教育王國
標題: 5歲8個月升小一。 [打印本頁]
作者: Karening 時間: 17-4-6 22:37 標題: 5歲8個月升小一。
如果K3畢業才5歲6個月，可以升小學嗎？還是要讀多一年K3 ? 可以給我意見嗎？
作者: MissUmuch 時間: 17-4-6 22:43
Karening 發表於 17-4-6 22:37 
如果K3畢業才5歲6個月，可以升小學嗎？還是要讀多一年K3 ? 可以給我意見嗎？
...
12 月細b, 係5 歲8 個月讀小一， 有d家長覺得小朋友ok, 照上， 有d家長， 覺得比其他p. 1 細一年， 會 repeat k3, 睇你自已覺得小朋友有無能力升小一。
作者: MissUmuch 時間: 17-4-6 22:45
Karening 發表於 17-4-6 22:37
如果K3畢業才5歲6個月，可以升小學嗎？還是要讀多一年K3 ? 可以給我意見嗎？
...
我仔仔都係12月 b , 我 repeat咗一年k3, 不過你依家先問， 太遲，你小朋友應該參加咗大抽獎
作者: greentea000 時間: 17-4-6 23:31
Karening 發表於 17-4-6 22:37
如果K3畢業才5歲6個月，可以升小學嗎？還是要讀多一年K3 ? 可以給我意見嗎？
...
留repeat機會俾DSE
作者: 1998Ruby1998 時間: 17-4-6 23:55
英國有研究話小一班裡面，通常細 B 都會開始得吃力（英國 8 月係細 B，9
月大 B ），因為小一上學期完左之後，有部份小朋友可能已經 7 歲（甚至有 d 係上年 12 月），而你仔女先剛剛滿 6 歲，始終大你差唔多半年至一年，各方面能力都會好大機會比你優勝。所以佢地 Education Department 會叫 8 月出世嘅小朋友留多一年先上 P1。
唔知你小朋友依家係 K2 定 K3，如果小朋友有能力去應付小學的話，可以照上 P1 （不過可能開學頭幾個月，仔女同家長都會有少少吃力）如果想佢小一有個好開始，讀多年 K3 會更好。
作者: 0030 時間: 17-4-7 09:33
如果男仔我會比他多讀一年K3，但女仔的話我會比她直升～
作者: little_yolky 時間: 17-4-7 11:25
Karening 發表於 17-4-6 22:37
如果K3畢業才5歲6個月，可以升小學嗎？還是要讀多一年K3 ? 可以給我意見嗎？
...
1. 唔好期望小朋友嬴在起跑線, 一開始就可以殺出重圍, 要俾D時間佢。
2. 小朋友本身係咪自律自動波既人。係就萬事OK。
3. 如小朋友能力正常(即唔係超班), 咁唔好搵教快/功課多/測考默多既學校俾佢, 唔係就辛苦死你。
4. 做家長既有無耐性協助小朋友學業。
如以上全部係yes, 咁就直上吧。我個人經驗係要睇小朋友性格為上, 大女雖然唔係成績亮麗, 不過一直跟得好好, 因為佢係自動波既人。反而細女係2月大B, 就差D氣死我。不過, 你一定要有心理準備, 有D課題(尤其數學), 未去到個歲數, 真係唔明就唔明, 點教都唔明, 你需要忍耐, 佢下一年就明了, 果10分8分無辦法, 一定要豪俾佢。
作者: aryemyem 時間: 17-4-7 13:32 標題: 回覆樓主：
本帖最後由 aryemyem 於 17-4-7 13:33 編輯
我仔11年12月31日，今年9月小一。學術比年頭B更叻，只係語言表達同自理無年頭B更好。我都照比佢上
作者: Jane1983 時間: 17-4-7 13:47
我小朋友都係細B，成績好好無問題，但社交、情感發展係慢d。記得K3有個超大B女仔玩杯葛，拉攏其他同學冷待另一個女仔，細B咪話無能力搞d咁既事，係睇都吾明。
作者: little_yolky 時間: 17-4-7 14:46
Jane1983 發表於 17-4-7 13:47
我小朋友都係細B，成績好好無問題，但社交、情感發展係慢d。記得K3有個超大B女仔玩杯葛，拉攏其他同學冷待 ...
