教育王國

標題: 請教用家，希望知道真相 [打印本頁]

作者: ayi121 時間: 17-6-6 21:53 標題: 請教用家，希望知道真相

雖然小朋友距離升小一仲有段距離，而本身我自己心儀天主教女校。原本睇中kt校舍較大，但校長最近成日見報，其實事實係點呢？追過舊post意見都幾兩極化，老師係咪真係唔教小朋友求其比功課架？校長真係好似報導所講覺得自己高高在上？又真係叫廿分家長唔洗聽簡介會趕人走？
我女得廿分，原打算鋪路呢間架。想聽多啲真實情況

作者: 168168BB 時間: 17-6-7 07:45

回覆 ayi121 的帖子

我都好想知。

作者: 一個閒人 時間: 17-6-7 15:24

咁仲有九龍城聖家，可以試下。

作者: yiuki 時間: 17-6-9 07:23 標題: 回覆樓主:

功課：學校下午有功課時間，每日7至8樣左右，包改正，當日無課外活動，或去特別室，都可以做到大半功課。默書：差不多每星期都中，英默或 quiz。

作者: kkw208 時間: 17-6-9 23:29

ayi121 發表於 17-6-6 21:53
雖然小朋友距離升小一仲有段距離，而本身我自己心儀天主教女校。原本睇中kt校舍較大，但校長最近成日見報， ...

小女讀了一年，所遇的老師都很好，她們會用貼紙禮物等鼓勵同學做得更好！我認為一間對學術有要求的學校難免功課和默書會較多。讀得適應與否，真的很視乎家長看法和小朋友的性格和習慣。

作者: ayi121 時間: 17-6-10 06:31 標題: 回覆樓主:

謝謝大家，我諗我明白了

作者: QQfishma 時間: 17-6-12 22:15

提示: 作者被禁止或刪除內容自動屏蔽

作者: raymoney 時間: 17-6-14 18:37 標題: 回覆樓主

我唔信嘉諾撒d學校咁差,係咪叩門期間有人想black mouth 間學校就唔知啦!

作者: nancy_city 時間: 17-6-14 20:03 標題: 回覆：ayi121 的帖子

女兒二年班。
學校安排很好，每天也有做功課時段；課外活動亦是在時間表內，假期沒有用作補課（小六暑假會有，幫學生預備中一入學試），暫時未見有TSA操練。聽聞升上高小後會忙些，未知。
沒有教淺考深，暫時女兒遇到的老師都教得不錯，只是中文深少少，各科都沒有教快。

作者: tcp515 時間: 17-6-15 11:44

睇左呢條片，決定放棄http://hk.apple.nextmedia.com/realtime/news/20170614/56825542

作者: Tungbb56 時間: 17-6-15 13:10 標題: 回覆樓主

其實我女讀緊第六年，唔覺得有大問題，辛唔辛苦都係睇下家長有冇願意付出時間，去配合學校/課程嘅要求。
TSA對學校嚟講真係冇特別操練，因為學校課程已經足夠應付。

作者: sharon26788 時間: 17-6-15 16:07

tcp515 發表於 17-6-15 11:44
睇左呢條片，決定放棄http://hk.apple.nextmedia.com/realtime/news/20170614/56825542

毒果你都信？你去自由廣場䏲下真相

作者: sharon26788 時間: 17-6-15 16:11 標題: 回覆樓主

佢叫要監考嘅老師先上去，其他嘅自願留喺度。校長叫佢地最緊要照顧好我哋嘅小朋友，小朋友係我哋最大嘅財產. 呢度佢會處理！
呢段說話係在場的某位亞媽親耳聽到

如果係D訪問之類大家都會覺得好假，但果時果刻校長可以講呢番說話，令到我地晤少家長越來越欣賞佢

作者: sharon26788 時間: 17-6-15 16:12

raymoney 發表於 17-6-14 18:37
我唔信嘉諾撒d學校咁差,係咪叩門期間有人想black mouth 間學校就唔知啦!

好明顯

作者: raymoney 時間: 17-6-15 17:54 標題: 回覆樓主

TSA 有幾深呀? 班刁民家長比小朋友讀埋d happy school , 平時又唔操卷, 謊死做死個細路咁, 梗係覺得深啦, 真係攞呢講嘅☝(emoji)(emoji)(emoji)

作者: QQfishma 時間: 17-6-15 19:18

提示: 作者被禁止或刪除內容自動屏蔽

作者: QQfishma 時間: 17-6-15 19:19

提示: 作者被禁止或刪除內容自動屏蔽

作者: TeresaTCL 時間: 17-6-15 19:54

QQfishma 發表於 17-6-15 19:18
大把家長想同你講聲多謝 Thank you

作者: sharon26788 時間: 17-6-15 20:23 標題: 回覆樓主

原來係準備叩HF，咁真係代D準師妹多謝你，大家又多一個機會了

[attach]126070[/attach]

