教育王國
標題: 記一次難忘的小一面試 [打印本頁]
作者: babadogcat 時間: 17-4-25 18:00 標題: 記一次難忘的小一面試
本帖最後由 babadogcat 於 17-4-25 18:11 編輯
是一間將軍澳一條龍直資
是一位男孩子，我個仔
那年因為近，口禆，而申請入讀
兒子入去面試，同組的爸媽都接過孩子後我還不見他，再等。另一組出來，我兒子也未見影縱，再等下，因為我知他不會亂走！終於....出來......
我：咦，一定好玩，你咁耐才出來找媽媽
仔：（嬲樣）老師叫我讓一個小朋友面試先，咪問點解，老師唔應，叫我排後面，之後應該到我，我便行出去，老師問點解我唔可以讓人先，我話其實到我，我排左隊，而且天黑要返屋企食飯！
之後老師一直將我放最後！
我：你有排隊做得好
可是仔已經不開心這個經歷，到底點解？是否兒子不順攤，但已經聽了老師一次，都咁！可能是我教得不夠好(emoji)
一個K3 的難忘經歷
作者: 3hearts 時間: 17-4-25 19:20 標題: 回覆樓主:
那真傷感。你小朋友有冇同你分享試後感受?情緒?
作者: ainnai 時間: 17-4-25 19:28
babadogcat 發表於 17-4-25 18:00 
是一間將軍澳一條龍直資
是一位男孩子，我個仔
咁奇怪？係咪考試一部分？
作者: ainnai 時間: 17-4-25 19:28
babadogcat 發表於 17-4-25 18:00
是一間將軍澳一條龍直資
是一位男孩子，我個仔
咁你仔最後有無offer?
作者: Soundervolt 時間: 17-4-25 20:41
babadogcat 發表於 17-4-25 18:00
是一間將軍澳一條龍直資
是一位男孩子，我個仔
請問您如果學校收您個囝仔，您會唔會俾佢去讀呢?
作者: peggylau923 時間: 17-4-25 21:43
我將軍澳3間直資都有in過，跟據亞仔引述，無一間依你講既內容，要排隊答問題，其中兩間係坐係度老師會走過來問問題，另一間係有part做連線配對同玩豆袋! 會唔會中間有誤會呢？
作者: Jane1983 時間: 17-4-25 21:57
唔好太介懷，小朋友理解件事，解釋比番家長聽，和事情本身或老師睇到的，可能都好唔同。
做人有時係會食死貓，或者唔抵，無辦法，唯有睇開d。另外，得閒引導吓仔仔，就算讓吓人，唔使黑面wor，gentleman嘛，笑吓就盡顯風度。
作者: siden 時間: 17-4-25 22:18
本帖最後由 siden 於 17-4-25 22:55 編輯
小朋友理解件事，解釋比番家長聽，和事情本身或老師睇到的，可能都好唔同。
x2
仲有，無論小一interview，抑或讀緊中小學，甚至將來出黎做嘢，有時唔可以亦唔應該計較次序。就算K3小朋友，在幼稚園老師叫某些事情先讓班內其他小朋友進行，我都唔認為小朋友應該走去問老師點解要讓。就算純粹只係天真小孩每事問，平時佢問類似問題時，師長應該已經要加以解釋和斗正。
小一 interview 係服從老師instruction，唔係排乜位就跟果個次序。仲問出口點解要讓另一個小朋友interview 先？我係老師一定反感。讓一讓人咁少事都問點解？「據理力爭」其實只會給人印象不肯相讓不易相處。
當然，如果個老師咁小氣特登激楼主個仔keep住擺佢最後，咁個老師都有唔啱。
作者: AgapePa 時間: 17-4-25 22:53
小朋友理解件事，解釋比番家長聽，和事情本身或老師睇到的，可能都好唔同。
x3
By the way, 考小一的老師唔同幼稚園老師，唔一定會慢慢氹小朋友。有間男神校，其中一節面試，會搵個惡老師話小朋友，考小孩反應。
作者: babadogcat 時間: 17-4-25 22:54
我仔已經小四了，是數年前的事，剛路過想起點滴寫番下，沒有任何意思，回頭望又幾得意.
當然連2nd in 也冇，我們有連線玩豆袋offer 但沒有接受！
對的，從面試我對兒子認識深了，他並不容易相處，有間很活動的小學面試活動他話好BB, 所以坐左係度唔多參與(emoji)我也為此話過佢！
後來得知他是亞氏保加，超固執人物..唯有多些明白他，身邊沒有太多人了解，覺得他冷漠，難相處，我係亞媽，唯有努力幫助他！
祝大家有個順利面試
作者: siden 時間: 17-4-25 23:01
本帖最後由 siden 於 17-4-25 23:03 編輯
babadogcat 發表於 17-4-25 22:54
我仔已經小四了，是數年前的事，剛路過想起點滴寫番下，沒有任何意思，回頭望又幾得意.