家姐時因為佢細, 樣樣都唔敢認叻, 佢又好快記得晒全班同學既名, 大家又都好遷就佢, 人哋有D乜整親佢, 佢都唔敢同人嘈, 自己行開就算, 所以so far社交都OK, 不過係無乜自信。係到P3, P4, 等我發功發得多, 係咁催眠佢, 依家先叫自信好咗D。
阿妹就唔同喇, 講嘢鬼咁叻, 成日同同學仔嘈交。:badfeel:
作者: Karening 時間: 17-4-7 15:04 標題: 回覆樓主:
謝謝各位！
作者: appleleunghk 時間: 17-4-7 15:38
我仔原本係12月中出世, 但10月底就早產, 都叫細B拉, 係幼稚園老師話佢一直跟得好好, 唔使REPEAT, 咪比佢照上小學, 但上到去又真係發覺佢比同齡爭D, 但只要用心上學, 一直KEEP住佢哋進度, 都可以跟到, 當然唔好期望佢考第一拉.
作者: Lu324 時間: 17-4-7 19:19
我兩個仔細b, 幼稚園生。自己觀察，大仔冇問題，唔錯添，細仔好多問題。睇家長睇小朋友決定
作者: MrBeast 時間: 17-4-7 19:29
Lu324 發表於 17-4-7 19:19
我兩個仔細b, 幼稚園生。自己觀察，大仔冇問題，唔錯添，細仔好多問題。睇家長睇小朋友決定
...
作者: Lu324 時間: 17-4-7 19:46
MrBeast 發表於 17-4-7 19:29
八卦一問，咁你會否考慮轉細仔做大呢？
老師冇提過弟弟有問題，不過我覺得好大問題，可能自己將兩個仔比較。會睇下k2再決定。自己偏向細b直上，太大其實有心理影響。
作者: greentea000 時間: 17-4-7 19:54
我都係12月B，當年阿媽諗都無諗就決定照上小一，就係用呢個理由。
作者: Happy_J 時間: 17-4-7 22:29 標題: 回覆樓主:
我小朋友係細B，學習能力很好，K2已超過大B，K3已開始超前。
但手肌差少少，字寫得唔靚。仲有自理差啲啲，啲嘢亂，但唔係甩漏
作者: Lu324 時間: 17-4-7 22:37
MrBeast 發表於 17-4-7 19:29
八卦一問，咁你會否考慮轉細仔做大呢？
我冇點評。
自己見過呀仔同同學講，某小朋友係龍，唔係蛇，佢地成班得幾個唔係龍。而龍女同學好唔開心咁問佢媽咪，點解大我個仔一年。
作者: MrBeast 時間: 17-4-7 22:53
Lu324 發表於 17-4-7 22:37
我冇點評。
自己見過呀仔同同學講，某小朋友係龍，唔係蛇，佢地成班得幾個唔係龍。而龍女同學好唔開心咁問 ...
作者: Lu324 時間: 17-4-7 23:00
MrBeast 發表於 17-4-7 22:53
真是唔知點解e加d細路乜都比一餐，at the end，父母要就自己情況和piroity取捨law，總之就解決方法通常是多 ...
學校當時教十二生肖，所以小朋友會知道。另外就係生日會。小朋友比較因為佢地發現不同。
父母自己衡量，大有大好，細有細好
作者: conniewktang 時間: 17-4-7 23:45
Lu324 發表於 17-4-7 23:00
學校當時教十二生肖，所以小朋友會知道。另外就係生日會。小朋友比較因為佢地發現不同。
父母自己衡量，大 ...
本帖最後由 conniewktang 於 17-4-8 10:14 編輯
本帖最後由 conniewktang 於 17-4-7 23:51 編輯
本帖最後由 conniewktang 於 17-4-7 23:50 編輯
我其實唔明點解啲家長係都要做大B，可能想蠃在起跑線，其實上到小學三年級，分別已不大。我眼見即使早產了個多月在12月出世的超細男B（健康院打針也延後一個月打，原本預產期在第二年一月出世）照上小學，早一年上學，在小一已成績不差。其實讀到書，不用留一年都會讀到，不過手肌或自理可能相對大B還是會差少少。但去到小學高些年級，手肌和自理便沒有問題了！
作者: LeeCC 時間: 17-4-8 00:00
little_yolky 發表於 17-4-7 11:25
我大女係11月底細B, 佢無repeat, 不過做家長要先調整好心理狀況。
1. 唔好期望小朋友嬴在起跑線, 一開始就 ...
