教育王國

標題: 早期訓練與到校分別 [打印本頁]

作者: Baby豬1209 時間: 17-4-14 14:38 標題: 早期訓練與到校分別

剛派到早期訓練，不過要坐車，現在有到校，好多課堂也是係學校到上，唔使請假，依家要二選一，傾向留係到校，有沒有jm 都有呢個煩惱？

作者: Yukiruirui888 時間: 17-4-15 00:00

Baby豬1209 發表於 17-4-14 14:38
剛派到早期訓練，不過要坐車，現在有到校，好多課堂也是係學校到上，唔使請假，依家要二選一，傾向留係到校 ...

雖然我無經驗，但知道有媽媽選到校，唔要E位，其實你自己都考慮一下，到校的老師會一直係同一個嗎？或者如果換左新的，會OK嗎？雖然central都會有呢d情況出現

作者: bbjoanna 時間: 17-4-15 11:58

E位媽咪可以一齊學點樣教小朋友, 返到屋企可以幫佢練習下, 但要課外時間去; 到校服務由老師跟進, 唔駛課外時間再去練習

作者: Baby豬1209 時間: 17-4-15 13:36

我就是覺得到校方便，因為派到訓練中心有D遠，同埋已經上了一年到校，有好明顯進步，怕轉訓練中心要再適應

作者: fionchiu2000 時間: 17-4-18 00:43

我同你嘅情況一樣，到校上左差唔多一年，岩岩派到早期，仲係度諗緊

作者: Baby豬1209 時間: 17-4-18 13:39

fionchiu2000 發表於 17-4-18 00:43
我同你嘅情況一樣，到校上左差唔多一年，岩岩派到早期，仲係度諗緊

最遲要幾時回覆？
我個社工話再同我傾下

作者: Letter_lalaland 時間: 17-4-21 01:41

本帖最後由 Letter_lalaland 於 17-4-21 01:41 編輯

如果E位有齊治療師同特殊幼師，而小朋友各方面落後比較多，
我認為E位環境一般比較幼稚園理想，幼稚園始終人多且訓練地方太多引誘，
E位一般可以比較夠專心，但最重要係在家跟進。

E位好定到校好？問返自己治療師同老師最實際

作者: Baby豬1209 時間: 17-4-21 23:54

就是老師叫我問治療師，治療師叫我問老師，社工叫我親自問E位了解一下，所以我好混亂

作者: Tarttatt 時間: 17-4-22 01:09

我之前都煩惱i位定E位定繼續到校，同你一樣，老師叫我問導師丶導師叫我問老師⋯社工當然更加俾唔到意見！

不過既然你到校覺得冇乜問題就繼續吧，始終睇夾唔夾，而且方便亦好重要嘛！

作者: queenie_hau 時間: 17-4-22 22:32

Baby豬1209 發表於 17-4-21 23:54
就是老師叫我問治療師，治療師叫我問老師，社工叫我親自問E位了解一下，所以我好混亂
...

要視乎你小朋友有無需要PT同OT，因為到校服務有佢限制，沒有足夠嘅器材，而訓練中心設備器材比較全面，你可以同考慮一下。希望幫到你。

作者: Letter_lalaland 時間: 17-4-23 02:08

本帖最後由 Letter_lalaland 於 17-4-24 22:10 編輯

Baby豬1209 發表於 17-4-21 23:54
就是老師叫我問治療師，治療師叫我問老師，社工叫我親自問E位了解一下，所以我好混亂
...

大肌、體能、平衡、姿勢、協調、耐力、專注問PT
小肌、專注、感統、寫字、視覺感知、協調、自理問OT
口肌、發音、理解、表達、社交、表達、專注、吞嚥問ST
認知、常規、社交、專注、情緒、表達、社適、自理、育兒問特殊幼兒教師
情緒支援、育兒心得技巧、升小問題、CAC 評估、社交、專注問社工

其實各自有自己專業獨特嘅地方，亦有與其他專業重叠合作嘅範疇；
老師同治療師係怕家長淨係問一個，而失去更全面嘅資訊

作者: Letter_lalaland 時間: 17-4-23 02:18

本帖最後由 Letter_lalaland 於 17-4-24 22:11 編輯

queenie_hau 發表於 17-4-22 22:32
要視乎你小朋友有無需要PT同OT，因為到校服務有佢限制，沒有足夠嘅器材，而訓練中心設備器材比較全面，你 ...

到校服務嘅 PT & OT, 有好多都要帶小朋友去中心做訓練, 訓練未必在學校進行。家長宜先向到校服務的隊伍查詢

作者: queenie_hau 時間: 17-4-23 10:50

Letter_lalaland 發表於 17-4-23 02:18
到校服務嘅 PT & OT, 有好多都要帶小朋友去中心做訓練, 訓練未必在學校進行。家長宜先向

...

同意！
我有經驗要帶小朋友去感統室上堂，由於要借訓練中心的感統室，所有到校服務的小朋友都要輪候上感統室，今年我小朋友只可以上到10堂感統室，之後輪到其他小朋友上，其他OT堂都在學校上，學校設備有限，好多時都係姑娘帶去學校。
因此要考慮一下小朋友有無需要用PT同OT。

作者: Baby豬1209 時間: 17-4-24 13:43

我仔既到校有中心，專門上OT 和PT, 又會入班訓練
反而E 位既training 我完全無法掌握，所以有D疑慮
不過我傾向到校，始終都上了一段時間和有明顯進步

歡迎光臨教育王國 (/)