作者: tcp515 時間: 17-6-16 09:22

回覆 sharon26788 的帖子

作者: magiccandy 時間: 17-6-18 11:11

本帖最後由 magiccandy 於 17-6-18 11:12 編輯

功課較一般學校是多, 但要保持水準就一定要付出, 今年小女已6年級即將畢業, 我心裡是感謝學校和感謝老師的。小女自從5年級, 能自發學習和處理大部分功課, 我會間中跟進她的測驗考試, 她做功課算快, 每天利用功課堂能完成大部分, 回家努力做不多於兩小時。只是project 較煩, 要家長幫忙完成。老師多數嚴格但有愛心, 我女尤其很喜歡班主任。

校長是保守的, 對TSA她有己見但她是真心愛護學生, 維護學校利益。如果有人在你仔女學校前生火, 想必你也生氣和擔心, 校長反應只是激了一點。總括來說, 聖家都是一間不錯的學校, 我女在校的得著也很多, 我不會後悔讓她入讀, 只希望讓大家知道多點真實客觀情況。

作者: 春暉心 時間: 17-6-18 21:54

tcp515 發表於 17-6-15 11:44
睇左呢條片，決定放棄http://hk.apple.nextmedia.com/realtime/news/20170614/56825542

same

作者: mayyylai 時間: 17-6-20 11:59

回覆 sharon26788 的帖子

但係用咁嘅手段去抵毁學校，我覺得好有問題囉

作者: mayyylai 時間: 17-6-20 12:05

我好想問反對 TSA 嘅家長，究竟佢哋有冇真係親身體驗過，唔好為反而反，TSA 唔係洪水猛獸，想小朋友好就梗係要做多啲卷啦，又要馬兒好，又要馬兒不吃草，世間上邊有呢啲不勞而獲架，唔想小朋友讀得咁辛苦，咪走去讀所謂嘅 happy school lor，但到考中學，冇操開卷嘅又點同人競爭入 band 1，到時又嘈學校唔幫小朋友。真心希望大家唔好將政治帶入學校（不論中、小學）。

純粹個人意見，不喜勿插！

作者: sharon26788 時間: 17-6-20 13:45

mayyylai 發表於 17-6-20 12:05
我好想問反對 TSA 嘅家長，究竟佢哋有冇真係親身體驗過，唔好為反而反，TSA 唔係洪水猛獸，想小朋友好就梗 ...

校長係家長會講過，TSA已經俾D政客利用。可能佢地收咗錢梗係要做D嘢俾金主睇，如果唔係點會再泵水

作者: mayyylai 時間: 17-6-20 14:35

回覆 sharon26788 的帖子

但係唔好攪班學生啦，咁多年 TSA 都係咁做，而且家長唔鐘意咪搵過一間唔使考試嘅學校嚟讀囉，入得呢間學校就要遵守學校校規，國有國法、家有家規，識唔識，班家長咁做，有冇諗過小朋友呢，佢哋頭腦未成熟，以為咁樣可以唔使考試，將來出到社會，唔鐘意老細又係公司門口燒嘢反對囉。

作者: sharon26788 時間: 17-6-20 15:25

mayyylai 發表於 17-6-20 12:05
我好想問反對 TSA 嘅家長，究竟佢哋有冇真係親身體驗過，唔好為反而反，TSA 唔係洪水猛獸，想小朋友好就梗 ...

果兩條友係熱血公民D人，香討已經講哂啦。好似你係咪誤會我D意思

我無支持佢兩個喎

作者: mayyylai 時間: 17-6-20 15:48

回覆 sharon26788 的帖子

我當然知唔係妳，我有睇晒啲文架

作者: sharon26788 時間: 17-6-20 16:01

mayyylai 發表於 17-6-20 15:48
回覆 sharon26788 的帖子

我當然知唔係妳，我有睇晒啲文架

好彩啫

作者: magiccandy 時間: 17-6-20 20:39 標題: 回覆樓主:

而且想強調，當日來校門口生火的兩個人都不是聖家的家長，是刻意來挑釁的!

作者: mayyylai 時間: 17-6-20 20:45

回覆 magiccandy 的帖子

吓，唔係吖，好明顯係度搞事啫

作者: magiccandy 時間: 17-6-20 20:57

mayyylai 發表於 17-6-20 20:45
回覆 magiccandy 的帖子

吓，唔係吖，好明顯係度搞事啫

就是最近有朋友問我這件事, 我才知好多外人只看那段新聞片, 就覺得校長對家長過份, 但外人根本不知道他們跟學校全無關係, 旨在針對校長, call 埋蘋果, 做埸大戲, 所以我們聖家的家長看得很氣憤!

