教育王國

標題: 瑞士酒店管理大學集團　籲港怪獸家長放手 [打印本頁]

作者: elbar 時間: 17-4-21 13:49 標題: 瑞士酒店管理大學集團　籲港怪獸家長放手

■瑞士酒店管理大學SHMS 互聯網

今年中學文憑試屆尾聲，有開辦酒店管理課程的集團總監分享面試文憑試畢業生的經驗，指本港近年湧現「怪獸家長」，亦有學生在面試時哭泣。她促家長適度放手，讓學生獨立成長。

學生抗逆力低面試哭泣

負責大中華區收生的瑞士酒店管理大學集團（SEG）大中華區總監陳麗儀指，集團每年全球招收約2,000名新生，其中約170名為香港學生。陳指收生着重語文能力、對行業的熱誠及面試表現；但據她觀察，近年面試的文憑試考生抗逆力一般較低，曾有學生被問為何某一科成績特別差時哭泣。她每天面試數十人，當中有數名學生也在面試期間哭泣。

陳把情況歸因於怪獸家長，指他們除了為子女完成所有入學手續、親身陪伴開學，甚至要求取得學生所收電郵的複本；又指有學生曾向父母表示實習辛苦，家長便致函酒店，要求為子女轉部門。她慨嘆家長過份着緊未必是好事，應適度放手讓學生成長。

SEG旗下的瑞士酒店管理大學SHMS亦公佈新獎學金計劃，合資格學士、碩士生最多可獲19萬港元獎學金，名額20個。

作者: Doray 時間: 17-4-21 16:57

面試數十人，當中有數名學生也在面試期間哭泣.......terrible.....

作者: ckaying 時間: 17-4-21 17:12

小朋友壓力很大

作者: shadeslayer 時間: 17-4-21 20:24

ckaying 發表於 17-4-21 17:12
小朋友壓力很大

大學生18歲了。

作者: Doray 時間: 17-4-21 23:15

本帖最後由 Doray 於 17-4-21 23:18 編輯

作為父母，真係要定時自省一下，十八歲已經是成人, 我都時常提醒自己要放手。

作者: cow 時間: 17-4-21 23:28

面試期間哭泣, 唔一定係學生問題.

作者: Jane1983 時間: 17-4-21 23:35

都18歲人，面試時被問及點解有些科目考得唔好，就即時哭泣？比較難想像，其實呢d係咪應該入父母數呢？

作者: Doray 時間: 17-4-22 18:16

本帖最後由 Doray 於 17-4-22 18:22 編輯

成熟度當然因人而異，亦因環境而異，呢輩小朋友都未"捱"過，係差啲！
剛睇完地獄厨神講教仔女，佢自己兩公婆搭頭等，但仔女就冇，因為佢要佢地學要享受先必付出，但眼見身邊中產，動不動去旅行幾4、5歲就嚷著要搭頭等，溫室中嘆慣，點攪？

作者: cow 時間: 17-4-22 18:38

本帖最後由 cow 於 17-4-22 18:47 編輯

Doray 發表於 17-4-22 18:16
佢自己兩公婆搭頭等，但仔女就冇，因為佢要佢地學要享受先必付出 ...

我唸我呢世都無呢種享受。
你身邊啲中產都好有錢，小朋友都好成熟，4、5歲就知道飛機係有頭等。

作者: skkeung 時間: 17-4-22 22:14

elbar 發表於 17-4-21 13:49
■瑞士酒店管理大學SHMS 互聯網

為何揀酒店管理，咁怕辛苦！

作者: shadeslayer 時間: 17-4-23 06:05

cow 發表於 17-4-22 18:38
我唸我呢世都無呢種享受。
你身邊啲中產都好有錢，小朋友都好成熟，4、5歲就知道飛機係有頭等。
...

佢可能係胡鬚曾嗰類中產。我細路頭等「港鐵」就可以。

作者: Doray 時間: 17-4-24 09:41

shadeslayer 發表於 17-4-23 06:05
佢可能係胡鬚曾嗰類中產。我細路頭等「港鐵」就可以。

就係未到胡鬚曾咁嘅level 先令人不以為然，專然係專業人士，佢有自已"life style", 但我就覺得有啲over law.

