教育王國
標題: 黠樣供 ...英國留學, 1 年學費等要預$40萬左右, 真係唔野小 [打印本頁]
作者: 過客 時間: 17-4-30 13:25 標題: 黠樣供 ...英國留學, 1 年學費等要預$40萬左右, 真係唔野小
真係想請教各大大, 小兒係打天才波既人 (一個字來形容 : 懶), 由於成績不好, 學校話佢再係咁既成績, 可能要留級. 所以小兒不想在港讀書, 話有壓力. 想去英國讀書.
我諗, 既然佢係香港都係 Hea 既, 浪費時間, 不如比佢出外見識下, 話唔定真係可以改變佢?!
我係打工仔一名, 私己未有過百萬, 如果小朋友一邊讀, 我一邊打工儲 $ 咁供佢讀書可行嗎?
但如果佢都係 Hea 既, 我都係打算浪費 2 年既 $, 跟住叫佢返港, 再搵學校收佢 F.4, HK 學校又會收佢嗎?
當然佢肯讀, 我就辛苦 d, 到真係冇法供時, 再作打算.
可否各大大, 比 d 意見我.
作者: noel2010 時間: 17-4-30 13:48
我和老公都係打工仔，但評估兩個份工都固定，而且小五開始plan 中三去讀八年，一早有唒心理準備花四百萬。錢帶不走，經歴才一生一世，所以都願意花費在呀仔身上。
作者: 亮燈 時間: 17-4-30 13:55
過客 發表於 17-4-30 13:25 
真係想請教各大大, 小兒係打天才波既人 (一個字來形容 : 懶), 由於成績不好, 學校話佢再係咁既成績, 可能 ...
其實唔使太擔心，因為我同你既情況差唔多，阿細有讀寫障礙，係香港讀得好辛苦，補極習都唔合格，亦留過兩次班，好冇癮。
終於決定去英國，轉下環境，希望會好啲，依家讀左兩個term，好明顯成績有改善。
而我地兩老就一份人工每月儲起，俾學費，另一份人工就我地兩老每月開支，辛苦點，還勉強應付到。
作者: brother4 時間: 17-4-30 14:23 標題: 回覆樓主：
本帖最後由 brother4 於 17-4-30 14:28 編輯
同意 亮兄講，不用太擔心，阿大有學習障礙(小學)，現用非聯招(AL)考入本地大學。。。最平一定是北愛，估二十萬學費可，另每間agent一定有平價介紹約9千鎊一季，一年約27萬學費可。。上多幾次agent,budgets約三十萬，見有誠意會有平價介紹，佢想做多賺一單佣金。。
作者: 過客 時間: 17-4-30 22:36
請問有讀寫障礙既問題, 你地有冇同 agent 講/學校講? 學校又要唔要有 report 交比佢地, 証明有此問題, 學校比 support? 又學校提供 support, 又有冇額外再收 $?
作者: 小蜜蜂818 時間: 17-4-30 23:33
英國讀書真係好貴，幾個朋友的孩子都選擇去英國讀書，他們每年學費差不多50萬起步。最不明白他們很多學校假期
作者: 過客 時間: 17-4-30 23:46
嘩! 重要 $50 起步添??? 貴族學校定額外支援???
作者: 小蜜蜂818 時間: 17-4-30 23:54
過客 發表於 17-4-30 23:46
嘩! 重要 $50 起步添??? 貴族學校定額外支援???
話係普通山卡拉學校
作者: brother4 時間: 17-5-1 00:27 標題: 回覆樓主:
朋友孩孑原本不知有讀寫問題，其實上堂及運動和人濟關係是正常的，考試就。。學校幫佢做評估，現每次考試好似要有特別安排，估加時間和獨立房好看學校是否要加費。。
作者: noel2010 時間: 17-5-1 00:27
其實一些規模像哈理波特的校舍，每個學期差不多£11000至£13000。英國中學的假期，是返足星期一至五，期間不會像香港有一天勞動節，清明節。half term 是老師評估之前學生成績而再預備下半部份，通常在term break 前已有assessment, 學生可以輕鬆放假。term break 期間，學校就做維修翻新工作。所以幾百年歷史的校舍和宿舍都做足保養。小班教學，老師自然要足夠，學費貴就是這樣來的。
作者: brother4 時間: 17-5-1 00:32 標題: 回覆樓主：
本帖最後由 brother4 於 17-5-1 00:37 編輯
孩子是森林鄉村學校，附近有養馬塲，間中野免，狐狸等，只可讀到丫11，每季約9千鎊。。。丫12和丫13要去政府預料書院。。。
作者: 1998Ruby1998 時間: 17-5-1 02:27
我都覺得英國讀書貴，但係假期多，尤其我間大學，九月底十月頭開學，但係十二月頭就放假，一放假就放足 30 日，唔夠三個月又放假，仲要早過其他大學一個禮拜放，好多科都冇 mid term exam，得 final，搞到讀書同放假時間真係 50/50。（然後畀阿媽投訴上得唔夠多堂 
）
不過係真嘅，英國多小班教學，就算係大班，最多都係 25-30 人左右，一班正常係 15-20 人，老師人手都好充足。係香港，如果情緒或者功課要輔導，老師都唔得閒理你，甚至都睇唔到你，當你透明，少件事仲好。但係英國，老師一發現有唔妥，就會主動搵你，會搵辦法幫到你為止，務求做到人人心身健康。
仲有一點就係，香港養左好多個唔識教書同埋「為份糧」嘅老師，求其讀完書裡面嘅句子就當教完，你唔明係你嘅事，唔明就自己去補習，自求多福。英國比較多有心嘅老師，有學生唔明嘅話，佢地第一時間會係覺得自己解釋得唔好，會儘辦法解釋得你明白為止，無論問題幾蠢都唔會咁容易嫌棄。加上，上堂有唔明，可以即刻舉手話唔明，係香港我讀咁多年書，好多老師都係話，唔明就落堂或者 email 問，唔好打擾上堂進度，然後好容易就唔記得其實自己邊度唔明。而且英國學校對有需要嘅學生會提供好多幫忙，讀寫障礙／自閉症／身體殘疾等等，全部都會照顧，一定會盡力為學生製造公平環境。（係香港，我老師話，如果你有障礙，你就要想辦法克服，做到同普通人一樣。但係其實咁樣對班有需要嘅學生好唔公平）
我係香港讀書都係懶同埋頹，越讀越成績差，唔願讀書。我果陣真係會覺得，既然都唔合格，不如索性唔讀，起碼唔洗咁辛苦。轉左環境，依家我起碼都願意讀書同埋追成績，以前見到班成績好嘅同學追成績，覺得佢地有 d 變態，依家自己竟然明白佢地心態，並成為一份子。香港嘅老師，其實唔係咁鍾意我，但係依家，班老師都好賞析我。結交嘅朋友唔會眼紅你成績好，反而想跟你「拜師」，想同你一樣成績咁好。成績好過你嘅，唔會介意你成績差，會願意教你。好多香港父母會怕仔女會學「壞」所以唔畀仔女同成績差，但係英國嘅父母如果見到自己仔女同成績差嘅同學一齊，會覺得仔女係幫緊個同學，係一件好事。呢種心態香港真係比較少見。
轉一轉環境，畀個機會自己同仔女，都係一件好事，可以當係重新開始，放低以前唔開心嘅包袱。我家庭得阿爸搵錢，唔算搵得多，辛辛苦苦用 20 年時間儲夠一球畀我讀書。
或者同仔仔講，父母畀你去英國讀書，就算屋企家境唔係咁適宜讀書，父母都願意辛苦少少，供你讀書，不過要答應努力讀書，脫胎換骨，等你學有所成，返黎等睇香港嘅老師跌眼鏡。
作者: 亮燈 時間: 17-5-1 05:53
1998Ruby1998 發表於 17-5-1 02:27
我都覺得英國讀書貴，但係假期多，尤其我間大學，九月底十月頭開學，但係十二月頭就放假，一放假就放足 30 ...
