教育王國

標題: 幼稚園全軍覆沒，小一有唔錯offer [打印本頁]

作者: angeljodi 時間: 17-5-16 09:27 標題: 幼稚園全軍覆沒，小一有唔錯offer

其實，出呢個post, 係想鼓勵下所有家長，幼稚園全軍覆沒

，唔代表小一都會衰

我個人而言（不代表所有人），小兒係11年細囝，大家都知細囝較輸蝕

，當年考PN基本上連考都冇得考，因為好多學校都8月左右開學，人地唔會因為你而收小幾個月學費黎等你足2歲先番學，所以當年只有係一間算出名，但係新地方開嘅新校舍番PN（間學校好好，小朋友接觸嘅老師唔講中文），到考K1，除讀緊呢間PN之外，就只有九龍塘某大校offer，囝囝係廣東話家庭長大，但佢嘅英文能力出奇地好，PN嘅老師都覺得囝囝唔需要轉大囝多讀一年，所以最後都在這九龍塘大校升讀K1，讀咗半個學期，又一驚喜，佢竟然係成班同學仔中脫穎而出，考第1

，連老師對佢都讚不絕口，呢個真係好開心，好感動，其實佢唔使做大囝跟得上已經好安慰，之後因為某D原因K2轉校，新學校小班教學，照顧得更好，呢2年老師對佢嘅評語都唔錯，所以比佢考小一

大家都知今明2年都比較大競爭，雖然考到嘅小一只有3間，唔知算唔算一線（TT, KRS, KTS）

，我冇報讀任何面試班

，但當中已有心儀嘅，所以覺得非常足夠

呢幾年，我主要時間陪讀陪玩，囝囝係PN時已經有唔錯英文底，佢英文好過中文，有比佢學普通話，要考嘅cert唔算多，其實好似冇咩用，有比佢學小提琴（佢自己中意），有比佢試下出去參加朗誦比賽，最重要是培養佢閱讀興趣，令佢書不離手主動學習，我相信呢個係考到學校嘅主要原因

作者: ch_ymyaa 時間: 17-5-16 15:08

作者: xiaoxiaoau 時間: 17-5-16 15:33

回覆 angeljodi 的帖子

最重要是培養佢閱讀興趣，令佢書不離手主動學習 >>> very good!

作者: Wengie 時間: 17-5-16 17:00

多謝分享，你個post好正面好鼓舞

作者: JJ_KK 時間: 17-5-21 01:21

angeljodi 發表於 17-5-16 09:27
其實，出呢個post, 係想鼓勵下所有家長，幼稚園全軍覆沒，唔代表小一都會衰

我個人 ...

我都有培養小孩閱讀興趣，但要做到「書不離手」有點難度。你有心得可分享嗎？

作者: angeljodi 時間: 17-5-21 09:27

JJ_KK 發表於 17-5-21 01:21
我都有培養小孩閱讀興趣，但要做到「書不離手」有點難度。你有心得可分享嗎？
...

我最初係佢BB嘅時候，陪佢一齊睇ORT, 有圖冇字果種，先先講比佢聽發生咩事，我會諗方法令佢要估之後發生嘅事（當然佢唔識講啦），有時故作神秘咁，因為得幾版，我又唔會一次過講哂，總之諗方法令佢有興趣追住我，耐咗佢就會自己中意，自己揸住叫我講，到佢識講嘢就叫佢試下講

每個星期帶佢去圖書館，由佢自己選圖書，又陪佢睇，有時要扮下話好好睇，有時有D位要扮驚，總之諗D嘢吊佢癮咁

佢而家K3, ORT已經能夠自己有能力閱讀同理解STAGE 8嘅程度，無論係咩地方，有玩具同書嘅地方，佢都只會睇書，佢話書得意D喎

作者: babymama141215 時間: 17-5-21 13:33

angeljodi 發表於 17-5-21 09:27
我最初係佢BB嘅時候，陪佢一齊睇ORT, 有圖冇字果種，先先講比佢聽發生咩事，我會諗方法令佢要估之後發生嘅 ...

我想請教下呢，要佢係自己睇得明啲字先比佢睇高啲levels？定係睇圖明就算？

作者: angeljodi 時間: 17-5-21 13:49

babymama141215 發表於 17-5-21 13:33
我想請教下呢，要佢係自己睇得明啲字先比佢睇高啲levels？定係睇圖明就算？
...

本帖最後由 angeljodi 於 17-5-21 13:50 編輯

我會要求佢自己，完全理解每個字先算完成一本書

因為睇圖明冇意思，第日都唔識d字

作者: peggylau923 時間: 17-5-21 15:24

我仔係大仔，當年pn得兩間收佢，k1 0offer, 只得原校收，後來waiting call咗入了另一間讀k1,當年我都好唔開心，0 offer pn老師都大跌眼鏡，但經過了這兩，三年，小朋友開始大懂事，今年考小一係真係考佢本人，今年既成績係超過我預期，所以k或pn無offer唔好失望同唔開心！

作者: JJ_KK 時間: 17-5-21 17:31

angeljodi 發表於 17-5-21 09:27
我最初係佢BB嘅時候，陪佢一齊睇ORT, 有圖冇字果種，先先講比佢聽發生咩事，我會諗方法令佢要估之後發生嘅 ...

Thx for yr sharing!

作者: pekoesther 時間: 17-5-31 19:26

作者: Yeungmeimei128 時間: 17-6-1 08:39

咩叫ORT?

作者: yee123480 時間: 17-6-1 10:47

Yeungmeimei128 發表於 17-6-1 08:39
咩叫ORT?

Oxford reading tree

作者: angeljodi 時間: 17-6-1 12:31

Yeungmeimei128 發表於
咩叫ORT?

唔想買，可以去圖書館，大把可以借

作者: angeljodi 時間: 17-6-1 19:32

yee123480 發表於 17-6-1 10:47
Oxford reading tree

作者: 鄧豬太太 時間: 17-6-30 18:17

其實每個小朋友都唔同，大家唔需要比較，正所謂十隻手指都有長有短，每人總有強項及弱項的。有些人語文方面比較突出，亦有些人藝術方面表現會較出色。能說的就是版主的小朋友對文字係好敏感，這好可能是天生的，有些小朋友他們對圖畫顏色比較敏感，但對於文字，就認極都認唔熟。這並不能歸咎於父母，我相信就算迫也未必迫得來。小朋友處於學前階段，讓他們自由玩樂，享受童年更為重要。

歡迎光臨教育王國 (/)