教育王國
標題: 小兒就讀小一,想跟其他學校小朋友交換考試卷做. [打印本頁]
作者: candycsy 時間: 17-6-2 20:26 標題: 小兒就讀小一,想跟其他學校小朋友交換考試卷做.
本帖最後由 candycsy 於 17-6-3 23:49 編輯
Deleted!
作者: shadeslayer 時間: 17-6-2 23:02
candycsy 發表於 17-6-2 20:26 
小兒就讀小一,想跟其他學校小朋友交換考試卷做. 請問是否知道facebook有類似渠道嗎? ...
唔同小學課程未必一樣, 亂咁做就是藥石亂投。小一己咁緊張, 幾時到中學畢業?
作者: 1998Ruby1998 時間: 17-6-2 23:33
唔太建議咁做，我自己同幾個小一學生溫書，間間學校都唔同範圍、題型，有 d 甚至係差一個年級，完全做唔到對方份卷，我編練習都要重新黎。最好都係做返自己學校考試測驗卷。除非你睇過成份卷，非常肯定出題目範圍同出法同你仔仔間學校極度相似，否則做呢 d 卷冇用。
只有公開考試做校外卷先有效。
作者: ar_mak 時間: 17-6-3 00:56
提示: 作者被禁止或刪除 內容自動屏蔽
作者: candycsy 時間: 17-6-3 08:20
ar_mak 發表於 17-6-3 00:56
我唔反對交換完然後家長自己做,去大約了解下其他學校既水平.
但真係唔好叫d細路做喇,好慘架. ...
謝謝大家回覆，其實我本身都有自己出卷比小朋友練習，只是想參考下其他學校試卷再擬定試卷比小朋友做，當然唔會全部比小朋友做啦，明白每間學校之間有差別！
作者: IloveJJ 時間: 17-6-3 10:38
提示: 作者被禁止或刪除 內容自動屏蔽
作者: DengCK 時間: 17-6-3 12:37
IloveJJ 發表於 17-6-3 10:38
其實自己出卷俾小朋友，在我既睇法來說，都已經好盡，仲要攞其他學校既俾佢做。無可否認，小朋友會因為咁 ...
真係太over....小一而已。
作者: babywoman 時間: 17-6-3 12:54
回覆 IloveJJ 的帖子
係。最搞笑嘅係有個SFA嘅媽咪叫我俾仔嘅卷佢小朋友做，嘩，駛唔駛呀，我仔間只係地區 一線而已，唔知乜心態
同校嘅我都唔會問，更何況其他學校
作者: shadeslayer 時間: 17-6-3 14:22
candycsy 發表於 17-6-3 08:20
謝謝大家回覆，其實我本身都有自己出卷比小朋友練習，只是想參考下其他學校試卷再擬定試卷比小朋友做，當 ...
既然知道間間學校程度唔同, 有乜好參考? 參考完對孩子成績有益咩?
作者: candycsy 時間: 17-6-3 14:25
shadeslayer 發表於 17-6-3 14:22
既然知道間間學校程度唔同, 有乜好參考? 參考完對孩子成績有益咩?
每個人都有選擇權，人地做，你可以唔做，也希望你尊重人地決定，希望大家冷靜討論！
作者: shadeslayer 時間: 17-6-3 14:30
candycsy 發表於 17-6-3 14:25
每個人都有選擇權，人地做，你可以唔做，也希望你尊重人地決定，希望大家冷靜討論！
...
我的是很冷靜, 很認真的問題。
作者: 山海兒女 時間: 17-6-3 15:53
其實，大家見你小一已經咁緊張，只係想以過來人身份提提你，冇惡意的。
其實，其他小學的卷真的唔需要，除非打算去插班。
自己小學的就有D用，不過有冇成效，就要睇人。我女有晒哥哥的past paper，唔見得有用，就算出返一無一樣，都可以錯。之前做啱，考試會錯，原來之前靠估，撞中。
你出卷比去陪，敎佢點自己溫書已經好足夠。小一至小三，比機會佢自己試吓。或者佢自己得，以後唔洗你理呢！
作者: candycsy 時間: 17-6-3 16:10
山海兒女 發表於 17-6-3 15:53
其實，大家見你小一已經咁緊張，只係想以過來人身份提提你，冇惡意的。
其實，其他小學的卷真的唔需要，除 ...
謝謝意見！
作者: IloveJJ 時間: 17-6-3 16:17
提示: 作者被禁止或刪除 內容自動屏蔽
作者: wan_sosin 時間: 17-6-3 16:21 標題: 回覆樓主:
我試過有家長問我攞試卷睇，話只想了解下不同學校的深淺程度，我將一次考試卷比佢，但後來發覺佢唔只參考，還會比佢小朋友做，我之後無再比佢，其實唔想累佢個小朋友，尤其初小，小朋友要學懂如何學習，操卷並無必要。
作者: shadeslayer 時間: 17-6-3 16:41
IloveJJ 發表於 17-6-3 16:17
咁我都有八卦下，睇下人哋既卷，睇咗，只係了解下「係咪真係唔同類型學校既程度有好大分別呢？」，知道之 ...
