教育王國
標題: 可以點？ [打印本頁]
作者: yauyauyau 時間: 17-4-7 17:53 標題: 可以點？
阿仔今年小一，已經是二線津校，功課亦唔算多。但每日放學返嚟都唔想做功課，又做得勁慢，每日坐佢隔離教到著曬火！下學期開始已唔肯抄手冊，抄詞語龜速，教極都唔跟筆順！ 功課做到10：30pm都做唔哂要欠交！中英默又唔得，早成個星期溫都係緊緊及格！好似冇哂動力咁，我踢一下佢都郁唔到半下！可以點幫佢？
但一到玩嘅時候又精神百倍！
作者: MrBeast 時間: 17-4-7 18:29
問下佢是否覺得難和辛苦，小一可能未識講什麼地方難，咁你要估，知原因後找方法幫。meanwhile，做一陣玩一陣，易受落d
作者: brother4 時間: 17-4-7 19:45 標題: 回覆樓主:
懶是正常，男仔要中學才開竅。。見朋友將孩子開補習社，D補習社溫習和做好功課，便可以玩 (看漫畫/玩波子棋等)，小朋友快手快腳做，但字体就。。。想繼續去補習社就keep住成績好。。
作者: yauyauyau 時間: 17-4-10 16:19
brother4 發表於 17-4-7 19:45 
懶是正常，男仔要中學才開竅。。見朋友將孩子開補習社，D補習社溫習和做好功課，便可以玩 (看漫畫/玩波子棋 ...
放學去補習社做功課有用嗎？
作者: little_yolky 時間: 17-4-10 17:17
yauyauyau 發表於 17-4-10 16:19
放學去補習社做功課有用嗎？
作者: skkeung 時間: 17-4-10 18:14
yauyauyau 發表於 17-4-7 17:53
阿仔今年小一，已經是二線津校，功課亦唔算多。但每日放學返嚟都唔想做功課，又做得勁慢，每日坐佢隔離教到 ...
十個有五個係咁！
作者: greentea000 時間: 17-4-10 20:02
MrBeast 發表於 17-4-7 18:29
問下佢是否覺得難和辛苦，小一可能未識講什麼地方難，咁你要估，知原因後找方法幫。meanwhile，做一陣玩一 ...
作者: roybird 時間: 17-4-11 00:28
本帖最後由 roybird 於 17-4-11 00:30 編輯
回覆 MrBeast 的帖子
認同，呢個情況好常見，有好多可能性，父母一定要先搵到原因，先可以有效咁解決問題，小一學生可能係適應不到小學方式，同同學相處不好影響心情，，甚至係根本唔明點解要上堂做功課，父母可以多啲從日常傾計找端偽幫助了解小朋友go through緊咩，從而搵出最佳方法，當然大部分情況都係需要軟硬兼施
作者: 1998Ruby1998 時間: 17-4-11 01:33
本帖最後由 1998Ruby1998 於 17-4-11 01:36 編輯
呢種情況好普遍，尤其男仔居多，不過我地要明白，小朋友專注力、忍耐力、自律都比較低，只能夠專注 15 分鐘，如果佢停留左係同一份功課上超過 5 分鐘而冇進度的話，佢一定會放棄。正常一份作業 2-4 頁，如果係識做的話，15 分鐘內應該做完。如果係長篇功課，做到一半就「放羊」，休息 5 分鐘，叉夠電就做埋剩低一半。我同小朋友補習中間一定會畀 5 分鐘佢地休息（其實我都需要抖啖氣），唔係嘅話，佢地好容易進度突然慢／停止，問佢問題就冇反應／畀錯答案，抖左係會好 d。
首先要明白，係邊度出問題。
唔識做？跟唔上學校進度？
太多功課做，消化唔到？呢個唔係話有幾多樣功課，而係以佢能力同埋專注力，呢個份量嘅功課對佢來講吃唔吃力。
同學老師相處有冇問題？呢個唔好睇少，如果你初次入公司打工，同事同阿頭相處得唔好，你都唔會咁願意落力同老細做野啦，你就話有人工要養家所以繼續做，但係個小朋友睇唔到讀書帶來嘅樂趣，感覺唔到有得著。
第一個問題如果你或者另一半要返工，跟唔到仔仔學習，可以嘗試下補習社或者私人睇功課老師（1 對 1，中間做到一半／溫書前有 5 分鐘小休就最理想）。跟得上，自然會願意做，自自然然功課量就唔成問題（除非你學校係真係多複雜同消時間嘅功課）。
第三個問題，一定要父母幫手，冇得假手於人或者等佢自然解決。臨訓前同佢傾下「老師惡唔惡／有冇鬧人」／「班入面有冇小霸王」／「好朋友叫咩名／體育堂係咪同佢一組」，呢 d 問題雖然唔直接，但係仔女答案一定會提供到好多資料。
作者: wan_sosin 時間: 17-4-11 02:22
1998Ruby1998 發表於 17-4-11 01:33
呢種情況好普遍，尤其男仔居多，不過我地要明白，小朋友專注力、忍耐力、自律都比較低，只能夠專注 15 分鐘 ...
