教育王國

標題: KV (pm) vs LH (am) [打印本頁]

作者: JVE 時間: 17-3-7 15:17 標題: KV (pm) vs LH (am)

KV出名，師資優厚，歷史悠久，似乎外補英文就夠。小孩現在係LH讀PN，性格活潑開朗，聽聞KV很多功課，怕他追不上不喜歡返學，但又想他學會守紀律，真係好難決擇，請問KV/LH用家可以給些意見嗎? 謝謝!

作者: nic_bb 時間: 17-3-7 15:50

JVE 發表於 17-3-7 15:17
KV出名，師資優厚，歷史悠久，似乎外補英文就夠。小孩現在係LH讀PN，性格活潑開朗，聽聞KV很多功課，怕他追 ...

如果讀開學之園而又滿意，小朋友返得開心，一動不如一靜，橫掂兩間都係好學校。

作者: Marine125 時間: 17-3-14 16:44

回覆 JVE 的帖子

好贊成如果小朋友已經讀得開心，學校又好，其實真係唔需要考慮轉校。

作者: konew720 時間: 17-3-14 20:06

JVE 發表於 17-3-7 15:17
KV出名，師資優厚，歷史悠久，似乎外補英文就夠。小孩現在係LH讀PN，性格活潑開朗，聽聞KV很多功課，怕他追 ...

兩間係唔同類既學校。請考慮小朋友性格適合邊間學校？
有朋友小朋友2-3年前LH PN 轉去KV K1，LH返得好開心，但KV返左半年都仲日日話唔想返學，之後都麻麻地鍾意返學，見到我朋友就辛苦。
唔係話KV唔好，真係好睇小朋友性格。

作者: bird06 時間: 17-3-14 20:59

讀得開心，兩間都係好學校，冇必要轉。

小朋友亦有自己喜好，家長亦應考慮小朋友意願。我個小朋友好鍾意自己學校，PN人仔已可清楚話比我知佢想留喺依家學校

作者: 小鼠 時間: 17-3-14 23:36

未讀過LH 所以compare 唔到，囝囝本身係好百厭坐唔定既小朋友，但佢返咗KV 後，老師竟然話佢都ok, 聽老師話喎。功課k2平均一日三樣，中英數，每星期默書，一個學期2次考試，但囝囝又無話唔開心，佢返學都好開心，仲成日想我陪佢返學校添。讀咗年紀，我覺得佢中文同數學學得好好，英文oral speaking 就要自己下d苦工。

作者: bubuprincess 時間: 17-3-15 18:21

仔仔讀KV, 一間非常好、課程有系統的學校，特別是中文數學教得很好，英文就真係要外補一下. 作風簡樸，學校是有規矩但其實要求的都是很基本.
但如果你讀開LH而又讀得開心，就未必適合轉KV, 相信兩間學校的作風、語境是很不同.例如LH很多活動邀請家長參與，但KV很少.

作者: bubuprincess 時間: 17-3-15 18:24

另外KV K2開始全部pm class, 所以K1 pm其實都好，唔駛調教作息時間

歡迎光臨教育王國 (/)