教育王國

標題: 好苦惱，8月尾B可唔可以重讀一年? [打印本頁]

作者: fangw22 時間: 17-5-17 07:00 標題: 好苦惱，8月尾B可唔可以重讀一年?

細仔有言語delay，咁所以理解能力會差過同齡小朋友唔少。現時讀咁K2⃣️但認字寫字都差強人意。同埋超怕丑無自信。來咁小一面試，我諗實無直資會收佢，但以佢個程度，無論大抽獎入任何間津校，只會功課做到越來越無自信...

只聽講9月1日之後出世嘅可以repeat 做超大B，好似佢咁樣嘅8月尾又能力唔夠嘅可以點？真係好擔心

作者: Charlotte_mom 時間: 17-5-17 07:06

技術上來說，小一派位，小一開學果日（9月1日）係5歲8個月至7歲，都係適齡。
就算等多一年超齡，只係自行少左十分，無咩問題，抽獎一樣咁抽。
反而係你點安排repeat。同小朋友想唔想，呢d至難攪

作者: fangw22 時間: 17-5-17 07:20

Charlotte_mom 發表於 17-5-17 07:06
技術上來說，小一派位，小一開學果日（9月1日）係5歲8個月至7歲，都係適齡。
就算等多一年超齡，只係自行少 ...

我仔成個BB樣，目前根本唔覺唔明咩叫repect，我估升K3後就算如果佢有疑慮應該都好過第時repeat p1。

我宜家擔憂咁8月尾repeat k3⃣️或k2⃣️，考直資唔知多唔多學校唔收個D超超大B

作者: siden 時間: 17-5-17 07:43

fangw22 發表於 17-5-17 07:20
我仔成個BB樣，目前根本唔覺唔明咩叫repect，我估升K3後就算如果佢有疑慮應該都好過第時repeat p1。

我 ...

你依家俾佢去考直私，你都知機會好細。

大咗啲，又有機會影響直私取錄機會，但總好過你依家去考一定唔得咁濟。

咁你不如真係repeatK2, 順着小朋友發展而行好過。

作者: Charlotte_mom 時間: 17-5-17 08:27

你不如同老師商量下repeat k2定k3
K3學術係突然深左好多。又有小一預備，又要採排畢業禮。如果之後小朋友唔畢業，但一年來受教育都係話出年會升小學。小朋友內心會點唸呢？

作者: fangw22 時間: 17-5-17 09:10

siden 發表於 17-5-17 07:43
你依家俾佢去考直私，你都知機會好細。

大咗啲，又有機會影響直私取錄機會，但總好過你依家去考一定唔得 ...

K2⃣️課程，老師話佢除咗中文認同寫字唔得，數學英文係跟到嘅，我擔心repeat k2會唔會淺得滯咁，不過都有諗過。

作者: Felix223 時間: 17-5-17 09:30

fangw22 發表於 17-5-17 09:10
K2⃣️課程，老師話佢除咗中文認同寫字唔得，數學英文係跟到嘅，我擔心repeat k2會唔會淺得滯咁，不過都有 ...

未必需要repeat ，你個小朋友係8月B，你情況我仔有相類似，之前有語言遲緩，我仔係7月，小手肌比同班一月B比較遜色，手唔夠力係正常。老師都説你兒子英數無問題，中文認字可能平時認得少？呢方面做多少少功夫，抄寫方面，手仔唔夠力出去參加畫畫班，填多D顏色，對揸筆寫字有幫助。我個仔最近學了畫畫，手仔肌肉有點進步。你是否一心非直私不讀？如果不是，我又唔見你所說的咁需要repeat。

作者: LittleButter 時間: 17-5-17 09:44

本帖最後由 LittleButter 於 17-5-17 09:45 編輯

我的朋友有相似的經歷，希望可以給予你作一個參考。

她的兒子是家中排行第二，也是8月出世。有一位大他3年的家姐，就讀一所津小。

她的兒子有言語的遲緩、大小肌肉也發展得比較慢少少，認字、寫字也不太理想。所以有相關的報告證明。

她的兒子現在就讀K3，於去年K2時的6月已經致電教育局問清楚，知道就算兒子repeat K2/K3, 本應已經是不適齡學童，但是原來仍然可以自行時以世襲身份入讀家姐的津小(只要兒子K3時，家姐仍是津小的學生，即小六或以下也可以)。所以她十分放心讓兒子repeat.