好同意！尤其是要同小朋友多些傾偈，小朋友得到足夠關心，情緒，態度都會好些，如果小朋友覺得自己的困難無人理，無人認同，好有可能會自我放棄，反正都無人care.
事實小一生好多能力都仲有待發展，家長真的需用超級有耐性，種一棵植物，佢幾時會開花，真係天先會知。樓主可以同小朋友傾下偈，了解下佢自己對學業，校園生活的睇法，可能會有新發現。
作者: MrBeast 時間: 17-4-11 12:49
wan_sosin 發表於 17-4-11 02:22
好同意！尤其是要同小朋友多些傾偈，小朋友得到足夠關心，情緒，態度都會好些，如果小朋友覺得自己的困難 ...
作者: greentea000 時間: 17-4-12 02:28
回覆 little_yolky 的帖子
話明係平均專注力，梗係有人多Ｄ有人少Ｄ。但係一個平均數字起碼等父母心裏有數，方便安排時間，唔使有錯誤期待。
年齡 專注時間（平均分鐘）
2 歲 約 7 分鐘
3 歲 約 9 分鐘
4 歲 約 12 分鐘
5 - 7 歲 約 15 分鐘
8 歲或以上 20 分鐘或以上
資料來源：羅澤全 《教養問題解答》<<< 好多學校同社福機構有關專注意力問題都有引用呢個資料
作者: little_yolky 時間: 17-4-12 09:03
greentea000 發表於 17-4-12 02:28
回覆 little_yolky 的帖子
話明係平均專注力，梗係有人多Ｄ有人少Ｄ。但係一個平均數字起碼等父母心裏有數 ...
但何解叫佢哋玩, 可以玩足成日都咁專注呢? 
就算阿妹, 叫佢抄寫好似想死咁, 但叫佢做手工, 佢可以坐响度連續唔停咁剪剪貼貼三粒鐘唔離開個位喎?
作者: greentea000 時間: 17-4-12 17:42
little_yolky 發表於 17-4-12 09:03
5-7歲15分鐘, 8歲或以上20分鐘...........所以同學仔上堂發夢都唔好話佢哋了, 係生理問題..............:ti ...
上堂係有壓力既，因為知道之後要做功課仲要測考。玩有咩壓力呢？加上有興趣又享受，因果循環又更有興趣更享受，玩全日都得。玩又可以隨時停，有控制感，好high架。上堂可以隨時唔上咩？被控制自然痛苦。
作者: Doray 時間: 17-4-12 22:45
yauyauyau 發表於 17-4-7 17:53
阿仔今年小一，已經是二線津校，功課亦唔算多。但每日放學返嚟都唔想做功課，又做得勁慢，每日坐佢隔離教到 ...
作者: 1998Ruby1998 時間: 17-4-12 23:30
回覆 little_yolky 的帖子
我係畀學校投訴「唔專心」嘅常客，老師見一次家長就講一次。
玩係興趣，步伐、主題全部自訂，幾時開始幾時受手都得，玩得慢玩得快、動態靜態都唔會有人理，自己鍾意就得。但係課堂限制活動範圍，步伐，主題，所有野都唔係小朋友可以話事，好彩咪人夾人，上堂開心，唔好彩就遊雲，我到依家仲做學生，有一堆老師嘅教學方法我係唔鍾意，專心唔到。
例如我鍾意打機，但係恐怖「貓捉老鼠類」遊戲我冇興趣，但係邏輯推理、策略分析果類我會玩到好耐。
又比如我鍾意語言堂，所以如果叫我上 Physics 堂我坐到 30 分鐘肯計數已經好畀面，如果係語言堂，我上 3 個鐘都可以應付到。我鍾意上堂節奏快，畀一堆例子我，我自己搵出關係。如果上堂係我已經學識嘅課題或者課堂係討論為主的話，我會悶死。功課的話，由少到大我都唔鍾意重重複複嘅練習，做一兩份我就夠曬，唔明我會問。
作者: little_yolky 時間: 17-4-13 10:16
1998Ruby1998 發表於 17-4-12 23:30
回覆 little_yolky 的帖子
我係畀學校投訴「唔專心」嘅常客，老師見一次家長就講一次。
作者: Soundervolt 時間: 17-4-13 11:06
brother4 發表於 17-4-7 19:45
懶是正常，男仔要中學才開竅。。見朋友將孩子開補習社，D補習社溫習和做好功課，便可以玩 (看漫畫/玩波子棋 ...
