教育王國

標題: 唔係位於九龍塘就等於人人趨之若鶩的神校 [打印本頁]

作者: sze0203 時間: 17-6-6 10:10 標題: 唔係位於九龍塘就等於人人趨之若鶩的神校

https://www.facebook.com/hkparentsleague/posts/1390064617778508:0

以下內容純粹家長個人經歷分享, 如對該校有任何查詢, 建議可向該校直接了解, 或尋求值得信賴的家長協助。亦歡迎各位家長留言分享經歷。
===========================================

<<家長有SAY>>
BY: Man

早前睇新聞，見到聖家校長邵婉芬下下為政府及TSA 護航，睇到我火滾，不吐不快！

其實好多人以為聖家係名校。作為過來人，我可以講，根本就唔係！大家都神化左佢喇，唔係位於九龍塘就等於人人趨之若鶩的神校囉。

教學方法或模式
1. 學校的功課量好多，但老師唔多教。例如就咁睇一個專題報告，表面上是要3年級學生可以對運動有較深入的認識。可惜學校只派指引，要包括什麼內容等.....但家長就要做到份份有幾十頁紙，有圖和不可手寫只可打字落電腦。不過現實上，學校根本冇教過小朋友中文打字、冇教小朋友怎樣搵資料。老師只有派、同收功課兩個動作！專題報告係要有簡介及總結，就好似我們大人做project 一樣。但當中有幾多程度係小朋友有能力參與？由此，你可以想像這些表面功夫，有咩open day 或者介紹學校時，便可以拎出黎宣傳囉。唔知就以為學生有幾叻。不過，當中有幾多成係來自學校培育先可以有咁精美的project？

師生關係
2. 我慶幸自己個女未試過被奚落。不過聽唔少，其實學校是好睇重學術成績的。所以學生唔達標咪想辦法令你走，但奈何又係津校，唔可以直接勸退，所以咪只能用説話奚落，例如，「她咁樣都係讀唔掂，你有冇出去補習？你係咪應該轉校.？」....之類

TSA 操練情況
3. TSA 其實對於我來講，都係功課問題。如果將操練、功課負擔建築在TSA 的基礎上面，我就好反感。如果好似吳局長話，我前校長話，呢D只係基本能力的測試，如果係咁，即係話基本上學校教的野，係應該有足夠應付，根本無需要add on 在功課上的操練。

學習障礙支援
4. 我只知有學生有讀寫障礙，學校唔會幫，零support。成績唔好，咪勸喻離開囉。

功課量
5. 功課量: 每日8-10樣。幾耐完成？好depends，校長自己都做個調查，話8成學生可以6點前完成，其他唔能夠完成既係自己有問題。而呢份文卷調查係由小一生在課堂上填寫, 作為家長的我未曾收過任何問卷咨詢意見。聖家有功課堂的，不過好多時候用來教書或其他活動。

離校原因
6. 當我想離開或者有怨言時，身邊D媽媽曾經話：「你個女唔驚啦，她應付到，成績又好，但我其實仍然係好反感，縱然女成績係ok, 但唔代表我贊同這間學校的教學方向和老師的態度，以及他們對學生的奚落。雖然我囡這些年未受到這些待遇，但唔代表我可以繼續接受這間學校的教學模式。校長和老師當日亦同我講：「你女完全應付到學習上的野，成績好。」但都係果句，她這刻所謂handle 到，唔代表我覺這些就係好，所以我們最終決定走。

我其實唔反對傳統學校，但我希望學校老師都係教學生，而令小朋友學到野，並唔係將功課量以量取勝，將每樣野流於表面...

對聖家，我唔係最反對她對TSA 的態度，而係D老師根本唔教野，這個先係最大的concern。唔教，再加好多無謂的功課，我先最反感！

#嘉諾撒聖家小學九龍塘
#唔係位於九龍塘就等於人人趨之若鶩的神校
#家長有SAY
#香港革新教育家長同盟

作者: renewdanny 時間: 17-6-6 10:23

竹門對竹門, 木門對木門. 免強冇幸福.

作者: Klarababy 時間: 17-6-6 10:24

我朋友個女都係係聖家讀到怕，頂唔順..五年級轉左讀國際學校！

作者: DD仔 時間: 17-6-6 10:39

本帖最後由 DD仔於 17-6-6 15:29 編輯

不敢博Maryknoll而选它。。。自己拣，入了去，不要怨，起码当初没有被派去黄大仙。

其实有好些传统女校，都有这一类要求，就是家长要绝对配合谷成绩，跟得到的，继续上，跟不到的，被忽略，被提醒要去补习，严重些的会间接或直接劝退。游戏是残酷的，但回报是直属Band1中学。

选这些学校前，give and take, 应该已经要想清楚，不必要进去后再抱怨。

至于做超年龄project,现在差不多到处都是这样，美其名是亲子习作，孩子在过程中learn from the parents, 了解整个预备的过程，也是学习的一部份。

