教育王國

標題: 你哋中學對操行既要求係點？ [打印本頁]

作者: IloveJJ 時間: 17-4-13 13:40 標題: 你哋中學對操行既要求係點？

提示: 作者被禁止或刪除內容自動屏蔽

作者: brother4 時間: 17-4-13 14:29 標題: 回覆樓主:

小朋友佢活躍，落堂在書卓上跳舞，開會玩遊戲卡，手冊雪白，一早番學抄功課，全學校可不理，哈哈。。。

作者: IloveJJ 時間: 17-4-13 14:33

提示: 作者被禁止或刪除內容自動屏蔽

作者: brother4 時間: 17-4-13 14:43 標題: 回覆樓主：

本帖最後由 brother4 於 17-4-13 14:45 編輯

中文中學，中一考全級尾尾

作者: IloveJJ 時間: 17-4-13 16:28

提示: 作者被禁止或刪除內容自動屏蔽

作者: brother4 時間: 17-4-13 16:50 標題: 回覆樓主:

培正算不算band 1?朋友孩子玩走堂去打球，賞及罰一樣厚，運動得獎無數，走堂也無數

作者: IloveJJ 時間: 17-4-13 17:12

提示: 作者被禁止或刪除內容自動屏蔽

作者: 1998Ruby1998 時間: 17-4-13 17:16

我讀 Band 1 女校 12 年，就激死阿媽 12 年。

小學就冇時停、多野講、腦轉得太快唔跟大隊
中學就得閒搞下笑、上堂做自己野、寫文同發夢，初中班老師就好嬲，到高中 d 老師就由得我，我唔太過火同埋唔講粗口就得。

Band 1 尤其女校係容納唔到呢 d 行為，男校應該寬容少少（讀男女校的話，老師因為成日睇到好乖嘅女學生，對男仔有少少唔公平），B1 學校應該都會鬆手，唔會咁注重坐定定聽書。

作者: TwinWong 時間: 17-4-13 17:57

IloveJJ 發表於 17-4-13 16:28
我仔係鐘意古靈精怪，但佢讀書幾好的，好有求知慾，睇好多書，我想搵的，是B1學校。係咪所有B1學校都要男 ...

通常純男校一齊拽一齊比人罰大多得几成陽光男孩乖

作者: IloveJJ 時間: 17-4-13 18:15

提示: 作者被禁止或刪除內容自動屏蔽

作者: IloveJJ 時間: 17-4-13 18:17

提示: 作者被禁止或刪除內容自動屏蔽

作者: brother4 時間: 17-4-13 18:22 標題: 回覆樓主:

band1見分兩種一是精英班，另一是垃圾班，唔太過份冇人理，過份如拍拖被人放上網 / 看Av片瘋傳等。。。

作者: 1998Ruby1998 時間: 17-4-13 18:42

回覆 IloveJJ 的帖子

香港學習難免要學生坐定定做填鴨，活躍少少都可能畀老師投訴，除非你讀國際學校。又或者同仔仔約法三章，唔要求你成績彪炳、操行 A＋，但係你要做曬功課，考試測驗考到 average 以上，上堂做其他野唔係唔得但係唔好咁張揚同埋要適可而止。不過可能要等到 15、16 歲先可以完全放心，好多家長等唔切呢段漫長嘅成長期，尤其係成日收到投訴同埋望到隔離學生心智同成績都拋離自己仔女。
睇下你讀邊間官男校同埋班主任啦，我朋友個細佬讀九華，讀書成績差，打人先見家長記過，畀我做校長一定「請走」呢類學生。我？中一個班主任覺得我係個差學生，想踢我走，所以見家長，扣 conduct （所以女仔如果成績唔係彪青，又成日冇時停，讀 Band 1 學校要預左日日畀人投訴，唔好話個女，因為個女天生就係咁性格，要變都要等好多年。）

