教育王國

標題: 愈叻的人愈缺乏同理心（鄭丹瑞） [打印本頁]

作者: elbar 時間: 17-5-31 10:33 標題: 愈叻的人愈缺乏同理心（鄭丹瑞）

「喺香港，無論係尊貴嘅議員、高高在上嘅人民父母官、土豪，都充斥着蠢人、奴性重嘅人，同埋心地唔好嘅人，我哋見得太多，再講呢類人，會十分掃興！不如我哋今日研究下，到底香港仲有無叻人？」好事之徒在損友吹水大會上，拋出了「尋找香港叻人」這個話題。一眾損友都覺得十分新鮮好玩，紛紛提出自己心目之中的叻人人選。

人選可不少，但每一個提出來的叻人，總會被其他損友推翻。這表示了根本就沒有一個人，可以得到大家的共識，真心認為他「叻」！「咪住先，到底叻嘅定義係乜嘢先？」

損友甲提出了好幾個人選，都被大家推翻，心有不甘地問。「見識廣博。」「你真心服佢！」「佢真心為香港好！」「有遠見！」「最緊要心地好。」「做人不亢不卑。」損友提出了他們心中的叻人標準。

「難怪我哋搵極都搵唔到叻人啦，原來要符合咁多要求㗎?!我嘅要求最簡單！」好事之徒說：「最緊要有同理心及common sense。」

好事之徒正好講中了我心中所想。其實，香港並不缺叻人，只是愈叻的人愈缺乏同理心，因為他們的自信心超越了同理心，認為：「我所做的一切都是為香港好！」自信心爆棚的後果就是：本來看似是一些十分簡單的common sense，落到他們手中，都變成了nonsense。

撰文 : 鄭丹瑞

作者: ANChan59 時間: 17-6-1 07:54 標題: 回覆樓主

對 Common sense 好有感觸！

作者: Cheeselover 時間: 17-6-1 09:36 標題: 回覆樓主

一個人的性格，宗教和家教都會決定他/她是否有同理心，根本與＂叻＂無關，作者或許是含沙射影，暗示某些公眾人物(應該是當官的)自命不凡，認為可以濟世扶危，但不能令每一個受惠(特別是低下階層)，所以悶響幾句。

作者: 無知人 時間: 17-6-2 10:57

阿旦講既應該既係 "自認叻" ，尤其係中國特色既 "奉承叻" ，同職場既 "手段叻" 。
呢兩樣叻正正絕對係要埋沒人性之中既同理心。
如果講做官果位，手段叻但亳無誠信，誓言旦旦既丁屋僭建既事辦成點 ?

作者: LingChiBaBa 時間: 17-6-2 14:12

無知人發表於 17-6-2 10:57
阿旦講既應該既係 "自認叻" ，尤其係中國特色既 "奉承叻" ，同職場既 "手段叻" 。
呢兩樣叻正正絕對係要埋 ...

阿旦講而家定新任？

作者: Zenia 時間: 17-6-2 17:32

elbar 發表於 17-5-31 10:33
「喺香港，無論係尊貴嘅議員、高高在上嘅人民父母官、土豪，都充斥 ...

衹要加上"富有中國特式", Common Sense 也變成不 Common.

作者: shadeslayer 時間: 17-6-2 22:58

LingChiBaBa 發表於 17-6-2 14:12
阿旦講而家定新任？

我唔相信吳生可以叫做叻人, 智商超越同理心的人。

作者: LingChiBaBa 時間: 17-6-2 23:03

shadeslayer 發表於 17-6-2 22:58
我唔相信吳生可以叫做叻人, 智商超越同理心的人。

唔係講局長。

作者: shadeslayer 時間: 17-6-2 23:05

LingChiBaBa 發表於 17-6-2 23:03
唔係講局長。

本帖最後由 shadeslayer 於 17-6-2 23:06 編輯

在教育版先諗局長。

可能係講CE喇。

Anyway, 唔係好通, 莫非聖人皆愚?

歡迎光臨教育王國 (/)