知道自己學校大概程度便可, TSA成績, 派位成績更可作參考, 唔使逐張試卷睇。 更唔使好似樓主由小一睇起。
作者: candycsy 時間: 17-6-3 17:03
shadeslayer 發表於 17-6-3 16:41
知道自己學校大概程度便可, TSA成績, 派位成績更可作參考, 唔使逐張試卷睇。 更唔使好似樓主由小一睇起。
...
麻煩可以分享下你點同小朋友預備考試嗎？好讓大家參考一下！
作者: LeeCC 時間: 17-6-3 17:48
IloveJJ 發表於 17-6-3 16:17
咁我都有八卦下，睇下人哋既卷，睇咗，只係了解下「係咪真係唔同類型學校既程度有好大分別呢？」，知道之 ...
作者: shadeslayer 時間: 17-6-3 17:56
candycsy 發表於 17-6-3 17:03
麻煩可以分享下你點同小朋友預備考試嗎？好讓大家參考一下！
本帖最後由 shadeslayer 於 17-6-3 18:01 編輯
Strictly revising what was taught and expected to know in class, eg test papers ,work sheets, notes, etc.
Referring to exam papers of other schools is just terrible use of time.
作者: jelly-pudding 時間: 17-6-3 23:27 標題: 回覆樓主:
其實都可以的，不過要搵返用相同課本的學校的卷做。
其實就算唔交換做，坊間都有好多模擬考試卷可以買黎做啦，我都有買俾我仔考試前做，另外會自己出啲俾佢做
圖片附件: 1496503586905.JPEG (17-6-3 23:27, 96.51 KB) / 下載次數 99
/forum.php?mod=attachment&aid=MTIxNjgzfDlhZTNiZTA0fDE3NjkwMjg4NzZ8MA%3D%3D
作者: Forgetmenot999 時間: 17-6-3 23:33
candycsy 發表於 17-6-2 20:26
小兒就讀小一,想跟其他學校小朋友交換考試卷做. 請問是否知道facebook有類似渠道嗎? ...
如果係寶校出㗎試券，你還會想交換嗎？好奇一問
作者: ar_mak 時間: 17-6-4 00:54
提示: 作者被禁止或刪除 內容自動屏蔽
作者: Snafkin 時間: 17-6-4 08:48
回覆 candycsy 的帖子
其實好多人口總say no，但就唔明點解會成行成市都操卷班，冇demand點會有supply先，當然我覺得操係冇用，不建議，但得閒當練習做又何妨，做人地學校卷，唔一定為左考好學校架試，而係比小朋友學多不同範疇架野啫，咁就叫緊張，咁就叫過份左，大家有冇諗到，學校考架範圍不同，但最後同樣都要一齊考DSE，唔通到時又分學校卷吖！您地教左ABC，份卷就只考ABC，絶對唔考D？
去親書局，大把人選購練習，唔通練習也會專為某間學校而出，您話買黎您會搵合適架比小朋友做，咁問心為咩會有咁架動作，咪係求分囉！因為要針對佢要考的才要佢地識，咁反而健康? 當然小朋友學習，沒對與不對，只要媽媽覺得啱，小朋友能力handle倒，唔好谷唔好過份操練，咁咪各為其主，互相尊重大家架諗法囉！純個人意見，不喜勿插！謝謝～
作者: shadeslayer 時間: 17-6-4 09:04
Snafkin 發表於 17-6-4 08:48
回覆 candycsy 的帖子
其實好多人口總say no，但就唔明點解會成行成市都操卷班，冇demand點會有supply先， ...
一個社會, 平庸、蓋起雙眼跟大隊、無乜主見、人地做佢唔做好怕洩底的人, 總比較多。
作者: retriever 時間: 17-6-4 09:37
IloveJJ 發表於 17-6-3 10:38
其實自己出卷俾小朋友，在我既睇法來說，都已經好盡，仲要攞其他學校既俾佢做。無可否認，小朋友會因為咁 ...
我都有出卷俾細路做，又自覺唔係好盡喎。
主要係考試前要計時試下佢，唔好慢吞吞，食雲吞。
作者: Snafkin 時間: 17-6-4 10:38
回覆 shadeslayer 的帖子
蓋起雙眼跟大隊、無乜主見、人地做佢唔做好怕洩底的人，就係平庸，咁⋯⋯求分數、只針對學校考範黎學習，又係咩呢？大家都咁反對換卷，有人有主見，知小朋友應求學而唔係求分數，咁又係咩呢？有人意識到學習有如起樓咁，地基打唔穩，點穩健地向上建呢！可要知道小朋友從小要養好學習習慣，養好後再放手靠他們高飛，咁又錯？
其實我真心覺得，學習冇分對錯，只要方法係媽媽合意，小朋友合適，咁咪您有您諗法，您有您提岀，同我諗法意念一致架，咪互助一下，唔啱理念架，咪睇完算囉！大不了客氣留幾粒字將您育兒方法分享給大家。
真心分享想法，每事總有正反，所以不喜勿插哦！謝謝～?