朋友選擇了今年9月repeat K3, 因為她決心入讀家姐的津小，而不會考慮報考任何直私，她只想兒子打好基礎才上津小。而且她又真的可以搵到另一所幼稚園repeat K3學位比兒子。不過，她有做足相關措施，例如致電教育局問清楚，也有呈上兒子發展遲緩的相關報告，去信寫明為何明明K3也不參與小一自行/大抽獎等事宜。

至於你的兒子，如果也是細仔，可否跟哥哥/姐姐入讀津小？如果不行，但又想入讀津小，是必須要適齡，即是只可以照升K3，照抽獎，不過自行可能只有10分，抽獎策略也要保守一點，又或者可以選擇一些有I位/SEN 支援的津小，亦可能到時候有需要再repeat P1.

如果可以的話，應該直接致電教育局，問清楚你這個情況，是否如果在幼稚園repeat, 就會失去了適齡的5分？同埋就算不適齡，是否就一定不可以大抽獎？

不過，如果你一心考直私，個人覺得repeat K2 比較好，因為直私普遍收取K2成績表(當然好似有一、兩間收埋K1)，如果repeat K3，可能要解話為何repeat K3. 同埋認同樓上的留言，孩子現在已經缺乏自信，最好儘早，趁他年紀細，讓他建立自信，因為愈大個repeat, 他真的會愈質疑為何自己要repeat.

只是純粹個人意見，以作參考，希望可以幫到你少少啦！

作者: fangw22 時間: 17-5-17 10:02

LittleButter 發表於 17-5-17 09:44
我的朋友有相似的經歷，希望可以給予你作一個參考。

她的兒子是家中排行第二，也是8月出世。有一位大他3年 ...

好感激你写咁多畀我意見。我大女係間區內熱門嘅直資龍校讀小四，目前阿仔係冇可能考到入去嘅。我repeat 嘅想法其實最主要就係從仔仔嘅自信心問題。佢本身係排咁E位嘅小朋友，我唔知有冇資格遲一年大抽獎，教育局覆以佢入讀小學個一日（即係9月1日）計，5歲8個月至7歲都算適齡，咁阿仔repeat一年嘅話2019年9月入學已經算超咗7歲幾日了。

如果仍然冇直資收佢，咁連大抽獎機會都冇了

連退路都冇

作者: siden 時間: 17-5-17 10:04

本帖最後由 siden 於 17-5-17 10:08 編輯

楼上話：「如果你一心考直私，個人覺得repeat K2 比較好，因為直私普遍收取K2成績表(當然好似有一、兩間收埋K1)，如果repeat K3，可能要解話為何repeat K3」

呢個係其中一個原因我建議你repeat K2。你又唔係有世襲分入硬某津小，考直私要K2/3成績表，人地一見repeat K3已經皺眉頭。人地非常睇重K2成績，但我估你現正K2成績表未係最佳評分。

另外，repeat K3, 到時個個同學上小學，老師課堂prepare哂上小學心路歷程，你個仔冇得上。唔同K2仲傻下傻下，K3開始懂事，你點解釋佢都會失望，失望其次，自信問題先緊要。。

以前有網友問過幼稚園校長，佢都話一定要repeat，repeat K2整體來說最適當。

作者: worldcat 時間: 17-5-17 10:37

小朋友太細，佢未必真係認字差，只可以話唔叻。眼見好多小朋友都係k3(五歲後)追上嚟。
大仔k2時, a~z都認唔晒，宜家k3尾又俾佢追得返喎，叫做常用100words 都識大半。

遲一年蛇年出生率跌好多，但相信好大部份嘅龍年細b都會遲一年入小學。(因為羊加龍真係好多b)
如果遲一年入唔到直資，最後只可入派淨位嘅寶校。

如果自己，會考慮照升k3同抽獎/考直資，如果入津小小一，再睇情況考直資小一或插班小二。又或者，小朋友係津小讀得好好呢。

小小意見，眼見身邊朋友用大女細仔做比較，但提一提，多數男仔係學術都係發展得遲過女仔，家長好易不知不覺中要求細佬要跟到家姐程度，其實係有啲難。

作者: fangw22 時間: 17-5-17 11:43

worldcat 發表於 17-5-17 10:37
小朋友太細，佢未必真係認字差，只可以話唔叻。眼見好多小朋友都係k3(五歲後)追上嚟。
大仔k2時, a~z都認唔 ...

我仔k1⃣️識A至z 顏色形狀個D仲早，但識單詞無論中英特別中文字，教極記唔到跟住發曬脾氣咁行開。宜家讀咁個間學校未必會畀我repeat k2，因同一機構又執咗間要三校並兩校，學位可能緊張D

作者: fangw22 時間: 17-5-17 11:44

worldcat 發表於 17-5-17 10:37
小朋友太細，佢未必真係認字差，只可以話唔叻。眼見好多小朋友都係k3(五歲後)追上嚟。
大仔k2時, a~z都認唔 ...

