教育王國
標題: 玫瑰崗小學 [打印本頁]
作者: babypig2017 時間: 17-5-1 17:53 標題: 玫瑰崗小學
本帖最後由 babypig2017 於 17-12-14 22:42 編輯
Delete
作者: SingMom 時間: 17-5-1 21:59
babypig2017 發表於 17-5-1 17:53 
請問玫小難入嗎？
作者: 星星的後裔 時間: 17-5-2 08:01
我估唔易，睇EK 應該幼、小都是好學校，升中都唔錯。但好成續就唔會升中，但學生搵到好中學。
另自己親身經驗，前排有人黎公司應聘好前線同$34.5有關的工作，佢拎住張90s 玫瑰崗中五成績表，全級考60名，無上U. 可能她有個人原因，但影響了我對中學的感覺。
作者: hkpapa852 時間: 17-5-2 11:00
星星的後裔 發表於 17-5-2 08:01
我估唔易，睇EK 應該幼、小都是好學校，升中都唔錯。但好成續就唔會升中，但學生搵到好中學。
另自己親身 ...
玫小既升B1水平, 只係可以和同區既李賜豪相比.
作者: boojiji 時間: 17-5-2 12:14
hkpapa852 發表於 17-5-2 11:00
你去真認睇吓有關玫小既舊帖吧!
玫小既升B1水平, 只係可以和同區既李賜豪相比.
作者: 雲牛 時間: 17-5-2 12:46
回覆 boojiji 的帖子
想請教番, 玫幼有點咁出名?
作者: behd 時間: 17-5-2 14:14
玫幼出名在語境好，但我見好多人讀完Pn有好k1 offer 都走。
作者: 星星的後裔 時間: 17-5-2 14:27
hkpapa852 發表於 17-5-2 11:00
你去真認睇吓有關玫小既舊帖吧!
玫小既升B1水平, 只係可以和同區既李賜豪相比.
理解錯，sorry.
作者: meowymeowy 時間: 17-5-2 14:46
本來話中學轉直資又無左下文... 真可惜。
但識唔少人玫中畢業，出黎做野發展唔錯，夠social人又好。加上在公園及泳池不時遇上玫小生，又係好傾得同得體，印象係好的。
不過人人把呎唔同，我個人唔會只看中學是否B1, 我通常會望下識既人讀完係點。
作者: Baby.caroline33 時間: 17-5-3 09:41
meowymeowy 發表於 17-5-2 14:46
本來話中學轉直資又無左下文... 真可惜。
但識唔少人玫中畢業，出黎做野發展唔錯，夠social人又好。加上在 ...
本帖最後由 Baby.caroline33 於 17-5-3 09:43 編輯
我係玫幼用家， 其實我覺得玫幼玫小 唔錯，我小朋友讀得好開心，學術都深！ 睇下家長想要啲咩啦！
玫中係麻麻 ，咁早諗定中學咁長遠， 講真6年後係咩世界冇人知
而家真係唔明， 諗學校 樣樣都要諗到咁長遠，比您搵到間 中學嘅龍校又點？ 又要諗埋入U 機會率，入邊間U ,之後唔通又諗埋 入邊間公司打工咩
有中小學嘅龍校 又唔係多位，所以平常心面對啦
作者: cycarey 時間: 17-5-3 11:50
我小朋友今年要報小一，都考慮緊玫小，睇咗以前post嘅帖講英文環境好好，算是happy school但近期好少人post 吾知依家點，谷吾谷？有冇小朋友讀緊嘅媽媽分享下
作者: Chirley 時間: 17-5-3 23:42
本帖最後由 Chirley 於 17-5-4 09:40 編輯
我係90'S尾玫記中學畢業生, 講少少我知道的吧
因為雖然係同一校舍但因為分開唔同部門,
而且正常情況下亦唔可以去第二個SECTION 所以我知的都係由小學升上黎既同學事。
自己覺得小學部係唔錯, 佢地既野係當時年代都幾深,
大部份由小學升上黎既家底都幾好, 成績算係中上游, 但說實在真係好叻果批就去左其他中學, 或有D同學仔屋企都係俾佢地去外國讀多。
但係返學因位置問題就較麻煩囉
作者: poodlema 時間: 17-5-4 12:04
玫小應易入
我見阿仔同識得嘅人考親都收
作者: 晴晴小B 時間: 17-5-4 12:29
poodlema 發表於 17-5-4 12:04
玫小應易入
我見阿仔同識得嘅人考親都收
玫小升中一般，又要比學費。
要係灣仔區要搵間好過佢既官津小學其實唔難，何必要搵間冷門野比麻煩自己。
作者: cfbwong 時間: 17-5-4 16:40
相比港島區一線直資小學，相信並不大難入。此學校是否值得就要睇你要求，手上offer 及價值觀。若獲得一線官/津/直的學校取錄，不用多說啦。但若沒有的話，揀玫小其中一個主要原因是英文小學，只希望打好英文底子(假設父母認為語言特別是英語是重要的)。而近年玫小亦至力提升教學品質，相信比起傳統小學(尢其官/津)較為靈活，自主度較大(個人意見)，當然每月學費4，5千元又是另一考慮(值不值得)。很難亦每需同其他學校相比，因為每間學校必有強項弱項(除非所謂一缐神校)，要看你注重什麼..能放棄什麼。
作者: manman0808 時間: 17-5-4 22:16
babypig2017 發表於 17-5-1 17:53
請問玫小難入嗎？
其實玫小好多小朋友中學會返外國或轉 international school.
如果你只看派band 1 率，未必作準，但玫小 train 出來的小朋友英文一定唔弱！每個家長要求不同，但我女那班同學好多都有外國護照，未必一定在香港直升！
作者: mcl203 時間: 17-5-4 22:45
manman0808 發表於 17-5-4 22:16
其實玫小好多小朋友中學會返外國或轉 international school.
如果你只看派band 1 率，未必作準，但玫小 tr ...
你係指RHS網頁既SSPA Result D資料不可作準，咁奇怪 ?? ~~~
作者: cycarey 時間: 17-5-5 13:21
manman0808 發表於 17-5-4 22:16
其實玫小好多小朋友中學會返外國或轉 international school.
如果你只看派band 1 率，未必作準，但玫小 tr ...
請問你女依家讀幾多級? 好想知多啲間學校情況, 功課多吾多?幾測幾考? 你女女讀得開心嗎?
作者: boojiji 時間: 17-5-5 15:08
晴晴小B 發表於 17-5-4 12:29
玫小升中一般，又要比學費。
要係灣仔區要搵間好過佢既官津小學其實唔難，何必要搵間冷門野比麻煩自己。
...
作者: hkpapa852 時間: 17-5-5 15:30
manman0808 發表於 17-5-4 22:16
其實玫小好多小朋友中學會返外國或轉 international school.
如果你只看派band 1 率，未必作準，但玫小 tr ...