講得好好，阿細就係咁，有讀寫障礙，小學時，個班主任居然同我地講：你地不如幫佢轉校啦！
咁都講得出，我心諗，佢有困難，你做老師都唔幫佢，叫佢轉校，你做老師你黎托咩，真係XYZ…。
依家佢去左北愛讀，成績明顯好左，我覺到絕對值得。
至於話假期太多，呢啲係一般香港人只以錢黎衡量價值既弊病。聽過一啲子女留學英國既家長會問：放假返黎香港唔知邊度搵補習？我聽到真係無言，教書係老師既責任，唔明就搵補習？咁不如唔好返學，只係搵補習咪得囉！所以我教兩子，唔明就問到明為止，英國唔同香港。
作者: 1998Ruby1998 時間: 17-5-1 06:56
回覆 亮燈 的帖子
補習其中一個盛行嘅因素就係太多家長覺得仔女學校上堂唔明，一定唔關個老師事，反而會係覺得自己個仔女唔得。好少家長會懷疑，係個老師唔識教書。我之前中文好唔得，班主任冇叫我搵中文老師傾，而係叫我「不如讀國際學校」，仲話寫埋推薦信。咁樣等於拋個波俾人，見唔到就當件事已經唔存在。為人師表，成日教班學生要面對問題同困難，唔好放棄，但係自己就將學生學業問題無視、放棄，甚至轉嫁他人！生涯規劃 session 同班主任堂，淨係問我讀書讀成點，考慮讀邊間大學咩科，難道我個人生淨係得返讀書？我就話心理質素比較強，遇上怕醜同埋收收埋埋嘅同學，咁點算？
大學班教授好多都冇讀過教育文憑，但係佢地教書都一定出心出力，仲要教書前，大學會提供一系列教育課程畀新老師上，如果有學生成績唔得，個 Personal Tutor（等同班主任）一定會召見個同學，分擔情緒同埋提供意見。如果學生唔滿意個老師教學質素同埋安排，可以投訴。我屋友佢有三個考試編埋一齊考，所有同學都唔滿意而投訴，結果班教授都願意調動時間，等班學生唔好咁辛苦。我中四至中六，次次考試都排到頭 10 日考完（成個考試期係 23 日），最慘果次：
第一天：Eng Lit
第二天：中文卷一二三
第三天：英文卷一二三
第四天：LS
第五天：Econ、中文卷四
星期六日休息
第八天：BAFS
第九天：數學、英文卷四
我唔溫書，就咁考試，我未回氣就又要考第二科。考試前得一個禮拜假期，雖然話平日一點一滴溫，但係咁忙，但係都要搵一日完全專心溫書，唔需要做 project、趕功課。尤其頭 4 日都係寫字多嘅考試。我考完 LS，果晚隻手已經痛到唔想做任何野，但係奈何要操卷。我考 Econ，一路寫一路痛到流眼淚，有苦自己知，幾乎寫唔到字，速度慢得好緊要。其他科就話可以唔寫只背，BAFS 同數學都要操卷，唔寫點知自己計得啱唔啱，所以都要繼續忍痛寫。阿媽睇見都心疼，我疼到訓唔倒，精神差，考試成績冇指望。 
一派考試時間表果日，我同班主任講，咁樣我會頂唔順，如果今次冇得改，下次可唔可以同其他科老師商量，排開少少，畀返一日半日我抖氣，結果個老師同我講「你就當呢個係挑戰」，安慰說話竟然係「你考完，有十幾日唔洗溫書，可以盡情玩」。往後考試繼續都係排到慢曬冇得抖，我考試表現繼續差，每況愈下。我知道出黎打工，同樣都會遇到不合理嘅要求，但係咁樣次次搞到我同十幾個同學跟膜炎同埋成績差，畀班老師話我地考試寫得唔多所以畀唔到分，老師你地真係一 d 責任都冇？唔合理嘅要求，到底係幾時開始變得咁理所當然？
作者: samsam123321 時間: 17-5-1 08:00
讀IS平好多
作者: 亮燈 時間: 17-5-1 08:15
1998Ruby1998 發表於 17-5-1 06:56
回覆 亮燈 的帖子
補習其中一個盛行嘅因素就係太多家長覺得仔女學校上堂唔明，一定唔關個老師事，反而會係 ...
完全同意及明白你感受，香港既老師絕大部份都係為左：搵食啫！出左份糧就關人忍事，當然，有極少數老師會有責任心，但睇你好唔好彩喇！
所以亦導致到香港既大部份家長以為補習係正常既行為，完全冇諗過係班老師唔識教書或冇心機教書，令到呢個教育本末倒置。
所以我好慶幸有能力送兩子去英國讀書，雖然未必學業有成，但起碼得到愉快學習，知道及享受到真正既讀書時讀書，放假時盡玩盡放鬆。而我作為家長亦唔使咁煩，成日叫佢地溫習、讀書。任由佢地安排，大家都輕鬆渡日，何其快哉！
作者: 過客 時間: 17-5-1 10:12
回覆 1998Ruby1998 的帖子
真係好多謝你既分享.
作者: suemei 時間: 17-5-1 10:14
過客 發表於 17-4-30 22:36
請問有讀寫障礙既問題, 你地有冇同 agent 講/學校講? 學校又要唔要有 report 交比佢地, 証明有此問題, 學校 ...
有次去升學展，有個升學顧問同我講如果仔仔去私立學校讀，得到支援仲全面。不過我就唔清楚收費，反正連基本學費都安排唔倒。
作者: 過客 時間: 17-5-1 10:15
亮燈 發表於 17-5-1 05:53
講得好好，阿細就係咁，有讀寫障礙，小學時，個班主任居然同我地講：你地不如幫佢轉校啦！
咁都講得出，我 ...
請問你冇有係申請英國學校時, 要講埋呀仔有讀寫障礙, 好讓 agent 找一所有支援既學校比你?
作者: 亮燈 時間: 17-5-1 10:23
過客 發表於 17-5-1 10:15
請問你冇有係申請英國學校時, 要講埋呀仔有讀寫障礙, 好讓 agent 找一所有支援既學校比你?
...
當然有，而且係必須，因為要俾學校知道小朋友既情況，學校就會評估能力，可否幫到佢，如果學校收得既！你放心，佢一定幫到孩子。我當時俾左關於讀寫障礙既報告及香港學校對阿細既評語俾北愛間學校。
作者: brother4 時間: 17-5-1 10:43 標題: 回覆樓主:
同上一樣，小朋友小學時被老師指罵間學校不合佢，声浪太大連校長一看，中文中學考全級尾尾，現入本地大學，好多人好疑惑連親戚問是4年(大學)定2年(副學士)等。。。
作者: 過客 時間: 17-5-1 10:44
亮燈 發表於 17-5-1 10:23
當然有，而且係必須，因為要俾學校知道小朋友既情況，學校就會評估能力，可否幫到佢，如果學校收得既！你 ...