作者: sze0203 時間: 17-6-6 10:49

本帖最後由 sze0203 於 17-6-6 10:58 編輯

https://www.facebook.com/hkparen ... 171/?type=3&theater

《憤慨偏頗的傳媒，懷念嘉諾撒的仁愛》

來自嘉諾撒聖家(九龍塘)學校的校長邵苑芬修女繼3星期前出席商業電台「政經星期六」力撐BCA後，上星期六又再度在同一個節目上發表言論。

*偏頗的公衆大氣電波
一般的社會時事節目，除了是個人專訪，就具爭議性的話題都會邀請不同意見的嘉賓出席。三星期前的這個商台節目請來三位全部都是支持TSA的嘉賓，分別是邵修女、某校家教會主席和教育大學數學的陳偉康。今個星期，不只又請來了邵修女，更加請了TSA檢討委員會成員林日豐和近期甘冒被彈劾也要力挺TSA支持者言論自由的教育事務委員會主席蔣麗芸！然而今次似乎是「進步」了，為免遭人耳語，也請來了TSA關注組召集人何美儀女士。但整個節目都仍然是以支持TSA為主調，邵修女可一口氣個人show式暢所欲言幾分鐘，但何女士説不到幾十秒就被主持人打斷。在三對一，和早有預設立場的主持人所控制下，反對TSA的家長聲音只是被用作點綴。再配合緊隨的商台新聞報導只引述邵、蔣、林的觀點，「政經星期六」再次成功為政府政策護航。
究竟為何這個每星期只有一次的節目要在四星期內兩度討論TSA呢？那得要先看主持人是誰，就是陳淑薇(May姐)。她不只是商台新聞總監，更是太平紳士和擁有銅紫荊星章，與特區政府以至梁振英也關係良好，多次邀請他上其商台節目作獨家專訪。在梁振英已表明「取消都是7日1日後的事」後，May姐這個向來為政府高官解説政策的節目又豈能不作配合呢？

*偏聽會易得公聽會難求
蔣議員遲遲不肯召開TSA公聽會，但郤把立法會事務會議變成「偏聽會」是出於維護言論自由。如此行政立法合作無間實在令人側目，但也再次證明了程介明教授早前於信報之論：「不管是特首還是局長，政府看來是把BCA的推行看成是針對反對TSA的政治壓力」。這是個政治任務彷彿比當年推行國民教育的還要強硬。
邵修女在數日前白等，未能在立法會發言十分氣憤，但幾日後就能與幾位「TSA同路人」又再度於大氣電波上高談闊論支持TSA，甚至可以批評堅守議事規則的立法會議員和為自己的子女出心出力的家長。可是卑微的家長們每天苦苦哀求，也找不到公聽會三分鐘的發言機會。然而，TSA公聽會也終於來了，定於5月8日，但TSA聆聽和口試已經開考，是否很諷刺嗎？!而且公聽會不是安排在星期六而是星期一4點半，一個很配合邵修女和一衆校長放學後的時間。(期望當日能再一睹其風采，別怕了立法會之地啊！)但在職在家長恐怕難以出席；若是全職照顧家庭的也聽從邵修女所言，不得帶子女同來立法會這「是非之地」，那真正的言論自由又如何行使呢？

*濟世為懷的貴族修女
不想在此逐點反駁邵修女的言論，因為眼睛雪亮的公衆很容易就能直斥其非。最後我只想説説嘉諾撒仁愛女修會的歷史：瑪大肋納嘉諾撤本來是意大利貴族，但她為了幫助貧困者，毅然放棄了舒適的生活，創立了嘉諾撒仁愛女修會。而在她死後25年(1860年)，首批嘉諾撒修女也已來港，隨即開始為當時的香港贈醫施藥，扶老攜幼，傳掦天主教信仰。
時至今日，隨著香港的公共衛生福利發展完善，現在嘉諾撒最令人印象深刻的印像只是「名校」。能進入名校就讀就如進身貴族之列，是很多香港家長渴望的。但經營「名校」的神職人員今天仍是以初衷辦學嗎？怎麼你們看不到每個小孩也是不同的，硬要以一個標準考試去評核他們，甚至把教育的成敗也只繋於學術成績之上？當年的平民學校今天成了名校、神校的貴族，又是否仍能體察到別處還有其他學校以不同形式和理由去操練那些平民百姓的學生呢？

伸延閱讀：
https://www.facebook.com/hkparentsleague/posts/1343355899116047

作者: kk80400 時間: 17-6-6 10:50

其實我覺得九龍塘果d唔係間間係神校,

但佢個區份, 係九龍區升band %最好

所以小學入到九龍塘區,(由其係男仔)

升band中學都係好d

作者: supermom1 時間: 17-6-6 12:04

呢間既校長老師最喜歡叫小朋友轉校

作者: q-mama 時間: 17-6-6 12:21

supermom1 發表於 17-6-6 12:04
呢間既校長老師最喜歡叫小朋友轉校

絕對同意。老師超冇愛心。我朋友個女只係一年級測驗了一次，成績唔好就話她唔達標。最好轉校喎！

作者: supermom1 時間: 17-6-6 12:58

本帖最後由 supermom1 於 17-6-6 13:00 編輯

回覆 q-mama 的帖子

完全冇愛心，家長向校長提出意見又係會叫你轉校

作者: freshrose 時間: 17-6-6 13:04

supermom1 發表於 17-6-6 12:04
呢間既校長老師最喜歡叫小朋友轉校

你講真架? 當年校長都教過我, 我覺得佢好好, 估唔到校長而家變左質

作者: tobebee 時間: 17-6-6 13:06

q-mama 發表於 17-6-6 12:21
絕對同意。老師超冇愛心。我朋友個女只係一年級測驗了一次，成績唔好就話她唔達標。最好轉校喎！ ...

Sorry, 你指聖家？

作者: q-mama 時間: 17-6-6 13:19

tobebee 發表於 17-6-6 13:06
Sorry, 你指聖家？

係。

作者: sissysze 時間: 17-6-6 13:22 標題: 回覆樓主:

叩門時間出呢啲黑材料

作者: Soundervolt 時間: 17-6-6 13:31

sze0203 發表於 17-6-6 10:49
https://www.facebook.com/hkparen ... 171/?type=3&theater

《憤慨偏頗的傳媒，懷念嘉諾撒的仁愛》

其實宜家香港嘅傳媒何嘗唔係兩極化，大家都有既定立場。我都聽或睇過唔少電台電視節目一面倒請反TSA/BCA嘉賓討論問題，唔應該五十步笑半百步。

作者: francis_chan 時間: 17-6-6 13:57

Soundervolt 發表於 17-6-6 13:31
其實宜家香港嘅傳媒何嘗唔係兩極化，大家都有既定立場。我都聽或睇過唔少電台電視節目一面倒請反TSA/BCA嘉 ...

