教育王國
標題: 小朋友幾多歲，你哋先俾零用錢 [打印本頁]
作者: little_kid 時間: 17-3-15 18:32 標題: 小朋友幾多歲，你哋先俾零用錢
小二生， 學校無小賣部， 中午訂飯盒。 其實無需要用錢， 不過xmas, 新年， 開放日， 學校有小物品可帶錢返學校買。
我小朋友想我俾零用錢佢儲。
作者: ar_mak 時間: 17-3-15 18:40
提示: 作者被禁止或刪除 內容自動屏蔽
作者: greentea000 時間: 17-3-15 18:46
小一開始有零用錢，無需要用錢都有。
作者: skkeung 時間: 17-3-15 18:59
greentea000 發表於 17-3-15 18:46 
小一開始有零用錢，無需要用錢都有。
小一開始
作者: 1998Ruby1998 時間: 17-3-15 19:19
中學先開始
不過唔可以同佢增值八達通當零用錢，要用真錢。如果買野，頭兩年要畀個金額限制，咁樣佢會考慮點買先最到最多最開心。之後就可以全權畀佢自己管理，要佢每個月計下自己剩低幾多錢，洗左幾多，錢可以用來買書買文具買玩具等等，要買就自己儲，父母唔可以心軟通融。
其實最主要都係教佢，應洗則洗，應慳則慳。
作者: greentea000 時間: 17-3-15 19:24
回覆 1998Ruby1998 的帖子
"應洗則洗，應慳則慳"點介定？
生活開支、供書教學父母已包
作者: 1998Ruby1998 時間: 17-3-15 19:42
回覆 greentea000 的帖子
即係有時候如有文具需要買（例如鉛筆用到好短、擦字膠用到好細粒、間尺崩左／甩色），唔需要話用到真係用唔到先買，雖然咁樣係慳家。但係如果話見到文具好靚想買，就應該考慮自己依家有冇需要。不過 "應洗則洗，應慳則慳" 家家不同，各有各定義。
我定義生活開支同供書教學為教科書、書包、衣服等等，文具、玩具、圖書、零食等等則唔算屬於父母開支，呢 d 小開支可以由小朋友自己用零用錢決定。
作者: ar_mak 時間: 17-3-15 20:34
提示: 作者被禁止或刪除 內容自動屏蔽
作者: ar_mak 時間: 17-3-15 20:37
提示: 作者被禁止或刪除 內容自動屏蔽
作者: olivia511 時間: 17-3-16 11:02
原先打算唔算冇咁早架, 但因為有小食部, 所以阿女小一上學期已經強烈要求, 最終岩岩既1月下學期開始就上課日每天有 $1...佢主力係會去小食部買野食, 不過都肯用$1會買旗/捐錢入四旬期箱等....
鍾意既野, 廿幾蚊都話平, 唔鍾意既, 就兩蚊都話貴!
同佢講左, 唔見左學校d乜證乜證, 要俾錢補領既話, 要你自付, 我借錢俾你補領左先, 要還返俾我~ 又成日都同佢講, 你要儲到六、七十蚊先先可以去佢至愛- 大快活打邊爐! 
作者: hugub 時間: 17-3-16 11:14
我囝小學一年級開始帶零食(因為小食部太迫, 小一生根本迫唔到入去),另外再比$5佢袋住,等佢有錢去小食部貢下(多數洗唔到錢既,因為小食部d野食佢都有)...
阿囡學校無小食部又無自動售賣機所以無帶錢返學
作者: little_kid 時間: 17-3-16 14:28 標題: 回覆樓主:
原來咁細個就有零用錢。 你哋用咩儲錢工具？ 錢箱？ 會唔會自己去錢箱攞了錢用家長唔知？
作者: greentea000 時間: 17-3-16 21:56
回覆 little_kid 的帖子
就係用普通錢箱，隨時可以開到既。
小一$5/日，返學日先有，老豆俾我自由決定儲幾多、買Ｄ咩、幾時買。
作者: ABC-DAD 時間: 17-3-17 16:30
初小學儲蓄幾好嘅，簡單學記錄收入支出做賬概念都夠好啦。賬目對消費概念嘅教育好有作用。由其當儲蓄可以帶來消費自主嘅時候，比對任意消費的後果，會好容易立杆見影。
我以前會在暑假開始，開一啲任務畀佢地賺錢做種子賬戶去學儲蓄做賬，慢慢會自動節省零用去做儲蓄，有趣嘅係哥哥會滾存，謹慎消費，細嗰個會計劃消費，定期歸“0”
。
作者: little_kid 時間: 17-3-17 16:44
greentea000 發表於 17-3-16 21:56
回覆 little_kid 的帖子
就係用普通錢箱，隨時可以開到既。
隨時開到嘅錢箱， 我女會一早花光了。
作者: little_kid 時間: 17-3-17 16:49
ABC-DAD 發表於 17-3-17 16:30
初小學儲蓄幾好嘅，簡單學記錄收入支出做賬概念都夠好啦。賬目對消費概念嘅教育好有作用。由其當儲蓄可以帶 ...
