教育王國

標題: 如何知道子女是B1A/B/C ? [打印本頁]

作者: jensen2005    時間: 17-5-10 11:30     標題: 如何知道子女是B1A/B/C ?

如何得知子女屬於Band 1 頭/中/尾?問班主任又唔肯正面回應
作者: elbar    時間: 17-5-10 11:41

jensen2005 發表於 17-5-10 11:30
如何得知子女屬於Band 1 頭/中/尾?問班主任又唔肯正面回應
其實如未考呈分試,可能咩Band 都未知

作者: 妹妹頭    時間: 17-5-10 11:48

回覆 jensen2005 的帖子

我地要考完呈一, 呈二, 至開家長會, 講BANDING, 到時會講埋屬B1頭/中/尾
作者: hkpapa852    時間: 17-5-10 12:07

妹妹頭 發表於 17-5-10 11:48
回覆 jensen2005 的帖子

我地要考完呈一, 呈二, 至開家長會, 講BANDING, 到時會講埋屬B1頭/中/尾 ...
其實學校講既B1頭/中/尾只可以參考, 因為佢地最多只會知自己有幾多B1學生, 亦只能較肯定估到邊D人會係B1尾.

至於是否B1頭/中, 佢地唔知自己學校畢業生既Pre-S1成績同其它學校既比較, 所以點會知.

可能某校B1學生比例高, 但主要係B1中/尾, 只有1/2個達B1頭, 甚至無都唔出奇 (呢D要睇前人Pre-S1考成點啦, 但邊個知?).

所以學校如果話你係B1頭/中, 其實都係斷估為主, 話你係B1尾, 就會有事實根據

作者: 妹妹頭    時間: 17-5-10 12:10

回覆 hkpapa852 的帖子

係, 學校都講明 "估計", 家長亦唔會太計算係頭/中/尾, 只會用B1去選學校
作者: tkinwong    時間: 17-5-10 13:14

hkpapa852 發表於 17-5-10 12:07
其實學校講既B1頭/中/尾只可以參考, 因為佢地最多只會知自己有幾多B1學生, 亦只能較肯定估到邊D人會係B1尾. ...

其實,大抽獎只是分三個組別,最關鍵是大家無得控制的隨機號碼。成績上就算係band one 頭,但隨機號碼後 vs 一個成屬band one 中下遊,但隨機號碼前,已兩個唔同世界。

真心想知,知道小朋友屬band one A/B/C , 其實對派位決定或策略有何影響?

作者: jensen2005    時間: 17-5-10 13:26

唔該晒! 因平時見討論區的家長們常提到他們子女係B1A/B/C,所以好奇想如何得知。
另外,知道小朋友屬band one A/B/C , 其實對派位決定或策略有何影響?因想清楚知道子女在全港排位大概位置,因本身小學Banding會有很大影響,縱使級名次是頭一二名,但擔心其實在全港排名只不過是B1尾/B2頭
作者: lovecupid    時間: 17-5-10 13:30

所謂的Band123、頭中尾。其實是指學生在校內呈分試後,在校內全級的排名位置而已。
因為,一間學校能取多少Band1位,是按逢雙數年2014/2016考的「中一入學前香港學科測驗」,學校的畢業生的表現所決定。即是他們為學校爭取多少個Band1位的意思。所以每逢雙數年的小六生,考完呈三、畢業試還要繼續補課谷爆的原因。

假設:A學校的2014/2016兩屆每屆的100個畢業生,在「中一入學前香港學科測驗」中,為A學校爭到20% Band1位,那可以說:

2017年和2018年的當屆畢業生,在三次呈分試中
考到頭20位,就是Band1了。而頭中尾,就是考得前,穩穩陣陣的,就是頭,在17-20的就是尾。那就會有危機,就是在21,22,23可能會在後來的其他呈分試的追上來。又或與同區校網學生成績比較中跌落Band2。

作者: tkinwong    時間: 17-5-10 13:38

jensen2005 發表於 17-5-10 13:26
唔該晒! 因平時見討論區的家長們常提到他們子女係B1A/B/C,所以好奇想如何得知。
另外,知道小朋友屬band on ...