其實TSA呢個問題已經被政治化，小事化大！

作者: nobletree 時間: 17-6-6 14:05 標題: 回覆樓主:

我小朋友讀個間同聖家有同一問題，最後你女轉了那間？

作者: beagoodman 時間: 17-6-6 14:11 標題: 回覆樓主

乜都政治化，非友即敵的風氣遠比TSA遺禍深

作者: www 時間: 17-6-6 14:29

q-mama 發表於 17-6-6 12:21
絕對同意。老師超冇愛心。我朋友個女只係一年級測驗了一次，成績唔好就話她唔達標。最好轉校喎！ ...

咁離譜？！

作者: LeeCC 時間: 17-6-6 15:17

文中所講的project，我見識過朋友幫女兒做的一份，我只可以講無可能小學生自己做到

作者: cattz288 時間: 17-6-6 15:33

sissysze 發表於 17-6-6 13:22
叩門時間出呢啲黑材料

well said

作者: johnwooo 時間: 17-6-6 15:43

cattz288 發表於 17-6-6 15:33
well said

是否在此階段抺黑我唔知, 但肯定的說, 1,3, 5是事實

作者: cattz288 時間: 17-6-6 15:48

johnwooo 發表於 17-6-6 15:43
是否在此階段抺黑我唔知, 但肯定的說, 1,3, 5是事實

其實好多谷類學校都會多功課! 揀之前無研究過? 想升中好, 一係學校谷一係自己谷咋喎！

作者: supermom1 時間: 17-6-6 15:51

問題係冇愛心兼老師又唔多教

作者: johnwooo 時間: 17-6-6 15:55

cattz288 發表於 17-6-6 15:48
其實好多谷類學校都會多功課! 揀之前無研究過? 想升中好, 一係學校谷一係自己谷咋喎！
...

其實入得傳統學校, 多功課就預左, 因為亞女中意做功課, 佢唔覺得大問題
每星期默書, quiz我又OK 喎, 唔使考試臨急抱佛腳

但不派回考試卷, 我們又怎幫她們改善弱點? 不要說好多學校都係咁, 學校就要咁

作者: hkpapa852 時間: 17-6-6 15:59

johnwooo 發表於 17-6-6 15:43
是否在此階段抺黑我唔知, 但肯定的說, 1,3, 5是事實

諗住叩嘉諾撒會旗下既學校, 都要有心理準備日後要面對一定程度既功課量同學術要求吧!

至於學障支援..... 坦白講, 如果自己無需要, 走去話人唔夠同係雞蛋挑骨頭一樣咁無謂 (定係想做道德高人?)

TSA滲入恒常功課..... 現實係, 10 間學校應該至少有 7 間都將 TSA 模式既問題滲入恒常功課, 只係有D學校仲要額外操練, 又D唔需要, 咁如果無需額外操練又要攞嚟講, 其實似乎只係為反TSA而反

做人要實際一點, 想入一間有B1直屬中學既津校, 或入一間升讀B1中學比例高既小學, 6年既小學生涯點都要有一定既付出. 又要馬兒好又要馬兒不吃草, 不如去搵馬生直接攞張蘇文大學畢業証書返國內發展, 國家應該會認受呀!

作者: hkpapa852 時間: 17-6-6 16:02

johnwooo 發表於 17-6-6 15:55
其實入得傳統學校, 多功課就預左, 因為亞女中意做功課, 佢唔覺得大問題
每星期默書, quiz我又OK 喎, 唔使考 ...

唔派番考試卷既學校, 通常都會問家長會否返學校查卷

家長如果有恒常親身關注子女學業, 唔查卷都會知自己子女既強弱項 (就算唔知全部, 都會知大部份)

當然, 如果家長凡事諗住外判就攪掂, 咁就無辦法啦!

作者: supermom1 時間: 17-6-6 16:03

本帖最後由 supermom1 於 17-6-6 16:06 編輯

每個人選擇不同，個人鍾意有愛心, 老師又真正教書而令小朋友愛上學習既學校！

作者: zebrabb 時間: 17-6-6 16:06

hkpapa852 發表於 17-6-6 16:02
唔派番考試卷既學校, 通常都會問家長會否返學校查卷

家長如果有恒常親身關注子女學業, 唔查卷都會知自己子 ...

請問以你的經驗所得，其實什麼類型的小朋友，會適合嘉諾撒旗下的學校呢？而功課上學校老師沒有教，是不是現在也有很多學校會發生呢？謝謝

作者: johnwooo 時間: 17-6-6 16:10

hkpapa852 發表於 17-6-6 16:02
唔派番考試卷既學校, 通常都會問家長會否返學校查卷

家長如果有恒常親身關注子女學業, 唔查卷都會知自己子 ...

唔派番考試卷既學校, 通常都會問家長會否返學校查卷>> 呢間不只冇主動問, 連家長話要求在老師在監場下'睇下'份卷, 保証不會映相都不可

本人做事親力親為, 就係因為佢考試嘅表現同平時不同, 又唔係冇溫書, 究竟係邊度出問題, 老師只是在電話講佢邊條錯, 話佢有能力講得番俾家長聽, 唉, 佢唔係錯一條呀, 點記呀, 仲要係數學. 大人都無可能在堂上對完卷, 仲可以背埋問題 (唔可以抄低喎), 隔左5, 6個鐘, 回家再講俾家長知

作者: kuangld326 時間: 17-6-6 16:16

冇辦法！名校就係咁，我小朋友培小一樣超多功課，但又唔覺老師冇愛心

作者: zebrabb 時間: 17-6-6 16:17

johnwooo 發表於 17-6-6 16:10
唔派番考試卷既學校, 通常都會問家長會否返學校查卷>> 呢間不只冇主動問, 連家長話要求在老師在監場下'睇下 ...

