教育王國

標題: 神級問題如何答? [打印本頁]

作者: IloveJJ 時間: 17-3-7 15:11 標題: 神級問題如何答?

提示: 作者被禁止或刪除內容自動屏蔽

作者: Yanamami 時間: 17-3-7 15:45

應該喺後者~~

作者: mcl203 時間: 17-3-7 15:55

Yanamami 發表於 17-3-7 15:45
應該喺後者~~

我都認為係，當年，我小朋友D同學仔考咗入去，但若類似問題，我估佢地唔會識答~

作者: IloveJJ 時間: 17-3-7 18:31

提示: 作者被禁止或刪除內容自動屏蔽

作者: Yanamami 時間: 17-3-7 19:32

本帖最後由 Yanamami 於 17-3-7 19:38 編輯

IloveJJ 發表於 17-3-7 18:31
咁我應該教我仔如果面對呢類問題，應該點樣答呢？

或者我女好彩，佢只喺中文考到面青青，其她佢話OK。Sci問水土流失真喺算容易。其實每次考完，我只會問佢O唔OK，唔會再深入問，一來都考完，無補於事，二來，唔想再俾壓力佢。所以考完就等運到。中文去讀篇野好多都唔識讀，練問題佢都唔多明問乜。就禁無端端又俾佢過關。學前輩話齋，可能真唔關正確答案事，喺佢肯唔肯去試答，還是坐曬喺度。我估。。。。估咋~求其答：可能同密度有關。。。密度高就沉，低就浮。雞蛋內有個氣室，應該有d關係。。。。哈！禁就答完。

作者: IloveJJ 時間: 17-3-7 22:32

提示: 作者被禁止或刪除內容自動屏蔽

作者: grice 時間: 17-3-7 22:48

會儘量試答，可能睇小朋友應變能力，我教我仔如果比篇文章你讀預左有D字係唔識，千奇唔好突然之間細聲左，保持音量嘗試去讀之後繼續落去
另外去面試班聽過有D考官會故意刁難小朋友睇下佢哋㸃面對

作者: IloveJJ 時間: 17-3-7 22:55

提示: 作者被禁止或刪除內容自動屏蔽

作者: mcl203 時間: 17-3-7 23:55

IloveJJ 發表於 17-3-7 22:55
咁故意刁難又應該點?係想睇下佢會唔會被嚇窒嗎？

面試整個流程係好難掌控，刁難與否係好難判斷，是真是假亦無須深究。我估，識與唔識，都要盡量試答，但要有信心，有條理，切忌亂來。

我小朋友考某直資，分開幾間房負責不同測考，各有2位老師。據我小朋友報告，當佢叫早晨，總有一位老師回應冷淡，另一會友善好多。好在，佢都無被打窒。總之，要膽大定D黎，我估 ~~~

作者: IloveJJ 時間: 17-3-8 00:12

提示: 作者被禁止或刪除內容自動屏蔽

作者: TLHE 時間: 17-3-8 08:29

回覆 IloveJJ 的帖子

中文問題雖然較深，因某些字詞或成語用廣東話讀出也有難度，何況普通話，又要加解釋？不過，別忘記字詞和成語都是在篇章內的，正可反映孩子的阅讀理解能力一一數學题簡易，但对稱軸的提問，正反映出老師要看的是孩子答题的主動性和多角度思考科學题大家都說難，可是这些浮沉和物件密度的关係在十萬個小小為什麼，或小小科學家之類的書本都有提及，也不是很冷門和難理解的题

作者: TLHE 時間: 17-3-8 08:57

回覆 TLHE 的帖子

要補充的是以上的解讀，都是我孩子面試後自己的理解和意見。所以，家長们無须过份憂心那些提問是否太深，因我相信老師看的是孩子日常有否留意身邊事物，看課外書和對知識的追求及理解力，才是重點！

作者: IloveJJ 時間: 17-3-8 10:57

提示: 作者被禁止或刪除內容自動屏蔽

作者: little_yolky 時間: 17-3-8 11:18

IloveJJ 發表於 17-3-8 10:57
認同。我仔平時都好喜歡睇課外書，歷史書、中文書和兒童的科學都愛睇，也會研究身邊既事，例如：買咗枝防 ...