2015年升中派位:
http://www.rhs.edu.hk/_uploads/news/PRI/download/Banding%20Estimation%20and%20allocation%20analysis%202013-2015.pdf
2016年升中派位:
http://www.rhs.edu.hk/_uploads/academic/PRI/SSPA%20Allocation%20Result%20for%202014-2016.pdf
作者: manman0808 時間: 17-5-5 16:57
hkpapa852 發表於 17-5-5 15:30
根據官方資料, 升中時無人出國或者讀國際學校喎?
2015年升中派位:
I didn't ask the school officially, just heard from other kids and parents at school. But honestly, many parents do plan to send their kids overseas for high school and college. Everyone expectation is different, for me, as long as my kid is happy and can speak fluent English, it's good for me.
作者: mcl203 時間: 17-5-5 18:27
manman0808 發表於 17-5-5 16:57
I didn't ask the school officially, just heard from other kids and parents at school. But honestly ...
似乎仲未睇得明，升中往績 同 中學海外升學 有何直接関係。唔少小學都有部份學生係有計劃海外升學，但又唔覺會直接影響B1率 ~
作者: Baby.caroline33 時間: 17-5-6 10:38
英文好 勝過學術好
英文好 將來 工作 流利英文好緊要
唔通 出嚟做嘢 同老闆講學術咩！
所以 玫小4000-5000 蚊學費，已經唔算貴啦
仲有 玫瑰崗家長好低調
甚少 響呢度講嘢
所以咪唔多人覺得有呢間學校囉
我老闆 係幾十年前嘅舊生
身邊 有朋友 都係 舊生 連自己小孩都讀緊
都話幾好， 我哋先決定比小朋友讀
小朋友好鍾意，好開心
作者: doraemon622 時間: 17-5-6 11:03
升中真係個要思考的問題,花幾千一個月如果升中仲要愁就要考慮是用那些錢去學英文好些定這學校好了,學術唔得英文再好都冇用,再說 官津校的英文也有好好的小朋友 所以家長的這些考慮還是好理解 因為我自已都考慮要點報
作者: QQfishs 時間: 17-5-6 11:11
小學係幾好又易入，但中學評語比較負評。
作者: manman0808 時間: 17-5-6 11:42
Baby.caroline33 發表於 17-5-6 10:38
英文好 勝過學術好
英文好 將來 工作 流利英文好緊要
唔通 出嚟做嘢 同老闆講學術咩！
除了英文外，我反而着重學校點教小朋友同埋D小朋友係咪 presentable . 因為將來出來做野，如果唔presentable 真的好蝕底！ So far 我覺得玫小 train 得D小朋友活潑又識表達，再加上有宗教同埋life education 堂去教佢地去明事理，自己覺得無簡錯，不過都多測驗考試，都計劃緊會轉 international school, 因為輕鬆D，自己唔洗跟咁多野！
都係嗰句，每個人選擇不同，不過我無後悔過比女女讀玫小，學校好多安排好細心同埋老師好好，溝通亦多，我們大部分家長都好滿意！不過亦有同學中途轉咗去讀國際學校，少D壓力！
作者: 晴晴小B 時間: 17-5-6 12:09
Baby.caroline33 發表於 17-5-6 10:38
英文好 勝過學術好
英文好 將來 工作 流利英文好緊要
唔通 出嚟做嘢 同老闆講學術咩！
本帖最後由 晴晴小B 於 17-5-6 12:17 編輯
一間大部分學生係香港人既冷門英文小學英文真的會很強嗎？
咁中文小學啲中文咪一定好勁！？大家心裏有數吧！
英文好就算學術差都無問題？！咁嘉道理班學生咪好勁？
學術唔掂就算英文點好，相信連面試既機會都無！
作者: Baby.caroline33 時間: 17-5-6 13:19
晴晴小B 發表於 17-5-6 12:09
本帖最後由 晴晴小B 於 17-5-6 12:17 編輯
一間大部分學生係香港人既冷門英文小學英文真的會很強嗎？
本帖最後由 Baby.caroline33 於 17-5-6 13:24 編輯
間小學冷唔冷門， 總有人讀嘅！有好多家庭父母都係學歷高， 專業人士，都未必一定要小朋友讀學術太強嘅學校
您亦唔需要咁樣去評論呢間學校吧！
最緊要 小朋友 讀啱學校， 父母唔好一味諗住 小朋要入名校，才代表好好！ 成世人流流長， 我相信唔好因為一間學校而影響到咁多嘢吧⋯⋯
有啲人 讀強學術嘅學校，將來出嚟條路係咪個個都咁順呢？
仲有一樣，您既然識得講，灣仔好多好嘅官津學校，但官津係要大抽獎派位， 派到好學校當然係好， 亦都好多玫幼生 抽到灣仔好學校而放棄 玫小
但亦都唔代表呢間學校 係冷門或者唔好
作者: doraemon622 時間: 17-5-7 23:19
回覆 manman0808 的帖子
你好,除學費外,這間學校的其他項目收費多嗎?有沒有年年去什麼交流遊學之類?如有,會不會大部份人都參加,因為我都想參考下全年花多少錢左右!還要可能有什麼補習,工課班之類.....想參考花4-5千元學費外還要準備多少$$,ths
作者: doraemon622 時間: 17-5-7 23:21
本帖最後由 doraemon622 於 17-5-7 23:29 編輯
回覆 晴晴小B 的帖子
認同,當然不可只以英文好而去選校
要綜合各方面啦 尤其我小朋友讀雙語的幼稚園,好弘多小朋友仲要外要學英文(說效果比學校好,因為少人)
我在想 看來讀咩語境校 可能都出外再學,那算多花錢嗎?由於我已沒用學卷 我沒有再花錢學
再想小學是否花錢上學還是把這些錢用於外面學好
作者: hkpapa852 時間: 17-5-8 09:57
重英輕中, 除非諗住一定唔係香港讀大學, 否則遲早後悔
作者: dreamdream081 時間: 17-5-8 16:41
hkpapa852 發表於 17-5-8 09:57
重英輕中, 除非諗住一定唔係香港讀大學, 否則遲早後悔
英文小學不是人人適合
作者: matsushima 時間: 17-5-8 17:54
hkpapa852 發表於 17-5-8 09:57
重英輕中, 除非諗住一定唔係香港讀大學, 否則遲早後悔
作者: manman0808 時間: 17-5-8 18:33
本帖最後由 manman0808 於 17-5-8 18:40 編輯
dreamdream081 發表於 17-5-8 16:41
英文小學不是人人適合
所以我咪話玫小好多小朋友父母都諗住中學比佢哋去外國讀書， 小學學多少少中文。 我女啲朋友仔好多父母都係外國回流返香港， 有D 家長中文都唔太好， 佢哋自己都係講英文嘅都唔少， 所以未必一定好 care 升中派位，小朋友學到嘢又開開心心都好重要。
作者: mcl203 時間: 17-5-8 19:10
manman0808 發表於 17-5-8 18:33
所以我咪話玫小好多小朋友父母都諗住中學比佢哋去外國讀書， 小學學多少少中文。 我女啲朋友仔好多父母都 ...
