教育王國

標題: 私補vs補習社 [打印本頁]

作者: mlau216 時間: 17-6-5 09:41 標題: 私補vs補習社

孖女今年上小一，我地兩公婆都返工，冇時間跟功課同考試，我想搵人上門私補但老公反對，佢話小朋友喺屋企會冇咁專心，因為係自己主場！有冇過來人分享吓私補同補習社分別？p.s.我對女係細B，專注力麻麻

作者: shanshankakamum 時間: 17-6-5 17:39

其實我都有試過俾小朋友去補習社，但講真如果小朋友本身專注力弱去邊都難專注。而且補習社通常都一班人，老師要一齊睇咁多個未必下下可以督住你果個。試過有補習社為左幫小朋友完成功課就直接俾答案佢，真係為左完事而完事

作者: shanshankakamum 時間: 17-6-5 17:44

你屋企有冇老人家睇住?小朋友係易遊雲定成日出位果隻?又或者小朋友有冇分開做功課同玩玩具既地方?呢樣一定要train好d,如果唔係開壞左果頭就慘

作者: mlau216 時間: 17-6-5 18:05

shanshankakamum 發表於 17-6-5 17:39
其實我都有試過俾小朋友去補習社，但講真如果小朋友本身專注力弱去邊都難專注。而且補習社通常都一班人，老 ...

Thanks for sharing!

作者: retriever 時間: 17-6-5 18:08

mlau216 發表於 17-6-5 09:41
孖女今年上小一，我地兩公婆都返工，冇時間跟功課同考試，我想搵人上門私補但老公反對，佢話小朋友喺屋企會 ...

本帖最後由 retriever 於 17-6-5 18:11 編輯

屋企係唔專心架。

最好唔補啦。

小一俾佢錯下。你鍾意咪返屋企幫佢對下囉。

我唔幫細路對功課架，佢話做哂就信佢簽手冊。開始當然有甩漏，但慢慢有改善。起碼考試時同平時功課表現唔會有太大意外。哈哈。

小一唔俾機會佢錯，只會愈來愈少機會。

作者: mlau216 時間: 17-6-5 18:11

shanshankakamum 發表於 17-6-5 17:44
你屋企有冇老人家睇住?小朋友係易遊雲定成日出位果隻?又或者小朋友有冇分開做功課同玩玩具既地方?呢樣一定 ...

屋企平時有婆婆同工人姐姐睇住，做功課同玩都係廳，因為房細，只可放床，佢地唔係會走來走去，但成日講嘢（但對住外人會好靜），同會遊雲，或者寫兩隻字就嗌攰

作者: mlau216 時間: 17-6-5 18:18

retriever 發表於 17-6-5 18:08
本帖最後由 retriever 於 17-6-5 18:11 編輯

屋企係唔專心架。

其實我都好buy你比佢錯個concept,從錯誤中學習係effective好多！不過我女細，上到小一都未夠6歲，加上本身唔係特別叻，佢地冇乜自信又成日比老師話佢講野唔正，仲有BB音，我真係擔心佢上小學太多錯折會對學習失去興趣⋯⋯

作者: Gary_family 時間: 17-6-5 18:40

提示: 作者被禁止或刪除內容自動屏蔽

作者: 1998Ruby1998 時間: 17-6-5 19:48

我就覺得睇人啦，有 d 小朋友補習社就好有效率，有 d 就掛住傾計／lur 答案。我做過補習社義工，知道班小魔怪可以搞到翻天覆地。

我其中一個學生係 ADHD，佢係補習社嘅情況，唔洗講你都想像到。跟過一兩個上門老師都唔係好搞得掂佢（因為佢唔食藥），之後因為我對呢個光譜有少少認識，先至令到佢肯坐低 1 個鐘做曬 d 我畀嘅練習。不過都有其他學生係乖乖地做係到但係個心就唔知飛左去邊。所以真係好睇人，就算請上門都好講緣分。我數學搵過私補，個導師係師姐，但係唔識教，最終去左補習社，數學就即刻有返起色。

作者: mlau216 時間: 17-6-5 20:05

1998Ruby1998 發表於 17-6-5 19:48
我就覺得睇人啦，有 d 小朋友補習社就好有效率，有 d 就掛住傾計／lur 答案。我做過補習社義工，知道班小魔 ...

有時真係唔試過唔知自己小朋友適合邊類型嘅學習方法,又要睇夾唔夾個老師

作者: retriever 時間: 17-6-5 21:55

Gary_family 發表於 17-6-5 18:40
從錯誤中學習，理論上係好事！但我覺得配合成熟自律又穩定嘅小朋友多啲！
如佢哋個腦（思想）係真係未發展 ...