作者: 山海兒女 時間: 17-6-4 10:46
回覆 Snafkin 的帖子
其實，我覺得，問題係出係樓主小孩只係一名小一生。
如果係小五六呈分，或者中學生，大家反應應該冇咁大。
高中要考DSE，就可能係必須呢！
作者: haihaimom 時間: 17-6-4 11:01
Snafkin 發表於 17-6-4 08:48
回覆 candycsy 的帖子
其實好多人口總say no，但就唔明點解會成行成市都操卷班，冇demand點會有supply先， ...
操卷根本不是學習，只是訓練應試技巧，要考公開試操卷是必須，大前提是學生已經掌握基礎知識。但初小學生操卷就百害無一利，操卷會令學生習慣單向思考，只思考如何取分，甚至強記答案或方法，讀書方法錯曬大個就知味道。
作者: Snafkin 時間: 17-6-4 11:32
回覆 haihaimom 的帖子
我都十分認同操卷真係百害而極少利，但唔明架係，做人地架學校考卷就會中毒死咁，但做練習就係必須的，仙丹靈藥！水能載舟，亦能覆舟。同樣，做其他家學校考卷，只要利用得恰到好處，咁點解會單向思考，點解會係背答案？市面練習，一個題材一part練習，例如呢一題材係現在式，呢個課題下架練習就諗都不用多諗，就填現在式便可，但學校試卷會集合您所認知架知識，總合來出，係要靠小朋友去用心看用心理解，先可作答，咁點單向呢？再講，不同學校，真係極少出一模一樣的題目，又點死背死記呢？雖然部分不敢認同，但真心並沒覺得您架諗法有錯。
作者: IloveJJ 時間: 17-6-4 11:43
提示: 作者被禁止或刪除 內容自動屏蔽
作者: shadeslayer 時間: 17-6-4 11:54
Snafkin 發表於 17-6-4 10:38
回覆 shadeslayer 的帖子
蓋起雙眼跟大隊、無乜主見、人地做佢唔做好怕洩底的人，就係平庸，咁⋯⋯求分數 ...
跟自己學校教的東西, 考試前温習, 我認為是學習, 你認為是求分數, 有你自由。
小一參考其他香港學校試卷, 出題比孩子做, 你認為是打好基礎, 我認為是拔苗助長, 也無不可。
社會上有那麼多種人, 因為大家的判斷不同。
作者: Snafkin 時間: 17-6-4 12:05
回覆 山海兒女 的帖子
我就係覺得學習唔應該分等級，如果細時冇養好學習習慣，那會大後肯努力多做past paper呢？純個人意見啫，只要得閒做小小，年級高低又何妨。當然考前先黎迫小朋友黎做十來八分，就幾高年級都唔應該啦！
我唔識樓主，我唔知佢要卷架心思係咩！我都唔係想做炸両，只係希望大家能明白，各有喜惡，樓主要求又唔係犯法或者d咩傷天害理架事，唔需要比人咁態度回應吧！希望香港能好像以前一樣，有言論自主架權利，大家也可法表意見，但大家也不是勝人先知，唔好下下講到咁盡。
我申利，我大的我一份卷也沒，只靠佢自己努力，再加d我自作的考卷和市面一般練習，得閒比佢做下少量，考試前不會停佢架興趣班，像平時般，so far成績叫理想；細的將小一，我會將哥哥或表哥（不同校）d卷佢當練習，唔識唔啱一定會詳細咁教，我架動作並非期望細的要做到大架成績，而係希望佢明白學習並非求分，而是希望佢學得廣一點而已。
當然大家意見可不同，但不喜勿插啦！謝謝～
作者: shadeslayer 時間: 17-6-4 12:06
Snafkin 發表於 17-6-4 11:32
回覆 haihaimom 的帖子
我都十分認同操卷真係百害而極少利，但唔明架係，做人地架學校考卷就會中毒死咁， ...
你重未明人地人地講乜, 網友是說操卷只是練技巧, 不是學習本身, 多做有害, 愈細操愈有害。
話雖如此, 仔女是自已的, 用咩方法也好, 好與坏自己受哂, 公平的。
作者: Snafkin 時間: 17-6-4 12:09
本帖最後由 Snafkin 於 17-6-4 12:10 編輯
回覆 shadeslayer 的帖子
明白，謝謝您讓我重新認識「拔苗助長」的意思
作者: Snafkin 時間: 17-6-4 12:12
本帖最後由 Snafkin 於 17-6-4 12:13 編輯
回覆 shadeslayer 的帖子
我明白吖！亦同意吖！只係人地想換下卷，就代表會操卷？如果樓主真係咁意思，咁就真係我理解能力差，抱歉！抱歉！
作者: shadeslayer 時間: 17-6-4 12:18
Snafkin 發表於 17-6-4 12:05
回覆 山海兒女 的帖子
我就係覺得學習唔應該分等級，如果細時冇養好學習習慣，那會大後肯努力多做past pap ...
冇養好學習習慣，那會大後肯努力多做past paper呢？
Xxxxxx
只可以講呢點錯極。
1. 花大量時間操卷，不是學習學科知識。
2. 考公開試前好多學生會做 past papers，不論之前孩子以何種方式學習。
作者: shadeslayer 時間: 17-6-4 12:22
Snafkin 發表於 17-6-4 12:12
回覆 shadeslayer 的帖子
我明白吖！亦同意吖！只係人地想換下卷，就代表會操卷？如果樓主真係咁意思，咁 ...
