教育王國
標題: 青衣地利亞英文小學 - P.2插班 [打印本頁]
作者: tigerhoyee 時間: 17-4-1 20:01 標題: 青衣地利亞英文小學 - P.2插班
請問有無人申請過？難入嗎？
作者: karsaq 時間: 17-5-22 18:12
tigerhoyee 發表於 17-4-1 20:01 
請問有無人申請過？難入嗎？
純八卦, 點解會揀地小.
作者: tigerhoyee 時間: 17-6-2 20:04
4月時已插班了，因為近屋企同埋想小朋友英文好d，你小朋友現在讀幾年班？
作者: RAINQQ 時間: 17-6-2 23:42
好嗎呢間？
作者: tigerhoyee 時間: 17-6-3 00:04
我個仔讀左兩個月左右，暫時覺得幾好，佢班主任好好，打比我幾次講返小朋友係學校情況，會諗辦法等佢容易適應，感覺到個仔幾鍾意d同學同老師，功課大部份係學校做完，不過我個仔比較被動，所以我都要用多些時間了解學校情況。有無其他家長可以講多些？
作者: chonghiuching 時間: 17-6-4 15:48 標題: 回覆樓主:
升中會否呈分
作者: tigerhoyee 時間: 17-6-5 11:09
要考呈分試的
作者: 小圓圓 時間: 17-6-12 17:17
回覆 tigerhoyee 的帖子
老師無咩提過呈分試成績, 睇嚟成績普通.想知入面的華人多數升讀什麼中學?
作者: tigerhoyee 時間: 17-6-13 09:25
佢地中文無傳統小學咁好，亦無不停操卷，派得唔好都唔出奇，好似好多都會揀返國際學校，我都唔係太清楚，主要係睇下小朋友適唔適合同家長要求什麼類型嘅學校，如果想升間出名中學，可能傳統小學嘅教學方式會比較適合。
作者: nelnelyeung 時間: 17-6-13 23:00
tigerhoyee 發表於 17-6-3 00:04
我個仔讀左兩個月左右，暫時覺得幾好，佢班主任好好，打比我幾次講返小朋友係學校情況，會諗辦法等佢容易適 ...
老師英文如何呀，是香港人嗎？
作者: tigerhoyee 時間: 17-6-16 22:12
我見差唔多全部都係香港人，阿囝d老師都係，暫時只係見過1個外藉老師。老師英文好唔好真係唔知，老師同我講野都係用廣東話，不過上堂全部用英文應該唔會太差掛，但係是否好標準我就唔清楚啦！
作者: lucyplus 時間: 18-5-25 17:06 標題: 回覆樓主:
想請教用家多一些青衣地利亞的資料，請問有沒有近年多一點的分享，例如課程，校風和活動等？
作者: tigerhoyee 時間: 18-6-20 00:14
讀左年幾覺得我個囝很喜歡這校，感覺老師很關心學生，學生都較純品，課程方面英文是讀高一級的，差不多全部學生都係用英文溝通，中文科分程度，中國人多數被編A班，讀一般中文科及普通話，程度比一般小學讀低半級，其他科目都與一般學校差不多，功課比較少，教學氣氛輕鬆，是間比較簡單的學校，不是催谷型，所以相對上校內設置及活動都沒有其他學校進取。
作者: lucyplus 時間: 18-6-20 17:58
tigerhoyee 發表於 18-6-20 00:14
讀左年幾覺得我個囝很喜歡這校，感覺老師很關心學生，學生都較純品，課程方面英文是讀高一級的，差不多全部 ...