作者: Doray 時間: 17-4-24 09:48

我個女搭機经過B-class 同頭等，好羡慕咁話佢都好想坐，我就話俾佢聽如果要坐，請自已俾心機努力工作，搵份媽咪呢啲要飛嘅工作，咪有機會公司俾錢你搭，跟著我就話佢知價錢嘅差異，佢就心裏有數，冇再講話要搭la,

作者: shadeslayer 時間: 17-4-24 12:46

Doray 發表於 17-4-24 09:48
我個女搭機经過B-class 同頭等，好羡慕咁話佢都好想坐，我就話俾佢聽如果要坐，請自已俾心機努力工作，搵份 ...

帶佢去搭港鐵頭等止渴先。

作者: skkeung 時間: 17-4-24 14:02

Doray 發表於 17-4-24 09:48
我個女搭機经過B-class 同頭等，好羡慕咁話佢都好想坐，我就話俾佢聽如果要坐，請自已俾心機努力工作，搵份 ...

識教！

作者: Terry_aarona 時間: 17-4-27 14:30

「要求取得學生所收電郵的複本；又指有學生曾向父母表示實習辛苦，家長便致函酒店，要求為子女轉部門…」

我覺得依樣先攞命....如果我係學生去酒店做實習，阿爸阿媽咁搞法，我都唔知點面對啲同事...大佬...你估我係小學生咩,就算想轉部門都自己講啦...

作者: Doray 時間: 17-4-27 17:26

Terr宜aarona 發表於 17-4-27 14:30
「要求取得學生所收電郵的複本；又指有學生曾向父母表示實習辛苦，家長便致函酒店，要求為子女轉部門…」

...

但弊就弊在宜家啲子女唔覺有問題先係最大問題

作者: Terry_aarona 時間: 17-4-28 17:46

回覆 Doray 的帖子

咁又係呀，依啲野父母和子女都有責任，唔可以靜係賴晒父母。不過想送個仔出國讀書，去瑞士讀酒店管理，都係想佢見識世界。都讀到大學，乜鬼都擔心一餐，咁送佢去外國讀書把鬼咩...

其實啲怪獸家長眼中咩家長先係「怪獸」呢? 竟然可以覺得自己冇問題。

作者: Doray 時間: 17-4-28 18:37

本帖最後由 Doray 於 17-4-28 18:40 編輯

我諗佢地可能唔係覺得冇問題，係唔抵得，覺得佢去未夠班或handle 得唔夠好，於是忍唔住出手。
心態可能係同幫小學生的仔女做勞作做project 一樣，因為在父母眼中，仔女永遠都係長唔大

作者: ABC-DAD 時間: 17-4-28 20:04

人進化左咁耐都保留住淚腺，哭泣有咩問題，覺得唔適合入讀/入行你有權唔收，唔應該去假設同學哭泣背後係父母有問題。Hospitality Industry 唔係應該人性化啲對客同從業員咩？服務行業都要有自己嘅尊嚴。

作者: Terry_aarona 時間: 17-5-4 11:06

ABC-DAD 發表於 17-4-28 20:04
人進化左咁耐都保留住淚腺，哭泣有咩問題，覺得唔適合入讀/入行你有權唔收，唔應該去假設同學哭泣背後係父 ...

你有冇睇內文架？人地都冇話因為喊而唔收係話D細路抗逆能力低，咁出嚟社會做邊行都會辛苦，叫D父母放手畀子女跌下，冇咩唔好喎

作者: ABC-DAD 時間: 17-5-4 12:01

Terry_aarona 發表於 17-5-4 11:06
你有冇睇內文架？人地都冇話因為喊而唔收係話D細路抗逆能力低，咁出嚟社會做邊行都會辛苦，叫D父母放手畀子 ...

我一直講，收定唔收無問題，唔好借學生喊而假設人地父母係怪獸家長去抽水，去做宣傳，閱讀理解好難咩？

作者: ABC-DAD 時間: 17-5-4 12:24

但又無人有興趣點解面試過程會使幾個學生喊呢？

作者: ABC-DAD 時間: 17-5-4 12:34

有無人覺得將自己仔女嘅升學面試表現公開批評/成為話題係好合理好正常嘅宣傳手法呢，我對有無咁嘅必要抱保留態度，我會覺得提出應考學生要具備何種質素會對加入酒店行業係重要啲，如尊重別人私密，唔會公開談論客人私人場合的行為言談等等。

歡迎光臨教育王國 (/)