我也想用完成任務/達目標的形式俾錢佢儲。 咁你有無限制小朋友什麼情況(什麼節日/限每次花費金額) 下才可用呢啲錢？
作者: little_yolky 時間: 17-3-17 17:18
1998Ruby1998 發表於 17-3-15 19:19
中學先開始
不過唔可以同佢增值八達通當零用錢，要用真錢。如果買野，頭兩年要畀個金額限制，咁樣佢會考慮 ...
我會月頭一次過去晒全個月既車費入八達通, 阿細小一時去秋季大旅行, 佢事前問過我可唔可以用八達通買小食, 我話可以。點知, 佢好慷慨, 同班同學有D無晒錢, 但好想飲嘢, 佢覺得好可憐, 係咁嘟八達通請同學仔飲嘢, 嘟晒200+蚊
, 搞到返屋企無錢坐小巴, 好彩小巴司機由佢幾個月大睇到佢大, 叫佢下次俾返, 唔係要行路返屋企。
但佢咁有同情心, 又唔好意思話佢。
作者: 1998Ruby1998 時間: 17-3-17 17:27
回覆 little_yolky 的帖子
呢個情況真係想發火但係發唔落。 
因為仲細，唔會明白八達通 d 錢同現金一樣，佢地會覺得八達通冇錢突然就會增值，唔覺得矜貴。唯一辦法就係八達通只容許搭車 (就算煩都好，每次只能夠入 ＄50)，所有零食、買耶等等全部現金，呢個我數學補習老師講，佢都驚個女唔理解，唔識得真係電子錢。就好似碌卡咁，好多年輕人唔識得點管理「電子錢」，因為睇落都係一堆數字，唔覺得自己手頭上唔見左錢，所以好容易碌爆卡。
作者: little_yolky 時間: 17-3-17 17:59
1998Ruby1998 發表於 17-3-17 17:27
回覆 little_yolky 的帖子
呢個情況真係想發火但係發唔落。
作者: greentea000 時間: 17-3-17 19:23
little_kid 發表於 17-3-17 16:44
隨時開到嘅錢箱， 我女會一早花光了。
作者: greentea000 時間: 17-3-17 19:31
little_yolky 發表於 17-3-17 17:59
佢今年個秋季大旅行之前, 同我話：媽咪你記得入多D錢入八達通度喎, 同埋記得俾五蚊我, 如果用晒八達通, 都 ...
不過，你上次無話佢，今次可能比上次更好客(已經叫你入多Ｄ錢係八達通)，核心問題無改善仲嚴重左。
作者: ABC-DAD 時間: 17-3-17 21:08
little_kid 發表於 17-3-17 16:49
我也想用完成任務/達目標的形式俾錢佢儲。 咁你有無限制小朋友什麼情況(什麼節日/限每次花費金額) 下才可 ...
3/正常情況係唔會用
4/早期我亦會不定時增加資金，免得小朋友太專注
5/習慣左要儲蓄，後來有有兩年加入過成績獎勵計劃，亦係入賬，少用
作者: ABC-DAD 時間: 17-3-17 21:10
本身小朋友有零用錢在八達通嘅，隱約係實報實銷嘅。
作者: sumchanma 時間: 17-3-17 21:18
小一開始$10一個星期，我想佢學理財，學分配零用錢同儲蓄買東西
作者: little_kid 時間: 17-3-17 22:45
little_yolky 發表於 17-3-17 17:18
八達通真係..........
我會月頭一次過去晒全個月既車費入八達通, 阿細小一時去秋季大旅行, 佢事前問過我可 ...
又係喎， 俾小朋友用八達通買嘢真係好危險。 咁我都係比實錢好啲。
作者: little_kid 時間: 17-3-18 04:05
ABC-DAD 發表於 17-3-17 21:08
1/早期任務唔同成績掛鉤嘅2/會定期結算
3/正常情況係唔會用
4/早期我亦會不定時增加資金，免得小朋 ...