本帖最後由 lucyplus 於 18-6-20 19:16 編輯
非常感謝，只是有點擔心插班追不上。
希望學校課程是活潑，重思考，合作學習。
請問閱讀學校重視嗎？
其實我最怕學校太進取，想小朋友有點空間發展自己喜歡的。
作者: tigerhoyee 時間: 18-6-25 09:52
因為這校估9成都是講英文的，所以用英文機會很多，數學、常識科都是英文，如果小朋友讀開中文學校適應可能會比較困難，所以插低班會比較好，我個囝轉校是也擔心難追上而且英文科是讀高一級的，所以我都幫他報低一級，學校課程內容其實同出面的差不多，都是用一般的教科書，只係無咁多額外練習，抄寫，背誦的功課，所以感覺他們比較輕鬆，上堂形式也較活動式，無咁緊迫，佢地經常可以在學校做些功課，考試前老師都會有時間同佢地溫書。默書就較多，每星期中、英、常都有默書。學校都著重閱讀的，每日有閱讀時間，另外，中、英都有reading堂，每年老師教睇2至3本書，考試也要考的。我都係想小朋友讀得開心d無咩壓力，但又驚他懶，所以我比較buy這校多默書閱讀少炒寫功課，我覺得咁佢地思考能力會好d。不過佢地真係會比起以前讀其他學校多好多空閒時間，所以小朋友要比較自律，有其他興趣或者鍾意學習，可以善用空餘時間，如果唔係會好容易沉迷其他野。
作者: lucyplus 時間: 18-6-26 18:44
tigerhoyee 發表於 18-6-25 09:52
因為這校估9成都是講英文的，所以用英文機會很多，數學、常識科都是英文，如果小朋友讀開中文學校適應可能 ...
謝謝，希望今次會揀對。
仔仔轉校後改變大嗎？
也想請教有什麼課外活動和老師會怎樣照顧成績稍弱的同學呢？
不好意思，很多問題，感謝！
作者: tigerhoyee 時間: 18-6-27 10:13
唔緊要，你有什麼就問啦！我之前轉校時都很擔心，又無人問到，只係諗住博一博，因為唔想再轉去第間填鴨學校。其實最擔心都係唔太了解不同種族的小朋友，之前都會有偏見，但係暫時以我所見佢地都很純品好乖，只係佢地嘅性格較開朗活潑，對讀書嘅觀念同香港唔同，佢哋嘅家長唔想小朋友有太多功課，所以學校都唔會太谷佢地，但係始終跟香港考試制度，又唔會好似國際學校咁free。所以你要肯定想要呢種學習方法，唔係可能會覺得好hea同學又唔積極讀書，係間happy school。其實你可以去試下apply先，佢會帶你參觀學校，同埋可以睇下一齊interview嘅小朋友家長先再決定。
囝囝轉校後開心左好多，佢本身同人溝通方面有些障礙，所以老師都特別關心佢，呢度d老師好好，所以我也特別鍾意呢間學校，我都驚我會唔夠中肯，不過我之前問其他家長佢地係話讀得好開心，anyway，呢度始終係外藉人士比較多，普遍中文唔會太好，所以我估中一派位都唔會有太多，band1 位，佢哋好似大多數都係去直資或者出國留學，又或者要係自行階段考入。
課外活動我見有jazz/Latin dance, football, 樂器，drawing......都係一般學校嗰d。成績較差的一、二年級有課後英文班，而高年班或者個別嘅跟進我就唔係好清楚啦！只係知道有時小息老師會要成績唔好嘅留係度溫書。你插幾多年級？你可以打電話去問問有無位先，我嗰時插班原本都無位。
作者: lucyplus 時間: 18-7-4 04:42
tigerhoyee 發表於 18-6-27 10:13
唔緊要，你有什麼就問啦！我之前轉校時都很擔心，又無人問到，只係諗住博一博，因為唔想再轉去第間填鴨學校 ...
學校已經有offer，非常感謝你詳細的回覆，日後要再繼續請教 =)。
作者: tigerhoyee 時間: 18-7-4 13:53
已經interview?收了？幾年級？
作者: mic_sin_mic 時間: 18-7-7 01:48
tigerhoyee 發表於 18-6-27 10:13
唔緊要，你有什麼就問啦！我之前轉校時都很擔心，又無人問到，只係諗住博一博，因為唔想再轉去第間填鴨學校 ...
樓主無私嘅分享，寧我都了解多左呢間學校，非常感謝你
及我都想問問這間學校係普教中定係另外會有普通話堂呢?
作者: tigerhoyee 時間: 18-7-8 14:32
回覆 mic_sin_mic 的帖子
中文堂用廣東話，另外要修1科外語，中國人通常修普通語，其他讀法文。
作者: tigerhoyee 時間: 18-7-8 14:35
中文堂用廣東話，另外要修1科外語，中國人或中文較好的通常讀普通話，其他讀法文。
作者: mic_sin_mic 時間: 18-7-10 01:28
tigerhoyee 發表於 18-7-8 14:35
中文堂用廣東話，另外要修1科外語，中國人或中文較好的通常讀普通話，其他讀法文。 ...