作者: mayyylai 時間: 17-6-21 10:24

回覆 magiccandy 的帖子

啲人有冇搞錯，冇嘢玩呀，又有啲咁嘅家長，shot 架，無端端去唔係你小朋友間學校搞事，我真想知佢哋點同小朋友解釋（定係根本佢哋冇小朋友呢）

作者: sharon26788 時間: 17-6-21 15:29

mayyylai 發表於 17-6-20 20:45
回覆 magiccandy 的帖子

吓，唔係吖，好明顯係度搞事啫

好多人，包括我D朋友丶認識嘅其他學校家長都以為果兩個人係本校家長

作者: mayyylai 時間: 17-6-21 17:40

回覆 sharon26788 的帖子

有人係度製造事端，有何具心

作者: QQfishma 時間: 17-6-21 23:15

提示: 作者被禁止或刪除內容自動屏蔽

作者: mayyylai 時間: 17-6-22 09:17

回覆 sharon26788 的帖子

有呢個諗法好正常，起初我個女同我講呢單新聞時，我都以為係，直至睇完呢度個 post 先知，因為正常人都唔會咁做，不過，我都係嗰句，唔好將政治帶入學校，學校係求知識，學做人嘅地方，真的希望班政棍唔好打學校注意（所有學校）。

作者: JoyfulChing 時間: 17-9-19 16:46

本帖最後由 JoyfulChing 於 17-9-19 16:53 編輯

校長支持TSA, 認為TSA的數據可以使到老師明白同學的強弱項, 從而作出教學上的改善, 是有良心和負責任的教育工作者表現. 這是校長在上次小六家長會的話.

在今天這個歪理連篇, 政棍毒媒當道, 市民不求甚解, 只看表像而不用腦筋思考的年代, 極之欣賞校長的堅持和專業意見.

聖家絕大部份的學生能力都在這評核基準之上. TSA對聖家及其他一線學校的學生來說本來就是可有可無, 而學校亦不會因為TSA而作出操練. 但買一年買一本練習, 當課堂功課做我印象中是有的. 聖家的試卷, 特別是中文和數學都要比這些練習艱深.

正如以上一些家長都提到, TSA不是甚麼洪水猛獸, 好多人不知其背景以及考試型式, 再加上傳媒的嘩眾取寵, 搜羅坊間一些練習中的一條半條畸形問題, 便斷章取義醜化TSA的本義.

小3 TSA只是一個學生基本能力的測試, 要強調只是"基本能力" ! 當年沒有小3 TSA, 教育局發現一些小6學生畢業時連小3的應有程度都沒有, 學生"HAPPY"了6年, 什麼也不懂便要升中了, 那些老師HEA了6年, 把球交給中學算了, 教育局為了撥亂反正和挽救這些學子的將來才去搞小3 TSA.

沒有小3 TSA, 對聖家的學生是沒有什麼影響, 邵校長本來可以輕輕鬆鬆的, 但就是她本著教育工作者的良心, 不單是為了聖家的學生, 更是為了全港的學生, 所以她才堅持保留小3 TSA, 出席大大小小的教育會議和電台節目, 希望釋除大家的疑慮.
為了迫使校長收聲, 那口口聲聲支持民主的毒媒, 夾埋一些激進份子, 對邵校長進行醜化和攻擊, 使聖家家長害怕, 這便是他們的目的, 這便是事情的真相 !

作者: ksli312 時間: 17-10-24 13:13

本帖最後由 ksli312 於 17-10-25 09:03 編輯

利申 : 大女早兩年於聖家九龍塘小學畢業，現讀中學。二女現正就讀聖家九龍塘小學。三女亦打算會於明年入讀聖家九龍塘小學。可以說本人是一個真真正正的長期用家。

三個女兒各自有不同性格，所以有不同學習態度以至不同結果及成績。但雖如此，多年以來，聖家九龍塘小學給我的印像是一間好學校，在41校網，名氣雖不及瑪小但教出來的學生成績亦相去不遠，但我估計瑪小是更加谷學生。但是，我兩個女是讀得開心的，相信三女亦將會如是。

我個人覺得香港的教育制度的製訂是源於整體大學學額分配，隨著時代進步，新一代畢業生踏出社會工作，要找一份比較好及有前途的工作，大學學位似乎已是一個最基本要求，我這裡只是說大多數，當然不排除有個別例子或小部份沒有任何學歷的年青人發光發熱以至發達致富，正所謂六合彩都常常有人中。雖然經多年來不斷發展至現今八大，但現時只能每年提供約二萬五千學位給约五萬DSE考生去競爭，能考入大學的學校學生，Band 1,2,3 學校高下立見。家長們爭相送子女入好學校之原因不言而喻，亦只不過是希望提高子女入大學之機會率，到最後能入大學與否，始終都要靠學生本身成績，事實神校亦年年會有人考第尾。但這個提高子女入大學之機會率的中學學位足以給家長們争崩頭。