嘩，你既分享真係幾令其他家長驚訝，希望只係佔小部份家長心態如此，回流既家長原來咁冷待本地成績要求及升中派位結果。
作者: bonn1231 時間: 17-5-8 19:12
hkpapa852 發表於 17-5-8 09:57
重英輕中, 除非諗住一定唔係香港讀大學, 否則遲早後悔
其實有好多讀國際學校都有入到本地D大學，其實要睇家長點睇英文小學，唔通讀DBS 的學生沒有人可入到本地大學，個個都去海邊外升學咩
作者: manman0808 時間: 17-5-8 19:50
回覆 mcl203 的帖子
Well, I am only sharing what I know, and I do not represent other parents from RHS. RHS 亦有唔少人考到好中學, sorry, 我真的沒有`深究. 小學六年內, 變數太大, 而小朋友讀得好自己叻的, 點都會入到好學校. RHS 係比到一個好好的環境, 老師有愛心, 亦有好的語境小朋友. 至於啱吾啱自己的小朋友, 家長們自己清楚.
我亦唔再多講, 因為我女讀完呢年亦轉走, 不過唔係學校唔好, 係覺得國際學校輕鬆D.
你唔係用家, 亦無需要踩人哋的學校, 每間學校都有佢優點同決點, 所以家長簡選自己覺得啱自己小朋友的學校便可, 樣樣都要贏在起跑線, 樣樣事情計過度過, 我自問做唔到.
作者: mcl203 時間: 17-5-8 20:19
本帖最後由 mcl203 於 17-5-8 20:44 編輯
manman0808 發表於 17-5-8 19:50
回覆 mcl203 的帖子
Well, I am only sharing what I know, and I do not represent other parents from R ...
E, 我睇你分享喎， 边到見我加入自己意見 
作者: hkpapa852 時間: 17-5-9 09:50
bonn1231 發表於 17-5-8 19:12
其實有好多讀國際學校都有入到本地D大學，其實要睇家長點睇英文小學，唔通讀DBS 的學生沒有人可入到本地大 ...
事實上, 自從轉咗DSE後, DBS既成績同入U率遠不如往AL年代, 不少有英文直屬小學既B1名校, 都開始知道中文弱既問題係度努力救忙.
如果家長仲天真到以為英文好就夠, 咁只有祝福佢地12年後唔會後悔重英輕中.
作者: 靚螺頭 時間: 17-5-9 13:55
hkpapa852 發表於 17-5-9 09:50
家長最好去瞭解吓本地大學學位既收生要求吧!
事實上, 自從轉咗DSE後, DBS既成績同入U率遠不如往AL年代, 不 ...
英文學校啲英文都唔一定好，中文學校啲中文亦不一定好。
作者: hkpapa852 時間: 17-5-9 14:46
靚螺頭 發表於 17-5-9 13:55
英文學校啲英文都唔一定好，中文學校啲中文亦不一定好。
作者: mcl203 時間: 17-5-9 15:05
hkpapa852 發表於 17-5-9 14:46
對, 不過如果自小習慣咗用英文, 會日漸抗拒中文, 日後想學好中文更難
我都係偏向英，中搞得掂既水平就得， 個人偏好咋 ~
作者: wcwong888 時間: 17-5-9 15:35
好快又過左一年，諗返上年我仔考小一，真係一殼眼淚。
話說阿仔抽到間唔係咁心儀嘅學校，但由於競爭大，阿仔面試技巧又好屎，大熱天時辛苦拖住阿仔跑來跑去，叩左幾間小學嘅門，都係白費心機。當時嘅心情梗係好灰，終於明白點解啲阿媽放左榜後成個禮拜都冇心機返工、煮飯。最終響朋友推薦下去玫瑰崗叩門，入咗，心情先叫做好番啲。
當時對呢間學校嘅認知唔多，見到網上嘅評語有好有壞，都係抱住戰戰兢兢嘅心情去開學。而家我哋讀左大半年，為咗其他家長唔使咁迷惘，等我分享下呢大半年嘅體會、觀察。（我上年10月中嘅時候響玫瑰崗版分響過我當時對學校嘅初步了解，依家認識深左啲，加返啲資料）
學校優點：
1. 小班教學，一班只十多廿人，加上雙班主任制，老師支援充足。加上班主任會跟佢哋三年，對學生會比較了解
2. 老師偏向年輕有活力，態度友善有愛心，小朋友返學都幾開心、積極。家長會有老師WhatsApp，有問題可以隨時問。呢樣幾重要下，因為啱啱上小一啲小朋友仲好懵，如果家長可以幫忙問清楚啲功課嘅野，小朋友返學唔怕做漏做錯，少咗心理壓力
3. 功課吾繁重，唔多抄寫，每日最多四樣功課，長假期除外
4. 英語水平高，學校用嘅英文書有啲係比星加坡同澳洲一年班以英文為母語嘅學生用嘅。不過亦即係話你小朋友咁細，返到屋企爸爸媽咪係要支援佢做功課同溫書，除非小朋友英文程度比較高
5. 小朋友一般都斯文有禮，我諗學校家庭响德育方面都教得幾好
6. 學校有教西班牙文同mindfulness靜觀課程，係幾好嘅輔助
7. 學校自設飯堂，小朋友午飯比較新鮮好食，唔使食啲焗到林晒嘅飯餸。仲可以訂下午茶四點鐘食，有時會有啫喱、movenpick雪糕，小朋友好鍾意
8. 學校唔算太嚴，外籍老師（英文加西班牙老師）比例上較多，唔會管得太死，扼殺咗學生思想、發展嘅空間
9. 學校空間大、空氣好（雖然有啲舊），小朋友小息嘅時候有得跑跑跳跳，放下電，幾開心下。要知道好多小學係唔俾跑嘅，對男仔來講有啲難度
學校缺點：
1. 學校缺乏透明度，冇開放日，冇家長會，學校網站資料過時，家長參與學校生活程度低，冇乜家長義工可以做，連開學時嘅家長日亦都資訊麻麻，學校凝聚力一般，呢點我覺得係學校最大嘅致命傷，令人對呢間學校嘅辦學宗旨、教學策略、師資、家校如何合作等等缺乏全面認識，校長係呢方面應該可以做好啲。加上學校位置較偏遠，學生一般坐校車，家長較少機會親身接觸到老師、校長