我諗直資會問得刁鑽D, 官津應該都係成績行先, 面試做個樣而已。你就好啦, 我阿女唔睇科學書, 獨孤一味睇文學歷史, 邊度會有學校問佢呢D問題呢。

噚日又問我, 套書一般係每個朝代介紹最出名果個皇帝, 點解明代有朱元章同永樂帝, 問我永樂帝有咩咁巴閉。咁我緊係即刻搵爸爸求救啦。爸爸話永樂帝係叫鄭和下西洋, 同埋出咗部永樂大典, 佢又要追問永樂大典係咩嚟。咁爸爸話即係當時既百科全書, 佢繼續問內容係乜, 搞到爸爸都話要查下書先。

作者: IloveJJ 時間: 17-3-8 11:26

提示: 作者被禁止或刪除內容自動屏蔽

作者: little_yolky 時間: 17-3-8 11:49

IloveJJ 發表於 17-3-8 11:26
本帖最後由 IloveJJ 於 17-3-8 11:26 編輯

咁你搵間會問歷史問題既直資囉！唔係好多間問科學啫。

呢個世界係唔會有問歷史題既中學既！！！！！！

咁慘, 我大女一直寫字雕花咁, 到測考佢又識寫快D。至於阿細, 佢D字勁醜樣, 俾我鬧咗佢一身之後, 今年寫字好靚了, 所以............鬧一身得唔得呀?

作者: IloveJJ 時間: 17-3-8 11:57

提示: 作者被禁止或刪除內容自動屏蔽

作者: little_yolky 時間: 17-3-8 12:06

IloveJJ 發表於 17-3-8 11:57
咪就係鬧完睇住寫得靚囉！但我又驚如果去到考試要佢寫靚，佢會慢得滯。唔叫佢寫靚，佢又亂寫，會扣好多唔 ...

你個細既，都幾似「仔」喎 <====== 佢俾人鬧到拍枱, 默書可以有9X分, 但唔鬧佢, 佢真係堅唔溫書既。

不過, 我兩個都識得測考時轉turbo, 寫字寫得快D, 呢D可能係仔同女既分別。做乜四年班咁大個都仲係咁? 你哋學校中英書法唔駛考試計分咩?

作者: IloveJJ 時間: 17-3-8 12:11

提示: 作者被禁止或刪除內容自動屏蔽

作者: kkhon 時間: 17-3-8 13:06

借位一問:之前阿仔有一間問過點解你操行B+？大家會點答？

作者: little_yolky 時間: 17-3-8 13:38

kkhon 發表於 17-3-8 13:06
借位一問:之前阿仔有一間問過點解你操行B+？大家會點答？

答：B+响學校已經係好叻喇。不過, 老師話我仲有改善既空間, 佢話我唔係咁有主見, 乜嘢都遷就人哋。另外, 叫我多D嘗試新事物, 放鬆自己, 唔好太集中學業, 太認真, 要work hard play hard............................

總之, 將自己既缺點美化一下。

作者: IloveJJ 時間: 17-3-8 13:45

提示: 作者被禁止或刪除內容自動屏蔽

作者: little_yolky 時間: 17-3-8 13:47

IloveJJ 發表於 17-3-8 13:45
勁!

當年升小時, 唔知邊間學校申請表都有呢題, 問小朋友既優缺點。

作者: IloveJJ 時間: 17-3-8 13:53

提示: 作者被禁止或刪除內容自動屏蔽

作者: 王家爸爸 時間: 17-3-8 14:06

我會建議直接答唔識，然後講我估係... 因為...。

作者: TLHE 時間: 17-3-8 14:15

回覆 kkhon 的帖子

以下是實情，因為我校操行还包括服務，上課積極主動答题，小组討論要積極等……不是只計操守及品德。全级亦只有幾位做服務生，拿操行獎的才有A/A-, 普遍中位等級是B, 上課周身郁的已是B-, 拿B+已經是很好的級別。