謝你分享。
第一點， 唔同成績掛鈎有咩好處？
第四點唔明。 不定時增加資金，免得小朋友太專注什麼？
作者: ABC-DAD 時間: 17-3-18 11:22
回覆 little_kid 的帖子
1/任務不直接與學業掛鉤，免卻混淆。4/只是個人做法，提供入賬的機會，可以見到賬戶增長的樂趣。
希望鼓勵小朋友感受一下儲蓄、入賬享受一下管理金錢嘅好處，但唔希望太專注揾錢，忽略左學習嘅樂趣。
畢竟在這年齡，只算是一種體驗。
如何運用，家長就自己心意進行程安排…
作者: 1998Ruby1998 時間: 17-3-18 12:59
本帖最後由 1998Ruby1998 於 17-3-18 13:03 編輯
回覆 little_kid 的帖子
小學呢個年紀一定要畀實錢。因為八達通，畀完錢，唔覺得「少左忽肉」，唔識得肉赤，八達通冇錢咪搵父母再增值（父母好多時因為小朋友搭車要用八達通，所以會同佢增值）
反而畀實錢，小朋友見到張銀紙變左碎銀，比較會識得肉赤。當然，父母要配合，計算好一個禮拜用幾多錢，幾時再增值，講明呢筆錢夠搭車一個月，每個月剩地 ＄2／＄3 咁，你要用八達通去買野冇問題，自己每個月慢慢儲。父母唔會因為你用曬就增值，如果八達通冇錢就要行返屋企。
不過小朋友多搭校車、巴士、小巴、地鐵，少機會用到好大金額，每次增值＄50 都應該夠，煩 d 都要咁做，增 100 同 200 太多，佢地唔係好識得慳啲洗同埋諗將來。
同大人刷卡原理一樣，例如去美食展、書展等等，刷卡就覺得冇咩大問題，洗大左都得。但係用實錢就會三思，荷包出血，會覺得每次一洗錢就唔見左一大忽。
唔放心的話，電話裝個八達通 app，拍一拍卡就可以 check 到幾時、邊度用左幾多，個 app 會顯示到「七仔」「小巴」等等，然後隔離寫住幾點用，用左幾多錢（都估到呢個價錢大概買左咩），一目了然，冇得抵賴，從實招來。
作者: little_kid 時間: 17-3-20 23:48
1998Ruby1998 發表於 17-3-18 12:59
回覆 little_kid 的帖子
小學呢個年紀一定要畀實錢。因為八達通，畀完錢，唔覺得「少左忽肉」，唔識得肉赤 ...
都唔知有八達通app, 個app幾有用， 可以check埋俾工人姐姐用果張八達通
作者: rainbowyung1 時間: 17-3-21 22:04
阿仔讀小一，我家的做法是：
如果阿仔今天努力做功課、肯溫習、成績好、或幫手做家務之類，我會按表現比一至三元當獎勵給他，如果表現不好，我會扣他亦一至三元。每天先mark 在月曆上，每星期結算一次，我教他記錄在收支表上，亦送他銀包即是放入銀包中，如果去街，他很開心去shopping，買了什麼，都要記錄，順便學埋加減數。
作者: Yanamami 時間: 17-3-22 00:30
本帖最後由 Yanamami 於 17-3-22 00:32 編輯
P1每周$1,P2 每周$2......P5每周$5, P6每個月$25. 中一開始每日$50午飯錢，車錢另計，每個月俾。P1~P3其實買唔到野，要儲一排先夠錢去小食部買野，儲到禁上下佢又唔捨得買野食。中一每月一次過俾$1000都唔會亂洗，從未試過用凸。八達通一早講明只可以用黎搭車用。
作者: Carol51 時間: 17-3-25 17:40
提示: 作者被禁止或刪除 內容自動屏蔽
作者: ar_mak 時間: 17-3-26 01:16
提示: 作者被禁止或刪除 內容自動屏蔽
作者: lm251099 時間: 17-4-4 12:05
Yanamami 發表於 17-3-22 00:30
P1每周$1,P2 每周$2......P5每周$5, P6每個月$25. 中一開始每日$50午飯錢，車錢另計，每個月俾。P1~P3其實 ...
嘩，你女同啊女同一年代，果然處理方法都一樣，連銀碼都相同。
作者: greentea000 時間: 17-4-4 12:10
睇黎暫時未有人小學零用錢多過我
作者: Yanamami 時間: 17-4-4 12:35
本帖最後由 Yanamami 於 17-4-4 12:35 編輯
有趣！儲蓄同財務陷阱(信用卡)係两个無抵觸既範疇。有儲蓄但無用錢(尤其係先洗未來錢)既人－样係会死~所以教曉儲蓄亦要教其他概念｡
有次学校旅行我俾左$20个女買零食，佢番黎好兴奮話我知食左ABCDE禁多野……我話奇嘞~点解$20可以買到禁多野？佢諗諗下先記起唔記得分开擺自己儲既零用錢，食鬼哂添……笑死我！幾肉赤呀佢~好吖！用錢先要心裡有数其实自己真正可以afford幾多先嘛~
作者: licpd 時間: 17-4-4 13:45
i give the kids certain amount of pocket money per week. But I also give them following options
option 1) if they have any pocket money saved, they can deposit them with me and I'll give them interest of 7% per month, ie, they will double their savings in 10 months.
option 2) if they spend all their pocket money, they can borrow money from me, i will lend them money for 10% per month and they will have to pay back with their current pocket money within 3 months.