作者: 亮燈 時間: 17-5-1 10:50
過客 發表於 17-5-1 10:44
叫香港學校寫報告?! 咁咪一早驚動學校?請問你去那裡做一份評估?
冇問題既！因為係直資學校，一向都有學生去外國升學，所以學校有專責老師負責對外事務，好平常。
份讀寫障礙既報告係以前讀小學時，因發覺阿細有啲問題，於是要求去做評估，佢提供左幾間私人評估中心俾我地揀，用番呢份報告俾英國學校。
作者: mrsanthony 時間: 17-5-1 14:45
1998Ruby1998 發表於 17-5-1 02:27
我都覺得英國讀書貴，但係假期多，尤其我間大學，九月底十月頭開學，但係十二月頭就放假，一放假就放足 30 唔夠三個月又放假，仲要早過其他大學一個禮拜放，好多科都冇 mid term exam，得 final，搞到讀書同放假時間真係 50/50...英國比較多有心嘅老師，有學生唔明嘅話，佢地第一時間會係覺得自己解釋得唔好，會儘辦法解釋得你明白為止，無論問題幾蠢都唔會咁容易嫌棄。加上，上堂有唔明，可以即刻舉手話唔明，係香港我讀咁多年書，好多老師都係話，唔明就落堂或者 email 問，唔好打擾上堂進度，然後好容易就唔記得其實自己邊度唔明。而且英國學校對有需要嘅學生會提供好多幫忙，讀寫障礙／自閉症／身體殘疾等等，全部都會照顧，一定會盡力為學生製造公平環境。（係香港，我老師話，如果你有障礙，你就要想辦法克服，做到同普通人一樣。但係其實咁樣對班有需要嘅學生好唔公平）...我果陣真係會覺得，既然都唔合格，不如索性唔讀，起碼唔洗咁辛苦。轉左環境，依家我起碼都願意讀書同埋追成績，以前見到班成績好嘅同學追成績，覺得佢地有 d 變態，依家自己竟然明白佢地心態，並成為一份子。香港嘅老師，其實唔係咁鍾意我，但係依家，班老師都好賞析我。結交嘅朋友唔會眼紅你成績好，反而想跟你「拜師」，想同你一樣成績咁好。成績好過你嘅，唔會介意你成績差，會願意教你。好多香港父母會怕仔女會學「壞」所以唔畀仔女同成績差，但係英國嘅父母如果見到自己仔女同成績差嘅同學一齊，會覺得仔女係幫緊個同學，係一件好事。呢種心態香港真係比較少見。
1998Ruby1998 , 你嘅说话, 令我非常非常感动, 年复一年，仔女一切照旧,然后仔女长大了, 果陣楼主你真係會5會覺得后悔?
没有去轉下環境, 结果如何我们都心知肚明.
去轉下環境, 结果如何我们5知, 但是却多個机会, 不遗憾.
作者: 1998Ruby1998 時間: 17-5-1 20:57
回覆 mrsanthony 的帖子
我父母其實當然想我留係香港讀，慳錢同多時間見面，不過依家我學業、身體、情緒都有改善，我好慶幸自己當時決定去英國讀。
其實人係需要一段生理距離，如果住得太埋，生活圈子重疊，會生出好多不必要嘅爭執。呢個都係點解唔少夫妻想搬出去，同老爺奶奶有一段距離。
如果 300-400 萬可以買到一個機會，可以買到一個開心、讀書有進步嘅仔女，買到自己唔需要日日督促子女讀書，可以享受一下人生，唔知家長願唔願意呢？
作者: 亮燈 時間: 17-5-1 21:44
1998Ruby1998 發表於 17-5-1 20:57
回覆 mrsanthony 的帖子
我父母其實當然想我留係香港讀，慳錢同多時間見面，不過依家我學業、身體、情緒都 ...
完全同意，完全係我既心聲。
作者: 過客 時間: 17-5-1 22:54
1998Ruby1998 發表於 17-5-1 20:57
回覆 mrsanthony 的帖子
我父母其實當然想我留係香港讀，慳錢同多時間見面，不過依家我學業、身體、情緒都 ...
作者: HHHR 時間: 17-5-2 00:58
回覆 過客 的帖子
樓主：
我囝囝由高中至大學都係英國讀書，身邊亦有不少親友的兒女在英國留學，但我同其他留言嘅朋友有D唔同嘅睇法，以下係我個人嘅經驗同想法，供你參考。
留學英國是頗為昂貴的，在英國讀完中學回流香港報大學是可以的，但透過Non-JUPAS報本港大學競爭唔細，大學亦會要求較本地中學生更高嘅公開考試成績，所以要有準備小朋友有可能要留英完成大學課程，考慮經濟負擔時要考慮埋這一點。
香港中學嘅質素真係好參差，但英國都一樣，會有唔好嘅老師、麻煩嘅家長同壞同學。所以選校好重要，一D都唔可以馬虎。英國有好多好中學，但香港亦有不少好學校，我個人唔認同英國中學平均比香港好。
學生出現學習問題有好多唔同嘅原因，轉換學習環境有可能出現轉機，但唔係萬試萬靈的方法。先找出原因，再對症下藥方為王道之策。
我比較憂慮樓主夫婦出現的意見分岐。個人見過兩夫妻因此出現不和，最終亦令兒女的學習受很大的影響。為人父母，我當然理解做母親痛心、愛惜兒女之心，但父親對家庭經濟的顧慮亦並非唔重要。若然經濟負擔真的太重，留港想辦法亦唔係無出路，真係無必要一定要留學英國。請慎重考慮！
作者: 過客 時間: 17-5-2 09:04
真心多謝各位比既意見.
放左幾日假, 在這幾日假裡, 反覆思量, 亦問仔仔, 過去就真係要讀書, 唔同香港, Hea 讀都可以到中三, 果邊每年要 Pass 先可升班, 唔 pass 就返 HK, 同埋我好辛苦供你讀書, 希望你識諗.......仔仔既回應 : 佢話如果我辛苦既, 佢可以係果邊做 part time 幫補, 佢話係 HK 讀書好有壓力, 佢唔想在有壓力下讀書, 佢都想讀到大學, 但 HK 既大學佢知佢冇可能入到. 佢都希望可以係英國讀埋大學先回港......
突然覺得佢大個仔左, 識諗左......至於爸爸.....我可以點樣同佢傾呢?
作者: 亮燈 時間: 17-5-2 09:30
過客 發表於 17-5-2 09:04
真心多謝各位比既意見.
放左幾日假, 在這幾日假裡, 反覆思量, 亦問仔仔, 過去就真係要讀書, 唔同香港, Hea ...
做part time要超過16歲，每星期只可工作10小時。
至於點同爸爸講？搵個機會，兩母子一齊將自己既意願跟佢商量，慢慢傾，因為一定要兩公婆同心合力一條心，先可有機會完成壯舉。
作者: 過客 時間: 17-5-2 09:45
做 Part time 我都知要大個仔先可以做, 而且有限時. 不過仔仔可以講出口既, 我諗佢真係想轉換下環境去讀書.
至於爸爸......