作者: IloveJJ 時間: 17-3-8 14:36

提示: 作者被禁止或刪除內容自動屏蔽

作者: kkhon 時間: 17-3-8 15:04

回覆 TLHE 的帖子

我校男生B+已經算是好，A／A-係女生。今次好比面有A-

作者: greentea000 時間: 17-3-8 15:06

IloveJJ 發表於 17-3-8 10:57
認同。我仔平時都好喜歡睇課外書，歷史書、中文書和兒童的科學都愛睇，也會研究身邊既事，例如：買咗枝防斷芯設計既鉛芯筆俾佢，佢就試下㩒幾多下先會斷；買把間尺話防屈斷，佢又屈下佢，屈到斷。
問題係，如果本身性格少說話，我想睇下要點樣先表現出佢有呢啲優點呢？所以，我想教佢答問技巧囉！

呢Ｄ上左中學唔係優點啊！
凡事質疑，代價好大。就講中學有實驗堂，一定有安全守則，唔係咩都可以任玩任試任反轉，佢咁樣係無安全意識啊。

職業病發作，勿怪！

作者: greentea000 時間: 17-3-8 15:48

little_yolky 發表於 17-3-8 13:38

[quote]kkhon 發表於 17-3-8 13:06
借位一問:之前阿仔有一間問過點解你操行B+？大家會點答？

答：B+响學校已經係好叻喇。不過, 老師話我仲有改善既空間, 佢話我唔係咁有主見, 乜嘢都遷就人哋。另外, 叫我多D嘗試新事物, 放鬆自己, 唔好太集中學業, 太認真, 要work hard play hard............................

總之, 將自己既缺點美化一下。

同事仔答：人無完人。

老師微笑。

作者: IloveJJ 時間: 17-3-8 16:37

提示: 作者被禁止或刪除內容自動屏蔽

作者: greentea000 時間: 17-3-8 16:40

本帖最後由 greentea000 於 17-3-8 16:40 編輯

回覆 IloveJJ 的帖子

可能我誤解左，以為你想表達佢有動手能力/求証精神。

作者: IloveJJ 時間: 17-3-8 16:52

提示: 作者被禁止或刪除內容自動屏蔽

作者: greentea000 時間: 17-3-8 17:09

回覆 IloveJJ 的帖子

所以我呢幾日睇得多都糊塗左

神校一定解得通，係考生同家長兩頭唔到岸。

亦有同事叫仔女直言，唔使諗咁多，做返自己。

作者: hkpapa852 時間: 17-3-8 17:13

IloveJJ 發表於 17-3-7 15:11
呢排見到大家討論去唔同神校面試，有啲問既問題係科學題、數學題，程度十分之高同刁轉。

其實呢啲問題，係 ...

其實有D咩神級問題?

部份直資, 私立小學有科學科, 亦有部份津校既常識科係似科學科多D

作者: IloveJJ 時間: 17-3-8 17:15

提示: 作者被禁止或刪除內容自動屏蔽

作者: IloveJJ 時間: 17-3-8 17:18

提示: 作者被禁止或刪除內容自動屏蔽

作者: mcl203 時間: 17-3-8 17:44

王家爸爸發表於 17-3-8 14:06
我會建議直接答唔識，然後講我估係... 因為...。

答唔識，因為，我係唔識 ~~~

作者: mcl203 時間: 17-3-8 17:58

mcl203 發表於 17-3-8 17:44
答唔識，因為，我係唔識 ~~~

其實，我係教我小朋友切勿直答唔識，盡可能做足戲都要認真試做，答問題就再問清楚，答大量試題先直接答唔識去下一題，凡事要將答唔識放在非不得已先好用 ~

作者: mcl203 時間: 17-3-8 18:04

本帖最後由 mcl203 於 17-3-9 01:04 編輯

IloveJJ 發表於 17-3-8 17:18
咪就係隔離帖講coed嗰啲科學題囉！又見SJC問既數學題係非一般數學。我睇完自知我仔唔識答啦！咪睇下係咪真 ...

我朋友小朋友當年讀C小，係針對SPCC做定科學溫習，學校係無教既 ~

除非係，如限時3分中答20題，要爭取時間，否則，我估，未經思考直接答唔識係有機會扣分的，未試就放棄~

作者: b3410 時間: 17-3-8 19:24

本帖最後由 b3410 於 17-3-9 09:19 編輯

IloveJJ 發表於 17-3-8 17:18
咪就係隔離帖講coed嗰啲科學題囉！又見SJC問既數學題係非一般數學。我睇完自知我仔唔識答啦！咪睇下係咪真 ...

