教育王國

標題: 專注力不足及過度活躍症 [打印本頁]

作者: tincat 時間: 17-6-5 11:08 標題: 專注力不足及過度活躍症

朋友仔仔9歲專注力不足及過度活躍症問題
、因自己無經驗所以想幫下朋友問下有冇辨法幫下小朋友、因為班主任已經同家長倾咗、如果今次考試再晤得就留班、因佢平時上堂完全無心機、經常欠交功課、上堂不停玩及不停引其他同學仔玩、完全好似冇上過堂、中、英、數老師不停罸……
其實小朋友有睇開行為科覆診、有食緊藥控制、但好似对小朋友無效……
有冇JM有經驗分享thx

作者: adrio 時間: 17-6-5 11:55

提示: 作者被禁止或刪除內容自動屏蔽

作者: lololala 時間: 17-6-5 17:14

本帖最後由 lololala 於 17-6-5 17:20 編輯

其實都有友人同我傾過佢小朋友嘅問題，不過我唔係專家，唔敢亂講答。

佢小朋友大你小朋友小小的，食咗兩年藥，呢兩年間佢主診醫生有轉過藥有加個藥分量，但小朋友都係不停被老師投訴，無好轉過，友人都好頭痛，開始覺得自己小朋友究竟係咪真係ADHD？因為如果根本唔係ADHD而係性格問題使然，咁就算點轉藥點加藥份量上去都只會係徒然。
友人想不如停藥了，反正有副作用之餘又幫唔到改善行為表現。佢正爭扎中......

作者: tincat 時間: 17-6-6 02:52

adrio 發表於 17-6-5 11:55
回覆 tincat 的帖子

好多YMCA或感统訓練，幫忙

等我同個朋友講下先thx

作者: bestwish 時間: 17-6-6 09:30

食左藥冇效, 醫生點講 ? 係咪仲試緊藥?

作者: tutik 時間: 17-6-6 10:04

tincat 發表於 17-6-5 11:08
朋友仔仔9歲專注力不足及過度活躍症問題
、因自己無經驗所以想幫下朋友問下有冇辨法幫下小朋友、因為班主任 ...

唔知小朋友食緊什麼藥，是否針ADHD 或份量。有冇同時行為治療，另佢本身有學好既動機。
家長平日是否跟贴教導被免欠交？有冇預習课業另小朋友上課較易掌握。
更重要的是調整負面的情緒。在校常被罰，有否正視自己行為問題。
明白樓主只是幫朋友問下意見，但實際情況只有家長貼身觀察，始終每個小朋友也不同，對正下藥才能慢慢一一糾正。

作者: worldcat 時間: 17-6-6 12:59

只係朋友經驗，非本人經驗。

朋友兩個仔都係adhd，大仔初小時，朋友都俾學校被傾計好多次。到小三定小四由一間普通小學轉左去其他人口中寶校，由寶校老師提出搵一樣佢大仔有興趣嘅活動。最後多返嘗試，搵左樣又簡單又平嘅，就係跑步。初期真係唔再理學業問題(寶校老師提議嘅)，日日放學做好功課晚飯後，就去運動場跑。過左約半年之後，專注力情況改善左好多，同時咁上下時間停埋藥。另一方面，學業方面都有好大進步，學校除左上堂亦有補課班，成績比唔上b1，但起碼無再座唔定騷擾其他人。升上中學都係中游成績。

但同一方法，對細仔無用，到宜家小五都係食藥幫手，成績好一般般，暫時用父母時間慢慢教。

歡迎光臨教育王國 (/)