迫佢自負責任點會變宅男？

迫佢分數，其他野幫佢安排妥當先變宅男啦。

我反而覺得俾佢錯並不需要佢自律有高水平，反而係父母接受俾佢錯到幾衰，同學校有幾容忍家長咁玩法。

但話說回頭，愈高年班，各周邊單位容忍佢錯既量度愈低。

作者: retriever 時間: 17-6-5 22:04

mlau216 發表於 17-6-5 18:18
其實我都好buy你比佢錯個concept,從錯誤中學習係effective好多！不過我女細，上到小一都未夠6歲，加上本身 ...

本帖最後由 retriever 於 17-6-5 22:07 編輯

俾佢錯唔係為左更EFFECTIVE，係因為最終佢自己都要自己負責。愈近放手愈依賴，雙方都上癮戒唔甩。

當然培養自己負責唔應昇小先做既事。

你怕佢無自信，可以仍然幫佢對功課。不過送補習社跟功課有咩後果？

將心比己，補習老師重點係完成功課，唔係你女明唔明，你地會在有限時間內完成任務。

其實你驚D 物？小一功課唔識做？

作者: mlau216 時間: 17-6-5 22:18

retriever 發表於 17-6-5 22:04
本帖最後由 retriever 於 17-6-5 22:07 編輯

俾佢錯唔係為左更EFFECTIVE，係因為最終佢自己都要自己負 ...

我放工返到屋企已經差七點幾，有時八點，驚冇時間同呀女做功課同溫書，佢地而家幼稚園每日三樣功課都做個幾鐘（兩個專注力好差），所以做定research有啲咩option可以幫到佢地，減低大家嘅壓力

作者: retriever 時間: 17-6-5 22:27

mlau216 發表於 17-6-5 22:18
我放工返到屋企已經差七點幾，有時八點，驚冇時間同呀女做功課同溫書，佢地而家幼稚園每日三樣功課都做個 ...

本帖最後由 retriever 於 17-6-5 22:28 編輯

你叫人帶佢去圖書館自修室做功課，做完可以去睇書。

對專注差既人，屋企係最差既做功課地方。一陣碌下梳化，俟下床，開下雪櫃。。。

你開始唔試，好難返轉頭試。

真係唔得再縮亦未遲。

但搵補班社跟，應係最後選擇。

小一程度與分數都放唔低，小三四更難。

作者: qesjcccc 時間: 17-6-6 00:18

其實你有冇了解過佢地做功課點解咁慢?專注力差真係本身原因定其他野先?例如兩個小朋友玩得好din?屋企太多玩具/電視等引誘?婆婆冇叫佢地做完功課先至玩?定係唔識做所以做得慢?

作者: brother4 時間: 17-6-6 00:42 標題: 回覆樓主:

補習社分溫習/操卷/專科，估要溫習補習社，另看學校程度，考試深/淺，功課等，最後小朋友能力。。私補收費比補習社貴，如hea 上堂更勞氣，但小朋友跟不上要私補因打好底，再上容易D

作者: mlau216 時間: 17-6-6 01:04

qesjcccc 發表於 17-6-6 00:18
其實你有冇了解過佢地做功課點解咁慢?專注力差真係本身原因定其他野先?例如兩個小朋友玩得好din?屋企太多玩 ...

寫兩隻字又玩吓手指，跟住又講吓無謂野，一陣又話要vee vee、口渴。。。乜都齊，所以做好耐

作者: mlau216 時間: 17-6-6 01:16

retriever 發表於 17-6-5 22:27
本帖最後由 retriever 於 17-6-5 22:28 編輯

你叫人帶佢去圖書館自修室做功課，做完可以去睇書。

其實我並非求高分，只是跟得住個程度，合格、明白書本內容就0k，我咁擔心係因為我女好鐘意睇課外（唔識睇，全部我講）例如天氣現象、太空世界、人體結構、科學發明、恐龍史。。全部都好有心機睇完再睇，但對住學校嘅野完全冇興趣，數學都還好，不過成日專登寫個錯嘅答案來激我，我發火佢先肯冩番個正確答案然後偷笑！中英文完全唔掂，K3連Apple都串唔到，自己英文名都唔識串，我有時懷疑係自己唔識教

作者: retriever 時間: 17-6-6 07:27

mlau216 發表於 17-6-6 01:16
其實我並非求高分，只是跟得住個程度，合格、明白書本內容就0k，我咁擔心係因為我女好鐘意睇課外（唔識睇 ...