作者: S-Kwok 時間: 17-4-13 11:28
little_yolky 發表於 17-4-13 10:16
前排家姐開始預習。有一晚阿妹同我講：媽咪, 你千祈唔好同我預習, 如果識咗上堂我會好悶, 上堂先學識會開心 ...
我仔係嗰種識咗上堂會遊魂，所以我會唔同佢預習。
不過，上到中學，就應該要預習囉。
作者: S-Kwok 時間: 17-4-13 11:35
1998Ruby1998 發表於 17-4-12 23:30
回覆 little_yolky 的帖子
我係畀學校投訴「唔專心」嘅常客，老師見一次家長就講一次。
我想問吓你以前做功課/測考會否因為覺得無挑戰性而不認真睇題目？
我仔一直有一個問題： 做功課、温習、測考睇題目都好似只係睇一半咁，唔會好認真睇題目/做題目，會經常會錯一些簡單嘅題目，如會寫漏“s”、要畫線dot to dot就畫穿都唔理，點樣可以令阿仔小心、認真做？
作者: brother4 時間: 17-4-13 12:43
Soundervolt 發表於 17-4-13 11:06
学習應該係需要有惯性勳力，係一種对從小到大培养出学習既Momentum。如果只期望中學才開竅係十分危险既事， ...
不是每一個小朋友是主動及學習的動力，一般多懶，冇動力，揼波鐘及遊魂。。。遇著為有先做好功課及考試合格 方向看。。。開竅是危險的事?自己不覺得昰的但痛苦係真，因25+才會考的自己，留班及踢出校是家常便飯，當家人放棄，自己反而努力，太遲，自己比別人努力x3，結果OK。中學開竅又如何?自己孩子中文中學中一考全級尾尾，中二考全級中間，中三是頭50內，可惜入大學全級10左右。。。太難但未必冇可能，盡人事，看天意。。。
作者: Jane1983 時間: 17-4-13 12:50
男仔鍾意玩，少少懶，唔鍾意做功課温書係正常。但樓主仔仔無晒動力，唔肯抄手册 （呢個係基本責任），就需要花d心機幫佢。
同佢傾吓，睇吓問題係邊。唔識？上堂聽唔明？學校生活唔開心？無時間玩？小朋友小一，成績唔係最緊要，但學習態度唔可以錯。佢人生剛開始，仲有十幾年讀，咁既態度好難捱，尤其以後越學越深。
作者: Soundervolt 時間: 17-4-13 12:53
本帖最後由 Soundervolt 於 17-4-13 12:54 編輯
brother4 發表於 17-4-13 12:43
不是每一個小朋友是主動及學習的動力，一般多懶，冇動力，揼波鐘及遊魂。。。遇著為有先做好功課及考試合 ...
學習動力係需要培养既。我唔係話遲開竅有问题，我意思係若然等極都唔發生又如何，遲尐一定会開竅?用阁下或三幾個例子就可以代表必然性? 我会選擇用遁序漸進既方法去提升小朋友既學習動机而唔係"等"開竅發生。
作者: wan_sosin 時間: 17-4-13 12:57
brother4 發表於 17-4-13 12:43
不是每一個小朋友是主動及學習的動力，一般多懶，冇動力，揼波鐘及遊魂。。。遇著為有先做好功課及考試合 ...
