教育王國

標題: CPDA LCK(嬲爆經歷） [打印本頁]

作者: Tzekiu 時間: 17-3-21 23:38 標題: CPDA LCK(嬲爆經歷）

第一：第一個老師麻麻，詳情不說了，上了3堂要求轉班轉老師

第二：今天是轉了新班第一堂，老師感覺上幾好，但係有一個小朋友無故打我仔仔，第一次輕輕打了2下，我無出聲，打人的家長有勸阻，但無教小朋友要道歉，第二次我火都黎埋，我仔好專心地聽故事中，個位小朋友突然好大力拍我小朋友後腦一下，我仔馬上大喊，我今次有出聲：做咩事呀你，甘大力打人，打人家長有勸阻，但依舊無身教小朋友要道歉，小朋友也無悔意，我馬上幫我仔搬位，全程及到實，吾希望佢地再接觸，事後同中心投訴，我都未講名，佢地已經知係邊位，話呢位小朋友之前都有打人記錄，話會改進。好講真我都想知點改進，個呀媽連身教都吾識，道歉都無，只係抱住個小朋友勸，有咩用？有用就吾會打我仔第二次，如果佢有教小朋友道歉我會原諒，但連基本禮貌都無真令人火滾。我真係吾明有d家長點解連基本既禮貌都吾教個小朋友，我真係好嬲個仔無啦啦比人打，如果再有第三次，我驚我會按奈吾住直接開火。

我覺得我仔係cpda真係多災多難，一係老師吾好，一係被小朋友打。剩下5堂好心灰好想吾反算。

作者: vpo0615 時間: 17-3-22 17:22

仲有無得轉堂?

作者: yeemchiu2 時間: 17-3-25 00:24

Tzekiu 發表於 17-3-21 23:38
第一：第一個老師麻麻，詳情不說了，上了3堂要求轉班轉老師

第二：今天是轉了新班第一堂，老師感覺上幾好 ...

本帖最後由 yeemchiu2 於 17-3-25 00:24 編輯

之前，我的小朋友都有試過被playgroup 同學拍打。

打人的小朋友及其家長，我就不評論喇，家家有本難唸的經，或者本身小朋友同家長都有自己的難處。但打人的行為，就點都唔啱。

我都感受過樓主的感覺，係絕對嬲爆的。我會睇返小朋友被打後有的咩反應，有冇比平時特別唔開心，比較容易有情緒等等。我果時有同老師講返小朋友被打後的情況及反應，對方學校又明白情況，所以主動退回餘下未上課堂的學費。

至於仲繼唔繼續返，咁就2睇。有的主張係鼓勵小朋友「係邊度跌倒就係邊度企返起身」，小朋友要去返上堂的環境，去令小朋友明白，自己被打1次，係唔使怕怕的，因為係个位小朋友唔啱，你今次都冇俾人打喇。但這个方法係極需要老師，家長自己（自己看到實，對方一出手就要抱開自己小朋友，或直接幫自己小朋友擋）及對方家長的配合（例如：打人小朋友的家長都要stop得切佢的小朋友）。因為，如果小朋友再次被打，對小朋友的傷害更大。

當時，我選擇了退出，原因係對老師已經冇信心。

作者: Tzekiu 時間: 17-3-25 05:06

yeemchiu2 發表於 17-3-25 00:24
本帖最後由 yeemchiu2 於 17-3-25 00:24 編輯

之前，我的小朋友都有試過被playgroup 同學拍打。

我都選擇退出，佢又無咩特別吾開心，只係當時嚇親爆喊，不過小朋友太細未識保護自己，我自己都吾想上堂搞到甘緊張看牛甘

作者: yeemchiu2 時間: 17-3-25 13:50

Tzekiu 發表於 17-3-25 05:06
我都選擇退出，佢又無咩特別吾開心，只係當時嚇親爆喊，不過小朋友太細未識保護自己，我自己都吾想上堂搞 ...

都係既。返playgroup ，大人都要enjoy ，小朋友先至玩得開心。佢地feel 到大人的感受。

作者: MiffyMo 時間: 17-3-26 14:11

提示: 作者被禁止或刪除內容自動屏蔽

作者: rickdom6 時間: 17-3-27 16:13

樓主, 不要嬲... 不要嬲... 完全明白你感受...

呢個世界咩人都有... 有D大人跟本覺得小朋友打另一小朋友/別人都冇唔啱, 冇刑責, 報警都冇用... 當自己唔好彩啦.

作者: Tzekiu 時間: 17-3-28 09:52

rickdom6 發表於 17-3-27 16:13
樓主, 不要嬲... 不要嬲... 完全明白你感受...

呢個世界咩人都有... 有D大人跟本覺得小朋友打另一小朋友/ ...

可能好多家長都吾識處理呢d情況又或者吾出聲算，但我吾會啞忍，第二次我出得聲，有第三次的話我會直接鬧你呢個呀媽點教仔

作者: wing_man_wing 時間: 17-3-30 13:34

提示: 作者被禁止或刪除內容自動屏蔽

歡迎光臨教育王國 (/)