作者: 山海兒女 時間: 17-4-8 00:23
本帖最後由 山海兒女 於 17-4-8 10:34 編輯
0030 發表於 17-4-7 09:33
如果男仔我會比他多讀一年K3，但女仔的話我會比她直升～
同性別冇關。大仔同細女也是十月，哥哥仲係尾添，但哥哥學習上一直冇問題，反而妹妹就有「上學期的數要到下學期先明」。到小四下學期才開始好D。
我以前都以為女仔會好D，但其實係因人而異。
作者: MrBeast 時間: 17-4-8 06:24
唉，明明大細B都是適齡，點解選擇做大要被批評，搞到d細路都洗腦覺得做大B係怪物咁 
作者: MrBeast 時間: 17-4-8 06:30
Lu324 發表於 17-4-7 23:00
學校當時教十二生肖，所以小朋友會知道。另外就係生日會。小朋友比較因為佢地發現不同。
父母自己衡量，大 ...
作者: 0030 時間: 17-4-8 09:46
回覆 山海兒女 的帖子
我指的絕非學習能力，而系心智的成熟度～女仔比男仔相對思想成熟
作者: 山海兒女 時間: 17-4-8 10:33
0030 發表於 17-4-8 09:46
回覆 山海兒女 的帖子
我指的絕非學習能力，而系心智的成熟度～女仔比男仔相對思想成熟
我初時也以為係，但事實係哥哥比同年的同學都成熟，呀妹就比同學和表妹仲天真。
只可以話，大部分人都係，但總會有例外，因人而異。
作者: 0030 時間: 17-4-8 10:59
回覆 山海兒女 的帖子
我指矛盾的普遍性而非特殊性，當然萬中都會有一～
作者: MrBeast 時間: 17-4-8 12:57
0030 發表於 17-4-8 09:46
回覆 山海兒女 的帖子
我指的絕非學習能力，而系心智的成熟度～女仔比男仔相對思想成熟
作者: Jane1983 時間: 17-4-8 13:08
回覆 MrBeast 的帖子
又唔係怪物咁誇張，只係小朋友乜都講一餐，年紀只係其中一樣。高矮，有無弟妹，成績，運動樣樣都會講吓。
認識的超大B有唔少，最大係9月。有為了入心儀學校留班，有些切合小朋友需要。大一年其實無乜嘢，最緊要係想清想楚。
作者: 山海兒女 時間: 17-4-8 15:38
MrBeast 發表於 17-4-8 12:57
從不同渠道都聽過similar 言論，甚至話多女仔入大學，不過就未見過大型研究報告支持這說法。 ...
做大B定細B，唔應該只考慮性別。
作者: picture 時間: 17-4-8 16:54
Jane1983 發表於 17-4-7 13:47
我小朋友都係細B，成績好好無問題，但社交、情感發展係慢d。記得K3有個超大B女仔玩杯葛，拉攏其他同學冷待 ...
你咁講我又有同感。我嘅係大B，上了小學有時會回家回報有一些疑似欺凌，惡意搗亂或者係小朋友反叛對抗老師的事件在課室發生。
反而同班另一個細B就極之少回家同媽媽講述，好似完全唔明白發生乜事咁！
作者: MrBeast 時間: 17-4-11 08:30
山海兒女 發表於 17-4-8 15:38
太多人都只是人云亦云，冇獨立思考。
做大B定細B，唔應該只考慮性別。
作者: 大卡細卡 時間: 17-4-11 11:42
我細仔就是細b,太早讀書比較辛苦 , 成績雖然都算中挺但自信差些,小學時做咩野都慢過人, 中學早發育的同學感覺比我仔成熟好多 , 他會追住同學失去自我,我比較後悔俾細仔早讀書 ,雖然他算smart.