林護D數學題，真係好難。囡囡話最難數學題係林護。
好似有一題 50至70之間的質數，可以被4整除餘1，又係2個數的平方的和。

作者: IloveJJ 時間: 17-3-8 20:17

提示: 作者被禁止或刪除內容自動屏蔽

作者: grice 時間: 17-3-9 00:03

回覆 IloveJJ 的帖子

係睇你反應，有D會故意黑臉或專唱反調或否定你的答案，都係睇面對逆境的反應

作者: IloveJJ 時間: 17-3-9 00:08

提示: 作者被禁止或刪除內容自動屏蔽

作者: hkpapa852 時間: 17-3-9 09:17

b3410 發表於 17-3-8 19:24
林護D數學題，真係好難。囡囡話最難數學題係林護。
好似有一題 50至70之間的質數，可以被4整除1，又係2個 ...

唔係好明第二個條件係點解

作者: grice 時間: 17-3-9 09:47

回覆 IloveJJ 的帖子

繼續保持笑容作答，有D小朋友唔慣可能會急到喊

作者: grice 時間: 17-3-9 09:52

有時我覺得訓練佢哋面試好似去見工咁，會遇到好多騎呢問題和考官，問到缺點又要將佢淡化講成另一優㸃，又要問點改善，單打獨鬥有，小組討論有，完成呢個面試階段，有D技巧到將來見工又可以再用

作者: hkpapa852 時間: 17-3-9 10:03

b3410 發表於 17-3-8 19:24
林護D數學題，真係好難。囡囡話最難數學題係林護。
好似有一題 50至70之間的質數，可以被4整除餘1，又係2 ...

好似有一題 50至70之間的質數，可以被4整除餘1，又係2個數的平方的和。

其實我唔明最後個句既要求

50-70之間既質數只有4個: 53, 59, 61, 67

符合條件(1): 可以被4整除餘1..... 只有2個: 53, 61
但呢兩個數.... 以我暫時理解另一條件: 個質數中兩個數字各自既平方相加等於該質數

53 => 5x5 + 3x3 = 25 + 9 = 34
61 => 6x6 + 1x1 = 36 + 1 = 37

又好似無法符合另一條件.....

所以呢條題目, 我估其實可能係要睇吓個學生知唔知"條問題本身可能係有問題"

作者: little_yolky 時間: 17-3-9 10:11

IloveJJ 發表於 17-3-9 00:08
咁俾咩反應先好?

呢D真係要考天才。

記得當年, 都有十年八年前了, 有一則訪問, 係個男仔, 佢考小一, 考官居然用英文同佢講：你好矮喎。

我諗, 10個細路有9.9個都會呆咗唔知點反應。不過, 呢個細路答考官：I am short but I am smart. 咁, 呢D咪神回囉。即場發操, 無花無假。有時, 真係抵人哋咁叻考到神校既, 我自問兩個女都係凡人, 所以都係考返普通學校算了。

作者: ivyscyip 時間: 17-3-9 10:11

hkpapa852 發表於 17-3-9 10:03
好似有一題 50至70之間的質數，可以被4整除餘1，又係2個數的平方的和。

其實我唔明最後個句既要求 :waha ...

佢冇話係個位數和十位數的平方喎。

2^2+7^2=4+49=53？

作者: hkpapa852 時間: 17-3-9 10:16

ivyscyip 發表於 17-3-9 10:11
佢冇話係個位數和十位數的平方喎。

2^2+7^2=4+49=53？

所以我咪話我唔明佢另一條件係咩囉

以妳既理解, 又點認為會係: 2*2+7*7呢?

即係問題係要搵3個數字?

作者: ivyscyip 時間: 17-3-9 10:39

hkpapa852 發表於 17-3-9 10:16
所以我咪話我唔明佢另一條件係咩囉

以妳既理解, 又點認為會係: 2*2+7*7呢?

其實我地又唔係考緊，個條件可能有甩漏。

61都得架 61=5^2+6^2

其實都係睇同學點思考

作者: little_yolky 時間: 17-3-9 10:40

本帖最後由 little_yolky 於 17-3-9 10:41 編輯

hkpapa852 發表於 17-3-9 10:16
所以我咪話我唔明佢另一條件係咩囉

以妳既理解, 又點認為會係: 2*2+7*7呢?

