教育王國

標題: 屯門中學的派位問題 [打印本頁]

作者: hihi1328 時間: 17-3-21 09:12 標題: 屯門中學的派位問題

我的小朋友是5年級,今年9月6年級了,住屯門翠寧在大興的保良局莊啟程第二小學讀書,一直成績都不是太理想4科主科只有數常合格,中英都唔合格...想問如果想幫小朋友安排中學應該點做好???而家係咪已經要部署定??如何部署???初為人父好多野唔太識,求指教!

作者: sammag 時間: 17-3-21 09:21 標題: 引用：我的小朋友是5年級,今年9月6年級了,住屯門

原帖由 hihi1328 於 17-03-21 發表
我的小朋友是5年級,今年9月6年級了,住屯門翠寧在大興的保良局莊啟程第二小學讀書,一直成績都不是太理想4科 ...

應該盡快搵人幫佢惡補中文英文，呈一將近，多得幾分得幾分。

作者: oiyau2005 時間: 17-3-21 09:24 標題: 引用：我的小朋友是5年級,今年9月6年級了,住屯門

原帖由 hihi1328 於 17-03-21 發表
我的小朋友是5年級,今年9月6年級了,住屯門翠寧在大興的保良局莊啟程第二小學讀書,一直成績都不是太理想4科 ...

第一次呈分未考，首先要考好每一次呈分，中英唔合格有冇試下補習？仲有幾個月先考，可以追。
我知要上band 1成績係好難，但起碼上band 2，㨂間校風較好嘅band 2。

作者: hihi1328 時間: 17-3-21 10:05

英文星期六已經補緊了,因為佢唔太追得上,所以星期六既溫習班係溫小四既基礎野,至於中文我假期都有同佢溫閱讀理解,但因為星期一至五佢都有上功課補習班,每日都要做成2個幾鐘先搞惦功課,平日真係無乜時間溫書....
其實我自己打定輸數,就算而家努力谷佢都唔會追好多,應該中英都係唔合格....
所以我想知道佢如果而家咁既成績屯門區有無可能搵到間唔會太多不良少年功課量適中既中學?唔駛一定好勁好叻既中學既...比佢讀到佢都辛苦,同埋想知係唔係而家要開始部署

作者: oiyau2005 時間: 17-3-21 11:00

hihi1328 發表於 17-3-21 10:05
英文星期六已經補緊了,因為佢唔太追得上,所以星期六既溫習班係溫小四既基礎野,至於中文我假期都有同佢溫閱 ...

其實應該今年年初去睇啱小朋友Banding嘅中學開放日, 因為出年睇可能睇唔晒. 咁而家嘅部署只係考好試,
瞭解升中派位點玩法. 睇返自己小學今年咩成績學生派邊D學校, 有時間可以去中學附近睇下D學生點. 唔熟屯門學校呢方面幫你唔到.

作者: yuyumon 時間: 17-3-21 16:11

hihi1328 發表於 17-3-21 09:12
我的小朋友是5年級,今年9月6年級了,住屯門翠寧在大興的保良局莊啟程第二小學讀書,一直成績都不是太理想4科 ...

中文,英文要搵私補,單對單,因為,得番2個月時間咋! p.5 呢次考試係呈一,相當重要的.
自行睇呈一,呈二成績.
你小朋友操行如何? 呢點都緊要.
你小朋友之前考級幾? 知道學校過往派位成績嗎?

作者: RICH126 時間: 17-3-21 18:01

聽聞保良局莊啟程第二小學D 課程係比較深,是?

作者: lskyuki 時間: 17-3-23 17:02

我又係仔，又係英文唔合格，我都煩緊

作者: Mat_Dad 時間: 17-3-23 19:44 標題: 回覆樓主:

中英要追這個當然，但語文要時間，我覺得你要將目標放在區內校風好的band 2，莊小雖然課程較深，但相信上返band 1 機會較微，屯門又少band 1中學。學校簡介會開放日都過了時，小六再看吧，現在多留意附近中學的學生，找一些校風好的。(P.S.我是舊生，希望學弟派到好學校)

作者: Cuteyu 時間: 17-3-23 23:29

hihi1328 發表於 17-3-21 09:12
我的小朋友是5年級,今年9月6年級了,住屯門翠寧在大興的保良局莊啟程第二小學讀書,一直成績都不是太理想4科 ...

我好！我仔跟你同校，是P.6生，今年你應該要準備睇升中開放日，如果小朋友這樣，我可以推薦睇永隆、呂明才、何福堂，如果要詳盡資料或意見可以私下pm我再詳談，希望幫到你！

作者: oiyau2005 時間: 17-3-23 23:51 標題: 引用：Quote:hihi1328+發表於+17-3-21+09:12+ 我

原帖由 Cuteyu 於 17-03-23 發表
我好！我仔跟你同校，是P.6生，今年你應該要準備睇升中開放日，如果小朋友這樣，我可以推薦睇永隆、呂明才 ...

今年開放日已經過咗，要明年

作者: Cuteyu 時間: 17-3-24 00:11

oiyau2005 發表於 17-3-23 23:51
今年開放日已經過咗，要明年

你指剛剛過左的開放日是2016年是給2017年入讀中學的小朋友，現在是2017年的開放日是給2018年入讀，不過現在好多家長會提早2至3年開始睇定中學，通常中學開放日會在11-12月份，因為我連續幾年也有參觀中學開放日，我另一個小朋友已經升左中學了，現在輪到仔仔又升中，所以樓主要在今年十月份開始留意心儀中學的開放日時間，有些學校在開放日會舉辦模擬面試給小朋友參加。如有錯誤請更正

歡迎光臨教育王國 (/)