作者: 3b 時間: 17-5-2 10:08
由Year 9開始讀到大學需要8年, 這是一條漫長的路, 如果父母能夠負擔到2-4佰萬而買個機會當然好, 但是對經濟開支有很大影響的, 一定要量力而為, 如果讀2/3年後因經濟問題而必須要回港, 能否搵到適合的學校入讀, 小朋友心理質素又可否承受?
作者: 洋子 時間: 17-5-2 10:18
請吾好介意我甘講, 如果你每年最多只能供到40萬的話, 我建議你不如考慮去北愛爾蘭, 如果英國的話, 我真系擔心你好辛苦, 因為你還要預每年學費的加幅, 匯率跌得快, 學費加得仲快
作者: 過客 時間: 17-5-2 10:38
洋子 發表於 17-5-2 10:18
請吾好介意我甘講, 如果你每年最多只能供到40萬的話, 我建議你不如考慮去北愛爾蘭, 如果英國的話, 我真系 ...
我都有留意, 係倫敦果 d 學校, 每年加學費真係好勁, 可以一個 term 加 500 英磅以上, 我一年加薪 5 舊都冇.
如果係倫敦讀 2 年左右, 等仔仔適應了英國, 到時再轉去北愛或轉 d 平既學校再上, 可以嗎?
作者: emmafish 時間: 17-5-2 11:06
過客 發表於 17-5-2 10:38
多謝各位回應.
我都有留意, 係倫敦果 d 學校, 每年加學費真係好勁, 可以一個 term 加 500 英磅以上, 我一年 ...
我覺得直接去北愛，唔使係倫敦適應，係倫敦花花世界，容易心散。
要讀就要讀到中學畢業，可回港升大學，無可能出外讀兩年返來，再學通識同文言文
作者: 亮燈 時間: 17-5-2 11:07
過客 發表於 17-5-2 10:38
多謝各位回應.
我都有留意, 係倫敦果 d 學校, 每年加學費真係好勁, 可以一個 term 加 500 英磅以上, 我一年 ...
個人覺得唔好咁做，點解一定要去倫敦讀呢？如果真係經濟原因，一開始就去北愛讀，由細讀到中七，學校會好了解孩子，會幫到佢，但如果中途轉校，孩子又要重新適應，識新朋友，對佢學習都有影響啊！當然，如果間學校讀讀下覺得好唔掂就另計。
作者: 過客 時間: 17-5-2 11:29
亮燈 發表於 17-5-1 10:23
當然有，而且係必須，因為要俾學校知道小朋友既情況，學校就會評估能力，可否幫到佢，如果學校收得既！你 ...
又監戶人既行政費都唔小, 如果我唔洗比筆監戶人一年既行政費, 補落學費到, 好似都係差不多. (當然其他住, 食都係同比監戶人計法一樣)
作者: 亮燈 時間: 17-5-2 11:36
過客 發表於 17-5-2 11:29
選擇倫敦係因為親戚做監護人關係. 同埋仔仔有 d 情緒既問題, 如果有親戚睇住, 我會放心.
又監戶人既行政費 ...
明白，guardian行政費都係一個負擔，希望你計掂條數啦！
作者: 過客 時間: 17-5-2 11:44
亮燈 發表於 17-5-2 11:36
明白，guardian行政費都係一個負擔，希望你計掂條數啦！
作者: 亮燈 時間: 17-5-2 11:51
過客 發表於 17-5-2 11:44
多謝意見.
唔使客氣，依家首先係一家人慢慢商量好先再算。
作者: 3b 時間: 17-5-2 11:56
過客 發表於 17-5-2 11:29
選擇倫敦係因為親戚做監護人關係. 同埋仔仔有 d 情緒既問題, 如果有親戚睇住, 我會放心.
又監戶人既行政費 ...
近倫敦的學校學費一定唔平, 搵一間學校做埋Guardian, 假期可以留校又不用去homestay的可以更慳錢, 你去多幾間agent到問下, 同他們說你的budget, 看看是否有介紹.
p.s. EK不時有好多agent, guardian出現
作者: Candice1128 時間: 17-5-2 12:13
過客 發表於 17-5-1 22:54
我做丫媽既，當然會瞓身付出比D仔女，但我人工唔多，我連一個 term 都負擔唔到，要倆公婆共同先叫猛猛緊叫 ...
我建議考慮留學前，不如一家到志願機構，如: 聖公會、明愛等接受家庭輔導，了解一下大家的期望及心理質素的準備，尤其是孩子的情緒素質，是否能夠應付未來留學生活。先做好心理調適，是非常重要的。另外，夫婦間的共識及經濟考慮，也要配合，彼此心理素質是重要一環。漫漫長路，可以先為未來規劃，見下機構輔導員，價錢便宜，但是值得吧！
作者: emmafish 時間: 17-5-2 13:36
過客 發表於 17-5-2 11:29
選擇倫敦係因為親戚做監護人關係. 同埋仔仔有 d 情緒既問題, 如果有親戚睇住, 我會放心.
又監戶人既行政費 ...
你仔如果full boarding, 你的親戚一個月都唔会見到你仔一次。
作者: 1998Ruby1998 時間: 17-5-2 14:13
回覆 過客 的帖子
仔仔好識得諗！
有一條崎嶇 d 嘅路，就係用 DSE 報 UCAS，成績容許的話，就讀好 d 嘅大學，如果唔得，就讀比較二線少少嘅大學。到時候可以靠努力，考個 2:1，轉返香港讀（唔需要洗咁多錢）或者去英國上流 d 嘅大學（物有所值），相信大學嘅教授都會願意幫你搵路。
如果倫敦有 Guardian，的確係要考慮一下，要做好多資料蒐集，又或者視乎 Guardian 係倫敦邊度同埋可唔可以做到 Weekly Boarder（星期六日去親戚，有 d 學校會提供呢個選項，咁樣可以少 d 學費），如果係住 Outer London 邊緣，就可以考慮一下附近嘅或者一個鐘至個半鐘車程嘅學校。真係要做好多準備功夫。不過 Guardian 唔會日日見，所以未必需要選擇倫敦嘅學校，遠 d 都得。
暫時 City of London Freemen's School、St Edmund's College、Oratory School，呢幾間係 Outer London 邊緣同埋附近地區，而且學費係 35 萬樓下，而且成績都唔錯。第一間我覺得最好，學費 30 萬樓下，係 Outer London（KT21 1ET）。你有空可以參考一下。
至於點同爸爸講，我相信要仔仔搵日一家人坐低開口，同爸爸如實稟報，留係香港前途係點，去英國的話，一家人可能生活冇以前咁豐盛，要節衣縮食，但係佢會生性努力讀書，放假會搵 Part Time 幫補，暑假唔返，可以慳錢嘅地方就慳。仔仔可以自己整份計畫書，表明心意同堅毅。或者好似 Candice 講，搵間資源機構，有個中間人幫忙，旁觀者清，可以幫下眼。
作者: 小蜜蜂818 時間: 17-5-2 14:55
學生到海外讀書是簽 "study permit" 可以做part time 嗎？
作者: emmafish 時間: 17-5-2 15:07
1998Ruby1998 發表於 17-5-2 14:13
回覆 過客 的帖子
仔仔好識得諗！
樓主話阿仔成績唔好，留級邊緣，所以用dse成績報 ucas 無咩可能。好的boarding school 預咗唔会收，好殘酷的現實
我明白樓主老公唔贊成係怕阿仔唔努力，就倒$入咸水海。阿仔要做D野証明決心，而不是空口説做兼職。例如阿仔自己上網找心儀學校資料，或者每天記20生字及䜖英文報，過到去學習問題不會自動解決，如果成績唔好，壓力仲大㗎
作者: 1998Ruby1998 時間: 17-5-2 15:36
回覆 emmafish 的帖子
我自己同樣係做過 6 年留級邊緣人，選修科此次都好彩合格過關先冇事，中文就次次都炒鑊金，冇人信我可以考到入大學，連入 Sixth Form 都唔得，學校高中成績次次都係 2534 221（考得好就咁，唔好彩就....），呢個成績，真係我自己依家睇都唔順眼。果種連父母都唔撐你、日日復明日、讀極都係一個無底洞嘅感覺，我感受好深刻。
我阿媽都預左讀 GCSE 呢條路，不過我唔制，同埋唔想個個入大學而我要讀中學咁樣衰，所以 Study Leave 果半個月努力，最後畀我考到入香港嘅大學。我考中文果幾日仲要肚瀉，食咩疴咩，都畀我考到合格。我選修科低分 d，所以入英國大學其實會吃虧，不過我憑自己熱誠同積極，低 2 個 grade 畀我攞返個學位。我咁廢都有呢一日，我相信其他人只要有心有力，都有出頭之日。
唔試過掂知？樣樣都畀機會自己去碰壁撞版。不過真係要阿仔要證明畀阿爸睇自己唔係得把口。佢肯講第一句「幫補家計」已經係一大進步，如果可以行動證明畀阿爸睇，相信阿爸都會點頭。我阿媽都係唔肯畀我去，阿爸就由得我選擇，我都係要去證明畀兩老睇，我唔係口講無憑。
（「每天記20生字」呢個我唔係咁建議，成效有疑，不過睇英文報紙係真係有幫助。）
作者: 亮燈 時間: 17-5-2 15:57
小蜜蜂818 發表於 17-5-2 14:55
學生到海外讀書是簽 "study permit" 可以做part time 嗎？
可以，簽證會寫明，16歲以上每星期可工作10小時。
作者: kls12 時間: 17-5-2 18:44
過客 發表於 17-5-2 09:04
真心多謝各位比既意見.
