教育王國
標題: 剛確認仔仔有自閉症, 有冇人可以分享應該如何是好? [打印本頁]
作者: purinlu 時間: 17-4-11 11:26 標題: 剛確認仔仔有自閉症, 有冇人可以分享應該如何是好?
本帖最後由 purinlu 於 17-4-11 11:34 編輯
仔仔宜家2歲2個月大, 健康院已轉介到智力中心做評估, 但我們心急到了精神科醫生做評估, 醫生確認了, 仔仔主要社交障礙, 無乜眼神接觸, 自我中心. 語言也遲緩,
昨晚好難過, 好擔心仔仔將來長大發展, 醫生建議我們盡快揾訓練中心改善, 否則上到幼稚園都有困難, 我哭了成晚, 我要好好面對,
我們現在都唔知如何是好, 也不知要怎樣教仔仔, 醫生知道協康或政府都要排好長時間至可以安排訓練.
大家你們可否分享心得或建議到那中心比較好?
作者: funghon 時間: 17-4-11 12:36 標題: 回覆樓主:
評估完見議排咩位？ 你好醒目，識得心急搵私人評估確診 ，所以可以盡快搵服務和排位。
要把握治療黃金期 ，3歲前係一個最佳治療階段人。可找5天私人密集。通常8月有位，因為排緊位既人派到s位就吾返私人了。但都要排隊，你可以大包圍，間間都排。邊度快入邊度。
作者: purinlu 時間: 17-4-11 12:51
本帖最後由 purinlu 於 17-4-11 12:52 編輯
回覆 funghon 的帖子
我在私人醫生度評估, 佢沒講什麼位,
政府, 我下個星期至去沙田智力中心見護士, 照我所知仲未評估, 仲要排評估...
所以我都唔知邊間中心好, 剛打協康, 都要等半年以上,
我想問什麼是S, I , E 位? 我睇緊Blog 友講, 但我唔係太清楚.
你有冇介紹好的中心可一試? 迷網中
作者: ET19 時間: 17-4-11 13:30
評估左妳要排政府服務就要負責評估的醫生、心理醫生，etc. 寫轉介。
只係2版紙，剔左排E、I、S位，妳交返去自己果區的家庭服務中心(IFSC) ，我果區的姑娘約見左我同仔仔，同日下晝就出到P no. 有左呢個排位no.上到幼稚園可以申請學校的學前到校復康服務(前提係學校有參加)。
除非妳唔打算用政府服務，聯絡返個醫生叫他填返轉介。排咩位應該他會比到意見妳。
政府野一定要排要等，妳搵私人的呢度無人會答妳邊間好唔好，都係睇夾唔夾個小朋友。妳可以爬下文睇下呢度有講過的中心，自己上網睇下佢地有咩服務，考慮埋價錢、地區之類。
作者: purinlu 時間: 17-4-11 14:30
原來係要攞個轉介評估報告去家庭服務中心排位.
我想問之後排咗位,除了學前到校復康服務(如果學校有參加), 政府有記錄, 是否會標籤咗, 就算改善咗, 會否因有記錄而不獲普通學校收呢?
