教育王國

標題: 無知一問，直私學校同學仔係咪來自18區都有？ [打印本頁]

作者: pizzafat 時間: 17-6-7 19:10 標題: 無知一問，直私學校同學仔係咪來自18區都有？

因家住新界，為照顧長老唔可以搬出九龍，都想小朋友入直私，所以想知其實係咪間間直私都有唔同區既小朋友入讀？最遠同學仔住邊，想知大家大部份家長係咪為左讀間好學校都唔介意遠d返學

作者: Connie97 時間: 17-6-7 19:28

pizzafat 發表於 17-6-7 19:10
因家住新界，為照顧長老唔可以搬出九龍，都想小朋友入直私，所以想知其實係咪間間直私都有唔同區既小朋友入 ...

當然各區都有。但你自己要衡量返學路程時間。有沒有校車? 車程多久? 學費負擔?

作者: cmchang0927 時間: 17-6-7 19:32

我女以前跑馬地津小，最遠聽過一個同學住屯門。
仔讀灣仔私小，我自己識的最遠住將軍奥。

作者: manmonster 時間: 17-6-7 19:37

聽過一個囡囡已升海外大學的舊同事說，有真道同學住錦繡花園，唔知夠遠未?

作者: pizzafat 時間: 17-6-7 20:04

Connie97 發表於 17-6-7 19:28
當然各區都有。但你自己要衡量返學路程時間。有沒有校車? 車程多久? 學費負擔?
...

校車初步睇唔係間間有，但就有街車出去，學費付擔都可以應付，因始終呢代小朋友唔同我地細個，係屋企樓下返學果隻，所以想交流下

作者: 50686345 時間: 17-6-7 20:06

pizzafat 發表於 17-6-7 20:04
校車初步睇唔係間間有，但就有街車出去，學費付擔都可以應付，因始終呢代小朋友唔同我地細個，係屋企樓下 ...

其實你睇你樓下啲車係去咩學校咪知

作者: Charlotte_mom 時間: 17-6-7 20:21 標題: 回覆樓主

有時係雞同蛋問題，無校車家長會卻步，但唔夠人又開唔成校車。

以我仔小學為例，學校在港島東，九龍東都唔止一條校巴線。但九龍西就一條都無。舊年以我所知終於有家長組左條沙田西九保母車線。

當然搭得校車有額外成本，又要時間。有時保母車左兜右兜，頭站都幾早！

咁總有家長覺得值，有家長覺得唔值（both時間金錢）。真係睇家長選擇

作者: pw2011 時間: 17-6-7 20:30 標題: 回覆樓主

直私小學會有好多留校活動，好多係無第二輪校車，除非一個都不參加，否則要考慮自行接放學問題。

作者: alicesang 時間: 17-6-7 21:59 標題: 回覆樓主

陳守仁學生真係港九新界都有，成廿幾條校車綫，竟然住新界上車時間不一定比九龍早，行隧道，所以車費貴少少。放學活動後有第二輪校車，但得返幾條線大兜圈。

作者: littlefaith 時間: 17-6-7 22:11

manmonster 發表於 17-6-7 19:37
聽過一個囡囡已升海外大學的舊同事說，有真道同學住錦繡花園，唔知夠遠未? ...

我識有真道學生住馬鞍山、屯門，以為已經算好遠，估唔到你識嗰個仲遠。

作者: LeeCC 時間: 17-6-7 22:16

本帖最後由 LeeCC 於 17-6-7 22:17 編輯

朋友住青衣，兒子去港島東返漢華

另一朋友住將軍澳，兒子返英華

另一朋友住馬灣，返將軍澳優才

另一朋友住馬灣，返石門王錦輝

夠遠嗎？

作者: Alange 時間: 17-6-7 22:18

提示: 作者被禁止或刪除內容自動屏蔽

作者: manmonster 時間: 17-6-7 22:19

回覆 littlefaith 的帖子

我認識的那舊同事為了方便囡囡上學搬到學校附近的維景灣畔，佢順道提及她囡那班有同學住錦繡，他說不能接受，我才轉折聽到這個案。同事囡囡已畢業了兩年，屬舊料。

作者: jesswu 時間: 17-6-7 22:23 標題: 回覆樓主:

我住屯門，學校在九龍塘，每日坐巴士由出門至回到校預1小時15分鐘……但多數爸爸車就45分鐘左右

作者: cmchang0927 時間: 17-6-7 22:30

回覆 Alange 的帖子

以前阿仔學野那兒都有東涌去中西區女校，不過好彩是下午班

作者: HaYi 時間: 17-6-8 08:51

TSL 在奧運, 不少同學來自東涌同離島, 其實MTR 中環來, 比一D市區/新界更方便, 其實而家就算住在那, 大部份九龍學校都可以轉1hr MTR 之內, 分別是有冇校車直達, 尤其是課外活動. 反而港島有些半山的學校只是去到大點如北角, 要想下駁車接送問題

作者: littlefaith 時間: 17-6-8 09:25

HaYi 發表於 17-6-8 08:51
TSL 在奧運, 不少同學來自東涌同離島, 其實MTR 中環來, 比一D市區/新界更方便, 其實而家就算住在那, 大部 ...

對﹗

好似我，家住港島東，我兩個小朋友讀真道，以前有朋友問點解要過海返學咁遠，其實搭MTR得幾個站，半個鐘都唔使就返到學校。由我屋企到中西區，又要轉車，要成45分鐘，相對嚟講去將軍澳反而仲方便。

作者: leafun 時間: 17-6-8 10:35

我個女同學，東涌返九龍塘。校車唔入東涌，每日六點上地鐡，六點四青衣上校車返學。

作者: Binlojai 時間: 17-6-8 10:48

我以前讀九龍城私校, 同學北至上水, 南至杏花村都有...
直私學校好多非本區學生好正常...

作者: 無知人 時間: 17-6-8 10:48

應該真B1直資港九新界都有人去讀。
個仔活動有d隊友係神校生，元朗、沙田、大埔去到旺角、半山。又越過高山又越過谷，仲過過海。

歡迎光臨教育王國 (/)