你看來理解力確有問題。 我那有說樓主操卷？
作者: Snafkin 時間: 17-6-4 12:26
本帖最後由 Snafkin 於 17-6-4 12:45 編輯
回覆 shadeslayer 的帖子
只能抱歉您誤解我的意思了，我從來不同意不認同操卷，只係覺得小朋友如果冇行常做練習和溫習，日子耐左，定左形，您再要佢地坐定定去做，佢地一會吃力，二係唔會發自內心去做啫！
作者: Snafkin 時間: 17-6-4 12:35
回覆 shadeslayer 的帖子
謝謝指教，我會好好學習，但我就意思樓主都冇話攞卷操練，大家起勢咁話換卷不當，又變成操卷什麼的。人總覺自己才是對的，真的挺可怕。
作者: wan_sosin 時間: 17-6-4 13:29 標題: 回覆樓主:
想學得廣，唔一定要睇人哋嘅試卷，有更多有益有趣的方法，閱讀，上學習網，去搏物館，科學館，去下郊外都是學習。
唔太覺得現在在學校學的學術會有幾不足，都好多學校課程唔淺，反而現在小朋友生活常識較缺乏。
作者: retriever 時間: 17-6-4 13:31
IloveJJ 發表於 17-6-4 11:43
因為我想佢自己從考試經驗去感受呢啲考試技巧，從而改進。另外，出卷亦類似貼題目，我希望孩子自己能從考 ...
嗯。。。 你提既幾好，等我諗諗先。
平時除功課外，無任何練習題，操練等等。。
平時功課拖拉，時間掌握重要。
作者: IloveJJ 時間: 17-6-4 14:00
提示: 作者被禁止或刪除 內容自動屏蔽
作者: shadeslayer 時間: 17-6-4 14:05
Snafkin 發表於 17-6-4 12:35
回覆 shadeslayer 的帖子
謝謝指教，我會好好學習，但我就意思樓主都冇話攞卷操練，大家起勢咁話換卷不當 ...
你唔覺得自己啱? Textbook definition of Hypocrites.
作者: shadeslayer 時間: 17-6-4 14:13
Snafkin 發表於 17-6-4 12:26
回覆 shadeslayer 的帖子
只能抱歉您誤解我的意思了，我從來不同意不認同操卷，只係覺得小朋友如果冇行常 ...
本帖最後由 shadeslayer 於 17-6-4 14:13 編輯
小女正是那種由少到大無恆常操卷, 做課外練習的孩子, 但到緊張關頭卻會發力。我相信如果由小一到大恆常操卷, 課外練習, 只有少數才操到18歲還未身心疲累。
講真, 香港學校的練習還不夠多咩? 要參考埋其他學校, 外國試卷?
作者: Snafkin 時間: 17-6-4 14:38
本帖最後由 Snafkin 於 17-6-4 14:40 編輯
回覆 shadeslayer 的帖子
Hypocrite 您覺得係咪係囉！
希望唔好介意我回最後一次，因沒意願爭吵，抱歉！首先，我真係好耐冇上呢度，我只係想上黎學野同分享，當然分享就一定有不同意見，所以我已禮貌地説了句不喜勿插，其次我回應時亦表達得好清楚，冇覺得您不對還是我對，只是純分享想法，學習方法好多種，冇咩叫啱咩叫錯，唔犯法下可改善到問題就叫搵到合適方法，好似前面有朋友就分享左，學習好多方法，郊遊也可學習到，我十分認同架，見好野我咪靜靜學習囉！唔同意咪大家友善分享自己經驗囉！您話我理解有問題，我係真心聽入，再努力去改，咁又中一槍，連hypocrite 都出來了。點解唔中文講啫，只能怪我自己差，又誤解左或曲解左就唔好意思啦！
老實講，這平台應用作分享，而唔係排己吧！
作者: shadeslayer 時間: 17-6-4 15:12
Snafkin 發表於 17-6-4 14:38
回覆 shadeslayer 的帖子
Hypocrite 您覺得係咪係囉！
你講左去邊？ 你唔應該寫不喜勿插，你應該寫「不喜勿回」。
作者: b3410 時間: 17-6-4 16:00
其實我覺得互相交換考卷無問題。
考試或者考卷分數唔緊要，我更加重視小朋友究竟是否已經完全掌握到已學的知識。
一份出的好的考卷，可以發現小朋友那一類的知識沒有掌握，或者思路方面有何問題。
每次測考之後，我最開心的就是發現小朋友被扣分的題目，的确是知識尚未掌握。這樣就可以做到査遺補漏的效果。
考試溫習時做一下考卷，也是這個目的。
不過我唔會俾家姐past paper兩個細的做，同一間學校，內容接近，擔心考出高分，實為假象。
所以借鑑一下其他學校考卷，其實頗有幫助。
作者: retriever 時間: 17-6-4 17:24
shadeslayer 發表於 17-6-4 14:13
本帖最後由 shadeslayer 於 17-6-4 14:13 編輯
小女正是那種由少到大無恆常操卷, 做課外練習的孩子, 但 ...