謝謝你們意見
作者: KCHK 時間: 17-4-11 16:16
樓主, 呢個係好多媽咪初初知道小朋友有問題時的諗法, 以過來人經驗就係唔好諗呢個問題, 盡快去做治療, 希望趕及6歲前黃金治療期。其實如果學校的是不包容的，就算收左都會用盡方法請你退學。
作者: lobb2015 時間: 17-4-11 23:13 標題: 回覆樓主:
我都係兩歲兩個月。兩星期前確診。宜家做緊私家治療。建議你快啲搵治療，因為即使是私家都好缺乏，週圍都話要排。排咗先啦！
作者: Tarttatt 時間: 17-4-12 09:00
樓主，你第一件事要做嘅就係打去協康會約期做評估（5800元嗰種）
第二件事照去cac見姑娘，照排期見醫生！
第三件事，搵有到校服務嘅幼稚園，要遂間自己問！
第四件事，按自己經濟能力，有錢就搵密集課程俾你仔仔讀，言語治療都唔少得，因為言語好影響情緒同學習！付擔唔到就周圍搵社企丶政府機構嘅訓練俾仔仔！總之3歲前可以改善好大好大，3至6歲亦係黃金學習期，加油！喊完就得，好多同路人！
至於排位嗰度，評估完醫生會俾建議，盡可能揀S＋E位，將來要改都易啲，協康俾信你排位就即刻交俾社工幫你排，因為相差一日對將來派唔派到位可以係相差一年…
作者: purinlu 時間: 17-4-12 10:29
好多謝你們的建議, 現在開始慢慢接受事實, KCHK 講得好啱, 唔好諗咁多, 以仔仔為要先,
首先要快快幫仔仔排位, 但今日打去社會福利署問, 佢地又叫我打比分區評估中心, 中心又話唔比用私人評估報告, 一定要佢地評估, 之後問多兩問又話唔清楚得唔得, 我再打去家庭綜合服務中心又叫我打番自己區的問, 我區係明愛中心, 如果唔得至打去另一社會服務中心分區服務中心. 我又打去明愛, 佢都唔知道, 佢話要揾社工覆我,
我想問係唔係醫生另外填一份form至可以去排, 在哪裡可以找到? 因診所護士未見過, 我又好困惑, 唉....好灰.
作者: purinlu 時間: 17-4-12 10:31
回覆 Tarttatt 的帖子
十分謝謝你的提點, 我真係唔知從何入手.
作者: ET19 時間: 17-4-12 15:03
purinlu 發表於 17-4-12 10:29 
好多謝你們的建議, 現在開始慢慢接受事實, KCHK 講得好啱, 唔好諗咁多, 以仔仔為要先,
首先要快快幫仔仔排 ...
http://www.swd.gov.hk/tc/index/site_aboutus/page_familyserc2
妳在呢個網睇返自己區係邊個電話。
http://www.swd.gov.hk/tc/index/site_pubsvc/page_rehab/sub_admissiont/id_crsrehabwa/
呢個網可以睇到各區E,S,I 位的輪候情況。
我果時在協康評估，個CP係即時傾埋排咩位，填埋referral form, 搵埋我應該交去邊間中心（因為我果區分南北）。我就跟第一個網址的地址在第日交左去，負責的姑娘不在，再後一日她打比我，講晒啲程序同話要約見我。跟住約見日見完姑娘，下晝姑娘打比我話出左P no.。到前排姑娘調走，都打黎handover左交代晒先。
作者: ET19 時間: 17-4-12 15:33
purinlu 發表於 17-4-12 10:31
回覆 Tarttatt 的帖子
十分謝謝你的提點, 我真係唔知從何入手.
http://www.swd.gov.hk/tc/index/site_pubsvc/page_rehab/sub_listofserv/id_psosps/
學前到校list
作者: purinlu 時間: 17-4-12 15:46
剛剛取回醫生信, 醫生附加了建議排什麼, 仔仔要排S位, 我真係越來越擔心佢的情況, 原來咁差。心情又再一沉.
作者: Tarttatt 時間: 17-4-12 16:41
purinlu 發表於 17-4-12 15:46
剛剛取回醫生信, 醫生附加了建議排什麼, 仔仔要排S位, 我真係越來越擔心佢的情況, 原來咁差。心情又再一沉. ...
我之前阿仔1歲10個月確診自閉排S位
所以好了解你心情，盡快俾信你嗰區嘅社工排位！加油
作者: HMHG 時間: 17-4-12 20:54
回覆 purinlu 的帖子
如果經濟許可, 你可先安排上私人密集訓練或語言訓練, 有很多私人機構如協康會、基督教家庭服務中心、step等有這些訓練/課程。 因為排政府服務要一段時間排(至少排9個月), 不要錯過小朋友的黃金時間6歲前做訓練。加油!
作者: KCHK 時間: 17-4-12 21:40
樓主, 政府同私人都要兩邊排, 私人一定快過政府, 因為S位通常都要等一至兩年(視乎地區及是否跨區都選）， 樓上已經有到校服務的list， 睇下有無你想讀的學校, 如果想密集加主流都讀就上午密集, 下午主流(一來咁樣應該高d機會會收)。比心機!
作者: purinlu 時間: 17-4-13 10:12
好多謝大家提供資料和建議, 我現在雖然仲係好唔開心, 但見到有咁多人幫我, 我感到不孤單, 有你們支持, Thank you.