咁你仔仔好叻喎追的返，咁中文佢寫唔寫到？

作者: fangw22 時間: 17-5-17 11:49

Felix223 發表於 17-5-17 09:30
未必需要repeat ，你個小朋友係8月B，你情況我仔有相類似，之前有語言遲緩，我仔係7月，小手肌比同班一月B ...

可能佢內心知自己唔叻咁越來越怕丑，受唔到人哋少少質疑，自信心不足。現時除咗言語遲緩，，仲理解能力欠佳，雙重指令唔明嘅。我諗就算如期升小一，佢表現都會差強人意冇自信伴佢成個學涯

作者: MrBeast 時間: 17-5-17 13:20

回覆 fangw22 的帖子

身邊有類似例子，父母唔想比太大壓力小朋友和沒有在黃金期找出真正問題所在，repeat 左一年kg但沒有明顯進步。不知你現在有冇什麼跟進，若冇，我會建議先去嘗試找合適你小朋友的方法，協康這類機構會幫到你，同時治療師/姑娘會比到更專業意見

作者: MrBeast 時間: 17-5-17 13:22

https://www.edu-kingdom.com/foru ... &extra=page%3D2

作者: fangw22 時間: 17-5-17 13:23

MrBeast 發表於 17-5-17 13:20
回覆 fangw22 的帖子

身邊有類似例子，父母唔想比太大壓力小朋友和沒有在黃金期找出真正問題所在，repeat ...

有做言語治療職業治療、畫畫，英文phonics ，搵咁中文認字班同合唱團

作者: fangw22 時間: 17-5-17 13:24

MrBeast 發表於 17-5-17 13:22
https://www.edu-kingdom.com/forum.php?mod=viewthread&tid=3451391&extra=page%3D2

唔該你個information ，可惜今個禮拜六仔仔小一interview

作者: MrBeast 時間: 17-5-17 13:39

fangw22 發表於 17-5-17 13:23
有做言語治療職業治療、畫畫，英文phonics ，搵咁中文認字班同合唱團

會建議除左d治療，其餘eca cut 哂佢，phonics 就要看成效，ok就繼續，唔ok就等到k3再學，meanwhile 多些伴讀，自己去聽下一些關於教導學習困難的講座

作者: MrBeast 時間: 17-5-17 13:41

fangw22 發表於 17-5-17 13:24
唔該你個information ，可惜今個禮拜六仔仔小一interview

咁你自己多些留意下，最好就是非牟利機構辨的，有些更是免費

作者: fangw22 時間: 17-5-17 20:27

MrBeast 發表於 17-5-17 13:41
咁你自己多些留意下，最好就是非牟利機構辨的，有些更是免費

唔該你，我會關注。上咗畫畫班後，寫字明顯好咗，畀佢參加過幾個月學校嘅English drama,老實講，收效甚微，所以想嘗試合唱團，因為佢幾鐘意唱歌。作人父母，可以諗到幫佢嘅辦法都想試下，誒

作者: meowymeowy 時間: 17-5-19 07:53

fangw22 發表於 17-5-17 13:24
唔該你個information ，可惜今個禮拜六仔仔小一interview

Read & Write project 如果要針對幼稚園生，最好找協康會。(馬會當年撥款中大、港大是針對中、小學生，學前方面是協康會。）協康會亦有develop有關教材，你可以問問仲有無存貨。

作者: fangw22 時間: 17-5-19 22:49

meowymeowy 發表於 17-5-19 07:53
Read & Write project 如果要針對幼稚園生，最好找協康會。(馬會當年撥款中大、港大是針對中、小學生，學 ...

Thanks a lot

作者: nbakit8 時間: 17-5-21 12:38

Charlotte_mom 發表於 17-5-17 07:06
技術上來說，小一派位，小一開學果日（9月1日）係5歲8個月至7歲，都係適齡。
就算等多一年超齡，只係自行少 ...

請問一下，如果參加了自行選校但失敗，可否放棄大抽獎留返機會下年抽?(小朋友細b)唔該晒

作者: ainnai 時間: 17-5-21 14:10

本帖最後由 ainnai 於 17-12-4 13:53 編輯

nbakit8 發表於 17-5-21 12:38
請問一下，如果參加了自行選校但失敗，可否放棄大抽獎留返機會下年抽?(小朋友細b)唔該晒
...

作者: MrBeast 時間: 17-5-21 15:54

nbakit8 發表於 17-5-21 12:38
請問一下，如果參加了自行選校但失敗，可否放棄大抽獎留返機會下年抽?(小朋友細b)唔該晒
...

