教育王國
標題: 數學科突然多了careless mistakes [打印本頁]
作者: grandmalolo 時間: 17-3-23 20:27 標題: 數學科突然多了careless mistakes
個女數學科初小成績至小四上測考 維持 95- 100 , 通常錯解錯題, 今年小四下學 ,小測 100分, 84分 (末試過) , (解錯題 + 3 題 careless mistakes) 3月中期考92分(1題解錯 + 3 題 careless mistakes), 有私補。奧數比賽有獎.
有乜解決方案?
作者: 1998Ruby1998 時間: 17-3-23 21:11
奧數比賽攞到獎代表數感唔差，解錯就即係有 concept 未清（要同私補老師講），粗心大意就人人都有，問題多定少。
解決方案好多種，最常見係罰錢，如果小朋友有零用錢的話，一個 careless 罰 ＄1 （平日私補老師提供嘅練習都要罰），考試測驗一個罰＄5，罰得多就會更小心。我數感差，又粗心大意，以前係補習中心罰左兩年先可以完全冇 careless。
作者: siden 時間: 17-3-23 21:47
我覺得佢已經叻過好多人。
作者: happy105 時間: 17-3-24 08:25
1998Ruby1998 發表於 17-3-23 21:11 
奧數比賽攞到獎代表數感唔差，解錯就即係有 concept 未清（要同私補老師講），粗心大意就人人都有，問題多 ...
真係work! 返工如果一唔小心老闆就扣糧咪好大壓力。有時做錯自己都唔想！不過你有成功例子可能方法對岩人就ok
其實樓主個小隨朋友已經好叻，不過高小啲野真係深啲! 解釋多幾次比佢知應該無問題
作者: 1998Ruby1998 時間: 17-3-24 08:59
回覆 happy105 的帖子
當然啦，個個人都唔同，但係總有一個方法去解決。不過罰錢呢個最多人受用，效果都比較易見。感覺同遵守校規相似，做得好就冇事開開心心，犯規就一定罰。罰過就長記性，下次避免。
我都覺得樓主女女數學好好，我高小最高分都係得 96，平日有 80 以上就收貨。 
只要小心睇題目，畀多幾條同樣性質嘅題目去參考，等佢摸熟題目字眼、關鍵位同埋陷阱就應該 ok。可能做卷心急，check 卷可能只係睇兩眼，冇一題一題咁當自己再做多次咁睇。
作者: 小曳人 時間: 17-3-24 10:57
唔駛咁緊張，我個上次測驗80分添！
明知佢識，但就係錯埋d傻嘢，叫極check 卷都係時好時壞，我已"放棄"
基本上我唔會再理佢數學搞d乜，80分攞嚟笑佢：成個數學校隊，睇怕都未試過有人測考得80分咁低！
作者: grandmalolo 時間: 17-3-24 11:12
回覆 1998Ruby1998 的帖子
四下第一次小test 100分,、, 2個topics, 第二次小test, 插水至84, 因1題careless已失8分。吾知會不會有了失誤後，她已不開心，我數差，平日靠補習和自己上堂留心，所以3月考都是只有92, 末知最高的，又是careless mistakes,上學期最高是她，考有100分,不小心好像受了一次打擊陸續發出來。她要挽回對數的自信心！
作者: 小曳人 時間: 17-3-24 12:21
家長，睇嚟你要開導佢情緒，而唔係處理數學分數嘅問題喎~
阿女有完美主義傾向？！
平時無輸嘅經歷？！
小心~小心~
作者: retriever 時間: 17-3-24 12:25
小曳人 發表於 17-3-24 10:57
唔駛咁緊張，我個上次測驗80分添！
明知佢識，但就係錯埋d傻嘢，叫極check 卷都係時好時壞，我已"放棄"
基 ...
可能你化左，從小到大一般仔會較大意。
樓主果個係女，未必接受到“不小心”
作者: Jane1983 時間: 17-3-24 12:38
我女數學一向好好，小一小二次次測考都係～100分或者錯一題。今年小三，第一次測驗又係大失手，得八十幾分，但份卷有同學100分的，即時唔太深。考試去番96，但平均分已拉低好多。
佢既原因係佢地學生年年大兜亂，佢的best friend去咗隔離班，未搵到啱玩的人，而一個佢好憎的男同學，又坐佢斜對面，所以日日蚊蚊憎憎，唔得集中卦。
作者: 小曳人 時間: 17-3-24 12:50
retriever 發表於 17-3-24 12:25
可能你化左，從小到大一般仔會較大意。
樓主果個係女，未必接受到“不小心”
但如果小朋友太在意得失，會唔會因果有外在因素？
要佢地唔會輸唔起，首先家長一定唔太在意得失
依家d細路太玻璃心，如果跌低能夠企返起身，當然好啦！但如果個個都要佢企，反而會有壓力！
壓力太大，小心....