那麼你有沒有跳船去第二所學校呢？

作者: secretrose 時間: 17-6-6 16:20

johnwooo 發表於 17-6-6 16:10
唔派番考試卷既學校, 通常都會問家長會否返學校查卷>> 呢間不只冇主動問, 連家長話要求在老師在監場下'睇下 ...

請問係九龍塘嗎？

作者: johnwooo 時間: 17-6-6 16:28

secretrose 發表於 17-6-6 16:20
請問係九龍塘嗎？

是
我不能話全校老師講野都咁直接, 但起碼今年有深切的體驗, 主任喎, 講野可以係咁

作者: 奥脫福 時間: 17-6-6 16:39

zebrabb 發表於 17-6-6 16:06

請問以你的經驗所得，其實什麼類型的小朋友，會適合嘉諾撒旗下的學校呢？而功課上學校老師沒有教，是不是 ...

呢個會的女校都幾惹火，每年總會有兩三個月充斥住呢類流言蜚語。

阿囡話會祖當年曾經黎過香港，我心諗，佢一定去漏左「鵝頸橋」！

ＰＳ：天神一樣無派卷，不過若囡囡表現有問題，你的電話好快會響。。。

作者: zebrabb 時間: 17-6-6 16:40

johnwooo 發表於 17-6-6 16:28
是
我不能話全校老師講野都咁直接, 但起碼今年有深切的體驗, 主任喎, 講野可以係咁
...

對著家長講還是也有對著小朋友講，如對著小朋友，真的會很傷自信心。

作者: johnwooo 時間: 17-6-6 16:43

奥脫福發表於 17-6-6 16:39
呢個會的女校都幾惹火，每年總會有兩三個月充斥住呢類流言蜚語。

阿囡話會祖當年曾經黎過香港， ...

天神是100%直上B1A名校喎, 同埋我諗極都唔明唔派卷嘅原因, test 又派喎

作者: johnwooo 時間: 17-6-6 16:49

zebrabb 發表於 17-6-6 16:40
對著家長講還是也有對著小朋友講，如對著小朋友，真的會很傷自信心。

不是勸退佢, 佢成績ok 架

只是主任同老師講左兩個好'銀耳'嘅字話我, 咁個老師又搬字過紙講番俾我知, 我要求個主任可以直接同我對話, 當然佢唔敢啦, 咪耍個老師同我繼續講

作者: zebrabb 時間: 17-6-6 16:56

johnwooo 發表於 17-6-6 16:49
不是勸退佢, 佢成績ok 架
只是主任同老師講左兩個好'銀耳'嘅字話我, 咁個老師又搬字過紙講番俾我知, ...

但你冇想過離開？

作者: q-mama 時間: 17-6-6 17:28

www 發表於 17-6-6 14:29
咁離譜？！

千真萬確。我利申我女兒不是今年小一，所以冇必要講大話。

作者: hkpapa852 時間: 17-6-6 17:32

本帖最後由 hkpapa852 於 17-6-6 17:32 編輯

有人辭官歸故里, 有人漏夜趕科場.

別人既糖果, 可能對你嚟講係毒藥, 反之亦然.

No single school can fit everyone's expectation.

作者: raymoney 時間: 17-6-6 17:50

johnwooo 發表於 17-6-6 16:43
天神是100%直上B1A名校喎, 同埋我諗極都唔明唔派卷嘅原因, test 又派喎

我囡囡讀油尖區的同系小學,都係咁谷㗎啦,其實讀唔掂可以走人,冇人迫妳留低,無謂唱人地間學校,仲有好多人讀緊佢㗎,我嗰間仲谷過聖家啦,食得鹹魚抵得喝,妳自己揀嘅,唔怪得人☝(emoji)

作者: YolandaTam 時間: 17-6-6 17:56

hkpapa852 發表於 17-6-6 16:02
唔派番考試卷既學校, 通常都會問家長會否返學校查卷

家長如果有恒常親身關注子女學業, 唔查卷都會知自己子 ...

小女當年小學無派卷亦不設家長查卷

作者: hkpapa852 時間: 17-6-6 17:58

YolandaTam 發表於 17-6-6 17:56
小女當年小學無派卷亦不設家長查卷

咁妳認為需唔需要投訴?

作者: YolandaTam 時間: 17-6-6 18:08

hkpapa852 發表於 17-6-6 17:58
咁妳認為需唔需要投訴?

我當年唔知咁樣係有問題，因為小女會講俾我聽自己大概邊部份表現最差，初小時有分紙註明各部得分，高小，佢自己識記低抄低。

作者: siusiuworld 時間: 17-6-6 18:29

不派考卷是因為如外評時，會查番過去3年學生的卷，以作檢視，所以學校會keep起

作者: sissysze 時間: 17-6-6 18:54

supermom1 發表於 17-6-6 16:03
每個人選擇不同，個人鍾意有愛心, 老師又真正教書而令小朋友愛上學習既學校！ ...

咁講真天主教啲女校都唔多會啱你

作者: b3410 時間: 17-6-6 19:00

johnwooo 發表於 17-6-6 16:10
唔派番考試卷既學校, 通常都會問家長會否返學校查卷>> 呢間不只冇主動問, 連家長話要求在老師在監場下'睇下 ...