唔怕遲開竅，最緊要唔好一世都唔開竅。
都見過一個會考唔合格，出來打兩年工先知唔讀書會捱一世，之後發奮，多年後考入大學，再之後去英國讀埋Master。
品格同責任感培養，永遠都重要，小時讀書叻，但最後學壞放棄學業都有好多。相反讀書唔叻，但對自己人生肯負責任，咁最少都會搵個方法養活自己。肯花更多努力後來追上的人都唔少。
作者: brother4 時間: 17-4-13 13:18
Soundervolt 發表於 17-4-13 12:53
學習動力係需要培养既。我唔係話遲開竅有问题，我意思係若然等極都唔發生又如何，遲尐一定会開竅?用阁下或 ...
本帖最後由 brother4 於 17-4-13 13:30 編輯
學習能力的需要培養，終於講出了重點?點做遁序漸進方法。。好看小朋友肯不肯聽家長魔笛/玩對抗
作者: Soundervolt 時間: 17-4-13 16:01
brother4 發表於 17-4-13 13:18
本帖最後由 brother4 於 17-4-13 13:30 編輯
學習能力的需要培養，終於講出了重點?點做遁序漸進方法。 ...
本帖最後由 Soundervolt 於 17-4-14 22:57 編輯
小朋友唔肯聽家長支笛亦係好正常嘅事，包括我犬兒，家長同小朋友講“唔好好地讀書將來就做乞衣”實在太遙遠。佢哋目前根本領畧唔到知識對佢哋嘅好處，衹係家長乾着緊張，因為大人有經歴，會明白書到用時方恨少。 小朋友對知識冇即時嘅需要就唔會緊張，基本上對佢哋嚟講讀書係冇乜作用，衹係用嚟應付大人或學校既需要。 但有一樣嘢佢地唔會抗拒既就係佢地本身既興趣，其實可以喺呢方面入手。（ 我非常反對玩遊戲機）但例如經常見到一尐小朋友玩（日文版）TV game, 內容全部都係全日文，佢地冇讀過日文但又會用盡辦法去學懂遊戲日文內容既意思，因為要玩到遊戲，呢個就係學習動機既原因。 我哋屋企冇電視遊戲機，而主要係有益智性既玩具。記得阿仔小時候我哋經過玩具店見到一盒大富翁（大富翁係一件非常益智性嘅玩具，入面包括語文、數學、戰略、心理學及其他知識），我同阿仔大約講過呢份玩具點樣好玩。 然後我哋買咗返屋企，跟住畀咗一本英文譯英文嘅字典阿仔，佢需要了解遊戲英文說明書上既規則同埋玩嘅方法再教爸爸媽媽聽點樣玩，阿仔用咗整整一日去了解說明書內容，然後教埋我地兩公婆一齊玩。佢亦有參加以外國人為多數既球類運動，聽唔明教練講乜就冇得玩，就算同鬼仔嗌交，英文對佢呢講係十分有用，所以佢對語文有主動學習動機。 只要搵到方法令小朋友建立到學習動機、吸取及掌握知識嘅自信心， 返學上堂做功課都會事半功倍。
作者: brother4 時間: 17-4-13 16:32 標題: 回覆樓主：
本帖最後由 brother4 於 17-4-13 16:32 編輯
小學生能夠英文釋英文，真係好叻仔，還可以同外國人玩運動，更加好的經歷，是有選擇性/精心計劃。。。自己要求好低，升班和合格便可，打機和動漫自己最愛及一起看和玩。。。
作者: shadeslayer 時間: 17-4-13 16:33 標題: 回覆樓主:
農夫把最好的土壤, 最好的肥料, 給了種子, 勤力澆水, 合適陽光, 花朵還沒長得如農夫所願美麗, 可以如何?
農可以說這是天意。
作者: greentea000 時間: 17-4-13 16:51
本帖最後由 greentea000 於 17-4-13 16:53 編輯
shadeslayer 發表於 17-4-13 16:33
農夫把最好的土壤, 最好的肥料, 給了種子, 勤力澆水, 合適陽光, 花朵還沒長得如農夫所願美麗, 可以如何?
...
還可以控制溫度，修剪枝葉，疏花疏果，除蟲去雜草。。。農夫也需要學習 否則真是要靠天意
作者: 1998Ruby1998 時間: 17-4-13 16:52
回覆 S-Kwok 的帖子
考試就少 d，但係平日功課敷衍就多，因為一望下面作答就知道要填咩，會直接飛左題目，不過好多時候因為老師出「陰招」，所以慘敗。
睇落你仔仔應該係馬虎，想儘早完成所以就求其做完就算。或者試下用間尺讀出每一行，減少跳行同誤踩老師「地雷」。不過操心大意呢樣野，如果自己唔係緊張成績果類，要跌得多跌得慘先會學識。
作者: shadeslayer 時間: 17-4-13 20:54
greentea000 發表於 17-4-13 16:51
還可以控制溫度，修剪枝葉，疏花疏果，除蟲去雜草。。。農夫也需要學習 否則真是要靠天意 ...