真心怕佢生命當中會有其他失意，到時就知數學幾多分真係微不足道.... 記住，佢係識嘅！咁已經好夠
作者: 小曳人 時間: 17-3-24 12:54
搞清楚，係阿女想揾人幫佢解決呢個問題：唔小心，低分
定係家長心痛，阿女自信心減弱，所以好想幫佢解決問題！呢度要好有技巧，做唔好，壓力仲大，自信心打擊更大！(阿媽已經教我點點點，我都仲咁...)
作者: bobbob 時間: 17-3-24 13:01
retriever 發表於 17-3-24 12:25
可能你化左，從小到大一般仔會較大意。
樓主果個係女，未必接受到“不小心”
我仔前次測驗攞8x分，當堂喊咗出嚟，我話抵佢，跟住2次小心啲又攞滿分，佢仲話唔明點解當初咁激動，其實都係好小事。
作者: 小曳人 時間: 17-3-24 13:07
bobbob 發表於 17-3-24 13:01
唔通男仔女仔真係咁唔同？
我仔前次測驗攞8x分，當堂喊咗出嚟，我話抵佢，跟住2次小心啲又攞滿分，佢仲話唔 ...
作者: JustAParent 時間: 17-3-24 13:41
grandmalolo 發表於 17-3-24 11:12
回覆 1998Ruby1998 的帖子
四下第一次小test 100分,、, 2個topics, 第二次小test, 插水至84, 因1題carele ...
我希望你明白一件事， 數學， 只有對或錯，沒有所謂careless mistakes。 如果你給小朋友無限時間， 所謂的"careless mistakes" 基本上都會消失。 這樣只反映一件事， 你小朋友對有關topic未夠熟練， 時間緊迫下可能估，可能撞，亦可能skip了某些平時會做的steps等等。
我從來不建議小學生不斷操練操到完美100分。 最後的10分8分，小朋友可能就要用多幾倍力去練習去爭取。值唔值得？就見仁見智了。 不過，有一件事我可以肯定，叫小朋友"小心啲" / "睇清楚啲" 係冇用既。
作者: grandmalolo 時間: 17-3-24 13:42
回覆 小曳人 的帖子
她不聰明但好努力讀書，老師話佢好留心聽課，想付出便有成果，青春期早熟好敏感，我要上班，小二巳開始平曰做功課，各科小測默書，自己温(佔少少)，大考先幫她。現在我也要調節心情同她面對！……當呈分前一個考验！😥
3年级試玩比赛，無學，買書做，今天校隊有免費training,可能怕被學校從校隊抽出她。
作者: October. 時間: 17-3-24 16:58
JustAParent 發表於 17-3-24 13:41
我希望你明白一件事， 數學， 只有對或錯，沒有所謂careless mistakes。 如果你給小朋友無限時間， 所謂的 ...
樓主小朋友只是缺乏每次皆取100分的能力, 分數已經不錯了, 有必要次次都100分嗎?
作者: 1998Ruby1998 時間: 17-3-24 17:20
回覆 JustAParent 的帖子
我都聽過呢個說法，不過我就有少少保留。因為我係 careless mistake 嘅高手。漏單位、加減號同埋數字排序調轉（但係最尾答案係計正確，係我寫錯）、計「大數」漏左／多左一個 0。我做卷好慢好淡定，最尾都有時間剩同埋每做一題都 check 同埋大 check，不過 check 卷又係眼大睇過龍果隻。我又唔屬於時間緊迫之下估，呢 d 真係 careless 到激死阿媽。 好似你咁講，畀足夠時間同埋多d 練習，會減少好多呢 d 問題。
不過樓主女女應該唔係我果種 careless，係時間緊迫，趕做下一題，check 卷又唔夠仔細。
不過如果樓主都話女女有機會係怕奧數隊下年冇佢份，可能佢自信心係數學呢方面建立。呢個現象好常見都好正常，如果畀多少少心機落操數，攞到最後的 10 分 8 分可以令佢開心有自信而佢又唔怕操唔怕辛苦，我覺得係值得。同意講「睇清楚 d」同「小心 d」係冇用，阿媽日日講，我照樣錯。
作者: 1998Ruby1998 時間: 17-3-24 17:31
回覆 grandmalolo 的帖子
我明白果種想每次都做到最好、完美果種想法，尤其係數學，攞到 100 分果種征服感好大！我有個朋友係呢種人，攞唔到滿分／高分會好嬲好不滿（因為上到中學之後唔係咁多科可以攞滿分），所以佢會好專心聽書，功課備課做足曬（佢又冇咩操練），所以年年都全級考頭 20。
不過你同女女考試前（依家未考試，就可以試下），每次一坐低溫書深呼吸一大啖，大聲同自己講「我有信心做到最好」，臨考試果陣都可以試。呢 d 睇落好奇怪，但係可以舒緩到壓力同埋令自己有能量同自信去做。呢個我朋友次次考試溫書都咁做，自己試過，都感覺良好。
作者: Jane1983 時間: 17-3-24 17:31
我女果次的careless mistake係題目話750，佢當700咁减，佢計得正确但無用。又有計好答案，但抄落去抄錯，如3085，佢抄咗3805。好彩都係一次痴綫。
作者: bobbob 時間: 17-3-24 18:21
1998Ruby1998 發表於 17-3-24 17:20
回覆 JustAParent 的帖子
我都聽過呢個說法，不過我就有少少保留。因為我係 careless mistake 嘅高手。漏 ...