作者: MrBeast 時間: 17-4-11 17:10
大卡細卡 發表於 17-4-11 11:42
我細仔就是細b,太早讀書比較辛苦 , 成績雖然都算中挺但自信差些,小學時做咩野都慢過人, 中學早發育的同學 ...
作者: 幸福黃太太 時間: 17-4-12 22:04
Karening 發表於 17-4-6 22:37
如果K3畢業才5歲6個月，可以升小學嗎？還是要讀多一年K3 ? 可以給我意見嗎？
...
我細b12月最尾果日出世，正宗超細b。我最後照比佢上P1,今年只係k3,冇話特別叻定差，但要每日花時間教。
作者: Lindytiger 時間: 17-4-13 00:34
Jane1983 發表於 17-4-7 13:47
我小朋友都係細B，成績好好無問題，但社交、情感發展係慢d。記得K3有個超大B女仔玩杯葛，拉攏其他同學冷待 ...
同樣地我又發現大b 會大機會似着自己比同輩年齡大及高大，會蝦其他同學。而細b 比人蝦又唔識反抗！
作者: 小寶貝兒 時間: 17-4-13 00:53
我女都係12月細B, 起初K1上學期時老師都有叫我地考慮同佢K1留一年, 因為真係追唔到, 但我地覺得仲細, 唔洗咁急決定吧? 就由得佢, 結果到K1下學期已經追返晒~
之後一路直升, 今年已小一, 學術冇問題, 算係前列位置, 社交都OK, 可能班裡面都多細B, 暫時冇乜話邊個唔同邊個玩既情況~
基本上我覺得冇乜大問題, 最大問題係因為考直私小一時佢先得4歲幾, 邊夠人地爭啊~ 呢個都要考慮下架~ 想入出名直私小學, 真係要諗諗~
作者: 1998Ruby1998 時間: 17-4-13 01:15
回覆 picture 的帖子
當初因為我生得矮 (八月出生)，所以次次小息畀高果堆同學「玩」，將我 d 文具書本全部擺上櫃頂，要我擔凳爬上去攞返。因為從小阿媽就教我唔好畀人感覺我係弱者唔醒目，話咁樣好低能幼稚，所以我冇諗過「喊」同埋搵老師求救。結果有一次擔凳爬果陣畀老師發現，老師結果記我大過。
果陣真係完全冇概念呢樣野係「欺凌」。
作者: piglet0529 時間: 17-4-14 04:29 標題: 回覆：Karening 的帖子
如果能力可以照上, 其實到大個, 留班未必是人人可留, 老師也只會比一的有機會repeat一年後成積好有進步的小朋友, 細B也是其中一個條件, 我姐姐當年repeat中四, 原本也不是班中最差, 但是老師見她細B又覺得佢repeat成績會好, 後來會考果然考得好成績
作者: 964000 時間: 17-4-14 05:58
學術上中英文不是最難，數學才是最難跟，如果你小朋友數感好也可做細B
作者: MrBeast 時間: 17-4-16 10:46
本帖最後由 MrBeast 於 17-4-16 10:48 編輯
964000 發表於 17-4-14 05:58
學術上中英文不是最難，數學才是最難跟，如果你小朋友數感好也可做細B
十分同意，正所謂喞喞復喞喞，(未發展到）唔識就唔識
作者: 大卡細卡 時間: 17-4-18 13:28
回覆 MrBeast 的帖子
有些東西他不明白就是不明白,心智發育未到不可強求
作者: uns 時間: 17-4-21 11:43
山海兒女 發表於 17-4-8 00:23
同性別冇關。大仔同細女也是十月，哥哥仲係尾添，但哥哥學習上一直冇問題，反而妹妹就有「上學期的數要到 ...
我女12细B現小一，情況同你女一樣。我覺得她慢了一學期，所有科成績好差。我唔知她洗唔洗repeat 小一？
作者: 山海兒女 時間: 17-4-22 01:19
回覆 uns 的帖子
睇你讀乜嘢小學啦，我哋小學係普通屋村津小，冇精英班，冇名次，平日小測默書唔計分，每年兩測兩考。小一至小四，只要有7x，我就收貨。當然我會在其他方面幫佢，只係唔比分數上的壓力佢，佢又真係慢慢跟到。
到現在小五，佢應該可以順利係級頭1/3。
作者: MrBeast 時間: 17-4-25 19:13
uns 發表於 17-4-21 11:43
我女12细B現小一，情況同你女一樣。我覺得她慢了一學期，所有科成績好差。我唔知她洗唔洗repeat 小一？
...