可能我不在意甲部,所以忽略全港排名,只在意小朋友不是邊緣人就放心了。

作者: kkhon    時間: 17-5-10 13:56

tkinwong 發表於 17-5-10 13:14
其實,大抽獎只是分三個組別,最關鍵是大家無得控制的隨機號碼。成績上就算係band one 頭,但隨機號碼後 v ...
知道B1頭/中/尾可以在自行階段去報不同程度的学校,例如係B1c去報B1a中学多數吾收,或者揀人in時連面试的机会都冇。
作者: optman88    時間: 17-5-10 15:17

針對自行同叩門, Band 1 A/B/C 有啲用, 但大抽獎, 係一樣同 banding
作者: mcl203    時間: 17-5-10 15:23

optman88 發表於 17-5-10 15:17
針對自行同叩門, Band 1 A/B/C 有啲用, 但大抽獎, 係一樣同 banding

C仔都有少許參考性,有D機係边緣人 ~

作者: 王家爸爸    時間: 17-5-10 16:02

jensen2005 發表於 17-5-10 11:30
如何得知子女屬於Band 1 頭/中/尾?問班主任又唔肯正面回應
到大抽獎階段,無必要分Band頭定尾,反而諗下點樣維持係Band內先至重要。
作者: little_yolky    時間: 17-5-10 16:18

王家爸爸 發表於 17-5-10 16:02
到大抽獎階段,無必要分Band頭定尾,反而諗下點樣維持係Band內先至重要。
但係都無理由B1尾大抽奬走去搏神校掛。
作者: optman88    時間: 17-5-10 16:33

回覆 mcl203 的帖子

你啱 ^_^
作者: optman88    時間: 17-5-10 16:34

little_yolky 發表於 17-5-10 16:18
但係都無理由B1尾大抽奬走去搏神校掛。
係 Net 12, 應該唔小
作者: mcl203    時間: 17-5-10 16:36

little_yolky 發表於 17-5-10 16:18
但係都無理由B1尾大抽奬走去搏神校掛。

唔搏唔知運氣好,況且,神校都有自己B2生,  睇法就自行決定 ~

作者: mcl203    時間: 17-5-10 16:49

little_yolky 發表於 17-5-10 16:18
但係都無理由B1尾大抽奬走去搏神校掛。

講真既,可以又同意既話,考慮入傳統中學,係中學階段讀書風氣會有D分別,對培育將來升學目標可能會明確D ~~~

作者: little_yolky    時間: 17-5-10 16:54

mcl203 發表於 17-5-10 16:49
講真既,可以又同意既話,考慮入傳統中學,係中學階段讀書風氣會有D分別,對培育將來升學目標可能會明確D  ...
仲有一年時間俾我諗。阿女運氣一向都唔錯。
作者: 妹妹頭    時間: 17-5-10 16:56

回覆 little_yolky 的帖子

我冇乜時間, 下個月就呈一, 希望阿女運氣好d, 晌我地依個 死網 可以順利派band 1
作者: mcl203    時間: 17-5-10 17:01

little_yolky 發表於 17-5-10 16:54
仲有一年時間俾我諗。阿女運氣一向都唔錯。

少少體會,若中學階段參加某D體驗課程,會發覺D三山五路人馬,傳統中學可能係主力人馬。你果行應了解好深 ~

作者: little_yolky    時間: 17-5-10 17:10

mcl203 發表於 17-5-10 17:01
少少體會,若中學階段參加某D體驗課程,會發覺D三山五路人馬,傳統中學可能係主力人馬。你果行應了解好深  ...
我C6主要教小學高小資優生, 佢話地區一線同神校既學生, 真係差好遠.........除咗資質外, 地區一線果D好似港孩咁, 飯都唔會自己裝, 神校既同學仔, 會主動幫忙收拾, 同埋未做完實驗, 要堅持做到為止。地區一線既學生, 尤其係男仔, 俾機會佢哋做presentation, 居然唔做, 唔想做, 俾C6省到立立靚。唔知中學有無咁大分別。
作者: mcl203    時間: 17-5-10 17:27