班主任都好緊要，我中三兩個班主任都對我好好，最尾兩年班主任更加係「趷起條尾就知道我諗乜」，佢向其他老師洗腦，話我其實好乖好努力讀書，唔好再鬧我。結果又真係 work。

到高中 d 投訴就應該突然少好多（除非你真係成績好差完全跟唔上），因為唔少男仔開始心智成熟，認真對待學習，老師同班主任比較少擺老師架子，能夠同學生打成一片。

作者: IloveJJ 時間: 17-4-13 18:56

提示: 作者被禁止或刪除內容自動屏蔽

作者: ^曾小姐^ 時間: 17-4-13 21:03 標題: 回覆樓主：

本帖最後由 ^曾小姐^ 於 17-4-13 21:08 編輯

我女性格同樓主個仔差不多,係小學已經成日俾班主任投訴多咀,考試期間小息唔溫書走去玩又打俾我投訴,但而家升上中學反而得老師重用,乜helper都有佢份,年年操行都A,原來佢班大部份同學都係咁,個個都大顛大肺,嘈到嘔,不過就讀書風氣旺盛,又玩得又讀得,所以揀間適合中學好重要

作者: brother4 時間: 17-4-13 21:06

^曾小姐^ 發表於 17-4-13 21:03
我女性格同仔差不多,係小學已經成日俾班主任投訴多咀,考試期間小息唔溫書走去玩又打俾我投訴,但而家升上中 ...

開名?中學

作者: IloveJJ 時間: 17-4-13 21:21

提示: 作者被禁止或刪除內容自動屏蔽

作者: greentea000 時間: 17-4-13 21:26

IloveJJ 發表於 17-4-13 18:56
我仔有做功課，有溫書，成績都唔錯。只係被老師同學覺得佢唔合群，又鐘意古靈精怪咁，就投訴佢囉！
...

攪攪陣、攪下笑，鐘意做下無聊野，我唔認為係問題。

但係唔合群問題嚴重Ｄ，又分2種。唔係人人friend，可能有社交障礙，又當然唔係人人岩傾，只要佢有朋友仔不在乎多少，亦可以唔處理。如果係小組習作唔合群，就要了解下，盡量改善，呢種合群成世人都有，避唔到。

作者: asweetmom 時間: 17-4-13 22:53

IloveJJ 發表於 17-4-13 21:21
我仔考試期間唔溫書，睇閒書，都被老師話。
咁你女揀咗咩學校呢？我就係唔想再發生咁既事。
...

本來你選kc，咁有無了解過kc點處理，起碼比去選其他學校做少好多功夫。

作者: IloveJJ 時間: 17-4-13 23:11

提示: 作者被禁止或刪除內容自動屏蔽

作者: 1998Ruby1998 時間: 17-4-13 23:36

回覆 greentea000 的帖子

要老師認為冇問題先得架嘛

，有 d 老師真係一句笑話都接受唔到，搞搞震就更加唔得。
我好明白「唔合群」呢樣野，其實大多數人都係唔啱 key 或者怕醜，比較少人真係社交恐懼／焦慮症，遇到啱性格同興趣嘅就冇問題。我由小到大都唔多朋友，成日畀阿媽話我孤僻、唔合群、一定係我衰所以冇朋友同我玩／約出街，其實我興趣同普通人差得太遠，個個都鍾意動漫、韓星，但係我動漫淨係鍾意 Pokemon （唔多女仔有研究 Pokemon，佢地都鍾意青春少女果類），Harry Potter （好少人有深入研究），學俄文法文匈牙利文（個個都研究日文、韓文），打機（女校唔多人打機，個個都玩 IG），動物（同 National Geographic 果 d 內容一樣）。