作者: MrsSunshine 時間: 17-6-26 22:12
請問各位又有沒有聽過/試過超大b，K2直上小一？可行嗎？
作者: b3410 時間: 17-6-26 22:27
細女當年N班三個12月細B，三個其中兩個選擇做大 B（包括小女），升小一後表現好好，自信自律自覺。
另外一個當年幼稚園表現 最好，寫字等都可以應付，所以決定早一年讀小一，做細B，入名津。結果一年級讀的好唔開心，就算還有細佬跟尾，都放棄名津唔讀，轉私小repeat小一，整個人開心嗮。
作者: MrsSunshine 時間: 17-6-26 22:56
b3410 發表於 17-6-26 22:27
細女當年N班三個12月細B，三個其中兩個選擇做大 B（包括小女），升小一後表現好好，自信自律自覺。
另外一 ...
本帖最後由 MrsSunshine 於 17-9-6 22:52 編輯
請問你小朋友有否問你為什麼她比同班同學年紀大，或生日比別人早？
作者: b3410 時間: 17-6-26 23:12
MrsSunshine 發表於 17-6-26 22:56
請問你小朋友有否問你為什麼她比同班同學年紀大，或生日比別人早？
我小孩只K1，已經很抗拒自己比同班同學 ...
平時教佢要多多幫助其他小朋友，老師又次次安排全班最曳男同學坐隔離，因為只有佢可以約束到。
所以非常自信主動。
作者: mch411 時間: 17-6-27 06:40
要九月一日夠5歲8個月 - 7歲先有 大抽獎"適齡兒童" 果5分
作者: MrBeast 時間: 17-6-27 06:57
MrsSunshine 發表於 17-6-26 22:12
請問各位又有沒有聽過/試過超大b，K2直上小一？可行嗎？
作者: MrsSunshine 時間: 17-6-27 09:16
MrBeast 發表於 17-6-27 06:57
通常k3尾都會有些適應小學課程，有個case，k2有offer 後跳級上k3，你「有offer後」可問下你kg 批唔批 ...
多謝前輩提點
作者: JohnGrisham 時間: 17-6-27 10:03
LeeCC 發表於 17-4-8 00:00
識得人三兄弟都係年尾細仔，三兄弟小學時都有同一經驗，上學期的數學，下學期先明，下學期的數學升左班先明 ...
細女可能數學會差D
我女12月細B，見佢K階段表現ok就比佢上。小一分班試數學科級12以為好勁，下學期考差點不合格。小二入輔導班，但都不合格要重考。到小三才有點起色，在6x和7x之間浮沈。今年小四終於見返久遺了的8字頭。
中英差可以賴少睇書，數學就是硬打硬，不明就是不明。強操亦沒用。
作者: ivyscyip 時間: 17-6-27 11:39
JohnGrisham 發表於 17-6-27 10:03
細女可能數學會差D
我女12月細B，見佢K階段表現ok就比佢上。小一分班試數學科級12以為好勁，下學期考差點 ...
作者: MrBeast 時間: 17-6-27 12:17
MrsSunshine 發表於 17-6-26 22:56
請問你小朋友有否問你為什麼她比同班同學年紀大，或生日比別人早？
我小孩只K1，已經很抗拒自己比同班同學 ...
作者: ee_you 時間: 17-6-27 14:18 標題: 回覆樓主
兒子8月b，黎緊要報P1，龍年效應甘激烈，如果repeat K3，下一年再報P1，會好d嗎？ 可否給些意見
作者: sharonchan.0711 時間: 17-7-2 09:07
ee_you 發表於 17-6-27 14:18
兒子8月b，黎緊要報P1，龍年效應甘激烈，如果repeat K3，下一年再報P1，會好d嗎？ 可否給些意見
...
| 歡迎光臨 教育王國 (/) |
Powered by Discuz! X1.5 |