小朋友幾年級？我D小朋友會記住自己點解錯，返來講返，之後寫出來。低年級唔識寫，我幫手寫，高年級自己寫。

作者: matsushima 時間: 17-6-6 19:07

supermom1 發表於 17-6-6 12:04
呢間既校長老師最喜歡叫小朋友轉校

有冇咁誇張呀

作者: ak1020 時間: 17-6-6 19:14

我小朋友普通津校都無派卷，校方有講原因，話近年因學校附近的補習社常用歷年試卷來操卷，情況越來越不健康，所以決定不再派卷以杜絕操卷文化......聽落又幾合理咁

作者: secretrose 時間: 17-6-6 19:28

siusiuworld 發表於 17-6-6 18:29
不派考卷是因為如外評時，會查番過去3年學生的卷，以作檢視，所以學校會keep起 ...

什麼是外評？

作者: raymoney 時間: 17-6-6 19:36 標題: 回覆樓主

我嗰間都冇派考試卷,但會有個summary話比家長聽小朋友錯什麼☝(emoji)

作者: gskw 時間: 17-6-6 21:35

KC聖家都冇卷派，但打比學校，要問邊科都得，老師會即日或第二天覆。講亦講得詳細。

作者: beagoodman 時間: 17-6-6 22:13 標題: 回覆樓主

一間學校實有人成績好、成績差，有人攞操行獎，有人操行差甚至記埋過，所以視乎意見是哪種人發出，同一學校同一班唔同人的感覺差別可以一天一地。唔讀味唔讀囉，故意唱衰，何必呀。

相信好多EK家長都唔會當聖家係名校喎，好多都要什麼神校呀丶名私小丶B1A呀，對所謂B1B呀、BAND 1C呀都嫌棄（PS: 中學根本無official banding, 全是坊間自行定義。）會唔會係有人從day 1已是錯配，然後落差越來越大？失落丶憤怒丶怨恨隨之而來。

作者: Soundervolt 時間: 17-6-6 22:27

sze0203 發表於 17-6-6 10:10
https://www.facebook.com/hkparentsleague/posts/1390064617778508:0

“你咁樣都係讀唔掂……係唔係應該轉校呢?" 呢一句已經有違津校唔可以明示或暗示令學生退學。學校應該冇咁蠢啩。

作者: cherrieshum 時間: 17-6-7 00:11

francis_chan 發表於 17-6-6 13:57
其實TSA呢個問題已經被政治化，小事化大！

認同！

作者: cherrieshum 時間: 17-6-7 00:12

beagoodman 發表於 17-6-6 14:11
乜都政治化，非友即敵的風氣遠比TSA遺禍深

認同！

作者: ICbaby 時間: 17-6-7 02:43 標題: 回覆樓主:

聖家出唒名多功課、冇人情味!

作者: MrBeast 時間: 17-6-7 05:46

q-mama 發表於 17-6-6 12:21
絕對同意。老師超冇愛心。我朋友個女只係一年級測驗了一次，成績唔好就話她唔達標。最好轉校喎！ ...

從身邊一用家都聽過類似情況，同埋覺得有些功課無聊

作者: MrBeast 時間: 17-6-7 05:51

其實以成績為主打的學校，有勸退和對學障少至0支援都不是新聞，但在乎校長和老師的取態和如何同家長溝通

作者: dv2bb 時間: 17-6-7 06:55

gskw 發表於 17-6-6 21:35
KC聖家都冇卷派，但打比學校，要問邊科都得，老師會即日或第二天覆。講亦講得詳細。 ...

其實KC 係咪好過kT呢

作者: gskw 時間: 17-6-7 07:42

本帖最後由 gskw 於 17-6-7 07:56 編輯

回覆 dv2bb 的帖子

我唔敢講係，但KC至少初小啲老師大部分都好同有heart 教，除咗一兩個出名比較惡嘅老師。校長也時常返學時或有學校活動主動和家長傾計，小朋友見到佢都冇得驚。
功課量好似好多，但其實包含改正（即改正當一份功課），抄寫有，但中英詞語每個4個。個人嚟講，可以接受。

我唔係幫KC講好說話，但以上係真有其事。當然我都覺得學校有啲安排可以好啲，例如試後活動...

每一間學校、每個老師也有優點和缺點，視乎我地家長同小朋友自己嘅感受。

作者: cdleep 時間: 17-6-7 07:58 標題: 回覆樓主

同意gskw所講，都係小女係KC讀左一年由我自己第一身觀察到和感受到。

作者: dv2bb 時間: 17-6-7 08:05

每間學校有優點也有缺點，但用家是小孩，是有感受的人，我會重視學校師生關係，校長老師有無愛心和體諒。

作者: supermom1 時間: 17-6-7 08:37

我覺得校長同老師既身教好重要，因為小朋友長時間響學校，校長同老師處事方式同態度對小朋友影響深遠！

作者: sze0203 時間: 17-6-9 16:04

本帖最後由 sze0203 於 17-6-9 16:21 編輯

我一直好唔明白, 點解家長可以莫視小朋友感受~總愛用"讀唔掂係錯配", "唱衰學校唔係咁好", "呢D 說話老師無可能會講", "食得鹹魚抵得喝", "學障支援預左無"的方向去比一堆理由莫視基本人權, 基本需要及基本學生應有的支援!!

我想知講出自己對學校的真實感覺會如何影響入面讀緊既學生?  這位係用家感受, 不是周圍辣火頭的數據佬, 未讀過都可以好似親歷其境咁指指點點!

每年政府支助津校的學習支援津貼唔係用唻做支援工作係應該點運用? 如果學校話我地唔需要支援唔拎津貼咪型囉~~這是學生們應得的權利!  拎TSA 舊錢就要做好評估預備就咁大聲!