我性格都尚算友善同埋好脾氣，不過因為興趣差太遠所以咪埋唔到堆，個個都覺得我怪。老師咪投訴我幼稚、唔合群，其實都唔關我事，係我唔好彩與唔到有同樣興趣嘅人。

我唯一問題就係如果要做 project，討論就討論，做野就做野，唔想傾閒計遊花園（林鄭上身），但係老師最鍾意跟座位、學號分組，唔畀自己分組，幾個女仔圍埋一齊，大部份時間都係講邊個韓星邊套劇，問佢地想做咩主題點分工又冇意見，踢極都唔郁，所以我情願一個人做，反正 group project 最尾都係我做曬。

所以我得到中學都係得兩三個朋友可以一拍即合，傾成日都冇問題，不過我地傾計都似大學研討會咁，而且我地都係唔鍾意行街睇野，如果要約出黎，一定要有明確目的（例如睇戲、展覽、音樂劇），做完即走唔會行街。

作者: 1998Ruby1998 時間: 17-4-13 23:50

回覆 IloveJJ 的帖子

有冇考慮過聖馬可／九華／SFXC／民生呢幾間？我知道後面三間係好學校同埋都難入。我朋友讀聖馬可，佢本身小學唔算乖但係唔係好活躍果隻，係果度讀得唔錯。

作者: IloveJJ 時間: 17-4-13 23:56

提示: 作者被禁止或刪除內容自動屏蔽

作者: IloveJJ 時間: 17-4-14 00:01

提示: 作者被禁止或刪除內容自動屏蔽

作者: greentea000 時間: 17-4-14 00:12

1998Ruby1998 發表於 17-4-13 23:36
回覆 greentea000 的帖子

要老師認為冇問題先得架嘛，有 d 老師真係一句笑話都接受唔到，搞搞震就 ...

所以揀學校去避免呢類問題係無用，除非可以揀埋老師。執行標準係老師手上，可大亦可小。

作者: IloveJJ 時間: 17-4-14 00:17

提示: 作者被禁止或刪除內容自動屏蔽

作者: 1998Ruby1998 時間: 17-4-14 01:00

本帖最後由 1998Ruby1998 於 17-4-14 01:04 編輯

回覆 IloveJJ 的帖子

愛子心切，邊個父母唔想畀最好嘅環境仔女？不過有時候關心則亂，好容易踩太深。
邊間學校都總會有幾個「唔玩得」嘅老師，問題係多定少，同埋學校資源同校規。名校因為多菁英，老師唔習慣 d 唔坐定定做模範學生嘅小朋友。唯有做家長忍耐下，投訴就預左一定有，不過自己要睇開 d，自我安慰「係個老師太嚴格姐，佢淨係教一年，下年就換畫唔同架啦」
你仔仔都應該係未遇到啱 key 嘅人，呢個強求唔到，唯有隨遇而安。我同樣都係「如果冇討論價值／班組員太低能」，我真係會放棄唔同佢地講，自己睇書，寫文，畫畫（所以咪畀老師鬧囉

），總之就係覺得同佢地傾好辛苦，既然如此，倒不如獨來獨往。

不過以大人角度去睇名校 Secrets 係真係會覺得班中學生好幼稚，咩 d FF 情節、暗戀明戀曬命，真係覺得好低能，有 d post 就 OK 但係大部份都係奇奇怪怪咁（其實應該係我奇怪）。不過現實又真係好多中學生都好似名校 Secrets 裡面嘅學生。所以埋唔到堆可能先係正常。

作者: greentea000 時間: 17-4-14 01:40

IloveJJ 發表於 17-4-14 00:17
即係其實我呢個問題係無可避免，對嗎？因為睇下遇到咩老師?

除左無可避免，仲要諗下你係咪包辦太多。你仔唔想改變，其他人係改變唔到佢。你想避免投訴係一種遷就，進一步減少左你仔改變既機會，有違你一直唔想太保護個仔既做法。唔改變，又接受扣分、投訴，好合理。改變，換取加分，亦好正常。要唔要妥協，幾時妥協，係成長必經過程。當代價大到佢俾唔起 / 肉赤唔想俾，佢先會諗下需唔需要改變。

作者: greentea000 時間: 17-4-14 01:51