2. 學術水平要求都算高，如上述英文較深，返咗學頭一個月常識科已經要串facility，三個月串inappropriate， （當時我真係覺得咁嘅要求真係inappropriate)。另一方面學校嘅中文科亦都唔淺，一開學已經用一下嘅練習。所以當時都有啲擔心讀唔讀到，學校係兩科主科唔合格要留班嘅。不過小朋友嘅適應能力真係好強，過咗頭三個月已經跟得ok。另外學校雖然教得幾深，考嘅時候試卷唔算太深，唔會有乜嘢tricky嘅問題，所以考起上嚟都唔太大壓力。不過此消彼長，學生英文較強，中文一般來講都會弱啲，我估計家長要自己睇下點樣幫小朋友加強中文。依家小一仲細，我未睇得好清楚阿仔响中文方面同其他學校學生嘅能力差別
3. 學校冇以前咁國際化，少咗外籍學生，多咗中國人學生，英文語境冇以前咁好。不過阿仔自己成日同啲外籍學生玩，所以呢方面又ok。但話說回來，由於上堂係多用英文，學生嘅英文水平點都係較高
4. 3測3考，加上差不多每星期都有默書及/或小測，所以要keep住溫書。不過小測嘅範圍都比較少，通常三課，讀起上嚟都算輕鬆，最緊要分配好時間
4. 私校冇咁受教育局嘅限制，但玫瑰崗點都係屬於傳統天主教學校，雖然如上文所說唔太嚴，但亦唔好期望有啲乜嘢新穎嘅教學方法。而家間間學校都搞嘅STEM課程，我唔多覺玫瑰崗有提及，唔知係咪只係我睇唔到
5. 升中學Band 1率唔係咁理想，比盡佢都係30%左右，係學校另一個致命傷。新校長上任五年，佢致力提升學校學術成績，要過多兩三年先睇到真正成果。不過以阿仔現時嘅課業水平來睇，我估計升Band 1率應該有上升趨勢。而且近年收少咗外籍學生，多咗中國人，一般中國人家庭較重視讀書成績，對整體成績嘅拉動應該有所幫助
6. 私校冇政府資助，所以唔會好似資助、直資咁有咁多免費課外活動。呢D大多要自己比錢，不過價錢都算合理，可自由參加
7. 學校行政有D粗疏，有時會出錯，如通告資料有誤、英文有grammatical mistake等。雖然係小錯誤，不過有時我會擔心如果行政出現家長睇到嘅錯誤，會唔會教學都會出現家長睇唔到嘅錯呢？吾知係咪我諗多咗
8. 學校圖書館只開星期二、五，一般學校都注重推廣閱讀，圖書館應日日開。學校吾投放多啲資源喺圖書館度，呢點我好難理解
總括：
當初係因為冇得揀所以讀左玫瑰崗，而家讀左都覺得學校吾錯，有佢嘅好處，尤其見到阿仔讀得開心，英文幾好（有讀中學嘅小朋友見到阿仔嘅課業同佢所識嘅英文，都話佢將來英文會幾好），所以都冇後悔過入咗玫瑰崗。當然，如果學校唔使錢，係一間資助學校就更好啦，不過世事邊有咁完美吖。
阿仔讀呢間學校讀得開心，壓力唔大，可以講話響愉快中學習。放完長假我問佢想唔想番學，佢話好吖，咁又真係唔係個個小學生都咁願意番學喎。
至於話比＄4000學費值唔值，真係見仁見智，＄4000話多唔多，話少唔少，咁見到阿仔讀得唔錯，自細打好咗個英文底，唔使中學入咗英文學校先來追，長遠黎睇都慳返好多英文補習費，所以我哋覺得ok（雖然有時都會覺得少少肉痛）。
我個人覺得响小學階段，重要嘅除咗係學術（為應付升中遊戲規則），德育、培養學習興趣、自信、創意同思考/解難能力其實長遠來講更關鍵，每間學校係呢幾方面有佢強弱之處，家長要根據小朋友嘅興趣、能力同家長嘅教學理念揀學校，實在好複雜。不過如果做咗決定，就唔好太過患得患失，家長同小朋友都要勇往直前，實在大部份學校都有佢值得欣賞嘅地方，等我哋去儘量發掘、吸收同加以運用，未入去讀真係唔會清楚。而且學習興趣、創意、高階思維等係長遠嘅累積，又比較無形、難評估，有時人言人殊，家長自己要小心感受、評估，反正去到間間學校都要有心理準備家長可能要取長補短。
以上純粹係我個人嘅見解，如有錯誤，敬希其他前輩家長包涵、指正。我只係希望小小嘅分享可以幫到大家，因為我經過上年嘅痛苦經驗，我諗各位家長如果有多啲資料在手，唔使咁迷惘嘅話，未來呢半年會好過啲。在此𧫴祝各位小朋友小一入學順利！
作者: wcwong888 時間: 17-5-9 15:58
唔覺唔覺，原來寫咗咁多
作者: 靚螺頭 時間: 17-5-9 16:15
wcwong888 發表於 17-5-9 15:35
好快又過左一年，諗返上年我仔考小一，真係一殼眼淚。
話說阿仔抽到間唔係咁心儀嘅學校，但由於競爭大，阿 ...
用本深少少既課本就可以提升學校學術水平？咁樣會唔會太天真？
似乎你校校長開左張對兌唔到既支票！
我只知道多人想讀嘅學校唔一定係好學校，但好嘅學校就一定好多人想讀。
而貴校收生基本上係來者不拒...
作者: mcl203 時間: 17-5-9 16:48
wcwong888 發表於 17-5-9 15:58
唔覺唔覺，原來寫咗咁多
関於缺點(6), 官津都唔係資源充足，大部份課外活動都係自費㗎 ~
作者: taxibird 時間: 17-5-9 16:52 標題: 回覆樓主：
本帖最後由 taxibird 於 17-5-9 16:53 編輯
多謝樓上位家長咁詳細介紹間學校，令準備報名的家長對學校有更深認識。我都偏向學校著重英文多點，畢竟中文可以自己教，英文係要靠浸淫。
一間學校多唔多人報唔係重點，最緊要係學校適唔適合、比到d咩小朋友。我都幾欣賞一d所謂易入的學校，佢幫到好多迷茫的家長，比小朋友一個機會接受良好教育。
入到名校就一定好？我中小學都係讀一間神校女校，至中六七就去左band 3學校，我想話神校都有唔少人會考得幾分，甚至0分，band 3學校都會出到廿幾三十分之人。讀書最緊要係靠自己，態度先係決定性因素
作者: mcl203 時間: 17-5-9 16:58
靚螺頭 發表於 17-5-9 16:15
用本深少少既課本就可以提升學校學術水平？咁樣會唔會太天真？
似乎你校校長開左張對兌唔到既支票！
何以見得多人想讀=/=好學校，好學校=多人想讀，可否分享多D ~~~
作者: hkpapa852 時間: 17-5-9 17:01
本帖最後由 hkpapa852 於 17-5-9 17:06 編輯
taxibird 發表於 17-5-9 16:52
多謝樓上位家長咁詳細介紹間學校，令準備報名的家長對學校有更深認識。我都偏向學校著重英文多點，畢竟中文 ...
建議大家唔好以為自己母語係中文, 就以為自己真係有能力教到小朋友中文.
去書局攞D小學中文科補充練習睇吓, 自己係咪真係有能力教吧!