真係好多謝你嘅回覆，因這間學校網上確實太少正面嘅資料了。
還想問問一班通常大約有幾多中國藉小朋友呢？
小朋友黎緊9月都預備喺這裡讀J1，而且小朋友本身都少少怕醜，希望識到多些朋友仔啦，快些適應到
作者: tigerhoyee 時間: 18-7-10 13:18
其實1班都有幾個中國人樣的，不過阿囝話佢地都係講英文的，我唔係好識其他家長，只係認識1位日本籍媽咪，1位土耳其藉，另外有位係香港人。佢哋d同學都比較主動同活躍，而且小朋友都好容易識到朋友，唔駛擔心。
作者: mic_sin_mic 時間: 18-7-13 01:49
tigerhoyee 發表於 18-7-10 13:18
其實1班都有幾個中國人樣的，不過阿囝話佢地都係講英文的，我唔係好識其他家長，只係認識1位日本籍媽咪，1 ...
我和我的小朋友都期待著這間學校，希望佢返學開心愉快，謝謝你的回覆
作者: lucyplus 時間: 18-7-13 09:14
tigerhoyee 發表於 18-7-4 13:53
已經interview?收了？幾年級？
你好，小朋友下年二年級，謝謝你提供了很多寶貴的參考資料 =)。
作者: tigerhoyee 時間: 18-7-13 10:54
希望你們的小朋友都讀得開心😊
作者: mlau216 時間: 18-8-19 08:55
mic_sin_mic 發表於 18-7-10 01:28
真係好多謝你嘅回覆，因這間學校網上確實太少正面嘅資料了。
還想問問一班通常大約有幾多中國藉小朋友呢？ ...
Hello, 恭喜您小朋友有offer呀！想問吓你小朋友面試嘅時候考啲乜？我囡囡嚟緊下個星期都會去面試
作者: mic_sin_mic 時間: 18-8-20 00:17
mlau216 發表於 18-8-19 08:55
Hello, 恭喜您小朋友有offer呀！想問吓你小朋友面試嘅時候考啲乜？我囡囡嚟緊下個星期都會去面試
...
因小朋友係一group人咁入去一齊考架，我都唔太清楚，但事後聽說有中文，英文認字咁，最後見家長講下平常家庭活動之類咁，放心唔太難架
作者: mlau216 時間: 18-8-20 00:41
mic_sin_mic 發表於 18-8-20 00:17
因小朋友係一group人咁入去一齊考架，我都唔太清楚，但事後聽說有中文，英文認字咁，最後見家長講下平常家 ...
I see...thanks much!
作者: mlau216 時間: 18-8-22 12:26
mic_sin_mic 發表於 18-7-10 01:28
真係好多謝你嘅回覆，因這間學校網上確實太少正面嘅資料了。
還想問問一班通常大約有幾多中國藉小朋友呢？ ...
我對孖女都剛收到offer,黎緊9月讀J1,都係超級怕醜型，希望大家都適應到，加油！
作者: mic_sin_mic 時間: 18-8-22 22:32
mlau216 發表於 18-8-22 12:26
我對孖女都剛收到offer,黎緊9月讀J1,都係超級怕醜型，希望大家都適應到，加油！
...
恭喜你，希望佢哋享受校園生活
作者: AE林 時間: 18-8-23 13:37 標題: 回覆樓主
小兒今年都J1！希望大家都有愉快學校生活
作者: piggyback 時間: 18-11-19 01:06 標題: 回覆樓主
請問大家的小朋友返學開心嗎？我考慮幫小朋友插班，現在學校會否考慮？還是要等明年九月？謝謝
作者: AE林 時間: 18-11-19 13:38
piggyback 發表於 18-11-19 01:06
請問大家的小朋友返學開心嗎？我考慮幫小朋友插班，現在學校會否考慮？還是要等明年九月？謝謝
...
你小孩插幾多年班？
作者: piggyback 時間: 18-11-20 01:23
AE林 發表於 18-11-19 13:38
你小孩插幾多年班？
想幫小朋友插三年級下學期，但學校回覆冇位，可能要插四年級(emoji)(emoji)
作者: AE林 時間: 18-11-20 16:00
piggyback 發表於 18-11-20 01:23
想幫小朋友插三年級下學期，但學校回覆冇位，可能要插四年級(emoji)(emoji)
...
我小孩都好開心，有時間早上去學校睇下，需然多不同國藉學生，但d小朋友其實幾乖！
| 歡迎光臨 教育王國 (/) |
Powered by Discuz! X1.5 |