求既學術/常識內容，佢當然全部答到。但對一啲佢認為係沉悶既廢話，完全唔留心去聽就真係講唔返出來了……唉……
作者: 小曳人 時間: 18-1-13 21:20
LSKLTK 發表於 18-1-13 16:13
非常認同你所講，都係我一直相信嘅嘢。
只不過自己比較著重操行，已經常提點佢坐定，小啲小動作⋯⋯但佢 ...
有無諗過呢個要求對腦部活躍、快、敏銳嘅佢地，係有少少難度？
作者: LSKLTK 時間: 18-1-13 22:02
小曳人 發表於 18-1-13 13:20
唔係佢唔上心
有無諗過呢個要求對腦部活躍、快、敏銳嘅佢地，係有少少難度？
本帖最後由 LSKLTK 於 18-1-28 02:13 編輯
多謝引導，我都明白，老師其實都算包容，只是每當聽到投訴，心中總是煩惱，總是搵唔到適合的方法去教導他，發覺佢大咗又多咗啲問題，但又唔想特別請求老師一啲嘢
作者: 964000 時間: 18-1-14 00:03
LSKLTK 發表於 18-1-13 22:02
多謝引導，我都明白，老師其實都算包容，只是每當聽到投訴，心中總是煩惱，總是搵唔到適合的方法去教導他 ...
其實每班總有幾個是唔留心上堂，但如果成績冇問題，老師都係哦下就算。咁你咪等佢終於有一次miss左聽老師説的緊要野撞一次板，自然會改善。
作者: 小曳人 時間: 18-1-14 08:00
回覆 LSKLTK 的帖子
多d了解資優特質，雖然話人人個性唔同，但總有d常見嘅
作為家長嘅我地如果都想"倒模"的話，就唔能夠讓外人包容佢地嘅"不同"
其實做佢地都唔容易：每日面對不停重複嘅老師，學得慢、轉數慢嘅同伴，無人明白/贊賞鬼主意，無共鳴，我仔試過努力學同伴嘅慢 (唔成功)，願望係自己唔係異類！一個唔能夠自我認同嘅孩子... 心痛！
我只要求佢唔騷擾他人，可能我較放任佢，但我選擇俾佢自由學習，而唔係壓抑佢學習興趣
有朋友case，過份抑壓下變成無學習動機無自信！
孩子仲細.... 加油呀!
(唔好意思，我有感而發)
作者: 964000 時間: 18-1-14 15:01
小曳人 發表於 18-1-14 08:00
回覆 LSKLTK 的帖子
多d了解資優特質，雖然話人人個性唔同，但總有d常見嘅
「學得慢、轉數慢嘅同伴」自從請過外傭，真的非常明白那種痛苦
作者: LSKLTK 時間: 18-1-15 00:35
本帖最後由 LSKLTK 於 19-4-23 18:36 編輯
小曳人 發表於 18-1-14 08:00
回覆 LSKLTK 的帖子
多d了解資優特質，雖然話人人個性唔同，但總有d
Deleted
作者: 小曳人 時間: 18-1-15 10:22
LSKLTK 發表於 18-1-15 00:35
非常感謝你嘅分享。父母當然了解佢，亦唔想倒模，如你所講，只係唔想佢影響人哋，被老師投訴。佢話過自己 ...
我相信，只要佢有興趣，數學都可以唔駛重覆練習！ (當然，少少點都要嘅)
其實經過校隊一年時間，好意外老師都認同呢個無攞過奧數大獎嘅人仔，响同級當中數學係最好嘅
至於你話外面嘅奧數學校搞嘅比賽，個人唔會太認真，一來老公唔鼓勵奧數，二來太多練習都幾悶！另外，就係你有乜目的！如果係想轉校的話，操一兩年，轉到就唔駛再操！
我相信唔可能個個小朋友都好似我仔咁，可以自學咁多野，但作為家長，我相信大家要走嘅路大同少異，搵興趣，帶佢探索，陪佢學習...