little_yolky 發表於 17-5-10 17:10
我C6主要教小學高小資優生, 佢話地區一線同神校既學生, 真係差好遠.........除咗資質外, 地區一線果 ...
我小朋友復活節先參加完某體驗課程...去前怕孤獨...揾埋朋友陪
去到原來自己中學咁叠馬...佢朋友反為慘D一個人去...雖然都係傳統名中
其他亦知大大班既係來自各大門派...似乎分別仲係有既 ~~~


作者: Eat_Sleep_Play    時間: 17-5-10 19:47

hkpapa852 發表於 17-5-10 12:07
其實學校講既B1頭/中/尾只可以參考, 因為佢地最多只會知自己有幾多B1學生, 亦只能較肯定估到邊D人會係B1尾. ...
我以為只是將band 1%再平均除3份,就係band 1a/b/c
作者: 王家爸爸    時間: 17-5-11 08:34

little_yolky 發表於 17-5-10 16:18
但係都無理由B1尾大抽奬走去搏神校掛。
唔係搏唔搏神校既問題,而係無更好既組合。以灣仔區為例,B1學生好多時都係乙一QC,原因係位多。
作者: 王家爸爸    時間: 17-5-11 08:37

Eat_Sleep_Play 發表於 17-5-10 19:47
我以為只是將band 1%再平均除3份,就係band 1a/b/c
其實亦只能用「除3份」去估,有差異,但係一般不會太大。差異既原因係因為每間學校既分佈曲線唔同。
作者: little_yolky    時間: 17-5-11 08:49

王家爸爸 發表於 17-5-11 08:37
其實亦只能用「除3份」去估,有差異,但係一般不會太大。差異既原因係因為每間學校既分佈曲線唔同。 ...
如果係正正常常既學校就係, 但係有D寶校, B1都唔知有無10個, 考級一、二既, 同區都未必一定去到B1A, 何況出公海。自行時中學見到你間學校名, 都真係大打折扣。
作者: 王家爸爸    時間: 17-5-11 08:52

little_yolky 發表於 17-5-11 08:49
如果係正正常常既學校就係, 但係有D寶校, B1都唔知有無10個, 考級一、二既, 同區都未必一定去到B1A, 何況出 ...
其實寶校情況可以好唔同,如果得幾個B1學生,可能全部都係B1尾。
作者: IloveJJ    時間: 17-5-11 08:53

提示: 作者被禁止或刪除 內容自動屏蔽
作者: IloveJJ    時間: 17-5-11 08:56

提示: 作者被禁止或刪除 內容自動屏蔽
作者: hoyeef    時間: 17-5-11 09:01

lovecupid 發表於 17-5-10 13:30
所謂的Band123、頭中尾。其實是指學生在校內呈分試後,在校內全級的排名位置而已。
因為,一間學校能取多少 ...

這講法有些不對,當師兄、師姐考了PRE-S1 後,不會將這成績作排名計算Banding。即是不可能說有間學校有50%Band 1 生。在考PRE-S1的時候,都未知下一屆有多少人升讀中一,怎可將前三分一是Band 1.