電腦就話唔會計錯數啫（其實上代電腦有機會計錯數），人腦受內外環境影響（e.g. 唔夠瞓無精神環境嘈雜等等），總有機會出錯，點可能唔會『不小心』？
作者: 洋蔥頭媽咪 時間: 17-3-24 23:15
本帖最後由 洋蔥頭媽咪 於 17-3-24 23:28 編輯
個人覺得數學好講天份，小學若要操數/補習才能取得好成績嘅小朋友其實數感並不算太強/太穩定，因我識唔少數叻嘅小朋友小學考數都唔會溫習，唔會操。所以我亦讚同樓上家長所講，數學成績唔穩定通常同基本工/能力有關，粗心只會佔極少極少部分。
初小同高小唔同，高小數開始會進入較深層次，重思考，若理解力弱或基本工不夠穩，題目轉個彎去問小朋友已經唔識答，不小心錯其實只佔很少。
作者: karen55407 時間: 17-3-24 23:44
grandmalolo 發表於 17-3-23 20:27
個女數學科初小成績至小四上測考 維持 95- 100 , 通常錯解錯題, 今年小四下學 ,小測 100分, 84分 (末試 ...
別為了幾分就耿耿於懷，始終越高級就會越深。可以陪小朋友一起做練習，當佢睇題目唔小心或解錯題可即時紛正。
作者: 1998Ruby1998 時間: 17-3-25 07:51
回覆 Jane1983 的帖子
好彩你女女只係癡線一次，希望以後都醒醒定定做題目。
我填充同選擇題試過大穫野，填錯隔離＋跳題目，所以察覺唔到有漏，結果冇曬 30 分，仲要呢個問題我重蹈覆轍到中一都有（所以果年數學唔合格因為選擇題 40 題，我第六題開始錯）
補習老師都話白車唔夠用，幫佢 call 定黑箱車，死左都畀我激返生。所以我唔係唔識做同埋冇能力，我係懵到上心口，粗心大意。不過應該好少學生好似我咁懵。(反面教材，切勿模仿)
作者: 瑩希媽媽 時間: 17-3-25 09:33
洋蔥頭媽咪 發表於 17-3-24 23:15
個人覺得數學好講天份，小學若要操數/補習才能取得好成績嘅小朋友其實數感並不算太強/太穩定，因我識唔少數 ...
我個小朋友計錯數，寫錯字，應用題抄錯數字，真可可以無左好多分，有時考試同狀態也有關，平時好地地的，竟然考試犯呢D錯，仲要上到高小先系咁，無奈
作者: 洋蔥頭媽咪 時間: 17-3-25 10:10
瑩希媽媽 發表於 17-3-25 09:33
我個小朋友計錯數，寫錯字，應用題抄錯數字，真可可以無左好多分，有時考試同狀態也有關，平時好地地的， ...
作者: Jane1983 時間: 17-3-25 10:15
回覆 1998Ruby1998 的帖子
真係比你嚇親，30分！
不過想通咗，最緊要係佢識唔識，分數可以追番。跌咗，佢心理上頂唔得住，會唔會有信心下次做番好。這個經歷對我、對佢都有意義。
作者: 瑩希媽媽 時間: 17-3-25 10:27
洋蔥頭媽咪 發表於 17-3-25 10:10
講真初小數學因粗心大意而失分都屬正常，但越高年級數學失分就不一定關粗心事，思考能力佔很大因素，數理強 ...
初小好細心，好少失分，4年級考幾次都高分，系上到5年級竟然連續幾次應用題抄錯數字，補習社老師話佢犯低級錯誤，系補習社操卷又次次高分，但一考試，佢話特別緊張，好驚做得吾好
作者: 瑩希媽媽 時間: 17-3-25 10:54
洋蔥頭媽咪 發表於 17-3-25 10:10
講真初小數學因粗心大意而失分都屬正常，但越高年級數學失分就不一定關粗心事，思考能力佔很大因素，數理強 ...