當然連2nd in 也冇 ...
哦原來如此，亞氏小朋友有這個反應再正常不過。
你小朋友只是作以上問話，在亞氏小朋友來說已經好乖。明白師長朋友間對你或兒子難有共鳴，但有你好好引導，只要佢保持性格樂觀正面，應該冇問題。尤其佢學習能力完全冇問題。加油。
作者: Jane1983 時間: 17-4-26 08:10
回覆 babadogcat 的帖子
原來如此。考學校係可以令家長更了解小朋友，我回想當年小朋友考K、考小一，好似打場硬仗，都感觸良多。
作者: MrBeast 時間: 17-4-26 08:23
天黑要返屋企食飯 
要小朋友讓老師要說出原因，之後仲玩針對，入到都冇幸福
作者: 愛b人 時間: 17-4-26 08:28
回覆 babadogcat 的帖子
得意分享. 好唔好都經歷.
作者: retriever 時間: 17-4-26 08:33
babadogcat 發表於 17-4-25 22:54
我仔已經小四了，是數年前的事，剛路過想起點滴寫番下，沒有任何意思，回頭望又幾得意.
當然連2nd in 也冇 ...
作者: hkpapa852 時間: 17-4-26 08:42
retriever 發表於 17-4-26 08:33
不明, 點樣2 IN 都無, 又有OFFER 無接受?
作者: retriever 時間: 17-4-26 08:58
hkpapa852 發表於 17-4-26 08:42
4/5年前, 係TKO應該除GT以外, 其餘3間就算之前你收到Reject, 但暑假期間俾番Offer你都係平常事
...
謝謝澄涌, 原來差幾年差咁遠...
作者: babadogcat 時間: 17-4-26 09:58
retriever 發表於 17-4-26 08:33
不明, 點樣2 IN 都無, 又有OFFER 無接受?
呢間冇2nd in
玩豆袋的一間有offer
作者: luckybaby2011 時間: 17-4-26 10:09
回覆 babadogcat 的帖子
點解最後有Offer都無接受既？有更好的直資收嗎？
作者: babadogcat 時間: 17-4-26 10:29
luckybaby2011 發表於 17-4-26 10:09
回覆 babadogcat 的帖子
點解最後有Offer都無接受既？有更好的直資收嗎？
豆袋那間感覺好好，老師又友善，我仔話老師識玩！只是爸爸有些擔心他們讀少一年，兒子能否應付！
其實之前的數次面試已經令我怕了，再加上我兒子的問題，我希望找到包容度高。後來去九龍塘的一間私校，我很喜歡它們的教學法, 所以決定了它！可是它的學費都好貴！
最後兒子入讀了現在九龍的學校，起初不想報因為兒子不是讀書人，只是很喜歡玩，就連有經驗家長朋友也不睇好，但兒子從一些渠道看過學校資料，他話要去考，就係咁，考左。
不經不覺暑假後升小五，又另一個階段
作者: luckybaby2011 時間: 17-4-26 10:40
回覆 babadogcat 的帖子
I SEE，我個仔而家都話似亞氏，我都諗緊咩學校啱佢
私校對SEN 支持多嗎？
作者: babadogcat 時間: 17-4-26 10:48
luckybaby2011 發表於 17-4-26 10:40
回覆 babadogcat 的帖子
I SEE，我個仔而家都話似亞氏，我都諗緊咩學校啱佢私校對SEN 支持多嗎 ...
要support SEN 有資助的學校會多d，私校直資係少，只能自己幫，例如我兒之前成人問果d問題，我便引領說要找合適時間，地點，人物才好問，再找不到便回家問我！始終他們成長了少少，比佢知個實際情況，他們真的好似好了解。不過到下次再轉情況，你只要解釋多次！
不要怕同學校社工或班主任講，當然我也試過比老師話其實一班咁多人我幫唔到，但可能我已經練到好耐性，我說只是想讓老師知道，我明白老師忙，大部分的事媽媽會處理！
真的需要便出外面找一些課程幫自己也幫孩子！
作者: luckybaby2011 時間: 17-4-26 11:01
回覆 babadogcat 的帖子
多謝解答，其實我小朋友讀緊幼稚園，可能政府仲有社工幫下手，咁我都有搵私人既訓練中心。後來先知就算幼稚園私立既都無架，老師都係叫家長自己出去搵。。
作者: Charlotte_mom 時間: 17-4-26 11:20
luckybaby2011 發表於 17-4-26 11:01
回覆 babadogcat 的帖子
多謝解答，其實我小朋友讀緊幼稚園，可能政府仲有社工幫下手，咁我都有搵私人既訓 ...