本帖最後由 shadeslayer 於 17-4-13 20:56 編輯
重點不是列出所有好農夫要做的事。 甚麽是農夫該做的事, 澆水每天一次定二次沒有定案。
作者: wan_sosin 時間: 17-4-14 00:11
shadeslayer 發表於 17-4-13 20:54
本帖最後由 shadeslayer 於 17-4-13 20:56 編輯
重點不是列出所有好農夫要做的事。 甚麽是農夫該做的事 ...
不同種類的植物，需要不同水份，養份，有些需要多陽光，有些曬多陣都死，都要了解清楚棵植物先會種得好。有時種種下越種越差，半死不活，即刻要去想想救亡方法，好多時要從頭來過，只要根部未死，再生的可能不少。
作者: shadeslayer 時間: 17-4-14 01:17
wan_sosin 發表於 17-4-14 00:11
不同種類的植物，需要不同水份，養份，有些需要多陽光，有些曬多陣都死，都要了解清楚棵植物先會種得好。 ...
身為農夫，孩子一世不開竅，農夫除了拔苗助長等不該做的蠢事外，可以做乜呢？
作者: greentea000 時間: 17-4-14 01:38
shadeslayer 發表於 17-4-14 01:17
身為農夫，孩子一世不開竅，農夫除了拔苗助長等不該做的蠢事外，可以做乜呢？
...
自己決定要不要開竅
作者: wan_sosin 時間: 17-4-14 07:55
shadeslayer 發表於 17-4-14 01:17
身為農夫，孩子一世不開竅，農夫除了拔苗助長等不該做的蠢事外，可以做乜呢？
...
世界上最好的養份是愛，無論花兒開不開，都是農夫最愛的一棵花，像小王子愛他的玫瑰花，如果該做的已做了，生命自會有佢自己的路要走。
作者: brother4 時間: 17-4-14 08:47 標題: 回覆樓主：
本帖最後由 brother4 於 17-4-14 09:07 編輯
可惜有D專業的農夫，只想產品是第一等，用佢獨特的方法，但就缺乏愛的原素，成生就不健康。。。又或者用錯佐愛的方法，過份保護，但要考慮終有一天走出農塲，暴露於大自然中，受盡風吹雨打。。。
作者: shadeslayer 時間: 17-4-14 10:20
wan_sosin 發表於 17-4-14 07:55
世界上最好的養份是愛，無論花兒開不開，都是農夫最愛的一棵花，像小王子愛他的玫瑰花，如果該做的已做了 ...
生命有自已的路就是天意。
作者: Jane1983 時間: 17-4-14 10:41
父母愛仔女，循循善誘，好好溝通，每日每夜的積累，小朋友唔會唔開竅。
但開竅係講品德、做人、責任感。有齊呢d，即使唔係成績即時好轉，佢都會為自己前途打算，將來會做個有用的人。
作者: Yanamami 時間: 17-4-14 10:59
本帖最後由 Yanamami 於 17-4-14 10:59 編輯
shadeslayer 發表於 17-4-14 10:20
生命有自已的路就是天意。
成日都係陳sir度揾番呢句quote:
God grant me the serenity
to accept the things I cannot change;
courage to change the things I can;
and wisdom to know the difference.
或者好似医生同家屬禁講：我地已經盡晒力……
作者: shadeslayer 時間: 17-4-14 11:46
Yanamami 發表於 17-4-14 10:59
成日都係陳sir度揾番呢句quote:
God grant me the serenity
to accept the things I cannot change;
就是這個意思。忽然想起一套陳年片，我還會看韓片的時候「假如愛有天意」。
香港家長不需要更多育兒秘方，不需要更有為，只要睇開一點。
作者: Soundervolt 時間: 17-4-14 12:15
shadeslayer 發表於 17-4-14 11:46
就是這個意思。忽然想起一套陳年片，我還會看韓片的時候「假如愛有天意」。
香港家長不需要更多育兒秘方 ...