作者: 王家爸爸    時間: 17-5-11 09:02

IloveJJ 發表於 17-5-11 08:56
會呀!我見有啲去叩門,就算考得前都無得in或唔收,證明响學校排名前都唔夠程度啦!
...
如果係寶校,又考第一,反而自行階段可以一試,原因係即使你EDB排名唔係B1A,實際上可能係B1A(因為分佈曲線truncated tail或者其他既原因),所以反而傳統名校可能有興趣會睇下小朋友既實際情況,有得面試。如果小朋友面試表現好,應該有啲機會。
作者: little_yolky    時間: 17-5-11 09:04

IloveJJ 發表於 17-5-11 08:53
本帖最後由 IloveJJ 於 17-5-11 08:53 編輯

地區一線學校既男仔,即係我仔啦!咁俾佢present,佢真係唔 ...
我覺得係pre-school既家庭教育train出嚟, 佢哋先天已經好, 再加上學校train up, 佢哋有自信, 就事半功倍。响津校, 始終無咁多資源train學生個presentation, 操卷都唔夠時間啦。

另一方面, 地區一線有D家長真係好地區, 佢哋著重既係學業成績, 所以睇少好多嘢。你唔好咁講你個仔, 如果係老師叫到, 一般死死地氣都會做到的, 好似果幾個資優男仔我反為少見。如果老師叫到, 我阿大都一定敢行出嚟present。個男仔既家長課後有問佢阿仔個表現, C6如實報道, 佢好有禮貌仲覺得好唔好意思添, C6反映俾佢聽, 主要係少咗一次present既機會而已, 因為唔係咁多機會可以有咁多茂利坐定定聽你齋嗡幾分鐘。機會無咗就無咗。

作者: mcl203    時間: 17-5-11 09:25

little_yolky 發表於 17-5-11 09:04
我覺得係pre-school既家庭教育train出嚟, 佢哋先天已經好, 再加上學校train up, 佢哋有自信, 就事半功倍。 ...

本帖最後由 mcl203 於 17-5-11 09:26 編輯

又係未必,Presentation係平時培訓番黎,我小朋友間津校,學校自信和家長分享所觀察都係面試較強,主因係平時已經做project/presentation,已經慣晒,當然同學間總有高低,但係普遍都唔錯。

作者: 妹妹頭    時間: 17-5-11 09:33

回覆 mcl203 的帖子

我都同意, 我女果間都係一般津小, 小四開始已經常識同宗教都要做GROUP PROJECT + PRESENTATION, 我女通常都係組長, 可能因為我女比人感覺係成熟, 依家佢對住人講幾分鐘野, 都易如反掌
作者: mcl203    時間: 17-5-11 09:42

妹妹頭 發表於 17-5-11 09:33
回覆 mcl203 的帖子

我都同意, 我女果間都係一般津小, 小四開始已經常識同宗教都要做GROUP PROJECT + PRES ...

我小朋友果間係P2已經開始做Project, 若需要Presentation 又係小組模式,係各組員都要係班上Present, 否則無分,甚或累大家。佢地從P1起係鼓勵學生出校際朗誦/音樂,係自由參與,大部份學生都參與,再加多年學校傳統文化,所以普遍慣於表達。所以平時教導模式係重要既。

作者: IloveJJ    時間: 17-5-11 09:45

提示: 作者被禁止或刪除 內容自動屏蔽
作者: Band5    時間: 17-5-11 09:49     標題: 回覆樓主:

B1ABC,知道大概就得了,實際作用唔大!

考直資,自行或者扣門,都冇人會睇banding或者B1ABC,因為會直接睇教署排名,所有B1ABC都只係用嚟做自我評估成功機會率!

到抽獎時又唔分B1ABC,大家機會均等。

但當學生家長知道(或者自以為)自己屬於band頭中尾,就會帶著有唔同程度嘅信心去揀學校,無論係老師建議,或者家長自己心態,都會跟B1ABC作相應嘅選擇唔同組合,這會直接影響咗派位結果,要知道派首三志願嘅成功率高達九成!

問題係萬一派得唔好,要去扣門嘅,去到筆試就可能會見到1ABC實力嘅分別!