放左幾日假, 在這幾日假裡, 反覆思量, 亦問仔仔, 過去就真係要讀書, 唔同香港, Hea ...
其實樓主個仔現在幾年級?
可以不用這麼早決定那年去和去那裡，先找了Agent 找學校,若不用付費，考了一些學校先。這過程會可能令小朋友體會多一點英國讀書的情況,有機會看到別的學生是怎樣的。可能會令小朋友打消去英國的念頭，也可能令他更積極想去。若预算是有限，更加要去多幾間Agent。
我們都考了幾間學校，也令小朋友有明顯的轉變，希望幫到你
作者: 過客 時間: 17-5-2 19:45
kls12 發表於 17-5-2 18:44
其實樓主個仔現在幾年級?
可以不用這麼早決定那年去和去那裡，先找了Agent 找學校,若不用付費，考了一些學 ...
想請救，好似由 yr 8 升上 yr 9 都要達標先升到原校，有冇人同學仔唔達標？
作者: brother4 時間: 17-5-2 20:04 標題: 回覆樓主:
朋友孩子是資優名校生是活動及音樂，讀書就。。。留咗一年，果年聖節結識鄰校女生，好似晚晚玩whatsapp...佢父母苦勸吓，房門要換新的，佢地放棄咗，佢父母想佢留校。。。
作者: kls12 時間: 17-5-2 20:11
過客 發表於 17-5-2 19:45
多謝意見。如果今年過就是 yr 8,.
想請救，好似由 yr 8 升上 yr 9 都要達標先升到原校，有冇人同學仔唔達 ...
若彈藥不夠, 就不用這麼早過去了。會考零分,最後做了博士,比比皆是. 花多些時間和金錢，學好些英文，令他過去時，不會太辛苦吧！
作者: kls12 時間: 17-5-2 20:29
過客 發表於 17-5-2 19:45
多謝意見。如果今年過就是 yr 8,.
想請救，好似由 yr 8 升上 yr 9 都要達標先升到原校，有冇人同學仔唔達 ...
講返最貼身的問題，要算是現在留班，都不是很大的問題，最緊要不要學壞。不知你屬不熟悉英國的考試制度,是不要考完GCSE才可考GCE。只要夠十六歲，便可報讀AL課程。若到時成績許可,可追回一年的時間。最重要的，是他的決心。
作者: ratafan 時間: 17-5-2 20:47
emmafish 發表於 17-5-2 15:07
樓主話阿仔成績唔好，留級邊緣，所以用dse成績報 ucas 無咩可能。好的boarding school 預咗唔会收，好殘酷 ...
Well said. 其實16 歲過去是讀A level, 又要準備考大學，會頗忙，不會有太多時間做part time. 好多小朋友講就天下無敵，如果本身懶，不及早改善壊習慣，過去英國也有risk.
去英國起碼預留400k 一年，year 8 去共要去10年，未計通脹你預3-4百萬, 放假時就算不回港也是要離校，guardian 會幫你找地方homestay 。有些學校可能在短假期容許你留下來。如果父母也年近四十or 過四十，又冇儲蓄真的要想清楚，及為自己將來退休打算下。其實香港也有好多好學校,出國不是唯一出路。
作者: ning673 時間: 17-5-2 21:11
我仔都有專注不足,今年9月去UK讀書,係香港好hea,只得英文、數學合格,所以都係期望去到英國有所改變!
作者: 過客 時間: 17-5-2 22:43
ning673 發表於 17-5-2 21:11
我仔都有專注不足,今年9月去UK讀書,係香港好hea,只得英文、數學合格,所以都係期望去到英國有所改變! ...
作者: nintendo 時間: 17-5-2 23:17
emmafish 發表於 17-5-2 15:07
樓主話阿仔成績唔好，留級邊緣，所以用dse成績報 ucas 無咩可能。好的boarding school 預咗唔会收，好殘酷 ...
忠言逆耳
作者: noel2010 時間: 17-5-2 23:48
第一，近倫敦除學費貴，生活指數都是貴。要有心理準備，但始終是城市生活，香港學生好容易習慣。如果有經濟問題，就不要考慮。
第二，呀仔試過做part time 三小時，每小時£6，但來回花兩小時巴士落Town, 車資來回£6, 返一次工就要五小時。淨袋£12, 我們沒有經濟壓力，倒不如專心讀書。
第三，如果想留學，又怕供不到。亦可考慮紐西蘭留學，朋友兒子中學約$16萬一年。
作者: brother4 時間: 17-5-2 23:56 標題: 回覆樓主:
留學 現暫時首選是英，學校嚴格，監謢人有水準，較放心冇咁容易學壞。。。
作者: twsf 時間: 17-5-3 11:54
提示: 作者被禁止或刪除 內容自動屏蔽
作者: tung_yan0623 時間: 17-5-3 12:05
去英國讀書唔見得会輕鬆，同样有功課有測驗有考試，仲有大量運動，hea唔hea在乎學生自己对自己嘅要求
作者: Belfastmummy 時間: 17-5-3 16:16
真係有大量運動 小朋友都會高得快啲!
