教育王國
標題: 拆解小一面試死穴 「八爪魚家長」:別為面試抹走孩子的思想 [打印本頁]
作者: elbar 時間: 17-5-5 17:18 標題: 拆解小一面試死穴 「八爪魚家長」:別為面試抹走孩子的思想
2017/18學年小一統一派位（俗稱「大抽獎」）將於6月3日揭盅，2018/19直資、私立已經拉開收生帷幕。每個父母希望子女升上最好的學校，想在面試如何爭取好表現 ，面試又有何死穴？
TOPick訪問了親子專欄作家「八爪魚家長」梁永樂，拆解直接、私立學校的特質，以及面試不可犯的錯。
按孩子特質選學校
全港有21間直資小學、45間私立小學，梁永樂表示，不同學校都有其特色，家長不應單看成績或排名，按孩子的特質選擇合適的學校，最為理想。
- 拔萃女小學（私立）及拔萃男書院附屬小學（直資）：基礎要求高，尤其是英文，着重學術，學業壓力較大。
- 國際基督教優質音樂中學暨小學（私立）：宗教色彩濃厚，DSE成績好，着重音樂，面試時間早。
- 保良局陳守仁小學（直資）：多不同國籍學生
- 保良局林文燦英文小學（直資）：英文能力強
- 真道書院（直資）：多活動，校園生活豐富
- 救恩學校（私立）：主張快樂學習，鼓勵學生走出課室學習
- 英華小學（直資）：有一定學術要求，主張快樂學習、活動教學，鼓勵啟發、溝通
梁永樂育有一子一女，7歲的兒子就讀英華小學，他以英華小學為例，英華小學主張活動教學，學校早前鼓勵同學寫信，兒子便寫信給「大嘥鬼」：
他向「大嘥鬼」投訴同學浪費食物，飯盒丟棄時跟拿回來一樣。
「大嘥鬼」收到信後，答應5月會到訪學校。
面試重家教 別對孩子說「去玩」
雖然教育局的指引列明，直資及私立小學的小一面試不可包含計數、語文運用等內容，亦不能以考試的形式進行，但部分學校仍會以對話或其他方式評估學生的能力。
學業固然重要，但家教、禮貌都絕不可輕視。梁永樂綜合出以下3個面試重點：
1. 家教
父母、家庭對孩子的品格影響甚大，而對學校來說，收一個學生，更是代表要與背後的父母交流。因此父母的表現，以至孩子是否有禮、懂得與人相處，都是面試時老師會看的重點。
2. 閱讀
在電腦、手機盛行的時代，愛閱讀的孩子少之又少。閱讀的質與量都十分重要，如孩子喜愛閱讀，以後學習能力通常較高。
3. 語文能力
不少學校都要求孩子以英文流暢完成完整對話，這其實是超過K3的程度，所以家長須在家中作額外教學。
面試前，家長給孩子的心理準備都相當重要。
不要對孩子說「去玩」，應該讓孩子知道面試是一件認真的事。
梁永樂引述幼稚園校長指，可告訴子女已完成幼稚園課程，是時候升上小學，所以要讓別人認識你，只要做平時應做的事就好。
面試死穴：撞衫撞答案撞動作
小孩面試最忌過於操練，不少家長為了讓子女表現「完美」，都會送他們上面試班學習技巧。可是，過分操練只會使小孩成為機械人般，
不少學生面試時會撞衫、撞答案，最致命是連動作都撞！
撞衫不難理解，亦不是很大問題，撞答案就是讓子女背誦答案：「如老師問他平時的興趣，他說看書；再問去沙灘會做甚麼，也回答看書。」
至於何謂「撞動作」？
當每個小孩入面試室時都會90度鞠躬，叫「某校長早晨」，離開時都會拿起椅子擺回原處，怎料那張椅子是有滾輪的電腦椅，孩子都照樣想拿起來，就很明顯是經過特別訓練的了。
另外，家長也要留意平時的身教，如與人相處的態度或說話。
小孩平時聽父母說粗話，家長未必意識到有問題，但小朋友有可能在面試時不自覺說了「條友」、「老母」等不禮貌或粗鄙的字眼，已經反映到平時的家教。