早兩日我咁感觸，其實發生咗件事，就係阿仔第一次入大學圖書館！我隨手攞起本數學書佢睇 (history of xxx) 佢即係迷咗入去，之後問佢明唔明，佢話明一半！
無乜好過俾佢有機會去大學借書睇！ (我就快可以"收工"喇！)
作者: 964000 時間: 18-1-15 14:52
小曳人 發表於 18-1-15 10:22
其實，我仔無上過奧數班！我買咗一堆二手奧數書俾佢，同埋一d數學課外書，佢自己消化，好少問我地
我相信， ...
你個仔在傳統學校（喇巴？）真係好辛苦我見優才/WKF那些可安排跳級學習，會不會比較適合他？
作者: 小曳人 時間: 18-1-15 16:03
964000 發表於 18-1-15 14:52
你個仔在傳統學校（喇巴？）真係好辛苦我見優才/WKF那些可安排跳級學習，會不會比較適合他？
...
GT離屋企較遠
WKF近，但對呢間學校信心唔太大，如果兩間倒轉地點就好喇！
作者: LSKLTK 時間: 18-1-15 19:57
本帖最後由 LSKLTK 於 19-4-23 18:34 編輯
小曳人 發表於 18-1-15 02:22
其實，我仔無上過奧數班！我買咗一堆二手奧數書俾佢，同埋一d數學課外書，佢自己消化，好少問我地
我相信， ...
作者: 王家爸爸 時間: 18-1-15 22:33
LSKLTK 發表於 18-1-15 19:57
我仔係一條龍學校，參加奧數比賽因為被學校揀咗；我哋從未接觸過，今年係第二年，接觸咗覺得不外如是，覺 ...
作者: 小曳人 時間: 18-1-16 06:37
LSKLTK 發表於 18-1-15 19:57
本帖最後由 LSKLTK 於 18-1-15 22:59 編輯
我仔係一條龍學校，參加奧數比賽因為被學校揀咗；我哋從未接 ...
作者: LSKLTK 時間: 18-1-16 10:55
本帖最後由 LSKLTK 於 18-1-16 02:59 編輯
DEleted
作者: LSKLTK 時間: 18-1-16 11:02
回覆 王家爸爸 的帖子
Thank you. 真係不值得投放太多時間
作者: JCR 時間: 18-1-17 12:02
奥數這東西，説真的，個人還真是不欣赏，它只不過將後面會學到的東西拿到前面來學來考,奥數要考好，當然要有㸃小聰明,但是更重要的是要不斷練習,减少出錯,但是,對小孩的思考能力究竟幇助有多大,我是懐疑的。可能本人數學差， 不知其中奥妙
作者: jumpjl 時間: 18-1-17 14:27
小曳人 發表於 18-1-15 10:22
其實，我仔無上過奧數班！我買咗一堆二手奧數書俾佢，同埋一d數學課外書，佢自己消化，好少問我地
我相信， ...
請問大學圖書館會畀公眾人士進入嗎？因有一本教科書只在中大圖書館有，公共圖書館沒有，想入去睇幾個charters
作者: 小曳人 時間: 18-1-17 15:59
本帖最後由 小曳人 於 18-1-17 16:00 編輯
jumpjl 發表於 18-1-17 14:27
請問大學圖書館會畀公眾人士進入嗎？因有一本教科書只在中大圖書館有，公共圖書館沒有，想入去睇幾個chart ...
每間學校嘅policy唔同，有d學校可以俾校外人申請，但多數只歡迎舊生
以前係有聯校圖書証，可以借其他U嘅書，但自從網絡發達，就無咗呢樣野
阿仔嘅情況係，佢讀緊該大學嘅課程，所以學校有library card俾佢
作者: ramuza 時間: 18-1-22 09:43
szetob 發表於 17-6-12 16:56
希望老師會對有特殊學習需要的小孩多一點點包容，而不是對其他孩子不包容。 ...
you can join cty summer program
| 歡迎光臨 教育王國 (/) |
Powered by Discuz! X1.5 |