作者: ning673 時間: 17-5-3 17:59
回覆 過客 的帖子
我仔有專注力不足，有評估，現選這所學校有支援，Abbots Bromley school,係伯明漢，我覺得學校好有心，因學校要收到評估報告，先決定收吖仔，因學校話要肯定支援到吖仔先收
作者: torunpoland 時間: 17-5-4 09:18
過客 發表於 17-4-30 13:25
真係想請教各大大, 小兒係打天才波既人 (一個字來形容 : 懶), 由於成績不好, 學校話佢再係咁既成績, 可能 ...
本帖最後由 torunpoland 於 17-5-4 09:18 編輯
唔好意思，唔好怪我直言：你話小朋友在香港hea讀，咁佢憑咩嘢令你覺得佢去到英國唔會hea?
作者: 過客 時間: 17-5-4 09:25
torunpoland 發表於 17-5-4 09:18
本帖最後由 torunpoland 於 17-5-4 09:18 編輯
唔好意思，唔好怪我直言：你話小朋友在香港hea讀，咁佢 ...
作者: torunpoland 時間: 17-5-4 09:49
回覆 過客 的帖子
唔知你小朋友幾大個呢？他／她真幸運，有這麼疼愛自己的媽媽。
作者: torunpoland 時間: 17-5-4 09:51
回覆 過客 的帖子
可能去外國讀書氣氛真係輕鬆Ｄ，但要考得好（唔需要最TOP）都唔可以話輕鬆。越高級，workload越多，不見得是輕鬆的。
作者: torunpoland 時間: 17-5-4 10:02
回覆 過客 的帖子
分享多一樣：
我表弟去加拿大讀書，但舅母只夠錢供頭三年（兩年高中及一年大學）。馬死落地行，表弟發現真係冇錢交學費，生活極為困難，即刻去做PART-TIME，捱麵包，好節儉咁捱到大學畢業。千金難買少年窮，原本醒目的表弟，加上這份歷練，更加成熟，更加話頭醒尾。
作者: brother4 時間: 17-5-4 10:27 標題: 回覆樓主:
千金難買少年窮。。好句，亞大多數問錢是交學費及考試費，佢好懢，一罐小的肉丁+陽春面食7餐，兼職 就做冇做，俾多D時間溫書考好成績。。。
作者: nintendo 時間: 17-5-4 10:41
本帖最後由 nintendo 於 17-5-5 09:17 編輯
過客 發表於 17-5-4 09:25
唔知佢會唔會去到係 hea, 但至小係佢開口話想去試下, 比個機會大家, 比個機會佢, 我希望小朋友有個快樂+可 ...
看他人的例，可能非適合。網友仔女讀得好，當然開心 share ，但其實亦有唔少讀得麻麻，人地只係唔想提。如果你銀彈充足，相信有實力比佢 "試"。我識好多，屋企有錢，仔女去邊讀都得。親戚個仔，舊年去了美國讀音樂，HKU 收都唔讀。但以你形容的情況，真係好冒險。如果只係去讀幾年大學，就相對少數目。佢而家只 F2 ，即要去四五年中學再加大學，其實係多年作戰。香港初中課程其實唔難，如果都可以 hea ，成績唔好，點應付英國全英語上課和考試？一路上去，真係可以考 AL 考得好，入到好大學？去到英國，要高中讀得好，也要勤力，壓力一樣有；我唔明香港人點解要誇大香港學生的壓力，其實去英國，點可能嘻嘻哈哈入 oxford ?親戚個仔 A，高中四年，次次返香港都有溫習，尤其 easter ，佢入了 LSE。另一親戚個仔 B，放假返來玩玩玩，入口了麻麻的大學。不過兩個家庭都有錢，人面也廣，A 和 B 相信將來也唔憂。但一般家庭，如果結果入一些英國三線大學，返到香港競爭力未必夠。其實香港年輕人就業情況不明朗，除非是名牌大學畢業，否則好多好工要靠人事。當然，你覺得值就 OK，我只是路過多了囗。`
作者: brother4 時間: 17-5-4 11:43 標題: 回覆樓主：
本帖最後由 brother4 於 17-5-4 11:51 編輯
所講都全對。。Good,但香港學生的壓力真不少。。看小學雜談，家長要懂得放手!其中講*燒幾個老師同一堆習作俾你?*另一個*停不了的自x!家長應如何自處*......果post有家長話海外升學，也有玩，但佢自己顧掂學業，我亦根本管不了。
作者: 亮燈 時間: 17-5-4 15:58
brother4 發表於 17-5-4 11:43
所講都全對。。Good,但香港學生的壓力真不少。。看小學雜談，家長要懂得放手!其中講*燒幾個老師同一堆習作 ...
停不了的自X？自修？
作者: brother4 時間: 17-5-4 16:31
亮燈 發表於 17-5-4 15:58
停不了的自X？自修？
不是自修，自強，自責。。小學雜談有那果post。。。
作者: EMILY03 時間: 17-5-4 16:35
nintendo 發表於 17-5-4 10:41
看他人的例，可能非適合。網友仔女讀得好，當然開心 share ，但其實亦有唔少讀得麻麻，人地只係唔想提。 ...
作者: 亮燈 時間: 17-5-4 16:57
brother4 發表於 17-5-4 16:31
不是自修，自強，自責。。小學雜談有那果post。。。
原來係自殺，香港教育的確係有問題，但部份家長更大問題，攪到小朋友好大壓力，呢種壓力並唔係單純讀書既壓力，而係周圍身邊既無形壓力，係好恐慌，我兩仔身受其害，尤其是阿細，幸好依家去左英國，大家都輕鬆好多，而佢地只需承受單純既讀書壓力，咁就差好遠喇！
作者: 過客 時間: 17-5-4 17:15
作者: torunpoland 時間: 17-5-4 17:50
本帖最後由 torunpoland 於 17-5-4 17:52 編輯
之前有家長都講過..... 呢次係背水一戰, 唔係話你個仔, 我係話你.
供得辛辛苦苦, 佢讀得成書, 孝順父母, 固然可喜可賀.
但如果讀不成（或者唔到你心目中的水平），你的青春體力換來的金錢變成學費後，少少少少好處都冇的同時，個仔正值青春期，萬一學壞咁點？你到時工又唔辭得，真係揸頸就命，好辛苦咁去返工；有工返還好，萬一被人裁了出來，市道唔好，搵唔到工，咁點？本來積蓄可保一年半載不餓，但是你將所有錢換成學費，床頭金盡，開源未果，但英國學費單飄至，你點？呢個風險你必須要預計，然後度出一個可行方案先好去馬。
即係，假設３年後，你供了３年，積蓄已盡的一刻，你又剛好失業而找不到工作，咁點？
即使夫妻和好的，也會因為這些事又嘈，到時又煩多一樣，生活質素大降的同時，夫妻不睦，怨懟而生，而最不幸的是，阿仔唔長進.....呢個情況，可有預想過如何面對？
錢，固然本身係一個問題，但同時衍生更多情緒／關係的張力。小心。
如果阿仔長進，缺錢，反而可以有方法去補救，但個仔如果唔長進，你可以輸得好甘。
我說話比較直，唔好見怪。我講埋最難聽的一句：冇咁大個頭，係味要戴咁大頂帽？
至於個頭係大定細，要看自己個仔的個性而定。冇人比你更清楚，但你一定要抽身而看這事，因為往往當局者迷，只選取自己想相信的作判斷的基礎。
你我萍水相逢，出街見到都唔識，所以我先清心直說。唔好見怪。女人到了中年，仔女生性夫妻和順，固然好；但萬一仔女唔生性，老公又唔乖（或者夫妻關係差），最後剩下甚麼？
作者: retriever 時間: 17-5-4 19:49
過客 發表於 17-4-30 13:25
真係想請教各大大, 小兒係打天才波既人 (一個字來形容 : 懶), 由於成績不好, 學校話佢再係咁既成績, 可能 ...