作者: chowqv 時間: 17-4-13 15:40 標題: 回覆樓主:
排咩服務都好，媽媽最重要有心理準備呢個係長期既培訓。同埋有同爸爸商量傾談嘛？雙親既一致方向，對小朋友都好重要。見得太多，因為小朋友既問題，引致夫妻不和。
如果媽媽覺得攰，傷心，一定要拎出黎講，唔好靜靜一個啀埋喊。
作者: heiheiada 時間: 17-4-14 19:22
本帖最後由 heiheiada 於 17-4-14 19:23 編輯
Del
作者: heiheiada 時間: 17-4-14 19:24
回覆 purinlu 的帖子
我個囝都係今年年頭俾 CAC 評估為自閉。
阿囝發現有問題時佢已經4歲半，因為情況唔嚴重，健康院夾硬話佢冇事。只係轉介左幾堂言語治療俾阿囝。
後來我透過學校找了心理學家評估，取了轉介信，去社署登記。當時我好好彩，幼園校長請了學校社工幫忙，陪我去社署登記，又幫忙我申請到校服務。之後，我又遇到一個好好心嘅社署職員，佢收到我個 case 就即刻接見我，幫忙處理。所以我喺極短嘅時間就申請到社署嘅輪候號碼＋到校服務。之後，我才拿轉介信到 CAC 登記，排期排差唔多一年，到今年年頭才等到評估，結果 CAC 嘅心理學家確認佢有自閉証。
我同C6當時都好平靜，可能係因為阿囝自從接受到校服務之後，有好明顯嘅進步，亦都可能係因為我地明白，無論評估結果如何，我地都會努力去輔助佢。最近，阿囝參加左升小學適應小組，阿囝嘅態度有好明顯嘅改善，社工亦都話佢升普通小學完全沒問題。
所以，樓主唔好唔開心，我地要做嘅係盡我地嘅能力去幫助佢，結果係點樣唔到我地控制，只能說盡了力，無悔了！船到橋頭自然直，我們都不要太擔心，上天自有安排。
作者: vincelo29 時間: 17-4-16 23:58
heiheiada 發表於 17-4-14 19:24
回覆 purinlu 的帖子
你好，我小朋友兩歲半都確診自閉譜系，言語社交緩慢，言語方面遲同齡一年，今年K1剛派到兼收位，現在仍要繼續追言語、社交，我想了解怎樣申報升小一適應小組？謝謝你
作者: KCHK 時間: 17-4-17 08:55
小一適應小組， 我係政府醫院的精神科覆診之一的治療姑娘講會在暑假時進行(之前都有家長及小朋友的治療及講座)， 我唔知道是否每地區有， 另外亞仔讀緊S 位, 差不多開始會模擬小學咁上堂, 另外你將會讀的小學也會有應該有體驗堂
作者: vincelo29 時間: 17-4-17 22:01
KCHK 發表於 17-4-17 08:55
小一適應小組， 我係政府醫院的精神科覆診之一的治療姑娘講會在暑假時進行(之前都有家長及小朋友的治療及講 ...
好呀，謝謝。他們的學校特殊老師曾提及瑪麗醫院曾有類似的小組，但怎麼申報就唔太清楚，所以我想上來了解一下。
作者: heiheiada 時間: 17-4-18 02:21
vincelo29 發表於 17-4-16 23:58
你好，我小朋友兩歲半都確診自閉譜系，言語社交緩慢，言語方面遲同齡一年，今年K1剛派到兼收位，現在仍要 ...
我阿囝的幼兒園在小學暑假期間會借用附近小學校舍一個星期做模擬，而多數小學都會在開學之前有幾天小一適應日。
你的小朋友現在才K1，不用太擔心。
作者: purinlu 時間: 17-4-18 10:45
我心情真係好唔平穩, 昨晚發了好大脾氣比老公, 我平時好少發, 瞓覺都唔係好瞓到, 我想問有冇一些家長會或講座可以參加, 我想同老公好好上堂, 多點了解及可以從家長們得到多點資訊.
作者: lobb2015 時間: 17-4-19 19:26
purinlu 發表於 17-4-18 10:45
我心情真係好唔平穩, 昨晚發了好大脾氣比老公, 我平時好少發, 瞓覺都唔係好瞓到, 我想問有冇一些家長會或講 ...