依家用家走的原因唔係讀唔上! 咩叫唱? 唔係事實就叫唱! 唔講就繼續有更多家長因為唔認識學校運作而揀選呢間學校! 繼續錯配繼續讓孩童受傷害!  我認識的不止一個家長係咁講, 有D讀唔到一個學期就頂唔順!  果位仲要係本身係在職老師的家長, 自己做呢行都睇唔過眼呢間學校的老師態度~~

我相信唔係每一個呢間學校的老師都差, 但呢間學校的校長處處辣火頭, 已經有違宗教的教學理念, 未能做到以愛包容接納不同意見。我所認識的修女都係不慍不火, 以學生的身心靈發展為基礎教育!  為左護航令學校蒙羞的係佢唔係講出心聲的呢位家長!!  修女緊張學校排名緊張數據評估成績而唔係緊張學生! 唔該仲有良心的大家諗清楚事非黑白!

作者: nobletree 時間: 17-6-9 16:44

supermom1 發表於 17-6-6 16:03
每個人選擇不同，個人鍾意有愛心, 老師又真正教書而令小朋友愛上學習既學校！ ...

絕對同意

作者: cdleep 時間: 17-6-9 17:06

回覆 sze0203 的帖子

Well Said

作者: johnwooo 時間: 17-6-9 17:07

sze0203 發表於 17-6-9 16:04
我一直好唔明白, 點解家長可以莫視小朋友感受~總愛用"讀唔掂係錯配", "唱衰學校唔係咁好", "呢D 說話老師無 ...

本來我已選擇收聲, 無啦啦俾人話我食得鹹魚抵得喝, 但我已一早表明, 亞女中意做功課, 我亦對每星期有默書quiz 無問題, 我都唔知自己做錯乜

其次, 我十分認同'咩叫唱', 講事實就叫唱, 呢個係咩邏輯, 每人對事實都有唔同嘅演繹, 有D覺得冇所謂, 有D覺得好反感, 講左出黎, 大家自己判斷, 好似話多功課, 我覺得冇問題, 其他人會覺得對女女好大影響, 唔通講完事實你就諗住即走?

作者: cdleep 時間: 17-6-9 17:17

呢間咁野火既學校，連yahoo都有，可以click以下條link︰
https://hk.news.yahoo.com/%E4%B9 ... 0%A1-071626212.html

作者: Soundervolt 時間: 17-6-9 18:30

cdleep 發表於 17-6-9 17:17
呢間咁野火既學校，連yahoo都有，可以click以下條link︰
https://hk.news.yahoo.com/%E4%B9%9D%E9%BE%8D%E5 ...

本帖最後由 Soundervolt 於 17-6-9 18:32 編輯

如果身為名校又點使為TSA操練呢?

作者: Felix223 時間: 17-6-9 18:34

奇在奇在要操TSA

作者: ChocoMilk33 時間: 17-6-9 18:38

回覆 sze0203 的帖子

從其他家長口中得知有些聖家學生中途轉校走。我們想了解多點。請問樓主，這是中途轉校個案多不多? 以你所知，一年大概有多少宗? 另外，學生多數轉讀甚麼學校?

謝謝解答。

作者: www 時間: 17-6-9 18:48

本帖最後由 www 於 17-6-9 18:49 編輯

Soundervolt 發表於 17-6-9 18:30
本帖最後由 Soundervolt 於 17-6-9 18:32 編輯

如果身為名校又點使為TSA操練呢?

老實講，真係較少聽人講這間算「名校」。

當然每人的意見不同。

作者: dv2bb 時間: 17-6-9 20:18

校長咁出名，幫學校增加了不少知名度

作者: SingMom 時間: 17-6-9 20:58

sze0203 發表於 17-6-9 16:04
我一直好唔明白, 點解家長可以莫視小朋友感受~總愛用"讀唔掂係錯配", "唱衰學校唔係咁好", "呢D 說話老師無 ...

各人睇法不同，何謂事實？何謂公平？沒有對錯。我相信各家長都會為自己仔女作出最好的選擇，亦不需旁人指點。只不過是為何在叩門時刻才翻炒事件，不禁令人生疑。

作者: supermom1 時間: 17-6-9 21:13

本帖最後由 supermom1 於 17-6-9 21:16 編輯

講出事實嗰班家長已經讀緊小學，同叩門完全扯不上關係喎！點解又要陰謀論？

作者: Yanamami 時間: 17-6-9 21:24

本帖最後由 Yanamami 於 17-6-9 21:26 編輯

raymoney 發表於 17-6-6 17:50
我囡囡讀油尖區的同系小學,都係咁谷㗎啦,其實讀唔掂可以走人,冇人迫妳留低,無謂唱人地間學校,仲有好多人讀 ...

你果间Canossian劲过聖家好多吧~~值得為佢“食得咸鱼抵得渴”~天神都係，因為全算升St Mary's.
不过聖家都唔係今时今日先听到呢d“評价”，不嬲好多年都係禁~

作者: Yanamami 時間: 17-6-9 21:28

本帖最後由 Yanamami 於 17-6-9 21:29 編輯

SingMom 發表於 17-6-9 20:58
各人睇法不同，何謂事實？何謂公平？沒有對錯。我相信各家長都會為自己仔女作出最好的選擇，亦不需旁人指點 ...

楼主个女已經讀紧，就算有细跟尾都自动入啦，唔会同叩唔叩门有乜关係吧~我就唔觉有乜“可疑”咯~

作者: Soundervolt 時間: 17-6-9 21:51

奥脫福發表於 17-6-6 16:39
呢個會的女校都幾惹火，每年總會有兩三個月充斥住呢類流言蜚語。

阿囡話會祖當年曾經黎過香港， ...