如果你本身唔教師, 諗住真係可以教到小朋友既中文, 其實呢個諗法係有D天真
作者: taxibird 時間: 17-5-9 17:02
hkpapa852 發表於 17-5-9 17:01
建議大家唔好以為自己母語係中文, 就真係有能力教到小朋友中文.
去書區攞D小學中文科補充練習睇吓, 自己係 ...
放心，我大學讀中文的。當然如果其他人就....睇自己能力吧！
作者: ok3 時間: 17-5-9 17:03
須則話論壇上, 大家都有言論自由, 可以暢所欲言. 但有時係咪都應該照顧下他人感受?!
記得小時侯, 亞媽同家姐去完街買條裙返嚟. 我覺得好肉酸, 彈到一錢不值. 結果係攪到家姐唔開心時, 我又俾亞媽鬧到pk. 佢話條裙係著係家姐身上, 又唔係你著. 最緊要佢自己鍾意. 況且條裙買咗返嚟又冇得退, 我左彈右彈只會攪到家姐唔開心. 于我又有何益?!
作者: ppmmbb 時間: 17-5-9 17:05
taxibird 發表於 17-5-9 17:02
放心，我大學讀中文的。當然如果其他人就....睇自己能力吧！
sorry, 我笑咗三下！
作者: ok3 時間: 17-5-9 17:14
hkpapa852 發表於 17-5-9 17:01
建議大家唔好以為自己母語係中文, 就真係有能力教到小朋友中文.
去書區攞D小學中文科補充練習睇吓, 自己係 ...
作者: manmangerger 時間: 17-5-9 19:00
wcwong888 發表於 17-5-9 15:35
好快又過左一年，諗返上年我仔考小一，真係一殼眼淚。
話說阿仔抽到間唔係咁心儀嘅學校，但由於競爭大，阿 ...
感激你的詳盡分享！我都對玫小有興趣，你的分享十分清晰、有用！
作者: mmwwpp 時間: 17-5-9 19:52
靚螺頭 發表於 17-5-9 16:15
用本深少少既課本就可以提升學校學術水平？咁樣會唔會太天真？
似乎你校校長開左張對兌唔到既支票！
本帖最後由 mmwwpp 於 17-5-9 21:15 編輯
本帖最後由 mmwwpp 於 17-5-9 21:14 編輯
作者: FT_mom_2011 時間: 17-5-9 19:53
hkpapa852 發表於 17-5-8 09:57
重英輕中, 除非諗住一定唔係香港讀大學, 否則遲早後悔
絕對同意，其實中文比英文更難學好
作者: sangria 時間: 17-5-9 20:22
wcwong888 發表於 17-5-9 15:35
好快又過左一年，諗返上年我仔考小一，真係一殼眼淚。
話說阿仔抽到間唔係咁心儀嘅學校，但由於競爭大，阿 ...
多謝詳細分享。我都有興趣玫小。將來有機會再請教。
作者: SingMom 時間: 17-5-9 22:33
wcwong888 發表於 17-5-9 15:35
好快又過左一年，諗返上年我仔考小一，真係一殼眼淚。
話說阿仔抽到間唔係咁心儀嘅學校，但由於競爭大，阿 ...
作者: 964000 時間: 17-5-10 00:57
hkpapa852 發表於 17-5-5 15:30
根據官方資料, 升中時無人出國或者讀國際學校喎?
2015年升中派位:
國際學校中學通常小五之後便轉，不會讀埋小六，所以升中數據未必反映到。
作者: cfbwong 時間: 17-5-10 08:08
wcwong888 發表於 17-5-9 15:35
好快又過左一年，諗返上年我仔考小一，真係一殼眼淚。
話說阿仔抽到間唔係咁心儀嘅學校，但由於競爭大，阿 ...
可否請教一下，想知道有關西班牙(國際班)同普通班的分別？國際班好嗎？有乜要留意？因為我快要為兒子選擇。謝謝
作者: Charlotte_mom 時間: 17-5-10 08:25
wcwong888 發表於 17-5-9 15:35
好快又過左一年，諗返上年我仔考小一，真係一殼眼淚。
話說阿仔抽到間唔係咁心儀嘅學校，但由於競爭大，阿 ...
少有玫瑰崗家長分享，好有用嘅資訊
請問mindfulness係咩呢？
作者: babypig2017 時間: 17-5-10 09:01
wcwong888 發表於 17-5-9 15:35
好快又過左一年，諗返上年我仔考小一，真係一殼眼淚。
話說阿仔抽到間唔係咁心儀嘅學校，但由於競爭大，阿 ...
多謝你分享，好詳細
作者: manman0808 時間: 17-5-10 09:33
Charlotte_mom 發表於 17-5-10 08:25
少有玫瑰崗家長分享，好有用嘅資訊
請問mindfulness係咩呢？
聽我女講 mindfulness 有助他們平静自己，好似有時會有 meditation 咁既野做，對情緒管理有幫助的！
作者: 鋼琴媽媽 時間: 17-5-10 10:00
wcwong888 發表於 17-5-9 15:35
好快又過左一年，諗返上年我仔考小一，真係一殼眼淚。
話說阿仔抽到間唔係咁心儀嘅學校，但由於競爭大，阿 ...
好多謝在讀家長無私同詳細嘅分享
作者: bonn1231 時間: 17-5-10 11:44
wcwong888 發表於 17-5-9 15:35
好快又過左一年，諗返上年我仔考小一，真係一殼眼淚。
話說阿仔抽到間唔係咁心儀嘅學校，但由於競爭大，阿 ...
多謝你的分享，已經令我打咗支強心針。希望日後又看見你的評價，因為小兒來更9月應該會入讀此校。
作者: boojiji 時間: 17-5-10 11:52
cfbwong 發表於 17-5-10 08:08
可否請教一下，想知道有關西班牙(國際班)同普通班的分別？國際班好嗎？有乜要留意？因為我快要為兒子選擇 ...
作者: manmangerger 時間: 17-5-10 12:43
bonn1231 發表於 17-5-10 11:44
多謝你的分享，已經令我打咗支強心針。希望日後又看見你的評價，因為小兒來更9月應該會入讀此校。
...
唔好意思，介唔介意講下點解會幫小朋友選玫小？謝謝
作者: MMVV 時間: 17-5-10 13:30
wcwong888 發表於 17-5-9 15:35
好快又過左一年，諗返上年我仔考小一，真係一殼眼淚。
話說阿仔抽到間唔係咁心儀嘅學校，但由於競爭大，阿 ...
本帖最後由 MMVV 於 17-5-10 13:31 編輯
多謝妳無私分享，尤其士原來學校改變策略多收本地生。如果多d家長多d分享吓自己小朋友學校環境就好了，畢竟數據是往事，但其實好多不同教學團體其實內裏做緊不同功夫，外人是看不到的。
作者: cycarey 時間: 17-5-10 13:58
回覆 wcwong888 的帖子
非常多謝你詳細嘅分享
作者: Charlotte_mom 時間: 17-5-10 14:01
manman0808 發表於 17-5-10 09:33
聽我女講 mindfulness 有助他們平静自己，好似有時會有 meditation 咁既野做，對情緒管理有幫助的！
...
