教育王國

標題: 請賜教！阿仔學校科科，常常要我教十幾廿次至明至記得 [打印本頁]

作者: babybbmama 時間: 17-4-27 09:55 標題: 請賜教！阿仔學校科科，常常要我教十幾廿次至明至記得

全職媽媽。阿仔，小二，已check智力正常。但自從升上小學後，所有科目都要我在家再教佢。仲要唔係教一兩次，係教十幾廿次至明至記得。我好辛苦！功課唔識做，科科都要跟。我幫佢時，佢又唔鐘意我教佢及同佢對功課，佢認為錯咪錯羅，做改正咪得。佢根本唔想學。有咩方法可以令佢學野上心d，唔駛我咁樣跟。謝謝各位！

作者: asweetmom 時間: 17-4-27 10:00

肯做改正已經係肯學

作者: ABC-DAD 時間: 17-4-27 10:09

最好畀佢自己摸索自己嘅學業，家長畀啲耐性去觀察，錯》》》改正，係一個好重要嘅學習過程，食完晚餐，一齊散下步，佢自己攪得掂，你輕鬆左，你笑容多左，小朋友感受到，大家自然會享受小朋友上學係一件樂事。

作者: babybbmama 時間: 17-4-27 10:22

本帖最後由 babybbmama 於 17-4-27 10:25 編輯

好唔好今次考試（6月）唔好幫佢，等佢自己溫。只有佢唔識問我時，我才教他。

作者: chrischeung 時間: 17-4-27 10:30

回覆 babybbmama 的帖子

小二點自己温，除非資質好好又喜歡讀書例外。其實好多小朋友都健忘，我都系不停講不停教佢，做練習錯的，我會作記號隔一個月比返佢做過，英文grammar更要隔一輪提返佢。今日識不代表以後識。

作者: picture 時間: 17-4-27 10:35

chrischeung 發表於 17-4-27 10:30
回覆 babybbmama 的帖子

小二點自己温，除非資質好好又喜歡讀書例外。其實好多小朋友都健忘，我都系不停講 ...

本帖最後由 picture 於 17-4-27 10:37 編輯

未必唔得其實唔關資質是係自理能力嘅問題

作者: ABC-DAD 時間: 17-4-27 10:35

學習規律，要小朋友自己掌握，結果係一個回遣，畀佢地自己調節，我兩個小學都自己温。

作者: ABC-DAD 時間: 17-4-27 10:47

任何學習，都要自己消化左先係自己嘅，嘗試，唔得，問人，再反覆練習/自温習，有需要，家長就去關心下，初小階段係咁嗰喎。

作者: ABC-DAD 時間: 17-4-27 11:05

有一點要提，有錯嘅部分要改正左，温習才有意思，呢點就家長自己平時花時間留意一下

作者: Jane1983 時間: 17-4-27 11:24

認真講 - 要試唔幫佢，可以，但點都唔係搵考試黎試。如果佢全炒要留班，又何必，你到時仲唔開心。

日日要你再教十幾二十次，如果智力無問題，咁即係上堂無聽書之餘，你教果頭十幾次都無心裝載。呢個係學習態度的問題，好好教會慢慢改善的。

作者: miujoey 時間: 17-4-27 11:28

我囡都試過番來同我說功課唔識做, 我覺得奇怪明明老師教了才給功課,初初我會再教佢一次, 但我現在唔會教, 我會叫佢睇番課文, 自己找資料, 佢跟住就會記番起老師所教的, 然後自己再做功課又無問題.

作者: brother4 時間: 17-4-27 11:34 標題: 回覆樓主:

估這方法佢吾work,就要變，如補習社/私補。。1來回家跟功課自己辛苦佢又遲睡覺2來俾人教希望有好成績。。。

作者: IloveJJ 時間: 17-4-27 12:00

提示: 作者被禁止或刪除內容自動屏蔽

作者: IloveJJ 時間: 17-4-27 12:05

提示: 作者被禁止或刪除內容自動屏蔽

作者: retriever 時間: 17-4-27 12:39

babybbmama 發表於 17-4-27 09:55
全職媽媽。阿仔，小二，已check智力正常。但自從升上小學後，所有科目都要我在家再教佢。仲要唔係教一兩次 ...

唔好意思，如果智力正常，如果要你教廿次，我段估係你教法有問題。

當然佢學校唔明亦可能係無留心。

作者: licpd 時間: 17-4-27 12:40

小小年紀玩下游戯，喻快學習，唔好計較付出跟收獲的比例，享受每一次努力的过程，加油！

作者: licpd 時間: 17-4-27 13:04

縂有，老老實實你反省下自己教得好嗎？大學時有教授真係沒人明他教什麽的，不過大學生唔會坐係度，走巨堂就是！

作者: uns 時間: 17-4-27 14:20

babybbmama 發表於 17-4-27 09:55
全職媽媽。阿仔，小二，已check智力正常。但自從升上小學後，所有科目都要我在家再教佢。仲要唔係教一兩次 ...