咁究竟你會覺得如果成績唔好而收到老師電話，會係老師出於關心，係老師想俾壓力家長，甚至有其他目的？

作者: SingMom 時間: 17-6-9 22:07

Yanamami 發表於 17-6-9 21:28
楼主个女已經讀紧，就算有细跟尾都自动入啦，唔会同叩唔叩门有乜关係吧~我就唔觉有乜“可疑”咯~ ...

樓主話 "我一直好唔明白, 點解家長可以莫視小朋友感受~". 我心想"你點知人地莫視小朋友感受, 有D小朋友係要比人push至會有進步"

樓主話 "...用"讀唔掂係錯配", "唱衰學校唔係咁好", "呢D 說話老師無可能會講", "食得鹹魚抵得喝", "學障支援預左無"的.... 基本需要及基本學生應有的支援!!".
我心想呢個自由社會, 唔啱Key咪走人攞轉學校, 使乜係到唱? 你好明顯係唱衰間學校, 仲唔認.

好大機會係向學校要求某D野, 得唔到手就反面. 話比學校知唔可以得罪我. 我可以去FB, BK甚至蘋果暴料唱衰學校. 目的唔係利己係損人. 又搬人權又搬TSA..知你攪開社運啦!! 下次示威一定搵你.

作者: Soundervolt 時間: 17-6-9 22:08

Yanamami 發表於 17-6-9 21:28
楼主个女已經讀紧，就算有细跟尾都自动入啦，唔会同叩唔叩门有乜关係吧~我就唔觉有乜“可疑”咯~ ...

本帖最後由 Soundervolt 於 17-6-9 22:13 編輯

仲有兩個可能性就係：
1/ 故事主人翁未必係真正用家。
2/ 故事內容是否百份百真確，例如話自己個女讀得掂都走。

作者: siden 時間: 17-6-9 22:18 標題: 回覆樓主

盲嘅都睇得出楼主係度唱學校。

呢間學校好壞就唔comment。認真的，不是諷刺：楼主，既然你覺得呢間學校千瘡百孔，如此不堪，你點解唔申請插班走人？把女兒放在一間你如此不滿的學校，你自己也不好受。

作者: 奥脫福 時間: 17-6-9 22:31

Soundervolt 發表於 17-6-9 21:51

咁究竟你會覺得如果成績唔好而收到老師電話，會係老師出於關心，係老師想俾壓力家長，甚至有其他目的？

我相信老師都是出於關心，在問題未至於失控時，與家長共同找出
徵結所在，以求及早解決問題。當然，此舉是否係老師想俾壓力家
長，似乎也是觀點與角度之故，實屬見仁見智。

作者: Yanamami 時間: 17-6-9 22:42

本帖最後由 Yanamami 於 17-6-9 22:43 編輯

Soundervolt 發表於 17-6-9 22:08
本帖最後由 Soundervolt 於 17-6-9 22:13 編輯

仲有兩個可能性就係：

我地d唔那更人係度搭訕~

不过聖家功課多默書多唔係假野，我係St Cat等湊女放学(N年前)周不時听到家長講~

作者: Soundervolt 時間: 17-6-9 22:54

奥脫福發表於 17-6-9 22:31
我相信老師都是出於關心，在問題未至於失控時，與家長共同找出
徵結所在，以求及早解決問題。當然，此舉 ...

我跟你想法一樣，但係唔同既人有唔同既想法同感受，我有朋友每次收到老師電話都話好大壓力，成日疑神疑鬼學校想勸退。

作者: Soundervolt 時間: 17-6-9 23:12

Yanamami 發表於 17-6-9 22:42
我地d唔那更人係度搭訕~不过聖家功課多默書多唔係假野，我係St Cat等湊女放学(N年前)周不時听到家 ...

本帖最後由 Soundervolt 於 17-6-9 23:13 編輯

衣車多功課喺41校網已經唔係秘密，借題發揮有幾難？如果自己個女又讀得掂，而因為睇唔過眼其他同學既遭遇，校長又力撐TSA，所以憤而轉校離去……如果係事實，故事主人翁真偉大。

作者: beagoodman 時間: 17-6-9 23:14

Yanamami 發表於 17-6-9 22:42
我地d唔那更人係度搭訕~不过聖家功課多默書多唔係假野，我係St Cat等湊女放学(N年前)周不時听到家 ...

我都之前經常係羅福道湊個女喎，St Cat嗰門口同聖家門口差好遠喎，你知唔知聖家正門喺邊㗎？？係聽都話聽到澳洲國際學校d家長多d啦。我就見到張晉丶蔡少芬湊女多過聽到乜野是非嘞。

作者: siden 時間: 17-6-9 23:20

本帖最後由 siden 於 17-6-9 23:21 編輯

Soundervolt 發表於 17-6-9 23:12
本帖最後由 Soundervolt 於 17-6-9 23:13 編輯

衣車多功課喺41校網已經唔係秘密，借題發揮有幾難？如果 ...

Deleted

作者: beagoodman 時間: 17-6-9 23:23

Yanamami 發表於 17-6-9 21:24
你果间Canossian劲过聖家好多吧~~值得為佢“食得咸鱼抵得渴”~天神都係，因為全算升St Mary's.
不过聖家都 ...

宣揚乜野？
如果認為有d做法有問題，名校、勁嘅就可以做？非名校就唔可以，要受公審？果然有"名"就有"利", 有強權就可以無公理。此等概念比在此帖受批評的學校唔見得好，不過在現今社會可能最掂就係你。

作者: Yanamami 時間: 17-6-9 23:24

本帖最後由 Yanamami 於 17-6-9 23:32 編輯

beagoodman 發表於 17-6-9 23:14
我都之前經常係羅福道湊個女喎，St Cat嗰門口同聖家門口差好遠喎，你知唔知聖家正門喺邊㗎？？係聽都話聽 ...