面試時，家長的表現都十分重要，切記不可說謊。例如老師問孩子幾點睡覺，父母搶着說很早，但孩子卻否認，如此一來就會給學校留下壞印象，家長不是一個好榜樣。
合適的禮儀和自信不可少，但千萬別為了面試抹走孩子的思想，小孩子有小孩子的模樣、童真、稚氣才可愛。
作者: Soundervolt 時間: 17-5-5 19:09 標題: 回覆樓主:
又係呢尐親子專欄作家，講埋尐講咗等於冇講嘅理論。
作者: littlefaith 時間: 17-5-5 22:44
呵呵，又賺稿費。
作者: 雲牛 時間: 17-5-5 22:56 標題: 回覆樓主：
本帖最後由 雲牛 於 17-5-5 22:57 編輯
不應單看成績或排名，最終咪又係去讀名校。
作者: francis_chan 時間: 17-5-6 05:01
按孩子特質選學校那一段，感覺過於簡單又同事實唔多相同！
作者: picalo 時間: 17-5-6 06:44
誇張
作者: HappyCheerBaby 時間: 17-5-6 09:24
呵呵，為了賺稿費而亂講學校特性，似乎文中提及有幾間小學跟事實有出入。
作者: Jane1983 時間: 17-5-6 09:41
吓吓幾千人考，得個百幾個位。就做自己，表達最率真一面，學校15分鐘睇你特質就收你？
講呢d空話，邊個唔識！
作者: francis_chan 時間: 17-5-6 11:42
Jane1983 發表於 17-5-6 09:41 
吓吓幾千人考，得個百幾個位。就做自己，表達最率真一面，學校15分鐘睇你特質就收你？
講呢d空話，邊個唔 ...
其實點都係學術行先！
作者: Jane1983 時間: 17-5-6 11:50
回覆 francis_chan 的帖子
除非學校做得到好似外國的學校咁 - 話小朋友咁細既年紀，唔應該識呢d而唔收 - 否則無講呢d，因為根本唔係事實。
作者: Jane1983 時間: 17-5-6 11:53
回覆 雲牛 的帖子
根本就係好虛偽的，有一次唔記得聽邊個大仁大義講，點樣比小朋友自由發展，怪獸家長幾不堪，最後原來係25分津校。呢d風涼話，講黎做乜！
作者: Soundervolt 時間: 17-5-6 12:04
考小一直私学校壓力大過小三TSA/BCA多倍，但又唔見有人行出尼大嗌改革直私学校小一收生方法，甚至取消面试或禁止递交portfolio，去杜绝小朋友為左考直私学校而被迫接受"超前教育"。
作者: jason1978 時間: 17-5-6 12:16
Soundervolt 發表於 17-5-6 12:04
考小一直私学校壓力大過小三TSA/BCA多倍，但又唔見有人行出尼大嗌改革直私学校小一收生方法，甚至取消面试 ...
同意。見啲細路補呢樣補果樣外人看也心痛。
何不還他們一個正常可回憶的童年。
況且，幼稚園開始補，入小學追課程又補，唔知幾時補到大。
不過，呢度大勢所趨，都係少說為妙。
唉～
作者: Felix223 時間: 17-5-6 12:34
Soundervolt 發表於 17-5-6 12:04
考小一直私学校壓力大過小三TSA/BCA多倍，但又唔見有人行出尼大嗌改革直私学校小一收生方法，甚至取消面试 ...
其實非常認同，香港的教育制度是絕對變態！
作者: Felix223 時間: 17-5-6 12:36
jason1978 發表於 17-5-6 12:16
同意。見啲細路補呢樣補果樣外人看也心痛。
何不還他們一個正常可回憶的童年。
況且，幼稚園開始補，入小 ...