請教你細路是否讀國際學校？
傳統學制要段段交數，唔易行自己果套。
作者: shadeslayer 時間: 17-6-4 18:25
retriever 發表於 17-6-4 17:24
請教你細路是否讀國際學校？
傳統學制要段段交數，唔易行自己果套。
她小學是非常傳統的學校，卻無一科做任何課外練習，更沒補習。 每個小朋友不同，要有調整，但大原則我相信不變。
作者: shadeslayer 時間: 17-6-4 18:31
b3410 發表於 17-6-4 16:00
其實我覺得互相交換考卷無問題。
考試或者考卷分數唔緊要，我更加重視小朋友究竟是否已經完全掌握到已學的 ...
本帖最後由 shadeslayer 於 17-6-4 19:33 編輯
我不說對或不對，但這是典型的中國式查找不足。我唔 buy 的。
我亦不明假像咩意思，即學弟做學長 paper 會是假象？咁學長有無學長？ 依此類推，咁即係全間學校也是假象？ 其實你講緊咩呢？
作者: lm251099 時間: 17-6-4 20:16
candycsy 發表於 17-6-3 14:25
每個人都有選擇權，人地做，你可以唔做，也希望你尊重人地決定，希望大家冷靜討論！
...
吾使驚，當年我都有俾啊女做，當做一份練習有何不當？學期尾呢份會好啲，因都會教過，但常識因吾同出版社的書，課程會有啲出入。
吾通依家嘅家長吾會買課外練習俾孩子做？做佢地嘅孩子真happy 。睇來啲出版就快倒閉，但每年見書展新聞報導，好多家長都係去掃練習
作者: HaYi 時間: 17-6-4 20:38
其實要別校的試卷同在街上買補充是差不多, 大部分學校的課程是跟指引, 不會太深, 加上學校出卷的考慮比較多, 如要顧及學生程度等. 所以可能作坊間補充的人比一間學校的老師會注重補充內容的多元化, 及有齊深淺程度供市埸需要. 個人認為, 想要自己小朋友做深程度的測試, 買此些補充更有效.
但是做補充基本是上只是以操分數為目標, 相對利用有限時間去橫向學習, 可能焗限了橫向學習的時間及動力.
作者: jelly-pudding 時間: 17-6-4 20:46 標題: 回覆樓主:
即使用同一本書，例如常識科，不同學校問同一個topic 都可以從不同角度和不同形式問，多做一些其他學校的考試卷，教導孩子從不同角度回答同一個問題，點解唔好?
作者: ar_mak 時間: 17-6-4 20:49
提示: 作者被禁止或刪除 內容自動屏蔽
作者: b3410 時間: 17-6-4 20:50
shadeslayer 發表於 17-6-4 18:31
本帖最後由 shadeslayer 於 17-6-4 19:33 編輯
我不說對或不對，但這是典型的中國式查找不足。我唔 buy ...
假象的意思為，通過做同一間學校的past paper而取高分，以為自己小朋友樣樣叻，其實唔係。
作者: shadeslayer 時間: 17-6-4 21:10
jelly-pudding 發表於 17-6-4 20:46
即使用同一本書，例如常識科，不同學校問同一個topic 都可以從不同角度和不同形式問，多做一些其他學校的考 ...
你孩子讀一間學校未夠辛苦，要「參考」多幾間學校更全面？
作者: shadeslayer 時間: 17-6-4 21:13
b3410 發表於 17-6-4 20:50
方法方面唔緊要，大家share，適合自己的方法就好。
假象的意思為，通過做同一間學校的past paper而取高分， ...
依此類推，全港學校也是假象，因為學弟做學長留下來, 同一間學校的 past papers。
作者: jelly-pudding 時間: 17-6-4 21:15
shadeslayer 發表於 17-6-4 21:10
你孩子讀一間學校未夠辛苦，要「參考」多幾間學校更全面？
我地都係考試前睇吓做吓啫，唔駛咁緊張。
作者: five555 時間: 17-6-4 21:19
知己知彼，參考吓又何妨。
意見不同，不喜不要回，EK已經有板主作訓導主任。
作者: Honey 時間: 17-6-4 22:34 標題: 回覆樓主:
我大仔小六，就算有人比過其他學校試卷比我，我都冇比佢做，各校程度不同冇參考價值。亦冇接觸過學校past paper。反而只在考試前比坊間補充練習，針對性的重組句子弱就做重组句子，閱讀理解弱就做閱讀理解。坊間每科幾十本練習，自己找岩小朋友程度的及接近學校考試模式的好過做唔岩的past paper.
P.S. 冇興趣爭拗，純分享。
作者: shadeslayer 時間: 17-6-4 23:16
jelly-pudding 發表於 17-6-4 21:15
我地都係考試前睇吓做吓啫，唔駛咁緊張。
孩子是你的, 我怎會緊張。
作者: jelly-pudding 時間: 17-6-5 07:11
shadeslayer 發表於 17-6-4 23:16
孩子是你的, 我怎會緊張。
這個當然啦～ 我只是看到你之前的留言以為你關心小兒啫。
各人的小孩資質不同，大家的教育方法都不一樣，喺呢度都係分享交流一吓吧了。
作者: retriever 時間: 17-6-5 07:41
shadeslayer 發表於 17-6-4 18:25
她小學是非常傳統的學校，卻無一科做任何課外練習，更沒補習。 每個小朋友不同，要有調整，但大原則我相 ...
