教育王國

標題: 請問仔仔似自閉嗎？ [打印本頁]

作者: Shiawasena 時間: 17-4-12 19:24 標題: 請問仔仔似自閉嗎？

仔仔2歲半，淨系識叫爸爸媽媽，要咩都系手指，如果扮聽吾明要佢講，佢寧願吾要，再逼就會發脾氣喊。脾氣大，會打媽媽，同埋用嘢擲媽媽。only咁對媽媽，爸爸同其他人就吾會，系公園俾其他小朋友推，打。佢會走開算數。
好鍾意同小朋友玩，模仿能力都強。系公園佢見小朋友咁玩，佢即刻跟。
同佢講嘢有眼神接觸，但出邊d人有d佢肯byebye,飛吻。有d吾肯。人哋話佢男仔咁怕羞。
日日丟到成屋都系玩具，一日同佢執幾次。
認知吾錯，佢食左d咩，見到d咩，會拎本書指俾我睇。例如佢食左藍莓，佢會搵本有藍莓既書，指住d藍莓，再指住自己個嘴。
cac排到11月先評估。
我成日覺得佢似系又似吾系。

作者: lobb2015 時間: 17-4-12 19:58

Shiawasena 發表於 17-4-12 19:24
仔仔2歲半，淨系識叫爸爸媽媽，要咩都系手指，如果扮聽吾明要佢講，佢寧願吾要，再逼就會發脾氣喊。脾氣大 ...

我唔係醫生，唔想亂講嘢。你仔係唔係自閉，要評估先知道。
如果你肯駛幾千蚊，又想知結果，咪私家做咗評估先囉。
你宜家亦可以做吓治療先。雖然話未評估你仔係咪自閉，但言語肯定係遲啦。如果經濟許可，你可以做吓言語治療先。
如果真係自閉，現在是治療的好時間。不要浪費光陰。

作者: sunnyraychan 時間: 17-4-12 22:15

其實你自己講到都有哂答案咁，又有眼神接觸、又有同小朋友模仿、又有指東西、主要嗰幾瓣你都標示咗吾系，咁又何需去擔憂呢！不過我係你我會比專業嘅兒童心理學家或醫生評估，自己睇自己個仔往往不會客觀去評估。

作者: Shiawasena 時間: 17-4-15 01:44

lobb2015 發表於 17-4-12 19:58
我唔係醫生，唔想亂講嘢。你仔係唔係自閉，要評估先知道。
如果你肯駛幾千蚊，又想知結果，咪私家做咗評估 ...

謝謝妳意見。系呀我依家都系搵緊言語治療。

作者: Shiawasena 時間: 17-4-15 01:48

sunnyraychan 發表於 17-4-12 22:15
其實你自己講到都有哂答案咁，又有眼神接觸、又有同小朋友模仿、又有指東西、主要嗰幾瓣你都標示咗吾系，咁 ...

我都好驚自己睇漏左，因為見到好多post話自己吾覺系，但結果系。但我就咁睇網上講自閉果d徵狀又吾覺有，但佢就㴝2歲半啦，仲系吾講嘢就好擔心會系。所以先post出來問。

作者: lobb2015 時間: 17-4-15 07:39

Shiawasena 發表於 17-4-15 01:48
我都好驚自己睇漏左，因為見到好多post話自己吾覺系，但結果系。但我就咁睇網上講自閉果d徵狀又吾覺有，但 ...

其實有冇望人有冇眼神嗰啲好難講。我個仔有望我有應我，都被評為中度自閉症。可能第一，我唔係專業唔識睇。第二，阿仔淨係望屋企人唔望街外人。第三，唔係淨係講望唔望，仲要講點望法，望幾耐。

不要靠估。不要浪費寶貴的治療時間。當然，我誠心祝福你仔冇事。

歡迎光臨教育王國 (/)