有為秘方及睇開一尐同樣重要。
作者: Jane1983 時間: 17-4-14 12:46
教養小朋友，一定有打逆風波的時候。小朋友好細個或者表現有偏差的時候，
家長要有為，但有為唔等於猛補習、死谷佢、發惡凶佢、強權。每個月肯攞幾千元補習的家長大把，但每晚肯靜心和仔女傾吓，針對佢的處境幫助小朋友的卻不多...
作者: shadeslayer 時間: 17-4-14 15:00
Soundervolt 發表於 17-4-14 12:15
有為秘方及睇開一尐同樣重要。
本帖最後由 shadeslayer 於 17-4-14 15:04 編輯
我認為, 育兒只要幾條大原則, 秘方無乜大用。似乎如何管教, 也有孩子入牛劍, 也有孩子反叛或聽話。
現今香港父母已有太多秘方, 太有為, 太少看開D。
作者: MrBeast 時間: 17-4-14 15:05
俗話有云：在乎溝通與關懷。
咁農夫點同植物溝通？觀察入微
作者: shadeslayer 時間: 17-4-14 16:06
shadeslayer 發表於 17-4-14 11:46
就是這個意思。忽然想起一套陳年片，我還會看韓片的時候「假如愛有天意」。
香港家長不需要更多育兒秘方 ...
對, 郭在容, 孫藝珍
作者: brother4 時間: 17-4-14 17:51
MrBeast 發表於 17-4-14 15:05
俗話有云：在乎溝通與關懷。
咁農夫點同植物溝通？觀察入微
擴音樂，植物生長快D。。ㄧ樣聽音樂，消除緊張，減少壓力。。
作者: Soundervolt 時間: 17-4-14 19:09
shadeslayer 發表於 17-4-14 15:00
本帖最後由 shadeslayer 於 17-4-14 15:04 編輯
我認為, 育兒只要幾條大原則, 秘方無乜大用。似乎如何 ...
本帖最後由 Soundervolt 於 17-4-14 22:50 編輯
每個小朋友都唔一樣，當然唔會有一本全世界通行嘅秘級啦，之所為秘級都衹係因人而異嘅教養方法，啱我未必啱其他人。好耐以前，朋友之間喜歡分享養兒育女心得，通常三句之後就會有人答“唔啱我既仔/女嘅……”，所以宜家已冇乜喺朋友之間傾呢類話題。好似之前我既分享，啱聽嘅就攞去使，唔啱聽可以當發噏風。
作者: MrBeast 時間: 17-4-14 20:22
爸爸帶「虎媽」參加創意家長營 慨嘆：小學補習根本冇必要
現時香港大部分學校都採用「填鴨式」教育，家長為求催谷成績而逼迫子女「贏在起跑線」的手法在社會引起爭論。有團體舉辦三日兩夜家長營，讓家長以學生身分，到小島體驗主流上課制度外的多元學習模式，期望家長能明白時代已改變，學習不再是成績至上。
「小島學員家長營」由陳校長免費補習天地轄下的賽馬會創新教育工作室主辦，共有16名家長參與，主要為高小學生家長，部分人的子女曾參與同類的活動。家長需到「荒島」芝蔴灣渡過三日兩夜，以學生身分在大自然中上各種課程，更要「做功課」反思每日所學。
校長陳葒指，家長教育子女時，容易受制於自己過往的學習經驗，「但已經唔再係七、八十年代坐喺度背書上堂就得」，認為未來學習是多元的，着重培養學生不同的興趣和成長經歷，期望家長能親身體驗，慢慢改變觀念⋯
http://hk.apple.nextmedia.com/realtime/news/20170414/56564932
作者: yauyauyau 時間: 17-5-4 23:26 標題: 回覆樓主：
本帖最後由 yauyauyau 於 17-5-4 23:28 編輯
多謝各位的回覆！我真的不知道怎樣教了！5月份開始幫他報了功課班，他十分不願意去。今天7樣功課，在補習班已完成了5樣，其餘2份中文抄詞語+抄聖經金句，晚飯冲涼後繼續做。但已經好似冇曬電咁唔願做。聖經四句金句寫咗個半鐘(我已經好嬲,原本我叫佢20分鈡做完)，已經10：30了。中文詞語叫佢欠交算啦！佢又喺度哭話怕老師罰，我話冇辦法鬼叫你唔願寫。之後哭住上床訓，又話今日放學冇玩過。見到佢好似好慘咁，但有咩辦法？之前俾佢玩完一輪先去做功課，埋位時又係發夢！我夠知d功課好悶好多抄寫啦，咁唔想做不等於可以唔做吖嘛⋯⋯
作者: shadeslayer 時間: 17-5-4 23:57
yauyauyau 發表於 17-5-4 23:26
多謝各位的回覆！我真的不知道怎樣教了！5月份開始幫他報了功課班，他十分不願意去。今天7樣功課，在補習班 ...