即也是要求段段交數？
那是因為細路天生我才，定你唔理學校要求？
作者: retriever 時間: 17-6-5 07:43
HaYi 發表於 17-6-4 20:38
其實要別校的試卷同在街上買補充是差不多, 大部分學校的課程是跟指引, 不會太深, 加上學校出卷的考慮比較多 ...
我覺得要別校試卷，係好奇加BENCHMARK 多D。
應唔會因為街外練習太貴。
作者: jelly-pudding 時間: 17-6-5 08:30
shadeslayer 發表於 17-6-4 23:16
孩子是你的, 我怎會緊張。
可能令媛天資聰穎，可是小兒資質一般，而且是SEN。
他記憶力很強要他背書完全冇難度，可是他不太懂從別的角度看事情，中文的表達能力又唔太好。所以中文科的閱讀理解和常識科的情景思考題就經常失好多分。次次考試就係呢兩樣被扣了十幾分得返80幾分。
我覺得參考其他校的卷可以幫我發掘一啲問題方式去同佢溫習和brainstorm 一吓呢啲題目，對佢考試時有幫助。你沒有SEN 小孩你不會明白他們的學習弱點。
相反，小兒英文成績很好，我當然沒有同睇卷操卷，因為我都不覺有此需要。
作者: shadeslayer 時間: 17-6-5 08:30
jelly-pudding 發表於 17-6-5 07:11
這個當然啦～ 我只是看到你之前的留言以為你關心小兒啫。
各人的小孩資質不同，大家的教育方法都不一樣， ...
各人的小孩資質不同，大家的教育方法都不一樣，不代表所有方法無高低之分。 家長的判斷直接影響到孩子性格和成就。
作者: jelly-pudding 時間: 17-6-5 08:36
shadeslayer 發表於 17-6-5 08:30
各人的小孩資質不同，大家的教育方法都不一樣，不代表所有方法無高低之分。 家長的判斷直接影響到孩子性 ...
我從不認為教育手法有什麼高低之分，只有適不適合。正如有些小朋友適傳統教育，有些適合IS。
作者: shadeslayer 時間: 17-6-5 08:38
jelly-pudding 發表於 17-6-5 08:30
可能令媛天資聰穎，可是小兒資質一般，而且是SEN。
他記憶力很強要他背書完全冇難度，可是他不太懂從別的 ...
I am not an education counselor. If I were, I will not counsel people for free. 所以我一般不評論個別孩子，我講的只是大原則。
作者: shadeslayer 時間: 17-6-5 08:45
jelly-pudding 發表於 17-6-5 08:36
我從不認為教育手法有什麼高低之分，只有適不適合。正如有些小朋友適傳統教育，有些適合IS。
...
當然有，你唔知啫。 只舉一易明的例，體罰 vs 循循善誘，作為一種教育大原則。 你無聽過家長說「衰仔唔打唔得」？
記住，是講大原則，不是某某小孩，某某情況下是否要體罰。
作者: shadeslayer 時間: 17-6-5 08:48
retriever 發表於 17-6-5 07:41
即也是要求段段交數？
那是因為細路天生我才，定你唔理學校要求？
因為一般80分我收貨，我心思花在其他地方。
作者: jelly-pudding 時間: 17-6-5 08:55
shadeslayer 發表於 17-6-5 08:48
因為一般80分我收貨，我心思花在其他地方。
我嘅目的不是要佢拎多10分8分，我係要教佢喺不同情況下要點樣睇問題和點樣思考個答案出來。
作者: shadeslayer 時間: 17-6-5 09:12
jelly-pudding 發表於 17-6-5 08:55
我嘅目的不是要佢拎多10分8分，我係要教佢喺不同情況下要點樣睇問題和點樣思考個答案出來。
...
因為我覺得有80分, 代表孩子理解上, 思考上無問題。 何況孩子在理解上, 思考上的事, 不止做考卷學業上才知。其他生活的事, 家長能知的更多。
作者: little_yolky 時間: 17-6-5 09:37
Snafkin 發表於 17-6-4 12:05
回覆 山海兒女 的帖子
我就係覺得學習唔應該分等級，如果細時冇養好學習習慣，那會大後肯努力多做past pap ...
點解DSE考生要操卷或不同學校既卷, 但小學生不應做其他學校既卷? 因為DSE係全港考生公開統一既考試, 但小學生甚至呈分只係同校內同學鬧排名, 你神校份卷做到100分, 但自己學校份卷做得低分都無用, 就係低！點解要根據自己學校要求而tailor made咁做卷, 係因為這個效益最高, 用最短時間得最大效果, 餘下既時間可以休息, 玩, 培養其他興趣等等。所以, 做其他學校考卷只係浪費時間而已, 响有限既時間內做無謂嘢。其他學校考卷最多只係家長參考一下, 明白自己學校水平去到邊, 知己知彼, 到升中時可以作為揀選合適學校既指標。
作者: little_yolky 時間: 17-6-5 09:47
shadeslayer 發表於 17-6-5 09:12
因為我覺得有80分, 代表孩子理解上, 思考上無問題。 何況孩子在理解上, 思考上的事, 不止做考卷學業上才知 ...
