教育王國

標題: 阿仔話會見到"朋友仔". 係思覺失調嗎?點算? [打印本頁]

作者: evonpig 時間: 17-3-20 18:13 標題: 阿仔話會見到"朋友仔". 係思覺失調嗎?點算?

由細到大都覺得阿仔會見到"朋友仔". 前幾年去旅行佢會要求離開酒店去另一間, 上年去日本話响酒店電梯見到(白色叔叔對佢笑).住咗5晚, 有一日維修要落樓梯(8樓)佢都不知幾開心,好似放下心頭大石咁. 前晚出街食飯去廁所唔肯關門(得一個男女同廁),要我响門口守住. 返到屋企話見到鬼鬼(白色哥哥)响廁所所以唔肯關門自己去. 其實前年有朋友(佢個女係見到)介紹見師傅話唔會再見到, 好咗1年又有.平時有叫佢祈禱瞓覺.
PS: 仔11歲, 輕度加自閉, 平日極少接觸驚駭電視節目或書籍.

作者: Yukiruirui888 時間: 17-3-20 22:59

evonpig 發表於 17-3-20 18:13
由細到大都覺得阿仔會見到"朋友仔". 前幾年去旅行佢會要求離開酒店去另一間, 上年去日本話响酒店電梯見到( ...

佢咁大，又講到咁真，應該真係見到先會同妳講，講返我外甥，佢都見到，話屋企的樓梯有（小朋友），個個都無見到，宜家13歲在問佢，佢話都好耐無見過，姑9曾經有問過師傅，師傅說佢唔搞你，就由得佢，可能係過客

作者: 小余 時間: 17-5-25 08:24

evonpig 發表於 17-3-20 18:13
由細到大都覺得阿仔會見到"朋友仔". 前幾年去旅行佢會要求離開酒店去另一間, 上年去日本話响酒店電梯見到( ...

有無食緊咩藥？有啲藥係會對神經系統有副作用。但副作用呢家嘢唔係個個有。

作者: chowqv 時間: 17-5-30 23:50 標題: 回覆樓主:

想問，如果個仔真係可以睇到，你依然打算當佢有"思覺失調"？

作者: lobb2015 時間: 17-5-30 23:54 標題: 回覆樓主:

不如見多次個師傅啦

作者: lobb2015 時間: 17-5-31 00:09 標題: 回覆樓主:

呢度有個信任嘅問題喺度。如果你當佢係思覺失調，咁即係唔信佢啫。

我唔係迷信嘅人。我抱開放態度啦。因為你話上次見完師傅曾經停咗一排見唔到朋友仔，所以我覺得你可以再見多次。

歡迎光臨教育王國 (/)