佢五年以來試過兩次七十幾分，我吾知算吾算大起大落，見到試卷好簡單的題目就錯，反而深果D吾會錯，但自從幾次系咁，佢好像有挫敗感，佢自尊心好重，佢話考數學時特別緊張，我覺得佢越緊張越出錯，感覺她失去自信，已經成日鼓勵佢，補習老師都成曰鼓勵佢的，6月呈分，真系好擔心，但又不敢系佢面前表現自己好擔心
作者: miujoey 時間: 17-3-25 11:02
數學測驗卷返來得72分, 再看看錯的全部是大意, 教訓了他幾句,但幾惡, 我囡都哭了, 跟朋友呻, 朋友只問我: 佢溫書努力嗎 ? 我答:好合作,努力
朋友問 : 平時學習的都明白嗎 ? 我答:都明白
之後朋友就開始鬧我, 你有無攪錯, 你個囡都唔想,佢得一年級,大意看錯題好平常, 佢需要是你鼓勵, 唔係鬧, 你咁對件事無幫助,分數唔代表什麼, 最緊要佢唔係唔識, 學習態度好最重要, 考試技巧慢慢可以進步, ..... 你返去同個囡講對唔住啊你.
真係俾佢鬧完清醒曬,共勉之
作者: greentea000 時間: 17-3-25 11:11
回覆 miujoey 的帖子
如果相反，佢考高分，不過唔合作，懶洋洋。
你點處理？你開心嗎？
作者: 洋蔥頭媽咪 時間: 17-3-25 11:18
瑩希媽媽 發表於 17-3-25 10:54
佢五年以來試過兩次七十幾分，我吾知算吾算大起大落，見到試卷好簡單的題目就錯，反而深果D吾會錯，但自從 ...
作者: 瑩希媽媽 時間: 17-3-25 11:21
洋蔥頭媽咪 發表於 17-3-25 11:18
放鬆啲啦，家長表現出擔心小朋友就會好緊張，呈分試或多或少小朋友都會有壓力，叫佢盡力就可以了。加油 :fo ...
我明白啊，所以在她面前又不敢問或責怪她，始終咁大個，佢自己心里應該有壓力，現在成日講盡力就好，但其實自己心裏超擔心
作者: 洋蔥頭媽咪 時間: 17-3-25 11:27
miujoey 發表於 17-3-25 11:02
數學測驗卷返來得72分, 再看看錯的全部是大意, 教訓了他幾句,但幾惡, 我囡都哭了, 跟朋友呻, 朋友只問我: ...
作者: grandmalolo 時間: 17-3-25 14:06
回覆 洋蔥頭媽咪 的帖子
同你一樣心情，仰壓自己的心情,以免影響個女，話和鬧也不敢，自己好失望及無奈。
作者: 山海兒女 時間: 17-3-25 20:31
本帖最後由 山海兒女 於 17-3-28 16:14 編輯
好同意小曳人講，你小朋友需要心理輔導多D。
作者: 山海兒女 時間: 17-3-25 22:44
本帖最後由 山海兒女 於 17-3-28 16:14 編輯
Del
作者: retriever 時間: 17-3-26 10:00
miujoey 發表於 17-3-25 11:02
數學測驗卷返來得72分, 再看看錯的全部是大意, 教訓了他幾句,但幾惡, 我囡都哭了, 跟朋友呻, 朋友只問我: ...
態度OK， 分數閃失，家長要包容下。
作者: notcool 時間: 17-3-26 10:21
Learning how to reduce careless mistakes is also important. It is also sort of exam technique.
Preparation - Practice makes perfect and allows more time to check
Concentration - learn to focus on key words/phrases of the questions
Checking - reverse checking. Is the answer really right
It takes time and effort for above.