Del

作者: hkpapa852 時間: 17-3-9 10:42

ivyscyip 發表於 17-3-9 10:39
其實我地又唔係考緊，個條件可能有甩漏。

61都得架 61=5^2+6^2

係, 我都認為係想睇學生是否會去嘗試和解析佢既方法

作者: IloveJJ 時間: 17-3-9 10:48

提示: 作者被禁止或刪除內容自動屏蔽

作者: IloveJJ 時間: 17-3-9 10:56

提示: 作者被禁止或刪除內容自動屏蔽

作者: IloveJJ 時間: 17-3-9 10:59

提示: 作者被禁止或刪除內容自動屏蔽

作者: Isaacmommy 時間: 17-3-9 11:00

IloveJJ 發表於 17-3-9 10:48
所以我覺得呢到得到既秘訣，阿仔就算學唔識，見中學用唔出，對佢將來都係有用。
謝分享!
...

现在考中一仲大鑊過大人揾工！因為神校位太少申請人多所以要問神級問題。

作者: mcl203 時間: 17-3-9 11:33

IloveJJ 發表於 17-3-9 10:59
講起神答，我又分享下以前個家長話俾我聽，佢仔去見DxS,人哋問佢個仔，點解你想入我哋學校，佢個仔答:「因 ...

本帖最後由 mcl203 於 17-3-9 11:35 編輯

呢個係"行貨"答案，雖則係由1個5歲小朋友答，去到考中學，盡量避免咁答，但我都係估吓乍 ~

作者: IloveJJ 時間: 17-3-9 11:36

提示: 作者被禁止或刪除內容自動屏蔽

作者: hkpapa852 時間: 17-3-9 11:38

IloveJJ 發表於 17-3-9 10:59
講起神答，我又分享下以前個家長話俾我聽，佢仔去見DxS,人哋問佢個仔，點解你想入我哋學校，佢個仔答:「因 ...

呢個答案表面好似好好, 其實係令人覺得最無誠意既差答案.

除非之後可以補充一大堆資料去解釋自己既睇法, 否則扣硬分

作者: mcl203 時間: 17-3-9 11:46

IloveJJ 發表於 17-3-9 11:36
但真係收咗佢個仔喎!
不過，就算我識，我諗我個仔5歲嗰時，都唔能夠講出咁浮誇既答案啦！
...

我直覺咁估，呢個問題同答案都係大熱，收生與否未必係主因 ~

作者: greentea000 時間: 17-3-9 11:50

IloveJJ 發表於 17-3-9 10:59
講起神答，我又分享下以前個家長話俾我聽，佢仔去見DxS,人哋問佢個仔，點解你想入我哋學校，佢個仔答:「因 ...

最後取錄左嗎？
早前同事分享面試班教一定唔可以咁答，一來太拍馬屁，二來無思考，要諗定人地再問點好法(其實又係引去要認同學校教學理念或者有咩特色其他學校無之類，答到只算合格)，將馬屁拍得高級D，三來神校一定聽到太多讚美，太平庸既回應代表考生水平同樣平庸，要有創意既回應。

作者: mcl203 時間: 17-3-9 11:50

hkpapa852 發表於 17-3-9 11:38
呢個答案表面好似好好, 其實係令人覺得最無誠意既差答案.

除非之後可以補充一大堆資料去解釋自己既睇法, ...

我都覺得係，若無更多補充，好易會 ~

作者: IloveJJ 時間: 17-3-9 11:55

提示: 作者被禁止或刪除內容自動屏蔽

作者: little_yolky 時間: 17-3-9 12:51

IloveJJ 發表於 17-3-9 10:56
不過普通學校考既又唔係易喎，只係考既係學術為主啫!你睇小時了了個帖，啲問題都好難喎!
至於呢間神校，我 ...