八卦插句咀。
我係舊果套，較同意你老公既講法。
你細路唔係讀寫障礙，係自己懶。
坦白講，人未衰過，點會學精？
有咩嘢可預見理由，佢去國外會變勤力？ 佢開始珍惜機會，定會肉赤你地D 錢。
留港又有咩後果？
作者: retriever 時間: 17-5-4 20:10
過客 發表於 17-5-1 22:54
我做丫媽既，當然會瞓身付出比D仔女，但我人工唔多，我連一個 term 都負擔唔到，要倆公婆共同先叫猛猛緊叫 ...
其實我唔明點解要瞓身， 瞓身先為佢好？
我係老餅，與其話我唔明白而家D 細路，可能我更唔明而家D 家長。。。
其實俾細路跌下唔係壞事。 我既年代，唔少同事都有類似經歷。
細個唔識諗，唔珍惜讀書機會，結果要出來做學徒，開始明白世界艱難，明白職場係點，明白人生要走咩方向。做幾年野，同時晚上讀 PART TIME， 儲夠錢去國外讀返個 DEGREE。
呢D 紅褲子出身既人，在其專業領域上做得很好，因為佢地有方向，亦多得當年跌一骹，無父母一直捧在手心。
呢代父母既問題，係無俾機會細路錯誤中學習。
人生起跌，要佢哋自己細味，先係佢哋既人生。
作者: agchan 時間: 17-5-4 20:24
其實你个case 和我差不多。當年亞仔無心向學，沈迷打機，決定送他到外國博一博。
當然去之前要做足心理 道，及財政分析，令他明白這是他最後機會。
當日最差打算是亜仔豪無長進依然故我，讀書唔成，一年後回來，白花四、五十萬。
幸而亞仔到了外國，開始努力讀書，追得上要求，希望可以考入大學 （當然不敢車望入一流大學)・
為人父母甚艱難。
作者: dlam141231 時間: 17-5-4 20:40
本帖最後由 dlam141231 於 17-5-4 20:55 編輯
nintendo 發表於 17-5-4 10:41
看他人的例，可能非適合。網友仔女讀得好，當然開心 share ，但其實亦有唔少讀得麻麻，人地只係唔想提。 ...
實況就是這樣, 讀得麻麻的, 唔會上黎分享. 我外甥是其一, 佢父母達成共識送仔出國, 只係打工仔, 但唸住最多遲幾年退休都要送獨生子出國留學. 外甥唔笨, 但好心散, 學業成績欠佳, 當佢聽到可以出國留學, 都好雀躍. 但, 唉, 一言難盡, 讀到第三學期, 在不獲父母支持在學期中停學情況下, 也沒有知會父母和校方, 自己改了機票飛返香港.
. 另一位朋友的孩子, 同樣是獨生子, 也是在香港學業成績欠佳, 父母也有共識支持出國, 孩子也想去. 但去咗一年, 返港過完暑期, 臨上飛機, 就點都唔肯再飛返英國. 結果在家hea住, 無返學, 父母立起心腸, 要佢出去打工, 佢又肯去, 仲知道工作辛苦, 但年少沖動, 跟同事有沖突, 俾人圍打, 口腫面腫返屋企, 阿媽見到喊到收唔到聲. 後來又再要求父母俾多次機會俾佢再去英國, 結果第二次送出國.
作者: agchan 時間: 17-5-4 20:49
其實外國讀書未必hea, 只是要求不同，去之前要有心理傅道。讀書唔成，我左外國讀書時見得多，很多不敢回港。
作者: 過客 時間: 17-5-4 21:12
retriever 發表於 17-5-4 20:10
其實我唔明點解要瞓身， 瞓身先為佢好？
我係老餅，與其話我唔明白而家D 細路，可能我更唔明而家D 家長 ...
而且仔女覺得父母在身邊, 佢地會有依賴,
作者: 過客 時間: 17-5-4 21:37
torunpoland 發表於 17-5-4 17:50
之前有家長都講過..... 呢次係背水一戰, 唔係話你個仔, 我係話你.
供得辛辛苦苦, 佢讀得成書, 孝順父母, ...
我就係好多野都想到盡處先去實行, 所以到而家都係原地踏步........
我都知冇咁大個頭, 唔好戴咁大頂帽, 所以咪上黎囉多 d 資料, 搵下有冇同道中人可以指教下我.
作者: 亮燈 時間: 17-5-4 21:50
過客 發表於 17-5-4 21:37
多謝你咁直接.
我就係好多野都想到盡處先去實行, 所以到而家都係原地踏步........
我都知冇咁大個頭, 唔 ...
其實我都算係背水一戰，講真，我兩仔去英國讀書，一年要$5X萬，讀足咁多年，我唔敢計條實數，因為我冇咁多儲蓄，仲要扣埋OEA，每年實際俾$3X萬，叫做勉強應付到，於是乎膽粗粗就送佢地去。決定前亦會同佢地講：讀得一年得一年，我唔答應到會供完你地讀書，如果冇錢就返黎讀囉！
總之大家一齊努力，你地就努力讀書，父母就努力工作，每人盡自己既責任，希望可以完成呢得任務，
惟有咁講啦！
作者: 過客 時間: 17-5-4 21:59
亮燈 發表於 17-5-4 21:50
其實我都算係背水一戰，講真，我兩仔去英國讀書，一年要$5X萬，讀足咁多年，我唔敢計條實數，因為我冇咁多 ...
作者: retriever 時間: 17-5-5 07:22
過客 發表於 17-5-4 21:12
我都係老餅, 我都係從錯誤中學習, 不過係幾十歲先開始醒悟. 我覺得我年幼時浪費了很多時間, 一切都追唔返.
...
覺悟係靠佢自己，唔係父母直接安排到。
如果求昇大學，而家呢個香港社會，容許有多次機會，好話唔好聽，年青人來日方長，比中年人RETRY 既機會多得多。中老年人係用一蚊，無一蚊。
話說回頭，你俾佢HEA 到 DSE 先跌一骹，無論你忍心佢出來做學徒試下捱世界, 再自食其力儲錢進修，定慷慨送佢去讀預科或社區學院，條數跟而家初中送去都差好遠。
慎重！
作者: ratafan 時間: 17-5-5 08:08 標題: 回覆樓主：
本帖最後由 ratafan 於 17-5-5 08:09 編輯
今時今日好多細路過英國的目的是對DSE 冇太大把握，或想在英國考A Level 上大學，希望上比較一缐頂尖大學，如果公務員的話希望唔好浪費個OEA. 大多數出國的家庭都不用擔心$。所以如果儲蓄不多，又人到中年，為了個十二三歲一句話而做此大決定要想清楚啊！或者可以先through agent 申請apply 幾間，看看囝仔的表現及能力和學校的comments,透過此過程亦可觀察兒子的態度才下決定。
莫講一百萬，過四十歲此年紀儲蓄冇一千萬也未必夠膽放個仔去英國留學成十年
作者: 過客 時間: 17-5-5 09:17
$1 千萬?????