哦我有概念了。我幾鐘意wor
作者: miujoey 時間: 17-5-10 14:30
我都有朋友的仔女讀玫瑰崗小學, 他都讀得好開心, 我想比較少人申請入讀的原因跟學費貴好有關係
作者: Chirley 時間: 17-5-10 14:37
miujoey 發表於 17-5-10 14:30
我都有朋友的仔女讀玫瑰崗小學, 他都讀得好開心, 我想比較少人申請入讀的原因跟學費貴好有關係 ...
無公共交通可以去到學校門口,
都唔見會有小學生家長咁樣日日帶小朋友行果條長命斜呀
作者: lcyfrankie 時間: 17-5-10 14:40
wcwong888 發表於 17-5-9 15:35
好快又過左一年，諗返上年我仔考小一，真係一殼眼淚。
話說阿仔抽到間唔係咁心儀嘅學校，但由於競爭大，阿 ...
多謝分享
作者: manmangerger 時間: 17-5-10 14:46
miujoey 發表於 17-5-10 14:30
我都有朋友的仔女讀玫瑰崗小學, 他都讀得好開心, 我想比較少人申請入讀的原因跟學費貴好有關係 ...
仲有一講玫瑰崗，第一印象就係中學好差。反而爬左文之後，覺得玫小完全唔差（唔睇數據）。
作者: ok3 時間: 17-5-10 15:23
manmangerger 發表於 17-5-10 14:46
仲有一講玫瑰崗，第一印象就係中學好差。反而爬左文之後，覺得玫小完全唔差（唔睇數據）。
...
作者: bonn1231 時間: 17-5-10 15:38
manmangerger 發表於 17-5-10 12:43
唔好意思，介唔介意講下點解會幫小朋友選玫小？謝謝
因為小兒在一間英文幼稚園由PN 讀到現正K3, 和小兒英文能力是高一點，都活潑愛跳跳扎扎小朋友，所以之前自行已經有一間港島一線小學已經收了。那間小學在小息時，不可以在操場跑跑跳跳，，因為男孩子沒可能坐定定，那點我不喜歡，其實我都係聽返D朋友說和上Ek留意到，而同一時間又考到玫瑰崗, 其實已經掙扎了一段時間，最後我應該會選玫瑰崗, 還有一點其實我個人比較膚淺Target 英文小學，希望佢往後的日子條路好行D，其實語言能力不是每星期出去上英語班，就可以流利到像外國人一樣，要長時去講和寫，純粹個人意見，不喜勿插
作者: manmangerger 時間: 17-5-10 15:46
bonn1231 發表於 17-5-10 15:38
因為小兒在一間英文幼稚園由PN 讀到現正K3, 和小兒英文能力是高一點，都活潑愛跳跳扎扎小朋友，所以之前自 ...
本帖最後由 manmangerger 於 17-5-10 15:53 編輯
本帖最後由 manmangerger 於 17-5-10 15:53 編輯
謝謝你的分享！原來手握一線小學之情況下也選擇了玫小，真是很難得！
我也是看中了玫小是英文小學和愉快學習的校風！
自身經歷也告訴我，語言是要浸的，一間學校語言是重要的。
作者: ballj 時間: 17-5-11 00:51
wcwong888 發表於 17-5-9 15:35
好快又過左一年，諗返上年我仔考小一，真係一殼眼淚。
話說阿仔抽到間唔係咁心儀嘅學校，但由於競爭大，阿 ...
非常好的分享，請問每個月學費雜費(不計校車)大概要多少?
作者: CarmanEE 時間: 17-5-11 07:08
bonn1231 發表於 17-5-10 15:38
因為小兒在一間英文幼稚園由PN 讀到現正K3, 和小兒英文能力是高一點，都活潑愛跳跳扎扎小朋友，所以之前自 ...
我識得啲玫小學生英文好一般，同普通津小無分別
作者: CarmanEE 時間: 17-5-11 07:41
babypig2017 發表於 17-5-1 17:53
請問玫小難入嗎？
基本上報名即收咁滯，可想而知受歡迎程度。
如果真係好似樓上網友講到咁好，相信唔會咁容易入到。
作者: wcwong888 時間: 17-5-11 13:12
好高興小小嘅分享可以幫到大家，等我試吓回覆各位嘅問題。其實我未夠年資比到大家全面嘅答案，只係盡力而為，諗住幫到幾多得幾多吖嘛。
1. 講到玫小嘅中學入Band 1率，其實有啲複雜。由於玫中有非華裔學生嘅班，所以一部份外籍學生，無論佢嘅成績如何，佢哋係諗都唔使諗一定揀玫中，由於玫中係Band 3學校，所以有可能拉低左學校升中表現，但係我唔太清楚呢班學生嘅成績，所以冇實質嘅數據。
2. 入讀玫少我會建議一定要有資源支援小朋友讀書，最少初小嘅時候要有，無論係爸爸媽媽教，抑或搵補習老師教都好。因為幼稚園升小一係一個幾大嘅改變，學業嘅要求小朋友係好難自己搞得掂，尤其是轉左用英文。
3. 我嘅分享只係代表一個家長嘅主觀意見，每個家庭、小朋友嘅考量、情況都唔同，我所講嘅只可以作為一個參考，試吓睇吓間學校有冇你同小朋友需要嘅嘢。我嘅小朋友托賴升小一嘅適應過程尚算順利，雖然頭三個月見到啲程度都真係幾驚下。我聽阿仔講都有啲小朋友課業尤其英文唔係好跟得上，我諗如果同呢啲家長傾下，可能感受又有唔同或者覺得冇咁輕鬆。又或者對小學升Band 1要穩有勝算嘅家長，玫小現時唔係理想嘅學校。
4. 入讀本地班每星期有六節中文課（普教中）、兩節西班牙課，如果讀西班牙文班就掉返轉，即六節西班牙文課、兩節中文課。其實讀西班牙文班都有佢抵嘅地方，學費係貴啲$5330 ，但如果出去學西班牙文仲貴。西班牙文係世界第三多人用嘅語言，小朋友如果識中、英、西班牙文，第時都幾無敵下。咁當然中文就梗係會弱啲，家長自己衡量。
4. Mindfulness如果我冇記錯，係源自印度嘅冥想練習，由兩個美國教授將佢科學化、規範化，發揚光大。佢主要通過呼吸同冥想平靜身心、減少雜念、增強專注力，對學生讀書有幫助。香港而家都有好幾間小學有教Mindfulness，包括救恩。
5. 本地班今年學費$3990 ，西班牙班$5330。學校雜費唔多，只不過有時去運動會要比幾十蚊，有時外出參觀又比幾十蚊做車費、入場費咁。我開頭都覺得好奇怪，點解運動會都要俾錢，但係諗下私校係完全冇政府資助，所以呢啲小費用都要由家長用者自付。另外全期買書費約$3000，我覺得比較貴，我諗係因為學校買嘅書同練習比較多（學校比較少校本課程），有啲係外國版的，所以比較貴。另外要再俾書簿費，好似千幾蚊，係一次性嘅。不過學校有自己校車，車費比較平，響香港島上車嘅話，車費係＄900來回，應該算做平。
希望幫到大家。
作者: wcwong888 時間: 17-5-11 13:24
另外我亦都想請教下其他家長，英文小學學生考完Pre-S1嘅成績，係點樣拉curve呢，畢竟個sample size比較細
作者: hkpapa852 時間: 17-5-11 13:41
wcwong888 發表於 17-5-11 13:24
另外我亦都想請教下其他家長，英文小學學生考完Pre-S1嘅成績，係點樣拉curve呢，畢竟個sample size比較細 ...