會被當作未被派位，只要書面向教局withdraw 統一派位申請，下年便可再參加，不過你最好打去教局confirm， in case of any recent changes

作者: LittleButter 時間: 17-5-21 16:43

MrBeast 發表於 17-5-21 15:54
會被當作未被派位，只要書面向教局withdraw 統一派位申請，下年便可再參加，不過你最好打去教局confirm， i ...

是的！朋友4年前也是如此，因為女兒是10月細B，選了做超大B，不過在K2那年試試自行，當然20分也抽不中心儀的基督教津小。跟著便去信回覆不參加大抽獎。到下一年，女兒以超大B身份，讀緊K3時，再參與自行及大抽獎。不過畢竟是3、4年前的事，贊成最好自己致電問清楚教育局最新的安排。

作者: nbakit8 時間: 17-5-21 19:33

MrBeast 發表於 17-5-21 15:54
會被當作未被派位，只要書面向教局withdraw 統一派位申請，下年便可再參加，不過你最好打去教局confirm， i ...

咁就好喇。唔該晒你

作者: kwokbobo 時間: 17-5-21 20:16

真的有需要讀遲一年嗎？有朋友的小孩是11月，但也不選擇做大B，我自己的也是八月B，其實我都好擔心，我都怕到時考直私唔夠人考

作者: 貝珠 時間: 17-5-21 20:36

LittleButter 發表於 17-5-21 16:43
是的！朋友4年前也是如此，因為女兒是10月細B，選了做超大B，不過在K2那年試試自行，當然20分也抽不中心儀 ...

點解有兩次自行？咁着數？

作者: fangw22 時間: 17-5-21 20:40

kwokbobo 發表於 17-5-21 20:16
真的有需要讀遲一年嗎？有朋友的小孩是11月，但也不選擇做大B，我自己的也是八月B，其實我都好擔心，我都怕 ...

其實好睇各個小朋友嘅發展，如果各方面跟到梗係唔洗repeat lor, 我係個仔各方面delay先考慮嘅

作者: penguinding 時間: 17-5-21 21:05

fangw22 發表於 17-5-17 10:02
好感激你写咁多畀我意見。我大女係間區內熱門嘅直資龍校讀小四，目前阿仔係冇可能考到入去嘅。我repeat 嘅 ...

唔適齡冇得抽獎？

作者: fangw22 時間: 17-5-21 21:30

penguinding 發表於 17-5-21 21:05
唔適齡冇得抽獎？

Sorry之前我理解錯誤，又打咗去教育局問返，原來係可以，只係自行階段個5⃣️分適齡分冇咗

作者: MrBeast 時間: 17-5-21 21:30

回覆 nbakit8 的帖子

補充一句，已曾就讀小學（1日都唔得）的是不能參加統一派位。

作者: LittleButter 時間: 17-5-21 21:46

貝珠發表於 17-5-21 20:36
點解有兩次自行？咁着數？

在政府的津校中，只要是適齡的小孩，便可以參與自行及大抽獎，目的是最終獲派一個津小學位。所以，如果出生月份在9-12月的小孩，如果第一年(以細B身份)參與自行，但是抽不中，他自己放棄大抽獎的權利，即仍未獲派一個津小學位。到第二年(以超大B身份，仍是適齡學童) 便可以再抽自行及大抽獎了。
只可以說這是遊戲規則是這樣定了，我們也要跟著玩。

作者: 貝珠 時間: 17-5-21 21:57

LittleButter 發表於 17-5-21 21:46
在政府的津校中，只要是適齡的小孩，便可以參與自行及大抽獎，目的是最終獲派一個津小學位。所以，如果出生 ...

嘩，真係唔知咁著數。我以為自行只可一次，抽獎也只可一次

作者: kwokbobo 時間: 17-5-21 22:04

fangw22 發表於 17-5-21 20:40
其實好睇各個小朋友嘅發展，如果各方面跟到梗係唔洗repeat lor, 我係個仔各方面delay先考慮嘅
...