作者: nintendo 時間: 17-5-5 09:35
本帖最後由 nintendo 於 17-5-5 09:37 編輯
壓力，一班三四十人，個個都有。
只求合格 ( 或多少少 )，已經可以入 IVE 之類，又冇逼佢做狀元 5**，咁都做唔到？
有同學成績好，想去美國讀大學，有 ivy league 考埋收埋，但計唔掂數，
而家決定留香港， HKU 已收，佢會 master 先去。
仔女要生性，明父母難處，明知父母唔夠錢，要生性，唔好再 hea ，
最多比佢去讀大學。
作者: 亮燈 時間: 17-5-5 09:52
ratafan 發表於 17-5-5 08:08
今時今日好多細路過英國的目的是對DSE 冇太大把握，或想在英國考A Level 上大學，希望上比較一缐頂尖大學， ...
哈哈…照你所講，我就係絕對例外既一個，年過40好多，儲蓄係你所講既10%，我咁都夠膽送左兩仔去英國讀書，祝我好運吧！
講真，如果我有1000萬，我會選擇移民喇！
作者: nintendo 時間: 17-5-5 10:00
ratafan 發表於 17-5-5 08:08
今時今日好多細路過英國的目的是對DSE 冇太大把握，或想在英國考A Level 上大學，希望上比較一缐頂尖大學， ...
一千萬 ?
咁又唔駛，但如係打份工，咁真係要有穩定收入。
樓主情形，真係有少少不設實際。
作者: ratafan 時間: 17-5-5 10:23
nintendo 發表於 17-5-5 10:00
一千萬 ?
咁又唔駛，但如係打份工，咁真係要有穩定收入。
樓主情形，真係有少少不設實際。
我年紀大，又大洗，又不是公務員，(emoji)想make sure 退休有足夠$旁身....
作者: brother4 時間: 17-5-5 10:33 標題: 回覆樓主：
本帖最後由 brother4 於 17-5-5 10:37 編輯
亮兄x2 移民 ，1千萬可以投資移民，五年後可拿回及有居英權，好處冇要求學歷，英語能力，年齡，可享受當地医療〈全家)，18歲以下之子女可享有免費教育。。。
作者: DoReMi媽媽 時間: 17-5-5 11:52
本帖最後由 DoReMi媽媽 於 17-5-5 11:59 編輯
ratafan 發表於 17-5-5 10:23
我年紀大，又大洗，又不是公務員，(emoji)想make sure 退休有足夠$旁身....
其實當年我小朋友出國時，我老公都即鎖咗筆錢預嚟做小朋友出國讀書用，yr 9過去，連埋讀大學，一個孩子就要用起碼8年時間，仲未計佢可能會讀埋master，我哋都唔係公務員，亦唔想為咗供讀書而退休生活緊絀。
再講，我唔覺出國讀書可以hea讀，眼見小朋友啲香港同學，都係香港有名氣嘅學校過去的，唔係逃避香港教育先過去，一樣係有競爭，學校對學生亦有要求，達唔到標，學校會勸退學生離開，一樣有壓力，見過有啲學生有情緒病，厭食症，結果中途要回國。 雖然假期多，但返到嚟一樣喺香港補習（有啲專為海外留學生而設嘅補習中心），唔好以為哩啲係小數，哩啲補習中心嘅時間好多時都被約晒，有名氣嘅仲要半年前已跟學校calendar 被book晒堂，否則，放假前先約，都唔會俾到時間學生，可想而知需求幾大，仲要哩啲補習堂一點也不便宜。
作者: 3b 時間: 17-5-5 12:13
亮燈 發表於 17-5-5 09:52
哈哈…照你所講，我就係絕對例外既一個，年過40好多，儲蓄係你所講既10%，我咁都夠膽送左兩仔去英國讀書， ...
亮兄,
你太太打政府工, 工作穩定性高, 每年又有OEA (大約7-8萬?), 加上你們兩公婆有共同理念, 互相支持. 小朋友如有特殊需要, 而香港學校卻支援不足, 尋求另外一個適合的地方給他們多一個選擇無可口非. 但是樓主經濟上不容許, 夫妻之間又沒有共識, 孩子是因為懶散而讀書成績一般, 你的例子跟樓主相差太遠了.
樓主,
經過幾日, 各位家長不吝惜地給你很多正/反(忠言逆耳)的意見, 希望你好好參詳一下, 選擇一個適合全家的方案.
作者: basbyy 時間: 17-5-5 12:21
亮燈 發表於 17-5-5 09:52
哈哈…照你所講，我就係絕對例外既一個，年過40好多，儲蓄係你所講既10%，我咁都夠膽送左兩仔去英國讀書， ...
三年前，我安排亞女去英國讀書個戶口得 ratafan 講嘅 5%，好頭痕但為左子女將來都係要上，有OEA，但並唔係諗住唔好嘥，只係為子女前途， claim 政府10萬多D但要比返2萬幾蚊稅，呢三年靠繼續儲蓄同果舊錢平安渡過。
今年更膽大，安排埋個細仔過去，老公提早食糧攞左未夠7位數字嘅退休金（簽約仲有兩年做），炒左菲傭自己做埋亞四，手上嘅錢+繼續儲蓄+儲蓄保險到期，應該應付四年無問題。到時我都退休，亞女大學仲未畢業，亞仔仲未升大學，我份退休金比佢地完成學業應該無問題。有朋友話我地咁捨得比咁多錢仔女讀書，我話大家價值觀唔同，我嘅下屬捨得攞錢去買車供樓，佢地生活質素好過我，但我見到子女開開心心學習成長，我同老公都覺得好值得。
作者: 洋子 時間: 17-5-5 12:25
樓主,
其實如果經濟不寬裕的話, 真的不用這麼早考慮出去, 是否可以考慮先轉去國際學校讀呢? 一來費用一定比出國讀書便宜, 讀書壓力應該冇讀local school甘大. 二來又可以學好英文, 打好個底先, 為以後大些出國讀書打好基礎.
作者: basbyy 時間: 17-5-5 12:35
樓主,
如果我無記錯，妳仔仔而家係中一，讀完中二，中三先過去都仲有好多時間，我都覺得首先係要夫妻間有左共識先，唔好諗一年幾多十萬，手上嘅錢幾多年用完，因為小朋友出左國，佢喺香港嘅學費、補習費、課外活動費，飯錢零用等等係節省左，呢條數其實唔係細數目架。
作者: 亮燈 時間: 17-5-5 13:10
3b 發表於 17-5-5 12:13
亮兄,
你太太打政府工, 工作穩定性高, 每年又有OEA (大約7-8萬?), 加上你們兩公婆有共同理念, 互相支持. ...
3b：
你講得正確，如果我唔係有咁既條件，根本係冇可能送到佢地去英國讀書。首先要佢地想去，其次就係我地兩老同意及支持，之後計得掂條數就決定。
經濟條件：有OEA及機票津貼，住公屋(公務員福利)，兩老都準時出糧但並非薪高，未有OEA時，每年納稅約$3XXX左右。
我全份糧就俾佢地交學費，太太份糧就用作食宿之用。所以每月都係僅僅夠用。
至於將來退休，太太有長俸，我有公司公積金。所以我覺得可以亦希望完成到呢項壯舉。
| 歡迎光臨 教育王國 (/) |
Powered by Discuz! X1.5 |