作者: manmanchubb 時間: 17-3-30 00:17
回覆 JustAParent 的帖子
咁最後你除了多做練習，還有沒有方法？我囝較多呢方面careless,thx
作者: 1998Ruby1998 時間: 17-3-30 00:43
回覆 manmanchubb 的帖子
咁要睇下你囝囝係自己定力唔夠心散，定係真係有需要。
通常做多左練習會見到出卷嘅規律，減少左重蹈覆轍嘅機會。除左呢樣，就係「罰」，例如扣零用錢、扣玩嘅鐘數，要畀佢明白犯 careless mistakes 同犯校規一樣，犯左就要罰，做得好就大家開心冇事發生。透過「扣減自由」呢樣野等佢警覺，每次做卷都要小心。就好似打工咁，做得好係本分，做得唔好老闆扣人工同燉冬菇，你都會警醒 d，做野生生性性。
作者: 1234ats 時間: 17-3-30 09:52
不小心出錯人之常情，孩子年纪越小做事越難專心，免不了出錯。隨著年紀漸長，不小心出錯自然減少。
如果不是呈分試，普通測驗考試其實分數低沒什麼大不了，最大負面影響還是心理或面子問題，太著緊分數反而會帶來不必要壓力。
計數不小心出錯，可能有不同原因。用賞罰方法可以解決態度問題。但如果是由於能力問題，則需要多些耐性慢慢訓練改善。
操數對減少錯誤會有幫助。運算越熟練負擔越小，計數越輕鬆，不小心出錯機會越低。
操數其中很重要一環的是建立良好習慣，包括坐姿字體計算次序與及穩定節奏等等。良好的運算節奏保證適當的專注度，較容易避免因為覺得題目容易而導致不小心出錯現象。
小兒有專注問題所以經常會出錯，有些運算我會要求他一定要按固定次序。以下是一些例子：
-分數一定要先寫中間一劃，然後才寫（或計）分母，最後才處理分子。
-開括弧後必須寫至刪括弧後才可停頓。
-列式之後一定要第一時間寫等號才開始思考下一步。
-做好當下每一步。想清楚才落筆，盡量減少用擦膠。
-抄寫時專注抄寫，不要心急考慮下一步。運算時筆不能停頓超過兩秒，譬如心算兩位加數，兩秒寫個位答案，兩秒寫十位。如果兩秒寫不到，便要立刻在草稿寫直式計算，總之務求如果不牽涉推理，整個運算過程要在穩定節奏下進行，不緩不急。
-專注但心態平和輕鬆，不要考慮壓力。
以上這些方法對小兒幫助很大，但他有些壞習慣還是花了很久才能改善。
計數有些像煮餸，大廚煮餸都有固定流程習慣，極少出錯。
良好運算習慣到中學時更為重要。
作者: IloveJJ 時間: 17-3-30 10:55
提示: 作者被禁止或刪除 內容自動屏蔽
作者: LODAVID 時間: 17-3-30 11:14
回覆 1234ats 的帖子
多謝分享方法, 受用
作者: greentea000 時間: 17-3-30 12:08
回覆 IloveJJ 的帖子
你仔學校無執行能力訓練？
我見親戚仔女大部分學校都有，大約係兩個半日時間。內容集中返學習日程/功課安排，温習策略，文件/物品整理之類，上完呢個活動就少勞氣好多啦!
作者: IloveJJ 時間: 17-3-30 13:06
提示: 作者被禁止或刪除 內容自動屏蔽
作者: 1234ats 時間: 17-3-30 14:34
本帖最後由 1234ats 於 17-3-30 14:43 編輯
IloveJJ
小兒有很多學障問題，不只影響讀書，還影響他生活方方面面，我相信其中很多問題都會伴隨他一生，作為家長，只能積極面對，用盡各種方法把影響減到最低。至今他的問題基本都有大幅改善。至於考試測驗因專注問題而導致失分至今仍未完全解決，各科測考平均都有十分八分不小心錯誤，還要繼續想辦法。不過相比起以前進步還是蠻大的。他讀Band 2中學，縱然他有這些問題，他數學成績全級數一數二，他自己還是頗自信。一路以來我不時與他研究改善方法。
以前他計容易的題目經常掉以輕心出錯。我首先要他減慢整體計算速度，包括寫字速度。而且每一步做完都要停一兩秒，一定要看完題目思考清楚才可動筆（在家做功課題目一定要讀出聲），神態要認真但輕鬆，不能有急躁或煩厭感覺，目的是改變他的習慣。節奏要控制好，即無論簡單或繁複的題目都應以同一心態和速度處理。看到效果之後，才慢慢加快。
他的問題有些訓練幾天便看到效果，有些以年計緩慢改善，因為保持恆常訓練，各方面改善都是非常明顯。
我兒子就是沒條理和執行能力，他語言表達能力也非常差。小學時老師說他有入無出，就是說他懂很多但表達不出來。
我覺得小兒上述問題是因為缺乏組織能力而導致。這問題也要花非常多時間精力訓練。譬如他書包亂七八糟，因為他覺得執書包很困難，不知從何入手。
開始訓練時我每個週末起碼花30分鐘示範執拾書包，一般我做得很慢，並向他解釋我每做一步的原因，讓他知道我的想法。幾個星期之後才讓他自己動手。最初他做得很混亂，故此首先要他保證每天只需整理好英文科file。一兩星期後待他覺得熟練沒困難才逐漸加難度。
其實我訓練他無論讀書或其他能力都抱著同一態度，就是從最容易最簡單開始，首先讓他自己覺得不困難不抗拒，只要能持之以恆訓練，自然慢慢進步。
子女成長，恆心與耐心尤為重要。
作者: greentea000 時間: 17-3-30 14:48
回覆 IloveJJ 的帖子
有D學校叫井井有條計劃，內容差唔多。
半日係全校學生禮堂聽講座，有老師主講，又有社工主講，更有邀請社福機構合辦。
另半日係返自己班房玩實習，抽籤決定做咩，例如去圖書角整理圖書、做溫習時間表、模擬執書包之類。老師會評分，每個學生做3個實習，份評語會俾家長睇，咁家長又可以根據個評分表做其他實習。
個活動非強制，屬於增潤性質，不過無人唔參加。
作者: IloveJJ 時間: 17-3-30 16:50
提示: 作者被禁止或刪除 內容自動屏蔽
作者: JustAParent 時間: 17-3-30 21:33
manmanchubb 發表於 17-3-30 00:17
回覆 JustAParent 的帖子
咁最後你除了多做練習，還有沒有方法？我囝較多呢方面careless,thx ...