对住窩打老道嘛，上獅隧天橋位，係咪？唔－定要係正门先听到啩~有家長聚埋既地方就有野听啦~

作者: Soundervolt 時間: 17-6-9 23:24

siden 發表於 17-6-9 23:20
Deleted

樓主應該係愉快學習WKF用家，不過衹係轉載FB帖文，分享其他人既不幸遭遇啫。

作者: siden 時間: 17-6-9 23:27

本帖最後由 siden 於 17-6-9 23:27 編輯

Soundervolt 發表於 17-6-9 23:24
樓主應該係愉快學習WKF用家，不過衹係轉載FB帖文，分享其他人既不幸遭遇啫。
...

楼主係WKF用家。

哦，唔怪之得。

作者: Yanamami 時間: 17-6-9 23:29

Soundervolt 發表於 17-6-9 23:12
本帖最後由 Soundervolt 於 17-6-9 23:13 編輯

衣車多功課喺41校網已經唔係秘密，借題發揮有幾難？如果 ...

所以係EK开帖講学校不是係不智既，通常只有維護同唱好

唱衰的話只有－个結果~唔洗講到提点其他可能心儀既家長以免中招，聰明既家長都識周圍收风瞭解间学校既~

作者: beagoodman 時間: 17-6-9 23:34

Yanamami 發表於 17-6-9 23:24
对住窩打老道嘛，上獅隧天橋位，係咪？唔－定要係正门先听到啩~有家長聚埋既地方就有野听啦~ ...

咁就可以攞到堅料兼在網上發放，欽佩！
EK 是個好平台，但有d留言的可信性......自己諗下。

話時話，你有無試過去錯門囗等個女？

作者: Yanamami 時間: 17-6-9 23:39

beagoodman 發表於 17-6-9 23:34
咁就可以攞到堅料兼在網上發放，欽佩！
EK 是個好平台，但有d留言的可信性......自己諗下。

其实正如楼上講，衣車多功課係41網都唔係乜秘密(可信性甚高)，我亦只係講过佢多功課啫(亦唔止係我－个話衣車多功課吖~)，其实無乜“坚料”發放过~

作者: Soundervolt 時間: 17-6-10 10:07

本帖最後由 Soundervolt 於 17-6-10 10:22 編輯

Yanamami 發表於 17-6-9 23:29
所以係EK开帖講学校不是係不智既，通常只有維護同唱好唱衰的話只有－个結果~唔洗講到提点其他可能心 ...

妳比我浦EK耐多倍，應該見盡各式各樣內容持平，有上文下理比较中肯既帖，亦有膠po無限fun既帖。其實呢個帖所謂"黑材料"用尼抹黑任何学校，放諸四海學校皆通，就算呢個帖既故事主人翁係真正用家，因大家遭遇感受唔同，所以人言人殊，单方面说話又幾有代表性？朋友问我阿仔学校係唔係坊间講到咁恐怖，我當然有分享阿仔係学校既經歷，但我提醒佢阿仔既情况唔可以反映大多数学生既实际情况，我建议佢参加学校每年兩次開放俾公衆既Fun Day，係排隊玩遊戲時盡量嗢多尐家長交談下，當中可能对学校有正或负面評價，呢尐面对面既資訊比網上來歷不明所谓”内幕”既文章更有参考價值。

作者: beagoodman 時間: 17-6-10 10:53

Soundervolt 發表於 17-6-10 10:07
妳比我浦EK耐多倍，應該見盡各式各樣內容持平，有上文下理比较中肯既帖，亦有膠po無限fun既帖。其實呢個帖 ...

咪係，以前電視節目有一集<功課奴隸>其中一個小朋係喇沙添。

一間學校總有人叻到攞學業獎，有人不幸考尾甚至留級，兩個家長各自發表意見，會唔會一樣？

St Mary 固然勁，但有一個學生到18歲都仍然是中二，她的故事都會較個別和不同吧。

作者: Soundervolt 時間: 17-6-10 11:31

本帖最後由 Soundervolt 於 17-6-10 11:36 編輯

beagoodman 發表於 17-6-10 10:53
咪係，以前電視節目有一集其中一個小朋係喇沙添。

一間學校總有人叻到攞學業獎，有人不幸考尾甚至留級， ...

真係多得“功課奴隸”節目中嗰位胖胖同學將自己個失敗例子喺傳媒面前發揚光大，彷彿成為學校嘅代表，令學校“臥地中槍”。學校應該頒番個最佳学生代表獎俾佢。

如果18歲仲讀緊中二，咁究竟St. Mary係仁慈大愛，抑或麻木不仁害咗佢呢?

作者: Yanamami 時間: 17-6-10 11:41

Soundervolt 發表於 17-6-10 10:07
妳比我浦EK耐多倍，應該見盡各式各樣內容持平，有上文下理比较中肯既帖，亦有膠po無限fun既帖。其實呢個帖 ...

见盡了……所以其他－概不評，只評人所共知既“功課多”｡

作者: Yanamami 時間: 17-6-10 11:43

本帖最後由 Yanamami 於 17-6-10 11:45 編輯

Soundervolt 發表於 17-6-10 11:31
真係多得“功課奴隸”節目中嗰位胖胖同學將自己個失敗例子喺傳媒面前發揚光大，彷彿成為學校嘅代表，令學 ...

所以嘛……其实上个电视節目比係EK上發表，更能發揮“傳達訊息”既效能~

楼主或者真係禁抱不平既話，可以考慮下~

歡迎光臨教育王國 (/)