我今年都有買同教科書出版社既練習俾佢兩個做, 但發現實在浪費時間, 因為D pass paper仲淺過學校份測驗卷, 連屎妹都做到9X分, 所以做咗三個, 不做也罷, 叫佢返去考天才算了。但街買既TSA數學模擬卷就好似幾好, 因為家姐唔識做, 啱啱可以用嚟當練習, Good !
作者: retriever 時間: 17-6-5 09:54
shadeslayer 發表於 17-6-5 08:45
當然有，你唔知啫。 只舉一易明的例，體罰 vs 循循善誘，作為一種教育大原則。 你無聽過家長說「衰仔唔 ...
我覺得仔係要鬧既!
呵呵, 都係大原則, 不是某某在某情況下怎樣.
作者: retriever 時間: 17-6-5 09:58
shadeslayer 發表於 17-6-5 09:12
因為我覺得有80分, 代表孩子理解上, 思考上無問題。 何況孩子在理解上, 思考上的事, 不止做考卷學業上才知 ...
某程度, 我理念跟你這方面相近, 即要求細路明白, 唔係要佢幾多分.
但版內某些台柱, 總會話唔睇考試分數點知佢明...
作者: retriever 時間: 17-6-5 10:00
little_yolky 發表於 17-6-5 09:47
除咗分收, 我又會睇情況。好似我成日話阿妹英文好屎, 其實佢一般都有80分以上的, 但問題係佢真係好屎, 錯埋 ...
作者: retriever 時間: 17-6-5 10:08
Snafkin 發表於 17-6-4 08:48
回覆 candycsy 的帖子
其實好多人口總say no，但就唔明點解會成行成市都操卷班，冇demand點會有supply先， ...
其實反對既人, 本身就極可能係反對練習題既, 你做埋其他學校, 當然更反對.
有一點要指出, 做練習題不是學習知識的方法. 只是提高效率的手段.
要細路明, 一定係將所學知識儘量生活化, 做習題唔可能令細路更明, 最多只係知佢唔明邊D.
作者: HaYi 時間: 17-6-5 10:12
little_yolky 發表於 17-6-5 09:37
所以做人不能盲目跟風, 要知道個遊戲規則。
點解DSE考生要操卷或不同學校既卷, 但小學生不應做其他學校既 ...
作者: retriever 時間: 17-6-5 10:14
IloveJJ 發表於 17-6-4 14:00
可能有啲家長會覺得我咁好傻，當我發現我大仔既默書紙係同我細仔既一樣之後，我無再俾我細仔睇佢哥哥既默 ...
細路學校做得唔錯, 就係將PAST PAPER 間唔中在課堂當復習咁俾學生做.
呢樣最大好處係唔駛D 家長驚死蝕底, 問前輩甚至出外補習求PAPER.
有間名津考試唔派回試卷, 結果咪肥左當區果D 號稱 "專教某校" 既補習社?
作者: little_yolky 時間: 17-6-5 10:15
retriever 發表於 17-6-5 10:00
喂, 發夢, 唔等於英文屎喎?!
不過好彩學校份英文卷淺而已, 佢只有listening係好的。
作者: little_yolky 時間: 17-6-5 10:16
retriever 發表於 17-6-5 10:14
細路學校做得唔錯, 就係將PAST PAPER 間唔中在課堂當復習咁俾學生做.
呢樣最大好處係唔駛D 家長驚死蝕底, ...
作者: jumphigh 時間: 17-6-5 10:16
提示: 作者被禁止或刪除 內容自動屏蔽
作者: jumphigh 時間: 17-6-5 10:20
提示: 作者被禁止或刪除 內容自動屏蔽
作者: IloveJJ 時間: 17-6-5 10:37
提示: 作者被禁止或刪除 內容自動屏蔽
作者: shadeslayer 時間: 17-6-5 11:59
little_yolky 發表於 17-6-5 10:15
佢係英文屎！上一題記得加s下一題又唔記得, 無端端又唔記得大楷, y加s時又唔記得轉i等等, 已經講咗100萬次 ...
小女小學時夠成日錯依D, 但佢依家勁左好多。
作者: little_yolky 時間: 17-6-5 12:02
本帖最後由 little_yolky 於 17-6-5 12:03 編輯
shadeslayer 發表於 17-6-5 11:59
小女小學時夠成日錯依D, 但佢依家勁左好多。
所以我依家唔理佢, 中英兩科叫佢去考天才。不過, 估唔到你女女都會錯呢D。
作者: little_yolky 時間: 17-6-5 12:04
IloveJJ 發表於 17-6-5 10:37
我哋唔係「名津」，都無派考試卷架!
我哋老師(中常)會响測考前出一份溫習卷，就係俾小朋友認識題型。
我唔 ...
作者: shadeslayer 時間: 17-6-5 12:09
little_yolky 發表於 17-6-5 12:02
所以我依家唔理佢, 中英兩科叫佢去考天才。不過, 估唔到你女女都會錯呢D。 ...
要温要記要講小心的佢唔叻, 相對上最叻口語, 吹水。
作者: judy 時間: 17-6-5 12:20
其他學校測驗卷,和普通練習題有咩分別? 水準可能比普通練習題好. 有咩問題?