我都成日瞓瞓吓紮醒
作者: Yukiruirui888 時間: 17-4-19 22:23
purinlu 發表於 17-4-18 10:45
我心情真係好唔平穩, 昨晚發了好大脾氣比老公, 我平時好少發, 瞓覺都唔係好瞓到, 我想問有冇一些家長會或講 ...
耀能，協康，愛培，坊間都多，或者你都可以係fb搵下d特殊谷，都會有d資訊
作者: purinlu 時間: 17-4-20 12:09
我請問大家, 樂天好唔好? 因有朋友建議上樂天密集訓練
作者: yumichan530 時間: 17-4-22 12:13 標題: 回覆樓主:
提示: 作者被禁止或刪除 內容自動屏蔽
作者: KCHK 時間: 17-4-25 08:18
purinlu 發表於 17-4-18 10:45
我心情真係好唔平穩, 昨晚發了好大脾氣比老公, 我平時好少發, 瞓覺都唔係好瞓到, 我想問有冇一些家長會或講 ...
我昨日仔仔做小一評估, 智力正常（中下）, 可入主流小學, 建議學校提供言語治療, 社交小組來幫助行為及情緒方面的支援, 學習支援。心理學家同我講我仔算係好大的進步，呢個都算係作為自己的成績表，因為兩歲時的評估都幾差，所以你都要努力。如果你想參加一些講座, 例如協康，耀能呢d，你入左會就可以參加好多講座及課程,努力！
作者: purinlu 時間: 17-4-27 10:08
回覆 KCHK 的帖子
知道, 我會努力的!
作者: selahpmau 時間: 17-5-29 02:16 標題: 回覆樓主:
想請問如果剛收到社署的通知話康復服務中央轉介終於獲得編配協康會的早期教育及訓練中心的服務後, 通常需要再等多久? 因為最近校長同老師話小兒的情緒社交問題明顯咗，而最近在校發生了些頗嚴重的社交事情，本來想立即另找私人小組訓練，但同時收到社署通知，不知是否需要找私人。 我小兒屬於自閉傾向類別,情況不算太嚴重。
作者: purinlu 時間: 17-5-29 10:54
你不如打去問一問你的社工, 抱歉我都唔太清楚
作者: T96 時間: 17-5-29 11:35
selahpmau 發表於 17-5-29 02:16
想請問如果剛收到社署的通知話康復服務中央轉介終於獲得編配協康會的早期教育及訓練中心的服務後, 通常需要 ...
睇下派到幾時
康復服務中央轉介系統輪候冊資料更新
http://www.swd.gov.hk/tc/index/site_pubsvc/page_rehab/sub_admissiont/id_crsrehabwa/
作者: selahpmau 時間: 17-5-30 20:11 標題: 回覆樓主:
原來收到獲派通知仲要等多幾個星期, 不過社署社工好nice, 真心讚
作者: jadenhayden 時間: 17-5-31 11:52
purinlu 發表於 17-4-11 11:26
仔仔宜家2歲2個月大, 健康院已轉介到智力中心做評估, 但我們心急到了精神科醫生做評估, 醫生確認了, 仔仔主 ...
我覺得除左接受治療之外，父母首先要了解一下這個病，明白小朋友嘅行為，因為嗰時我唔了解，成日會因為佢嘅固執問題而鬧佢！一家都生活得好唔開心！後來睇多左書，對佢包容大左，大家都相處得好左！介紹你去YouTube 睇陳錦鴻個talk,必定有所得著
作者: purinlu 時間: 17-5-31 16:15
我都有睇到Youtube 陳錦鴻個講座, 真係可以多點了解自閉, 很有得著,
不過, 這幾個月唔只睇以上的講座, 其他自閉Video都有睇, 有時半夜瞓唔著又睇, 睇到有時更加唔開心, 又睇到喊, 宜家唔敢再睇咁多。
作者: purinlu 時間: 17-6-1 15:49
由評估到今日, 今日至可以攞到個排政府服務的號碼, 都要成差唔多一個月. 唉...
| 歡迎光臨 教育王國 (/) |
Powered by Discuz! X1.5 |