你要想想有無其他學校更適合?
作者: yauyauyau 時間: 17-5-5 00:40
shadeslayer 發表於 17-5-4 23:57
你要想想有無其他學校更適合?
本帖最後由 yauyauyau 於 17-5-5 00:45 編輯
已經是二線津校了！難道要去三線跟南亞裔做同學嗎？ 三線學校每天也應該會有功課吧！我仔問題是無興趣做功課、抄寫(包括中、英文)。講真每天6-7樣簡單其實真係可接受啦！香港地讀書有邊個學校係完全冇功課㗎？國際學校都會有功課，有project啦！其實d字冇寫過真係唔會識寫㗎，咁又冇可能佢話唔鈡意就真係由得佢唔寫？
日日浪費曬d時間響做功課上面，想溫習，睇課外書都冇時間！食飯又慢，冲涼又慢，換衫又慢！ 而家先至小一，幾時先會開竅？？
作者: ar_mak 時間: 17-5-5 01:21
提示: 作者被禁止或刪除 內容自動屏蔽
作者: MrBeast 時間: 17-5-5 07:24
yauyauyau 發表於 17-5-5 00:40
本帖最後由 yauyauyau 於 17-5-5 00:45 編輯
已經是二線津校了！難道要去三線跟南亞裔做同學嗎？ 三線 ...
作者: retriever 時間: 17-5-5 07:44
MrBeast 發表於 17-4-7 18:29
問下佢是否覺得難和辛苦，小一可能未識講什麼地方難，咁你要估，知原因後找方法幫。meanwhile，做一陣玩一 ...
認同男仔係專注力低D， 係咪只有15 分鐘再講，但樓主既問題，似習慣問題多D。
細路活躍到PN 時候都俾鬼婆罰企，但丟佢去書店，佢可以一直睇書到關店。
培養習慣係長時間，好難返轉頭。試下俾佢多D 定下來佢又有興趣既活動，延長佢既專注力，仲有要佢明白功課係佢既責任，自己完成並承擔後果。
所以話上小學前一定要攪好D 習慣，因為小學真係無多餘時間訓練，因為好多時候，佢唔返學無功課交，你緊張過佢。
作者: MrBeast 時間: 17-5-5 08:20
retriever 發表於 17-5-5 07:44
認同男仔係專注力低D， 係咪只有15 分鐘再講，但樓主既問題，似習慣問題多D。
細路活躍到PN 時候都俾鬼婆 ...
作者: shadeslayer 時間: 17-5-5 08:36
yauyauyau 發表於 17-5-5 00:40
本帖最後由 yauyauyau 於 17-5-5 00:45 編輯
已經是二線津校了！難道要去三線跟南亞裔做同學嗎？ 三線 ...