學校可向考試局講明邊D係NCS, 佢地會有特別安排去考 (唔記得是否只針對中文科)
NCS既成績會否計算, 呢樣我又要搵吓資料 (以前睇過, 未搵得返).
成績唔係拉Curve, 係同全港學生比較
作者: simonlawht2 時間: 17-5-11 18:14
本帖最後由 simonlawht2 於 17-5-11 18:28 編輯
wcwong888 發表於 17-5-9 15:35
好快又過左一年，諗返上年我仔考小一，真係一殼眼淚。
話說阿仔抽到間唔係咁心儀嘅學校，但由於競爭大，阿 ...
感謝分享! 我對妳和小朋友的經歷有以下建議:
1) 如小朋友功課不是太繁重,建議陪伴他每天閱讀課外書 (有空的請參考網友 eviepa 的分享他女兒不斷閱讀課外書的成果, 小孩有不斷的input, 妳能在幾年後看到小朋友語文能力有明顯進步! 我自己也是用這方法跟小朋友閱讀課外書, 我唯一跟eviepa 不同是是我有給小朋友不斷操練英文文法。) 建議妳小朋友在初小階段採用Reading A-Z 故事書, 裡面合共有29 Level有聲書可下載,故事書附有美式英語, 英式英語及西班牙文版本, 價格跟坊間最受歡迎的Oxford Reading Tree 低得多。
網頁:
https://www.readinga-z.com/books/leveled-books/
https://www.readinga-z.com/translations/spanish/leveled-books/
https://www.readinga-z.com/worldlanguages/british-english/leveled-books/
2) STEM 這個名稱我在十幾年前在美國有聽聞, 當時我參觀過頂尖美國小學是設有實驗室,實驗室內有技術員, 每個學生都需要做實驗,而且每個學生需要在年底提交Science Fair Project, 十多年前香港的小學哪有STEM? 我自己深知 STEM 的重要性,我小朋友念小學時我儘量在網上找一些學習科學資源跟小孩一起研究和分享, 我自己小朋友很喜歡,妳有興趣的可以參考一下, 我有很多資源仍未放進去, 有時間我會整理:
https://www.edu-kingdom.com/forum.php?mod=viewthread&tid=3198984&extra=page%3D1
現今香港政府在各小學推廣STEM, 我個人覺得每間小學只有一百萬津貼實在大小, 成效有多少我自己不知道, 發展STEM暫時也沒有美國的小學成熟, 也許玫小沒有政府撥款, 妳也可以用我方法跟小朋友學習科學。
3) 玫小最吸引的地方是設有西班牙語課程, 合資格學生須要考西班牙文化協會Instituto Cervantes 提供給外國學生的西班牙文能力測試DELE Exam, 考試合共有六級, 分別是A1, A2,B1, B2, C1及C2, 根據學校網頁資料, 我估算玫小國際班小學畢業生可以學到DELE B1程度, 如學生能通過考試, 個人覺得這個學費已經是回本, 因為DSE 西班牙文考試只有 DELE A2程度。國際班同時也是玫小的缺點, 這批畢業生小學畢業後如考進一些直資B1中學修讀西班牙文必須要從頭由A1程度讀起, 像妳小孩是普通班的比較好,他雖然在小學畢業時候西班牙文大概只有A1程度, 起碼他中文程度不會太弱, 如小孩對西班牙文有興趣的建議報讀坊間課程, 當妳小孩學會西班牙文, 他跟只會講葡萄牙文和意大利文的人溝通沒有問題,懂得普通話、英語、和西班牙語在香港找工作也是超容易! 坊間唯一被Instituto Cervantes認証有教學質素學校是Spanish World
網頁:
http://www.spanishworldhk.com/en/?route=home
作者: Baby.caroline33 時間: 17-5-11 22:24
CarmanEE 發表於 17-5-11 07:41
基本上報名即收咁滯，可想而知受歡迎程度。
如果真係好似樓上網友講到咁好，相信唔會咁容易入到。
...
玫小易入 ，係因為 好多玫幼生 抽獎 抽到好官津，既然好 又唔駛學費，我睇返啲post,有人話4、5千蚊學費貴， 相信您 或者 覺得學費貴啲家長，如果抽到間好又免費學校，應該會心中有數 會取捨吧
所以咪變成 玫小最後多咗學位出嚟囉， 亦都變相 易考入
奉勤一句， 如果覺得呢間唔好，就請唔好報考，留返啲位比想入玫小嘅家
作者: CarmanEE 時間: 17-5-11 22:57
Baby.caroline33 發表於 17-5-11 22:24
玫小易入 ，係因為 好多玫幼生 抽獎 抽到好官津，既然好 又唔駛學費，我睇返啲post,有人話4、5千蚊學費貴 ...
對唔住喎，玫小從來唔係我杯茶，我從未考慮過要報呢間學校！我啲朋友都係統一中左寶校又無其他選擇下，先去報玫小，又係一報即收。
每月用4、5千蚊讀間只比寶校好既學校當然唔係咁多人願意啦。唔係因為覺得貴，而係根本唔值羅。
作者: manman0808 時間: 17-5-12 00:19
CarmanEE 發表於 17-5-11 22:57
對唔住喎，玫小從來唔係我杯茶，我從未考慮過要報呢間學校！我啲朋友都係統一中左寶校又無其他選擇下，先 ...
唔係你杯茶，亦無需要去踩人哋間學校！ 你覺得玫小英文同出面任何一間津校一樣，你自己上去玫小睇一轉先再作評論吧！
作者: CarmanEE 時間: 17-5-12 05:51
manman0808 發表於 17-5-12 00:19
唔係你杯茶，亦無需要去踩人哋間學校！ 你覺得玫小英文同出面任何一間津校一樣，你自己上去玫小睇一轉先再 ...