要爭入高入大學之機會率的中學就必須有好成績，因為當全港小六學生都想入讀時，學位有限，這些中學自然會揀最好成績的學生，這個是必然定律。然而，政府始終要有一套制度去分配學位，但同時要照顧中學需要，不能全部大抽獎，試想將最好與最差學生放在一起，學校如何製訂教學課程及標準? 完全不同資質程度胡亂放在一齊，根本難以照顧所有學生，會做成教學混亂。這不是精英制或標韱學生，只是將同程度之學生放同一組別以易於教學，甚至學生本身心理上亦會有幫助，不覺得與其他人相差太遠而失去學習興趣。所以，政府必須有一個制度去分配中學學位。不要忘記，源頭是大學學額不足。所以，任何制度，包括BCA都不會滿足到所有持份者，必然會有聲音。這裡不反對任何人表達個人意見，但請想一想，第一，不要光說反對，你有更好的制度能滿足到所有持份者嗎? 第二，制度去分配中學學位是政府製訂的，為什麼你不去政府總部反對而要跑來聖家門口呢? 第三，為什麼你不去其他操練更厲害的小學而要跑來聖家門口呢? 第四，如果真是有信念去反對的話，為什麼不持續下去，繼續去其他學校反對呢? 這是攪社運還是因個人原因針對而攪事發洩呢?

其實沒有了BCA ，可能又會有ABC ，你又會不反對嗎? 為何不去神校10A中學去反DSE ，難道DSE不要操練嗎? 就算他朝大學學額有五萬而中學生只得二萬五，一樣需要有個制度去評估學生能力，用以選科入讀大學。有評估便有成績結果，有人想好成績結果便會有人操練，你能阻止其他人有上進心嗎?

小一入學與中一入學是截然不同的(一般政府津貼學校)，中一入學是可以因應中學本身所收到的學生報讀情况而有篩選的，當然是可以以成績揀學生。但小一入學的學生是沒有篩選的，就算有篩選都不是以學生實際考試成績而篩選。所以，無論能力或資質都是良莠不齊，這一點令小學教育更加困難。不單學業，六歲至十二歲之成長教育更是對小朋友非常關鍵，以至影响一生。面對這些困難，邵修女帶領著老師們一直以來用盡心力，仍然能令聖家九龍塘的學生在41區保持上好成績，更培育出品德上好的學生，成為本區數一數二之好學校。所以令家長們爭相申請入讀。邵修女及老師們真是功不可沒，在此籍機會感謝她們的無私奉獻教育下一代。

相信任何人亦不會容許其他人在你家門外緃火生事，那管是不是公眾地方，那管你有化寶盤。你駁斥是公眾地方是不能由人家管你生火，那你明知是公眾地方，那裡是容許你生火嗎? 燒烤場? 你有顧及公眾安全嗎? 有想過飛灰會燒傷其他人、或飛入眼嗎? 如果誤傷了女學童又怎樣呢? 所以，我覺得邵修女視聖家九龍塘為自己的家，愛保護學生免受傷害，邵修女的反應及行為是可以理解的，她有錯嗎? 有那位家長不渴自己子女就讀的學校能有愛護學生如己出的校長和老師嗎?

我與邵修女並不相熟，甚至這麼多年來並沒有交談過，但每次在家長會、年尾畢業禮 (因我大女兒是合奏隊表演成員，所以每年都能有機會出席) ，聽邵修女說話，聽得出她是個愛護學生、有教學目標理想、有修養、有邏輯、有道理、思想合理的人。我對邵修女是百份百支持的，請不要相信個別抺黑的片面報導。大家生活於七百多萬人的香港，正所謂一樣米飬百樣人，什麼人都有，正如某日你在街上突然受到一些並不相識的無聊人或精神有問題的人滋擾，你會有何反應? 除了保護自己及同行家小之外，只會嘆一聲無辜、不幸、行衰運之外，你還可以做什麼? 這些無妄之災你遇上了，是你的錯嗎?
所以同一道理，縱火事件是邵修女的錯嗎? 是聖家九龍塘小學的錯嗎?

在這裡再次感謝邵修女及老師們多年來的無私奉獻及對學生之愛護，一直黙黙耕耘，希望你們繼續努力，加油!

以上只是個人有感而發，純屬個人表達，並沒有抺黑或貶低任何人的意思，請勿對號入座。

作者: prettymothe 時間: 17-12-20 17:23

作者: prettymothe 時間: 18-1-9 17:23

真相-是這個討論區有許多擦鞋油

作者: littledesigner 時間: 18-3-12 18:37 標題: 回覆樓主:

講又死吾講又死

歡迎光臨教育王國 (/)