作者: ABC-DAD 時間: 17-4-4 13:46
回覆 Yanamami 的帖子
隱約覺得無小朋友嘅，睇法就會同家長唔一樣
作者: LeeCC 時間: 17-4-4 14:13
我用兩個舊透明水樽，分別寫住savings和donation
每星期俾零用錢，按原先約定的分法分成spending，savings，donation三份，佢自己入水樽，spending放平時帶出街的小銀包
作者: LeeCC 時間: 17-4-4 14:19
1998Ruby1998 發表於 17-3-17 17:27
回覆 little_yolky 的帖子
呢個情況真係想發火但係發唔落。
這個方法令他知道八達通的錢系每次減少和用現金換成，唔系自動增加
作者: Yanamami 時間: 17-4-4 14:26
LeeCC 發表於 17-4-4 14:19
仔的八達通只可以搭車搭船用，要佢自己每次拍卡後留意餘額，當餘額接近$10，就要出聲，我地比錢佢自己去增 ...
作者: 1998Ruby1998 時間: 17-4-4 16:15
回覆 LeeCC 的帖子
好在你唔畀佢用黎買野。
好多家長就係唔記得／冇睇緊第一點，每次仔女八達通用黎買野唔夠錢果陣，因為真係要用黎搭車，父母都一定要畀錢佢增值，變相同自動增值冇分別，唔會肉痛 d 錢。同埋好少家長會記得睇緊用度，計算好每日搭車用幾多錢同埋幾時需要增值。 
作者: LeeCC 時間: 17-4-4 17:22
1998Ruby1998 發表於 17-4-4 16:15
回覆 LeeCC 的帖子
好在你唔畀佢用黎買野。
作者: little_kid 時間: 17-4-4 22:01 標題: 回覆樓主:
收集了各JM的經驗，我決定俾小朋友零用錢。 每星期整體表現好就俾$2. 如果成績進步又獎多$2. 零用錢節日可以用， 學校慶祝活動可以用。 結果佢問可唔可以集數一次過俾，因為出街買嘢有啲鋪頭唔收太多硬幣。
我真係無諗過呢個問題？ 
作者: Yanamami 時間: 17-4-4 23:06
little_kid 發表於 17-4-4 22:01
收集了各JM的經驗，我決定俾小朋友零用錢。 每星期整體表現好就俾$2. 如果成績進步又獎多$2. 零用錢節日可 ...
作者: 已刪除用戶 時間: 17-4-5 13:19
呀仔張八達通每星期增值一次，每次50，不過有時見張八達通都無用過。
作者: little_kid 時間: 17-4-5 16:57
Yanamami 發表於 17-4-4 23:06
我女会儲齐好多coins同我換紙幣……
你用到咁多coins?
作者: greentea000 時間: 17-4-5 17:30
LeeCC 發表於 17-4-4 17:22
其實佢無乜機會洗錢
作者: miujoey 時間: 17-4-6 15:19
小一生， 學校無小賣部， 中午送飯 , 無需要用錢, 我無俾零用, 平時記生字叻就有印仔, $1 一個印仔作為獎勵, 佢儲了d $ 佢平時點用我不會管.
作者: MrBeast 時間: 17-4-16 22:24
little_kid 發表於 17-4-5 16:57
你用到咁多coins?
作者: 18號 時間: 17-4-26 18:08
little_kid 發表於 17-3-15 18:32
小二生， 學校無小賣部， 中午訂飯盒。 其實無需要用錢， 不過xmas, 新年， 開放日， 學校有小物品可帶錢 ...
小學冇考慮比，又冇需要用錢，個個星期儲起佢又冇咩感覺
作者: Karina_Karina 時間: 17-6-5 23:44 標題: 回覆樓主
k3開始，每月200，至今(7月幼稚園畢業生)佢用咗36蚊，30蚊買魚養，6蚊玩遊戲用
作者: conniecheung 時間: 17-6-5 23:52 標題: 回覆樓主:
小二開始比。
作者: rulerL 時間: 17-6-6 02:31 標題: 回覆樓主
我大仔由小一至小六我都無俾過零用錢，細嗰個依家小三有時會問我哋攞話想買嘢飲，都要視乎情況先俾，次數都只係一年無一次。
八達通就一齊出街時用嚟搭車而已。
如果成績好，或者願意溫習，以及其他各方面有良好表現，又或者幫忙做家務呢啲，分別都會有獎勵，不過唔係用錢獎勵，係用電腦時間。因為幾時可用電腦，可以用幾耐都會有限制（做電腦功課除外）。
| 歡迎光臨 教育王國 (/) |
Powered by Discuz! X1.5 |