作者: babywoman 時間: 17-6-5 14:14
回覆 little_yolky 的帖子
講出重點-----浪費時間
我不反對做練習的，但不認同小學時，需要拎人地學校嘅卷來做。八卦除外。
英文，數學 我都有買練習，但冇可能本本做曬的，都是抽與校內相關內容來俾仔做。想知同類題不同問法，其實各大出版社都有提供了，段估香港小學的老師唔會個個都出得咁刁轉吧？
作者: little_yolky 時間: 17-6-5 15:15
babywoman 發表於 17-6-5 14:14
回覆 little_yolky 的帖子
作者: little_yolky 時間: 17-6-5 15:19
judy 發表於 17-6-5 12:20
其他學校測驗卷,和普通練習題有咩分別? 水準可能比普通練習題好. 有咩問題? ...
作者: judy 時間: 17-6-5 16:29
問題就係其他學校題型同本校唔一樣, 做咗係浪費時間。例如學校老師出問題直接, 小朋友做人哋學校刁鑽題, 對自己份卷無幫助。如果學校老師刁鑽, 做其他正常卷, 又係無幫助。最理想做法, 係父母根據自己小朋友學校題型、深淺程度、小朋友強弱項, tailor made一份卷俾小朋友做, 效果先係最好。浪費咗寶貴既學習時間, 就係最大既問題了。
我估家長識得分析, 唔會盲摸摸咁就俾小朋友做.
作為一份好練習, 刁鑽也好,淺易也好, 都有好處(理論上應比普通練習出得認真吧). 如針對學校測驗, 自己出題, 當然更目標為本啦.
仲有, 當見見世面也好.
作者: retriever 時間: 17-6-5 17:46
IloveJJ 發表於 17-6-5 10:37
我哋唔係「名津」，都無派考試卷架!
我哋老師(中常)會响測考前出一份溫習卷，就係俾小朋友認識題型。
我唔 ...
唔係化, 你仔果間都唔算名津?
直頭係龍頭學校之一...
作者: retriever 時間: 17-6-5 18:01
little_yolky 發表於 17-6-5 10:15
佢係英文屎！上一題記得加s下一題又唔記得, 無端端又唔記得大楷, y加s時又唔記得轉i等等, 已經講咗100萬次 ...
你講果D， 我細路中哂。
不過唔等於佢唔明。
信我，呢樣大過左會好。
呢樣比老人家話細路大大下會乖，更值得相信。
作者: retriever 時間: 17-6-5 18:02
jumphigh 發表於 17-6-5 10:20
其實都唔少學校唔派考試卷的。我覺得某程度原因是題目会翻抄
當然，出卷番炒易。
不過結果確係肥左D 補習社。
作者: shadeslayer 時間: 17-6-5 20:00
retriever 發表於 17-6-5 18:01
你講果D， 我細路中哂。
不過唔等於佢唔明。
所以阿女小學錯呢D, 我未担心過。
作者: 1998Ruby1998 時間: 17-6-5 21:34
回覆 little_yolky 的帖子
我就係每個學生本書同筆記、測驗都要摸熟，因為真係間間學校唔一樣，我兩個學生同樣年級，都係 Band 1，但係教學速度唔同，題目方式都唔同，我要特別改寫卷嘅模式先可以用到。
作者: Snafkin 時間: 17-6-5 22:06
回覆 little_yolky 的帖子
謝謝您的分享！
其實我個人覺得，中文只有選詞填充和課後問答係校本範圍，其他重組、改寫、標點、閱讀⋯⋯也是課外；英文除了一part填充係要fill textbook內的vocab.其他也是課外；數學大家範圍大至一樣，只是差別某些學校是教快半年架課程，題型差不多；science只要同topic，就出的內容差不多，只係圖片和問法唔同。所以個人覺得交換黎做下又無妨。其實小朋友有無得輕鬆，視乎自己能力和父母態度。
好似我小朋友，這周考試，興趣班繼續上，昨天中午比佢睡了約二小時，溫到五點左右，開始休息，今天放約一點，吃飯再回家洗澡，三點半才開始溫，五六點又開始休息。而且考唔考試，都九點半上床睡。平時活動主要運動多些：田徑、奧數、籃球 、乒乓球、合唱團（以上也是學校的）、琴、游泳、跆拳道（校外的），學校或課外全部佢自選的，而且家裏買了一堆圖書，佢一得閒就會看書，完成冇因為要做練習或past paper影響，老實講，功課不多咪比一二張佢做下，多咪先攪掂功課先，如果果周冇咩做，咪周日早上做一份囉！一份要做咪又係果半個鐘到九個字時間，對吧！卷同練習睇家長點用啫，用得恰到好處，小朋友考試時又輕鬆d，大人又唔會咁緊張。呢個係啱我自己架方式，唔一定啱全世界，所以我從不要求別人跟，也沒意思要批評人家對與錯，因為學習本來就沒單一架方法，所以沒必要也沒理由似某些人咁，下下話咩唔聽講，就您自己受番。
都係果句啦！不喜勿插，謝謝～
| 歡迎光臨 教育王國 (/) |
Powered by Discuz! X1.5 |