咁佢温完Ｄ書，考試記唔記得？成績如何？

作者: babybbmama 時間: 17-4-27 15:11

回覆 uns 的帖子

如果係人釘人，同佢講咗十幾廿次改d，佢考試係識的。
如果唔係咁教咁溫，佢就左耳入，右耳出。

作者: MrBeast 時間: 17-4-27 16:04

Jane1983 發表於 17-4-27 11:24
認真講 - 要試唔幫佢，可以，但點都唔係搵考試黎試。如果佢全炒要留班，又何必，你到時仲唔開心。

日日要 ...

同意，點解唔用默書試？可試mention 成績差的後果，要relevant to 小朋友，如暑假要溫習沒得玩之類

作者: 小曳人 時間: 17-4-28 18:57

本帖最後由小曳人於 17-4-28 18:58 編輯

我見到以下問題

-學習態度，媽媽唔滿意，但放唔放手佢自己溫，我覺得你可以同佢傾下，記住，溫習係要學架
- 教咁多次都唔識，一係唔專心，一係方法有問題

其實我細仔都係要教完又教嘅人，默書要早兩個星期開始溫，改正一時時肯聽，我態度係講咗唔到改就算，唔會嬲，留返d精神搵方法溫書好過

作者: haihaimom 時間: 17-4-28 22:01

babybbmama 發表於 17-4-27 09:55
全職媽媽。阿仔，小二，已check智力正常。但自從升上小學後，所有科目都要我在家再教佢。仲要唔係教一兩次 ...

有冇check過讀障同專注力不足，兩様都係智力正常，但影響記性。

作者: karen55407 時間: 17-4-30 07:03

babybbmama 發表於 17-4-27 09:55
全職媽媽。阿仔，小二，已check智力正常。但自從升上小學後，所有科目都要我在家再教佢。仲要唔係教一兩次 ...

每個人能力都有差異，並非每個人都是讀書的材料，小學階段可以幫到就幫啦！幫佢培養好的學習態度！養成喜歡學習！建立良好價值觀！我小朋友小學時真係教到我嘔晒血，唯有自己比多啲心機，亦教佢將勤補拙，依家升上中學，已經完全妥當，我覺得我嘔嘅血，係有回報嘅。

作者: babybbmama 時間: 17-5-1 01:00

多謝大家的方法及意見，見到你哋d留言，好似朋友一樣的關心。十分感動！既然囝都不喜歡我跟他功課，下下要我教十幾廿次我都身心疲累，情緒波動，於是我同他傾了，以後我不對他做的功課有冇錯，只check佢有冇做齊。唔識可以問。但我會問番他上次功課錯的地方，要他解釋。佢傾完好開心，佢以為阿媽唔駛再煩佢。希望他能自己學習。

作者: karen55407 時間: 17-5-1 07:29

babybbmama 發表於 17-5-1 01:00
多謝大家的方法及意見，見到你哋d留言，好似朋友一樣的關心。十分感動！既然囝都不喜歡我跟他功課，下下要 ...

很好！我經驗告訴我教養孩子要不斷嘗試，不斷摸索，不斷磨合的。

作者: 洋蔥頭媽咪 時間: 17-5-1 10:25

babybbmama 發表於 17-4-27 09:55
全職媽媽。阿仔，小二，已check智力正常。但自從升上小學後，所有科目都要我在家再教佢。仲要唔係教一兩次 ...

適量的放手對小朋友絕對有好處，我經常都建議家長唔好對功課，對功課根本就係老師的責任，家長每天人釘人督住小朋友去做，孩子就會養成倚賴，讀書/做功課便成了家長的責任而非子女。家長要學懂適量放手，錯就讓孩子自行改正，不懂就讓孩子主動發問，家長要沉著氣只須在背後監督及支持，小二仲輸得走，及早培養良好學習態度，對小朋友才是最大的幫助。

作者: 洋蔥頭媽咪 時間: 17-5-1 10:38

babybbmama 發表於 17-4-27 10:22
好唔好今次考試（6月）唔好幫佢，等佢自己溫。只有佢唔識問我時，我才教他。 ...

我建議你不要再對功課，不要再督住佢學，比啲空間佢鼓勵佢不明白嘅地方主動去問，多鼓勵、多讚賞，佢做得好你就要讚下佢，佢邊科成績較好/較自信嘅，6月考試嘗試放手等佢自己溫，但要同小朋友講不是媽媽唔理你，而是媽媽相信你有能力自己做得好，當然你亦要教佢方法點去溫習，家長要降低要求，比空間孩子學習，就算最終成績未太滿意，但家長仍要多鼓勵，小朋友就會越來越進步。家長只要肯踏出第一步，你可能會發現孩子其實比想像中叻好多。加油！

歡迎光臨教育王國 (/)