練習多做一定有用， 做不同類型不同深度題目絕對可以令家長找出小朋友弱項。
不過，我喜歡做多一項， 時間壓力測試。學校給小朋友的做卷時間，我打個9折8折甚至7折 (適可而止啦)，你會發覺所謂的 "careless mistakes" 會走晒出黎。可能草稿凌亂不堪抄錯答案，可能多位乘數進錯位，又可能m/cm/mm乜單位都唔換算就加減 ... 總之問題一大堆。 小朋友永遠同你講呢Ｄ係唔小心，其實這些本來就是他要改善的基本問題。
作者: IloveJJ 時間: 17-3-30 23:10
提示: 作者被禁止或刪除 內容自動屏蔽
作者: October. 時間: 17-3-30 23:40
經常性地因為唔小心而失去10、8分,我會歸於能力及基本功問題, 真正數理資優既人,佢地都會疏忽,但最多被扣1,2分.
作者: JustAParent 時間: 17-3-30 23:47
IloveJJ 發表於 17-3-30 23:10
即係小朋友知道時間少了，就會做得快啲，跟著就出現呢啲問題?
我覺得如果我仔時間少了，佢只會做唔晒多啲 ...
果真如此, 佢第一件要改善的就是速度.
小學生考數應該預左足夠時間比佢覆卷. 縮大概係縮覆卷時間. 你咪狼死到令佢一大部份做唔晒呀.
作者: IloveJJ 時間: 17-3-30 23:53
提示: 作者被禁止或刪除 內容自動屏蔽
作者: JustAParent 時間: 17-3-31 00:58
IloveJJ 發表於 17-3-30 23:53
係真架!我仔由小一開始，已經經常做唔晒，要勁操先做得晒，今年小四叫好啲，終於可以剩幾分鐘。所以，如果 ...
咁其他同學做唔做得晒？
作者: IloveJJ 時間: 17-3-31 07:18
提示: 作者被禁止或刪除 內容自動屏蔽
作者: 1234ats 時間: 17-3-31 09:17
本帖最後由 1234ats 於 17-4-1 13:04 編輯
October
經常性地因為唔小心而失去10、8分,我會歸於能力及基本功問題, 真正數理資優既人,佢地都會疏忽,但最多被扣1,2分.
--------------------------------
我兒子不單止所有科目都有大意失分情況，平時日常生活也有很多由於專注能力不足所引起的問題。
他小一時問題最嚴重，做功課時視線無法連續停留在功課簿五秒，每個字要分多次才寫完，抄書每行不出錯是奢望，測考不可能做得完，當時根本不需要考慮他是否合格。
相比以前，他現在各方面進步明顯，比起其他科目，數學是他最穩定的一科，一般選擇題比較少錯漏，大意問題主要集中在長題目。
現在最常見的問題是未完全做完題目。譬如題目問A、B兩數那個較大，他花很長篇幅計出AB兩數後，卻忘記寫下哪一個較大。類似問題在文科較為嚴重，經常開始時長篇大論寫得好好的，到最後卻離題。
他不是資優，不過據我判斷，他數學能力偏上，只要能改善專注問題，數學成績自會提升。
作者: little_yolky 時間: 17-3-31 09:29
greentea000 操卷唔好操練習 發表於 1 小時前
請教！操卷唔操練習應該點操?