本帖最後由 shadeslayer 於 17-5-5 08:42 編輯
又係你問可以點，問左咁耐，呢個問題都要考慮。
南亞學生一定好差嗎？ 陳守仁大把，甚受香港家長歡迎。國際學校也不少，家長多多錢也讀。
的確有D band 2 校想 升 band 1, 或邊緣唔想跌 band，會好谷。有D津校較少功課，唔一定 band 唔 band 3。亦有大量直資私立學校功課量不多。
每日返學功課14，15小時，小一手仔無乜力，辛苦嗎？大人要返工OT每日 14，15小時會享受嗎？會有興趣嗎？ 做得好嗎？
作者: MrBeast 時間: 17-5-5 08:37
回覆 retriever 的帖子
鬼婆都唔係個個歡容，之前朋友推薦一個，試堂黑口黑面，最後都冇繼續。另一個鬼佬，冇乜愛心，於是又drop 左佢
作者: 1234ats 時間: 17-5-5 11:17
yauyauyau
抄四句文字用三十分鐘，假設總共四十個字，即平均45秒一個字，嚴格來說是非常之慢。我估計大部分時間不是花在書寫上，而是魂遊浪費掉，或者是經常出錯重寫。
專注力是能力之一，很多小一人仔專注力發展較慢，連坐定定也很困難，更遑論大量書寫。如果是能力不足的話，可以跟學校商量暫時適當減少他的功課量。
如果孩子做功課時無心裝載，無論做多少時間寫多少個字其實都不會有什麼效果，對學習沒有幫助。
很多孩子抗拒做功課是因為執筆或坐姿不正確而容易攰，如果孩子有這方面問題則先要盡快解決。
樓主可以先了解一下兒子自己對做功課的感受，有哪些功課最抗拒，哪些較為喜歡。另外分析清楚他做功課的時間，觀察他狀態好的時候做功課能專注連續做多久。譬如他只能連續專注做十分鐘，則每次做功課十分鐘後便要暫停休息，如果孩子好動，最好讓他活動三幾分鐘然後繼續再做功課，但必須要求他做的時候認真專注。
做功課速度問題一般不是短時間內可解決，需要多些耐性花心思多鼓勵孩子，協助他慢慢成長。
作者: gigiic 時間: 17-5-5 12:03
回覆 yauyauyau 的帖子
原本想問你佢會否係小肌發展問題, 手攰而唔願寫, 因我有朋友個仔就係呢個問題令佢拖慢嚟做, 攰又唔想做, 咁要體諒吓佢... 但見你後來話佢做其他嘢都係慢, 咁會唔會係佢個性係咁...你急佢唔急, 有無試過用固定的時間表
作者: Jane1983 時間: 17-5-5 12:44
睇咗一輪，樓主係要搵到問題所在，點解咁慢? 點解拖住做? 點解無動力? 係小肌問題，就訓練改善小肌; 係唔識做，唔明，就教識佢。
而家先小一，咁搞落去，大家都唔掂。
作者: yauyauyau 時間: 17-5-5 13:40
MrBeast 發表於 17-5-5 07:24
協康有個讀寫小奇兵講座，和有個免費apps（同名）
多謝你。呢個app非常好。今晚同佢玩
作者: yauyauyau 時間: 17-5-5 13:48
1234ats 發表於 17-5-5 11:17
yauyauyau
抄四句文字用三十分鐘，假設總共四十個字，即平均45秒一個字，嚴格來說是非常之慢。我估計大部 ...
多謝你的建議。我個仔寫四句金句用咗1.5個小時。擺明係遊魂發夢！我曾經懷疑過佢係專注力不足+讀寫障礙。但問過佢班主任又話佢唔似係，不過老師都知佢抄寫係比較慢。佢係睇一筆，跟住又寫一筆。之後又睇下一筆又寫下一筆咁，逐筆抄，所以咁慢。筆順亦都唔係好跟。
可能我真的要帶佢評估一下 
作者: yauyauyau 時間: 17-5-5 14:04
gigiic 發表於 17-5-5 12:03
回覆 yauyauyau 的帖子
原本想問你佢會否係小肌發展問題, 手攰而唔願寫, 因我有朋友個仔就係呢個問題令佢 ...
本帖最後由 yauyauyau 於 17-5-5 14:05 編輯
可能三樣都有(手肌問題+攰+懶散)。 佢嘅時間表幾乎每天都係放學返屋企換衫休息茶點，之後做功課，玩，再冲涼晚飯睇圖書咁，基本上係好趕嘅。由於佢做乜都慢幾拍，搞到我晚晚不停叫佢快d快d，講到自己都覺得自己煩，佢又成日俾我罵。不過好彩罵完佢佢又唔係好記仇嘅，轉個頭又同我傾計，講吓今日學校發生嘅事。知道佢返學基本上都係開心嘅。但就真係好唔鐘意做功課囉！有時講埋答案俾佢都唔願去寫。可能真係好攰啦，我都明一日做14個鐘係好攰嘅！而家放學帶佢去功課班，希望佢可以完成所有功課，返到屋企唔洗再做功課可以抖吓。但返咗幾日，d功課都係差1-2樣做唔切。希望遲d會好d啦！
作者: gigiic 時間: 17-5-5 14:20
回覆 yauyauyau 的帖子
明白, 但試吓少罵少責備(係好難忍但都要忍), 罵唔會對件事有幫助, 更係消耗你和他之間的愛, 何況罵人時個樣一定唔方好睇, 佢見到你個惡樣更加無心機, 惡性循環........
| 歡迎光臨 教育王國 (/) |
Powered by Discuz! X1.5 |