幼稚園只有I 位s 位會有導師去學校做訓練，所以要排。
讀私校同非s位i位都係要自己安排訓練（除非e位係讀普通幼稚園但去政府做訓練）
小學官津支援好過直私，我唔100%同意。有得申請政府資助唔等於肯做肯包容。我仔讀直資都有得申請資助上小組。學校有全職社工（聽話有津校係老師兼任）。但除小組訓練，更重要係平時老師點照顧。我仔學校老師會出去上training學點教特別需要嘅學生，唔係普通一日半日workshop，呢d官津校反而無資源做（要特登請代課，投資唔少）
都係老土一句，要間間都睇下，貨比三家
作者: teambuilder 時間: 17-4-26 11:28
每個小朋友的性格都唔同，冇話對與錯。我兩個小朋友性格都好大分別，大既非常BB，細既非常成熟。我未教我細女面試技巧時，問佢如果老師問你平時有冇食麥當當，佢自己都識答: 冇食，因為我唔鍾意食麥當當。佢話老師會認為食麥當當冇益。但明明佢好鐘意食薯條。
作者: luckybaby2011 時間: 17-4-26 13:22
回覆 teambuilder 的帖子
感覺有點奇怪⋯⋯照直講都唔會影響成績吧。大人都會食
作者: 國家 時間: 17-4-26 14:15
回覆 teambuilder 的帖子
不贊同, 成熟不等於要小朋友講大話。
作者: teambuilder 時間: 17-4-26 17:11
回覆 國家 的帖子
唔係講大話，我當時只係試下小朋友，我冇教佢或助長佢講大話，唔好咁敏感。實際上所有面試都冇問過呢條問題。況且我覺得佢鐘意食薯條，佢都唔一定要答鐘意食麥當當，第二度都有薯條食。如果我自己答我會答"麻麻地"，雖然我都經常食麥旋風。
作者: teambuilder 時間: 17-4-26 17:28
回覆 luckybaby2011 的帖子
我只係想講小朋友有d都識睇眉頭眼額或是投其所好，尤其是對住老師，食麥當當呢個問題只係我同小女閒話家常時的對答，睇下佢應變，唔好咁敏感。
作者: meowloo 時間: 17-4-26 20:12
世事好多野係整定，我地當年曾在某次熱龍校遇到相似待遇；我相信你小朋友所說的話，亦欣賞佢小小年紀有勇氣為眼前的不公義發聲；只怪跟學校無緣～
塞翁失馬，焉知非福，感覺樓主的小朋友很有自信和膽識，相信佢已讀緊一間更稱心如意、更懂得欣賞佢長處的學校吧！
作者: babadogcat 時間: 17-4-26 20:38
meowloo 發表於 17-4-26 20:12
世事好多野係整定，我地當年曾在某次熱龍校遇到相似待遇；我相信你小朋友所說的話，亦欣賞佢小小年紀有勇氣 ...
好感謝你的明白，真的多謝你！你真的了解(emoji)(emoji)(emoji)(emoji)
作者: siden 時間: 17-4-26 20:50
luckybaby2011 發表於 17-4-26 10:40
回覆 babadogcat 的帖子
I SEE，我個仔而家都話似亞氏，我都諗緊咩學校啱佢私校對SEN 支持多嗎 ...
私教對SEN支援唔會多，因為冇人俾＄去support。
但係津校有政府資助照顧SEN, 卻好多都對SEN不包容。
但係有某少數間私校對SEN係照顧和包容，邊間就唔開名了。
作者: MrBeast 時間: 17-4-26 21:13
Charlotte_mom 發表於 17-4-26 11:20
幼稚園只有I 位s 位會有導師去學校做訓練，所以要排。
讀私校同非s位i位都係要自己安排訓練（除非e位係讀 ...
作者: retriever 時間: 17-4-27 07:30
teambuilder 發表於 17-4-26 11:28
每個小朋友的性格都唔同，冇話對與錯。我兩個小朋友性格都好大分別，大既非常BB，細既非常成熟。我未教我細 ...