咁似我細路 (整蠱人方面，睇課外)？

唔專心，就搵個專心到既地方，一定唔係屋企啦。

你要求同我差唔多，就係要跟到課程，功課錯下漏下無壞，學校容忍你咁試就得。

我同家中有智慧人士講，最緊要明，態度岩，慢D 唔緊要，因為慢慢下就會快返。

我開口鬧基本上都係態度唔好，從未因分數唔夠。細路亦知過程比結果重要，有時專心做得順利，我問佢自省點解做到，佢話：見到野(如：擦膠)好想玩，會提醒自己唔好玩。。。。

細路自己知道什麼時候，什麼野重要，同自己知道點控制自己係相當重要。

作者: retriever 時間: 17-6-6 07:38

mlau216 發表於 17-6-6 01:04
寫兩隻字又玩吓手指，跟住又講吓無謂野，一陣又話要vee vee、口渴。。。乜都齊，所以做好耐
...

一於去圖書館自修室做功課，做完去隔離睇天聞地理。

咁多要求，可能平時招呼太好。

去個地方，其他野無咁方便試試。

你暑假搵D 野佢去自修室做，做完俾佢去隔離睇書，試下點？

作者: IloveJJ 時間: 17-6-6 07:39

提示: 作者被禁止或刪除內容自動屏蔽

作者: mlau216 時間: 17-6-6 07:40

retriever 發表於 17-6-6 07:38
一於去圖書館自修室做功課，做完去隔離睇天聞地理。

咁多要求，可能平時招呼太好。

好，就試一試你個方法！thank you!

作者: IloveJJ 時間: 17-6-6 07:42

提示: 作者被禁止或刪除內容自動屏蔽

作者: retriever 時間: 17-6-6 08:03

IloveJJ 發表於 17-6-6 07:42
嘩，你仔咁乖，見到「擦膠」，同自己講唔好玩。
我仔考試都仲識咁諗，平時就好難啦！
...

第一，係經多次鬧出來

第二，革命尚未成功，同志仍需努力。

佢只係有時會較順利，重點係我要佢自己FIND OUT (自省，唔係我話俾佢知) 點解做到，再遇困難，做返同樣既。

日常生活不是一樣嗎？唔開心，諗下之前幾時做咩嘢開心D，咪做返同樣囉。

所以，好多媽媽唔想/唔捨得鬧仔，實際係仔真係要鬧，主要係為左“招魂”

作者: IloveJJ 時間: 17-6-6 08:45

提示: 作者被禁止或刪除內容自動屏蔽

作者: 晨曦sunhei 時間: 17-6-18 13:45

提示: 作者被禁止或刪除內容自動屏蔽

作者: ar_mak 時間: 17-6-18 17:16

提示: 作者被禁止或刪除內容自動屏蔽

作者: mlau216 時間: 17-6-18 18:32

ar_mak 發表於 17-6-18 17:16
孖女,可以試下咁.

分開佢地兩個,同時每人分配紅綠豆各一杯(份量既野...自己研究),撈埋佢,然後要佢地紅豆綠 ...

Sounds interesting! I will give it a try, thank you so much!

作者: mlau216 時間: 17-7-15 00:47

ar_mak 發表於 17-6-18 17:16
孖女,可以試下咁.

分開佢地兩個,同時每人分配紅綠豆各一杯(份量既野...自己研究),撈埋佢,然後要佢地紅豆綠 ...

試左你個方法喇，結果倒到成地都係，用左黎玩，一粒都分唔到：（

作者: shadeslayer 時間: 17-7-15 14:46

mlau216 發表於 17-6-6 01:16
其實我並非求高分，只是跟得住個程度，合格、明白書本內容就0k，我咁擔心係因為我女好鐘意睇課外（唔識睇 ...

本帖最後由 shadeslayer 於 17-7-15 14:50 編輯

小女K3時近乎完全唔識串字，上到小學又學得好好。

五歲小朋友唔專心唔係正常咩？佢地 attention span 可能得五分鐘十分鐘。

合適的年齡做合適的事就是最好。

作者: MrBeast 時間: 17-7-16 06:54

本帖最後由 MrBeast 於 17-7-16 06:56 編輯

小朋友遊魂，大多原因是冇興趣、難、覺得自己做唔到，given that，去小組班成效不會大，C補1:1tailor made 較好，尤其是low self esteem的，之後就set up 個環境避免分心：一張枱、面壁、一支筆就夠。

當然大前提要搵到合適老師，這都是個challenge，若有multiple problems，未必能完全假手於人。

作者: MrBeast 時間: 17-7-16 07:29

ps 如shadeslayer mentioed，小朋友只有5-10分鐘的attention span，每天10-15mins 學習／練習會比一星期一小時有效得多

作者: shanshankakamum 時間: 17-7-16 13:02

attention span可以係參考，重緊要係搵到岩小朋友既學習方法/興趣。例如小朋友learning style係視聽型，咁你俾佢睇下益智卡通或教育電視之類，佢地都可以好專。

歡迎光臨教育王國 (/)