本帖最後由 Felix223 於 17-5-6 12:36 編輯
呢度係討論區，如果有意見不妨講，唔需要太擔心，大家和平討論吓有咩所謂。
作者: francis_chan 時間: 17-5-6 13:29
Felix223 發表於 17-5-6 12:34
其實非常認同，香港的教育制度是絕對變態！
其實如果對小朋友讀邊間學校都無所謂，一定又無壓力同好經鬆！同慘係香港地每年要入學的學生多，相對好的學校其實唔算多，個個要爭入心儀學校唯一係靠面試其實都無辦法！
作者: Felix223 時間: 17-5-6 13:39
francis_chan 發表於 17-5-6 13:29
其實如果對小朋友讀邊間學校都無所謂，一定又無壓力同好經鬆！同慘係香港地每年要入學的學生多，相對好的 ...
明白，interview 係正常！當年我小時候都係咁見，不過係而家D教育制度變曬質，最好個個家長全部個個做FTM去應付小朋友的學業！真的苦了孩子！
作者: francis_chan 時間: 17-5-6 14:39
Felix223 發表於 17-5-6 13:39
明白，interview 係正常！當年我小時候都係咁見，不過係而家D教育制度變曬質，最好個個家長全部個個做FTM ...
其實好多學校都無要求係FTM,其實除小朋友面試表現外，點都會會睇埋父母職業及居住地點！FTM其實只係好其次，現實來說FTM對跟進小朋友功課考試點都會有著數！
作者: Alange 時間: 17-5-6 17:16
提示: 作者被禁止或刪除 內容自動屏蔽
作者: ok3 時間: 17-5-6 17:51
Soundervolt 發表於 17-5-6 12:04
考小一直私学校壓力大過小三TSA/BCA多倍，但又唔見有人行出尼大嗌改革直私学校小一收生方法，甚至取消面试 ...
作者: eltonmi 時間: 17-5-7 00:27 標題: 回覆樓主：
本帖最後由 eltonmi 於 17-5-7 00:28 編輯
我覺得睇小朋友性格，我係今年升小一遊戲玩到中段的家長。我小朋友性格樂天貪玩，而我也一直不希望給他太大壓力在小一面試上所以最初面試小一只跟他說去認識了解下學校和同老師傾計玩下，點知佢真的當去玩，到我收到好多封第一面見落敗後，同小朋友和其他家長研究，先醒覺要同佢講係面試，唔係玩，將現實的一面坦白講，之後佢表現立即不同，好彩最後都收到心儀的私小offer，可惜之前的機會一直白白流掉
作者: picalo 時間: 17-5-8 06:48
做怪獸都係為勢所逼,邊個唔想小朋友入到比較好的學校?
好的意思唔係單指學術好,校風,紀律都要好
我個人覺得我唔想小朋友學壞,如果校風好,學術一般,其實我不介意
但如果將命運交俾大抽獎,我相信無人想
作者: melody228 時間: 17-5-8 09:23
佢兒子果間嘅面試係點玩法？撞答案撞動作呢啲term好新穎下，簡單答條問題或放好張櫈背後都諗到咁大陰謀
非一般怪獸。
作者: Pigmama1012 時間: 17-5-8 10:41
Alange 發表於 17-5-6 17:16
' 不要說去玩，要好認真？？'
真的嗎？
咁如果不幸落選，是否要認真檢討？
同意，怕同小朋友説面試他們有壓力，可能當遊戲他們輕鬆d
作者: Jane1983 時間: 17-5-8 10:47
本帖最後由 Jane1983 於 17-5-8 10:47 編輯
一dd細路，如果本身好乖好守規，怕生保，你同佢講去玩可能得。但有d好動活潑，你話玩佢真係喪晒唔理人，咁就唔好。
面試大唔大壓力，其實好睇家長的反應和點樣處理。你無嘢，佢就無嘢。In得唔好，你打鬧佢，收reject letter，你以淚洗面，嚇佢無書讀，梗係難頂。
作者: ok3 時間: 17-5-8 11:33
其實小一面試時, 小朋友一般都有5歲啦! 正正經經同佢講去interview真係唔覺有咩問題. 最緊要唔好俾咁大壓力小朋友(同自己)就真.