明白，大家努力加油！

作者: LittleButter 時間: 17-5-21 22:10

本帖最後由 LittleButter 於 17-5-21 22:15 編輯

貝珠發表於 17-5-21 21:57
嘩，真係唔知咁著數。我以為自行只可一次，抽獎也只可一次

不過，第一要孩子是9-12月出世。第二，如果一早已選擇做超大B，K2第一次自行，如果真的抽中了，孩子便會skip 左整年K3的學習生活、也失卻了幼稚園的畢業禮，由K2直升小學，孩子可能未完全做足學術上、心理上的準備呢！所以是福、還是禍，也未可知呢！

作者: siden 時間: 17-5-21 22:12

需要與否，係睇小朋友發展。

有12月細b跟到，也有9月細b跟唔到。

楼主好清楚小朋友弱點亦勇於找辦法處理。

所以我不會安慰佢由得小朋友唔delay一年。

旁人講一句go ahead照上好容易，但將來面對學習濟後並影響自信係楼主家庭。

作者: penguinding 時間: 17-6-6 18:32

LittleButter 發表於 17-5-21 22:10
不過，第一要孩子是9-12月出世。第二，如果一早已選擇做超大B，K2第一次自行，如果真的抽中了，孩子便會sk ...

如果係必收生就唔駛適齡
可以第一次自行神校
失敗的話第二次跟返兄姊入

作者: LittleButter 時間: 17-6-6 19:01

penguinding 發表於 17-6-6 18:32
如果係必收生就唔駛適齡
可以第一次自行神校
失敗的話第二次跟返兄姊入

自行神校？自行時，要有機抽入神校，相信至少20-25分！除非父母本身是神校舊生，否則機會是零。

作者: penguinding 時間: 17-6-6 19:36 標題: 回覆樓主

有宗教都可以20分

作者: penguinding 時間: 17-6-6 19:36

LittleButter 發表於 17-6-6 19:01
自行神校？自行時，要有機抽入神校，相信至少20-25分！除非父母本身是神校舊生，否則機會是零。 ...

有宗教都可以20分

作者: LittleButter 時間: 17-6-6 20:03

penguinding 發表於 17-6-6 19:36
有宗教都可以20分

講明係細佬細妹，已經冇左首名子女的5分，就算有宗教的5分+適齡的10分，總分也只是得15分咋。

作者: penguinding 時間: 17-6-6 20:49

LittleButter 發表於 17-6-6 20:03
講明係細佬細妹，已經冇左首名子女的5分，就算有宗教的5分+適齡的10分，總分也只是得15分咋。 ...

你啱咁要校友分 20有機會抽下

作者: longsky 時間: 17-6-6 20:56

fangw22 發表於 17-5-17 11:43
我仔k1⃣️識A至z 顏色形狀個D仲早，但識單詞無論中英特別中文字，教極記唔到跟住發曬脾氣咁行開。宜家讀 ...

其實教中文字,可由小朋友興趣開始,例如佢鍾意車,就比私家車,單車之類,令佢鍾意左先開始,跟住就由巴士,地鐵名咁引佢認下字,睇下可唔可以有d幫助。

作者: bigyanb 時間: 17-6-8 02:09

nbakit8 發表於 17-5-21 12:38
請問一下，如果參加了自行選校但失敗，可否放棄大抽獎留返機會下年抽?(小朋友細b)唔該晒
...

我都想知

作者: Aromahui57b 時間: 17-6-8 09:14

我細女係1211細b,讀k2又係咩都唔識，細楷a-z認唔晒

作者: fangw22 時間: 17-6-8 09:32

longsky 發表於 17-6-6 20:56
其實教中文字,可由小朋友興趣開始,例如佢鍾意車,就比私家車,單車之類,令佢鍾意左先開始,跟住就由巴士,地鐵 ...

E排有進步，寫字都端正好多同埋中文又識D個了

作者: fangw22 時間: 17-6-8 09:32

Aromahui57b 發表於 17-6-8 09:14
我細女係1211細b,讀k2又係咩都唔識，細楷a-z認唔晒

咁升K3⃣️會辛苦D

作者: Aromahui57b 時間: 17-6-8 11:40

fangw22 發表於 17-6-8 09:32
咁升K3⃣️會辛苦D

係，所以黎緊k3會轉am,到時自己會多左時間照顧佢，希望追得返

作者: 章太郎 時間: 17-6-8 12:05

fangw22 發表於 17-6-8 09:32
E排有進步，寫字都端正好多同埋中文又識D個了

本帖最後由章太郎於 17-6-14 13:22 編輯

(emoji)

作者: encina 時間: 17-6-8 19:08

本帖最後由 encina 於 17-6-8 19:16 編輯

我女而家k2,1228細b,中文認字一般，英文ok, 同我仔時差唔多，我仔k2時中文差到呢。。嚇死人，而家到k3又ok...所以唔駛太擔心，其實可能同佢睇開咩書有關，我仔睇英文多，所以中文字會少見，而家睇多左好啲。其實我仔也都超怕羞，有時佢識，但唔夠膽講出黎而已

歡迎光臨教育王國 (/)