呢樣叫成熟？
作者: teambuilder 時間: 17-4-27 13:13
回覆 retriever 的帖子
可能我講得唔好或者誇張左啦。正如有d媽媽話同小朋友面試話係去玩，有d小朋友信，有d唔信。有d小朋友去面試真係做番自己，d名校校長個個都話鐘意睇小朋友真實個面。面試時，玩玩具同睇書，有得揀一定揀玩玩具？定睇書？同面試成績有冇關係我就唔知喇。可能有些老師會欣賞有正義感和守規矩既小朋友好似樓主小朋友咁呢。
作者: retriever 時間: 17-4-27 13:45
teambuilder 發表於 17-4-27 13:13
回覆 retriever 的帖子
可能我講得唔好或者誇張左啦。正如有d媽媽話同小朋友面試話係去玩，有d小朋友信， ...
只係用詞既選擇. 個人以為成熟係一藍子較高階既行為, 你形容既, 某程度係小朋友識扮野, 考小階段唔少女仔都識扮啦...
至於樓主話細路問老師點解, 只要態度禮貌正確, 又唔覺得係問題.
作者: LHSmama 時間: 17-4-27 14:02
回覆 teambuilder 的帖子
真的會這樣問嗎?
真的有小朋友選看書嗎?(除非玩具吳吸引)
作者: lui 時間: 17-4-27 19:26
LHSmama 發表於 17-4-27 14:02
回覆 teambuilder 的帖子
真的會這樣問嗎?
肯定幾多學校問
作者: lui 時間: 17-4-27 19:28
LHSmama 發表於 17-4-27 14:02
回覆 teambuilder 的帖子
真的會這樣問嗎?
重問父母最多同你講既說話系乜？有冇鬧你，小朋友一定講心裏的，除非有人教佢作野
作者: ^GGmami^ 時間: 17-5-1 07:54
LHSmama 發表於 17-4-27 14:02
回覆 teambuilder 的帖子
真的會這樣問嗎?
我個女都係揀睇書唔揀玩具果種，唔係扮野，佢本身性格好怕同人爭，所以佢去interview比書同玩具佢揀，一定係睇書，雖然佢唔係特別鍾意睇書...
作者: miss_siu88 時間: 17-5-8 16:02
本帖最後由 miss_siu88 於 17-5-8 16:06 編輯
teambuilder 發表於 17-4-26 11:28
每個小朋友的性格都唔同，冇話對與錯。我兩個小朋友性格都好大分別，大既非常BB，細既非常成熟。我未教我細 ...
我仔都會這樣答.... 有人問他喜歡吃什麼，他說蘋果，因為蘋果健康。在外面他會跟其他小朋友說，你要吃多些蔬菜，才能快高長大，在學校要吃得健康。但是在家裡，其實他好喜歡吃不健康的東西。
那你細既小朋友，對不識的東西會不會勇於嘗試？我仔對100%有信心的事情才舉手，不太確定的問題就不舉手 >.<
作者: Charlotte_mom 時間: 17-5-9 11:38
miss_siu88 發表於 17-5-8 16:02
我仔都會這樣答.... 有人問他喜歡吃什麼，他說蘋果，因為蘋果健康。在外面他會跟其他小朋友說，你要吃多 ...
我朋友個仔同你個仔一樣
唔會亂up，唸好晒至講，考直私炒晒（唔夠人快）
不過佢的確係深思熟慮型叻仔
中學去左邊丫？去皇仁
皇仁當年收生問左條問題：如果你想買野父母唔肯買咁點。
朋友個仔完美演譯咩叫需要 vs 想要。需要係咪有唔同option點考慮，阿媽唔買一定有佢嘅考慮（阿媽教得好）
而家呢個仔已經係醫學院學生
祝你小朋友同佢一樣咁成功
作者: Chirley 時間: 17-5-9 12:07
Charlotte_mom 發表於 17-5-9 11:38
我朋友個仔同你個仔一樣
唔會亂up，唸好晒至講，考直私炒晒（唔夠人快）
不過佢的確係深思熟慮型叻仔
作者: socutebb 時間: 17-5-13 17:32
好奇一問，其實樓主係講緊邊間將軍澳直資嘅面試呢？
作者: babywoman 時間: 17-5-14 17:05
回覆 teambuilder 的帖子
哈哈，我明白你。
當年我仔玩叩門，有一間，問佢喜歡食麥當勞嗎？喜歡，如果嫲嫲想去茶樓飲茶，但你其實想去麥當勞，咁最後你點選擇，佢答：陪嫲嫲飲茶。
事後，佢話覺得啲大人應該希望得到這個答案
我覺得呢啲係老積 。有啲嘢冇人教 ，但又識睇大人眉頭眼額
作者: siupigmama 時間: 17-5-24 13:40
babadogcat 發表於 17-4-26 10:29
豆袋那間感覺好好，老師又友善，我仔話老師識玩！只是爸爸有些擔心他們讀少一年，兒子能否應付！
其實之 ...
| 歡迎光臨 教育王國 (/) |
Powered by Discuz! X1.5 |