本帖最後由 CarmanEE 於 17-5-12 06:08 編輯
我係話啲學生既英文水平，呢個係我觀察我朋友個仔所得出來既發現。
有麝自然香，如果間學校教得好，自然口碑好，唔使人吹虛都實大把人報，點會有可能來者不拒？
作者: Baby.caroline33 時間: 17-5-12 07:08
CarmanEE 發表於 17-5-12 05:51
本帖最後由 CarmanEE 於 17-5-12 06:08 編輯
我係話啲學生既英文水平，呢個係我觀察我朋友個仔所得出來 ...
本帖最後由 Baby.caroline33 於 17-5-12 07:13 編輯
因為您果間係 抽獎名校嘛
梗係話其他學校係寶校啦
好心您唔好咁踩間學校係寶校 啦
將來係龍係鳳都未知
仲有呀 您果間抽獎學校，聽聞啲英文 都唔及 GH 英文強啦
您抽到係您好運， 唔駛比學費
間學校有咩得罪您， 仲有呀
玫小 玫幼 其實好多人都識
唔係差嘅
作者: 靚螺頭 時間: 17-5-12 08:02
CarmanEE 發表於 17-5-11 22:57
對唔住喎，玫小從來唔係我杯茶，我從未考慮過要報呢間學校！我啲朋友都係統一中左寶校又無其他選擇下，先 ...
咁你又唔好咁睇低啲寶校，灣仔區的英中位理應比中西區充裕，升中普遍比中西區好。
就以中西區公認寶校既潮商同玫小比，潮商啲NCS肯定比玫小多，根據hkpapa852數據庫，人哋潮商有40%入讀B1中學，應該比玫小高喎！
講關愛呀潮商都好關愛架，又唔使學費。
所以你唔好睇小啲唔使學費既寶校！分分鐘勁過玫小！
作者: 靚螺頭 時間: 17-5-12 08:54
CarmanEE 發表於 17-5-12 05:51
本帖最後由 CarmanEE 於 17-5-12 06:08 編輯
我係話啲學生既英文水平，呢個係我觀察我朋友個仔所得出來 ...
話時話，間潮商有2/3學生係非華裔學生，語境實比大致上本地化既玫小好。
作者: boojiji 時間: 17-5-12 11:08
本帖最後由 boojiji 於 17-5-12 11:11 編輯
唔明點解會有人唔係用家但會咁花心機去踩一間學校.....
你唔鍾意.. .咁咪唔報, 唔比自己仔女入囉.. 但為咩要去踩呢? 踩多幾腳會顯得自己仔女讀果間好D?
又或者你好唔鍾意你朋友...所以係咁踩你朋友個仔間學校..然後自己暗爽...觀察一個學生就能=>間學校既水平....勁過民意調查....
作者: monodad 時間: 17-5-12 11:37
平心而論，玫小校園環境好，英文語境唔差（oral），雖然要俾學費，但都會吸引到一班唔想子女太多功課而可以輕鬆上學嘅家長需要，呢個係市場定位。至於點解會比較易入呢？唔係故意得罪，係因為市場上嘅家長唔係太受落呢個市場定位咁解啫。的確事實上係有朋友因為抽到寶校（灣仔區最多NCS果間官校）而去考玫小做backup，後來叩到且同區B2男女校就放棄咗玫小offer，但佢都好感恩玫小俾offer佢嘅。至於現實D講，唔計津校，你問我大家都要俾5K出嚟讀，如果山下面果間女龍校收，又係5K學費，我會點揀？
作者: hkpapa852 時間: 17-5-12 12:45
monodad 發表於 17-5-12 11:37
平心而論，玫小校園環境好，英文語境唔差（oral），雖然要俾學費，但都會吸引到一班唔想子女太多功課而可以 ...
睇番#43既家長分享, 玫小既學術要求, 以及測考次數, 定位應該唔係輕鬆學習
作者: Baby.caroline33 時間: 17-5-12 12:49
monodad 發表於 17-5-12 11:37
平心而論，玫小校園環境好，英文語境唔差（oral），雖然要俾學費，但都會吸引到一班唔想子女太多功課而可以 ...
其實我早道出 好多人 響灣仔區 好多好學校
好多人 一抽到 好 或者考到 好嘅龍校 就會放棄 玫小
但係 呢幾年 競爭咁大， 龍校 都唔係易入，大家做父母，當然想 小朋友 入龍校， 唔駛煩
入唔到龍校， 唯有搵半龍 ， 冇半龍，唯有再搵 好嘅小學， 程序就似 音樂椅遊戲 ，
但唔明 CarmanEE 唔係用家， 就狂踩間學校， 您好彩 派到間 好嘅官津學校， 您連朋友仔女讀玫小 都咁話朋友，品德好唔掂囉， 希望您小朋友唔好學您咁講嘢
作者: Felix223 時間: 17-5-12 13:14
hkpapa852 發表於 17-5-12 12:45
但都會吸引到一班唔想子女太多功課而可以輕鬆上學嘅家長需要，呢個係市場定位。
睇番#43既家長分享, 玫小 ...
本帖最後由 Felix223 於 17-5-12 13:15 編輯
我都認同，不過我認為最後選擇了玫小班家長，學費多少佢哋真係唔會太志在。
作者: Baby.caroline33 時間: 17-5-13 08:48
Felix223 發表於 17-5-12 13:14
本帖最後由 Felix223 於 17-5-12 13:15 編輯
我都認同，不過我認為最後選擇了玫小班家長，學費多少佢哋 ...
每人杯茶都唔同
TSL 夠有南亞裔人讀啦⋯⋯又唔見話間學校係 寶校 因為TSL 升中好嘛， 所以咪跟風話係寶囉
但其實唔係個個小朋友啱讀活動教學嘅學校
每個人 有唔同定位
有啲人覺得5K 好貴，亦有人覺得5K 唔志在
就算唔志在， 讀玫小嘅家長相信唔會唔志在 而亂咁將仔女 隨便定位吧
唔怕得罪講句，好多人 就算學歷好 專業人生 都未必一定讀 果啲所謂有麝自然香嘅學校
通常係啲 要提昇自己去高一級社會層次嘅人 先會咁做
呢幾年， 咁多人出生， 有間唔錯嘅學校已經好好
作者: Felix223 時間: 17-5-13 11:09
Baby.caroline33 發表於 17-5-13 08:48
每人杯茶都唔同
TSL 夠有南亞裔人讀啦⋯⋯又唔見話間學校係 寶校 因為TSL 升中好嘛， 所以咪跟風話係寶囉 ...
我無踩過玫小是寶校？呢個家長唔使咁快跳出來護法！
作者: Baby.caroline33 時間: 17-5-13 11:13
Felix223 發表於 17-5-13 11:09
我無踩過玫小是寶校？呢個家長唔使咁快跳出來護法！
我唔係話您
係話果位 笑人朋友讀寶校果位啫
作者: Felix223 時間: 17-5-13 11:15
Baby.caroline33 發表於 17-5-13 11:13
我唔係話您
係話果位 笑人朋友讀寶校果位啫
明白。
| 歡迎光臨 教育王國 (/) |
Powered by Discuz! X1.5 |