作者: IloveJJ 時間: 17-3-31 10:05
提示: 作者被禁止或刪除 內容自動屏蔽
作者: greentea000 時間: 17-3-31 10:13
little_yolky 發表於 17-3-31 09:29
greentea000 操卷唔好操練習 發表於 1 小時前
請教！操卷唔操練習應該點操?
操試卷有壓逼感，可以訓練到好多野，例如做邊Ｄ先、點分配時間，又要高度集中精神無得遊魂，通常我要求補習學生(小學)操到比限定時間早10分鐘做完既速度。
作者: IloveJJ 時間: 17-3-31 10:18
提示: 作者被禁止或刪除 內容自動屏蔽
作者: greentea000 時間: 17-3-31 11:04
IloveJJ 發表於 17-3-31 10:18
我唔明，做其他學校既卷，都有用既咩？唔係操返類似自己學校嗰啲咩？
另外，我講練習，係模擬試卷嗰種，係 ...
中二我搬入大埔，新收一批大埔學生。新學生摸底測試，大埔舊墟公立學校試卷俾個黃建常紀念學校既學生做得7x分(本身佢級15內，平均有9字頭)，我問佢阿媽呢20分差距要唔要追，因為佢阿媽目標係聖公會莫壽增會督中學(大埔5間英中最好既)。唔好講而家直私教快教深果Ｄ，以前官津中學分5級，小學都要分3級。以前派位係同區鬥，而家有自行係全港鬥，當然要做幾多同邊個鬥係家長同學生自己衡量。
外面模擬試卷係我未夠學生時買俾佢地做，學生多左之後，一比較之下模擬試卷質素欠佳，操其他學校試卷進步快好多。反正都係操，重量一樣要重質。
作者: IloveJJ 時間: 17-3-31 11:09
提示: 作者被禁止或刪除 內容自動屏蔽
作者: greentea000 時間: 17-3-31 11:20
IloveJJ 發表於 17-3-31 11:09
明白了！即是操了其他學校的卷，不只在自己學校成績更好，亦更能應付不同類型題目。對嗎？
謝謝!
...
作者: IloveJJ 時間: 17-3-31 11:27
提示: 作者被禁止或刪除 內容自動屏蔽
作者: greentea000 時間: 17-3-31 11:32
回覆 IloveJJ 的帖子
無奈考試有限時，更無奈考試成績有記錄，最無奈間間學校睇成績。
作者: YanKanMom 時間: 17-3-31 11:53
本帖最後由 YanKanMom 於 17-3-31 11:53 編輯
IloveJJ 發表於 17-3-31 11:27
係既。
不過坦白講，我唔喜歡操數，我覺得操，就係將思考過程變成唔需要思考。
因為我覺得我仔只係慢，但 ...
我猜我們兩個阿囝都是那種數感較弱，邏輯較強的人。但你囝比較聽話，肯配合考前操練，我那個很討厭操練的，幸好他學校學科中數學科的功課及測驗是最頻密的，故相對地迫他多做些數。
作者: IloveJJ 時間: 17-3-31 12:00
提示: 作者被禁止或刪除 內容自動屏蔽
作者: greentea000 時間: 17-3-31 12:13
其實學校既功課+工作紙、屋企既操練習+模擬試卷加埋已經有一定數量，操練習+模擬試卷用操其他學校試卷並唔會增加幾多負擔。
作者: YanKanMom 時間: 17-3-31 12:17
IloveJJ 發表於 17-3-31 12:00
對呀！的確是數感好弱，邏輯好強。你仔讀一條龍學校，可不必理會呢啲問題，我係要考慮自行，先要顧及操行 ...
