教育王國

標題: 林超英叫港大教炒股 [打印本頁]

作者: elbar 時間: 17-5-12 14:42 標題: 林超英叫港大教炒股

■林超英

港大理學院院務委員會早前通過取消天文、數學／物理作為兩個主修科，被唔少人批評向錢看，身為港大舊生嘅前天文台台長林超英亦好不滿，噚日喺電台節目話理學院呢個決定相當「低檔」，純粹因少學生報讀就要取消科目，只會令香港產業越嚟越單一，扼殺本港培育科研人才嘅機會，諷指「不如直接開間炒股學院啦，我包你有好多學生」。

林超英話大學應該保住唔同嘅知識，唔可以所有人都只係識金融，「學校唔係服務學生，係應該服務社會，學生入嚟係學嘢，港大𠵱家咁做完全係相反」，佢又話政府邊稱講求科技同創意，中小學又相繼開STEM課程，港大竟然殺咗呢科，根本係扼殺本港未來嘅科研人才。睇番吖，林超英本身就係港大主修「數學／物理」嘅畢業生，難怪對港大此舉動肝火。

李八方

作者: cow 時間: 17-5-13 13:32

資源問題，取消天文主修可理解。但數學／物理主修課程都包含在物理主修同數學主修裡，應多不了多少資源。英國好多大學都有數學/物理主修。

作者: silvia_ng 時間: 17-5-13 13:45 標題: 回覆樓主:

其實我仔都將主修天文學列入其中一科有興趣讀既科目，自從睇過呢件事，我都覺得好可惜。林超英講得好啱，辦教育真係唔係樣樣野睇錢。

作者: ANChan59 時間: 17-5-13 21:21

阿仔有老友在港大双主修天文及电脑，最初是天文及物理。

听他说香港最好的天文及物理的是中大，而非港大！

歡迎光臨教育王國 (/)