作者: IloveJJ    時間: 17-5-11 09:50

提示: 作者被禁止或刪除 內容自動屏蔽
作者: IloveJJ    時間: 17-5-11 09:55

提示: 作者被禁止或刪除 內容自動屏蔽
作者: mother904    時間: 17-5-11 09:56

IloveJJ 發表於 17-5-11 08:53
本帖最後由 IloveJJ 於 17-5-11 08:53 編輯

地區一線學校既男仔,即係我仔啦!咁俾佢present,佢真係唔 ...
兩樣都有,固然學校一早會傾向選擇主動外向的學生,較內向的同學,經過幾年耳濡目染同不斷有機會試,最後大都會變得放膽出黎present
我女小學讀直資,真係見到小一時文靜內向,話都唔敢講多句的同學,幾年後,出黎present 完全冇難度

作者: IloveJJ    時間: 17-5-11 09:59

提示: 作者被禁止或刪除 內容自動屏蔽
作者: Band5    時間: 17-5-11 11:27

IloveJJ 發表於 17-5-11 09:59
但其實要考B1A,B,C既付出,爭好遠呢!

讀書係要付出,但未必同B1ABC掛鈎!

我仔升小學時只報津小,冇諗過私校或直資,因為睇唔到佢會爭得到,當時只想佢升B1中學。慢慢見到佢有能力兼顧運動,興趣同學業,目標自然就一步一步放高!

現時已中四,成績中上,當然有付出!好快要鎖定大學讀邊科,付出自然要加碼,逐步要減少打機時間!

作者: IloveJJ    時間: 17-5-11 12:20

提示: 作者被禁止或刪除 內容自動屏蔽
作者: MASAYA    時間: 17-5-11 12:22

IloveJJ 發表於 17-5-11 09:59
但其實要考B1A,B,C既付出,爭好遠呢!
唔一定,有唔少谷上B1C辛苦過B1A生
作者: IloveJJ    時間: 17-5-11 12:27

提示: 作者被禁止或刪除 內容自動屏蔽
作者: MASAYA    時間: 17-5-11 12:29

本帖最後由 MASAYA 於 17-5-11 12:29 編輯
IloveJJ 發表於 17-5-11 12:27
你意思係B2谷上B1C?

係呀,結果係B1C,但你唔知佢個過程,可能係band2底子谷上B1C,可能係B1A hea到B1C,妳好難話B1C辛唔辛苦,B1A都係
作者: retriever    時間: 17-5-24 12:42

IloveJJ 發表於 17-5-11 09:55
咁地區嗰啲,又係好參差既。
我仔上次參加「衝上雲霄」,真係有啲同學去到都掛住玩,攞部電腦嚟打機,攪到 ...

真好運,咁都俾你成PAIR 遇到。

作者: b3410    時間: 17-5-24 21:58

IloveJJ 發表於 17-5-11 12:20
我純粹有感而發。
我仔一般來說,可以取B1B位置,不算太難。
但如果要去B1A,就無可避免要做多啲練習,我 ...
呈分試,要衝刺,18樣武藝樣樣要出手。操練見效快,點可以唔做?
作者: IloveJJ    時間: 17-5-24 22:29

提示: 作者被禁止或刪除 內容自動屏蔽
作者: 苗子    時間: 17-5-25 10:36

回覆 jensen2005 的帖子

噢,咁恐怖唔肯正面回應???
作者: 2jkidsfather    時間: 17-5-25 10:42

jensen2005 發表於 17-5-10 11:30
如何得知子女屬於Band 1 頭/中/尾?問班主任又唔肯正面回應
班主任是不會知所屬本區或全港的 Band 1 頭/中/尾。

作者: little_yolky    時間: 17-5-25 10:56

2jkidsfather 發表於 17-5-25 10:42
班主任是不會知所屬本區或全港的 Band 1 頭/中/尾。
只可以根據同校學生過去既表現, 估計考級幾多, 可以入到邊D級數學校, 尤其跨區入到果D或入到直資神校果D。否則, 大家都係大抽奬, 真係唔知係咪頭中尾。




歡迎光臨 教育王國 (/) Powered by Discuz! X1.5