作者: jumphigh 時間: 17-5-8 13:07
提示: 作者被禁止或刪除 內容自動屏蔽
作者: 雲牛 時間: 17-5-8 15:56 標題: 回覆樓主:
仲有個講座叫'没有闖不進的名校'。可以有網友去完之後分享吓？(emoji)
作者: Soundervolt 時間: 17-5-8 16:08
雲牛 發表於 17-5-8 15:56
仲有個講座叫'没有闖不進的名校'。可以有網友去完之後分享吓？(emoji)
作者: hkpapa852 時間: 17-5-8 16:15
雲牛 發表於 17-5-8 15:56
仲有個講座叫'没有闖不進的名校'。可以有網友去完之後分享吓？(emoji)
作者: MC1128 時間: 17-5-8 16:20
本帖最後由 MC1128 於 17-5-8 20:57 編輯
Soundervolt 發表於 17-5-6 12:04
考小一直私学校壓力大過小三TSA/BCA多倍，但又唔見有人行出尼大嗌改革直私学校小一收生方法，甚至取消面试 ...
考小一直私, 家長自己有權控制, 我知教育制度令家長好為難......(下刪千字) , 但是否要考十間、廿間,甚至卅間, 考之前是否面試、催谷、儲證書......家長絕對可以自己權衡做幾多才為合適
相比之下, TSA/BCA, 受制度所限, 家長的自主度較小, 但不是沒有, 家長明白考成點對個人成績無礙, 就不用操操操
作者: Felix223 時間: 17-5-8 16:20
雲牛 發表於 17-5-8 15:56
仲有個講座叫'没有闖不進的名校'。可以有網友去完之後分享吓？(emoji)
8卦一問，究竟係邊間？
作者: Soundervolt 時間: 17-5-8 16:26 標題: 回覆樓主:
本帖最後由 Soundervolt 於 17-5-8 16:46 編輯
我之前喺其他帖討論過，如果一間學校要為咗TSA/BCA而要學生操練，呢尐學校已曲綫自我承認係一間低於全港平均水平既學校，而且學校操守極之有問題，應該對呢尐學校避之則吉，始终可以選擇其他學校。但最慘係宜家社会好似边個大声就边個啱，已经唔再理性。
BTW, 早排电台節目, St. Clare校長話反对小三TSA/BCA只佔全港500間小学15%。
作者: matsushima 時間: 17-5-8 17:58
Soundervolt 發表於 17-5-8 16:08
'没有闖不進的名校'? 你试下吖拿......学校立即叫實Q!
作者: Alange 時間: 17-5-8 18:51
提示: 作者被禁止或刪除 內容自動屏蔽
作者: happyapple 時間: 17-5-8 21:01
Soundervolt 發表於 17-5-8 16:26
我之前喺其他帖討論過，如果一間學校要為咗TSA/BCA而要學生操練，呢尐學校已曲綫自我承認係一間低於全港平 ...
Agree with you
個人絶不反對TSA/BCA
作者: Soundervolt 時間: 17-5-8 22:18
ok3 發表於 17-5-8 11:33
其實小一面試時, 小朋友一般都有5歲啦! 正正經經同佢講去interview真係唔覺有咩問題. 最緊要唔好俾咁大壓力 ...
如果父母平時已經好緊張，琴棋書畫樣樣都齊，証書獎杯一大籮，但五六歲天真爛漫嘅小朋友都唔係儍嘅，壓力已經係平時累積。就算面試前同佢地講兩句當去玩遊戲都會feel到父母既壓力。
| 歡迎光臨 教育王國 (/) |
Powered by Discuz! X1.5 |