作者: 1234ats 時間: 17-3-31 15:35
本帖最後由 1234ats 於 17-3-31 16:03 編輯
一般學生做功課或考試測驗都是自己獨立完成，老師只從結果分數來評估學生能力，並不清楚學生計算過程。其實過程非常重要，如果仔細留意學生計數過程，從中可以分析清楚他的能力與各樣問題根源。
操數是其中一種鍛煉方法，效果因人而異。操數如果只考慮分數有機會導致學生習慣機械反應而不懂分析，小學可能成績很好，問題到高中才顯現。
能力好的學生操完數後自己懂得分析及總結經驗，操數後數學能力有所提升。但更多學生沒有這種動力與習慣，操數只著重運算而忽略明白概念及推理分析，到年級越高時內容越複雜，最後怎麼操練能力都沒法提升，分數上不去，導致越來越辛苦壓力越大。
簡單憑操卷的結果來評定學生數學水平不一定準確，要更準確評估計數速度是要根據學生能力相對於每題數的深淺或複雜程度來衡量。一份卷中題目有難有易，如果有跟進學生操卷過程，便可知他的時間花在哪裡，哪裡有提升空間。教導學生，先要了解學生能力，才能事半功倍。
譬如全卷都是同一類題目，假設計算每題數有四個步驟，學生在計算其中一個步驟特別慢，只要改善這一步驟的速度以後計算同樣題目便會節省時間。
又或者卷中題目有深有淺，如學生大部分題目都做得很理想，但其中有幾題有些困難，導致花了大量時間或計錯，便要教導他如何處理好類似題目。
學生明白之後，還要跟進，久不久抽問他以前有困難的東西，確保他有適當的反應。只要他對各類數的步驟有良好的反應之後，操卷才會輕鬆。
計數需要時間，其中包括思考時間與書寫時間，到高小以後，大部分學生如果運算慢是慢在思考。訓練運算反應其實有很多時候不需用筆。譬如一看假分數便知道一定大過1，或者一看算式就知道先乘除後加減。又如看見a+b=c, 腦海中馬上呈現c-a=b 和c-b=a，三條式其實都是一樣。訓練這些基本反應不需操卷，平時得閒隨便花幾分鐘訓練便可，孩子不會辛苦，也沒有什麼壓力。
每題數考一些東西，學生做錯或做得慢有其原因，明白個中原因，搞清每個概念，優化每個步驟，掌握好之後，計數自然水到渠成，不需不停操卷。省下時間，讓孩子多習慣思考推理邏輯。
作者: October. 時間: 17-3-31 16:15
1234ats 發表於 17-3-31 09:17
現在最常見的問題是未完全做完題目。譬如題目問A、B兩數那個較大，他花很長篇幅計出AB兩數後，卻忘記寫下哪一個較大。類似問題在文科較為嚴重，經常開始時長篇大論寫得好好的，到最後卻離題。
不過, 我覺得數學強既學生不一樣,他們對數學非常敏銳, 反應快而準. 我女數感麻麻, 中學時有次補習社練習唔識做, 我見住佢電話問佢一個數理勁既同學, 一邊讀完題目一邊人地就已經講個列式俾佢聽, 佢呢位同學DSE 數/物理/生物/M2 全部 5**, 而且12年中小學未補過習.
作者: 1234ats 時間: 17-3-31 21:50
October
數理科著重理解，如果掌握方法，學習起來不困難。如有適當訓練，看題目時可以瞬間從每一句話中獲取相關資料有助解題，這些感覺就如看見3+5自然知道等於8。掌握些基本反應，數感和自信自會提升，學習變得容易。
不是說每個學生數學都可以有卓越成績，不過我認為若有適當訓練，如果不是學障，只要態度認真不抗拒，不需要大量操練，小學課程個個都能輕鬆掌握，中學生DSE也可以取得中上成績。
作者: October. 時間: 17-3-31 22:13
1234ats 發表於 17-3-31 21:50
October
.中學生DSE也可以取得中上成績。
作者: 1998Ruby1998 時間: 17-4-1 01:26
本帖最後由 1998Ruby1998 於 17-4-1 01:27 編輯
回覆 IloveJJ 的帖子
我中學數學補習個導師都係畀其他學校卷我地做，一來多練習見下「世面」，摸下唔同題型有咩陷阱有咩巧妙，二來學校老師有時候好陰濕／新老師過檔，會出唔同風格嘅問題，做唔慣就一鋪清袋。我中學數學老師最鍾意咁做，次次都唔同題型（係陰濕＋長命少分題）玩謝班學生。
例如我平日學校卷做大約 70%，銀禧中學就個個同學都至少 90%，DBS 就 60%－70%，St. Paul Co-ed 就大約 80%，La Salle 我得 50%，間間感覺好唔同。如果係 concept 清的話，做咩風格題目都得（就好似如果中英文好的話，作文無論作議論文、抒情文定係記敘文都一定冇問題），做其他學校卷好容易就睇得出一個學生有幾多根兩，同埋學校卷老師一定會派答案，雖然選擇題未必有解釋，但係後面文字題一定有 full step，唔需要額外計答案，自己溫書都得。
出面坊間 d 練習係唔同感覺，好多都係一篇一篇，或者一個一個課題，一本練習可能得一兩個 General Test，如果其中一個課題做得唔好，好容易訓身入去操而唔記得都需要兼顧其他課題。加上，坊間練習未必係老師出，質素冇保證。
我都唔鍾意操，有幾個課題我因為蠢嘅關係用左個慢方法去左，但係考試時間緊迫，如果操練可以提升效率，不妨一試，我覺得如果我操練完之後做卷可以第一時間搵到個快方法，我會仲開心。如果有時間剩，咪返去用自己個慢方法去「玩」。
| 歡迎光臨 教育王國 (/) |
Powered by Discuz! X1.5 |