所以我咪無打算考直資囉, 官津好好多, 九成睇成績。我吔區有間熱門B1A中學, group interview, 15分鐘KO, 你話, 唔睇成績佢哋睇乜。

我依家target果間, 係車程近 (你知啦, 我住响荒山野嶺), 程度又合適。上學期考試, 阿女成績跌咗 (同你阿大一樣, 數學跌咗10分, 數學成績仲要X2, 加上體育又跌埋.......), 其實個成績班主任話仍然係堅B1, 我好滿意, 班主任都滿意, 但阿女喊到眼都腫埋。下學期, 佢就努力喇, 做埋預習添！佢仲話：哇, 媽咪, 預習真係好呀, 上堂做功課好明呀！我心諗, 阿女, 唔好好似自己發現咁啦, 阿媽我幾年前已經同你講過了。

作者: IloveJJ 時間: 17-3-9 12:55

提示: 作者被禁止或刪除內容自動屏蔽

作者: IloveJJ 時間: 17-3-9 13:19

提示: 作者被禁止或刪除內容自動屏蔽

作者: IloveJJ 時間: 17-3-9 13:22

提示: 作者被禁止或刪除內容自動屏蔽

作者: mcl203 時間: 17-3-9 13:47

little_yolky 發表於 17-3-9 12:51
所以我咪無打算考直資囉, 官津好好多, 九成睇成績。我吔區有間熱門B1A中學, group interview, 15分鐘KO, 你 ...

數學跌10分都唔算太多啫，要除38，即係平均分少左0.3, 睇吓本身係在乜位置~

作者: lojo11 時間: 17-3-9 13:57

mcl203 發表於 17-3-9 13:47
數學跌10分都唔算太多啫，要除38，即係平均分少左0.3, 睇吓本身係在乜位置~
...

要x9 先除38

作者: IloveJJ 時間: 17-3-9 14:04

提示: 作者被禁止或刪除內容自動屏蔽

作者: ivyscyip 時間: 17-3-9 14:06

IloveJJ 發表於 17-3-9 14:04
點解係除38既?中9英9數9常6，係x9÷33喎!
不過話時話，我發覺佢數學好就排名高，數學差就算中英文好，排名 ...

仲有視藝x 3 同音樂x2

作者: IloveJJ 時間: 17-3-9 14:08

提示: 作者被禁止或刪除內容自動屏蔽

作者: lojo11 時間: 17-3-9 14:09

IloveJJ 發表於 17-3-9 14:04
點解係除38既?中9英9數9常6，係x9÷33喎!
不過話時話，我發覺佢數學好就排名高，數學差就算中英文好，排名 ...

我覺得係因為中、英有其他野拉分（如默書、聆聽）

作者: hkpapa852 時間: 17-3-9 14:14

IloveJJ 發表於 17-3-9 14:04
點解係除38既?中9英9數9常6，係x9÷33喎!
不過話時話，我發覺佢數學好就排名高，數學差就算中英文好，排名 ...

你低10分時, 人地同一科又係低10分, 咁其實無分別

其實如果唔轉做標準分去計番個呈分排名, 只係將分數以999632去調整其實意義唔大

作者: mcl203 時間: 17-3-9 14:23

lojo11 發表於 17-3-9 13:57
要x9 先除38

係喎，傻左添

作者: mcl203 時間: 17-3-9 14:26

IloveJJ 發表於 17-3-9 14:08
我哋小四未計呢啲

即係唔使理住~

作者: IloveJJ 時間: 17-3-9 14:49

提示: 作者被禁止或刪除內容自動屏蔽

作者: IloveJJ 時間: 17-3-9 14:51

提示: 作者被禁止或刪除內容自動屏蔽

作者: hkpapa852 時間: 17-3-9 16:05

IloveJJ 發表於 17-3-9 14:49
我唔係講呈分喎，係講而家小一至小四既排名喳!
我點解咁諗呢，係因為我仔中英文9x，但數8x嗰時，排名係唔 ...

呢個諗法係啱..... 不過到小五小六呈分, 就知所有科都係要盡量高分, 不能心存僥倖係某科高分可以救全家

作者: IloveJJ 時間: 17-3-9 16:30

提示: 作者被禁止或刪除內容自動屏蔽

作者: hkpapa852 時間: 17-3-9 16:37

IloveJJ 發表於 17-3-9 16:30
即係真架?我估得啱呀？
我梗係唔會諗住數學救其他科啦！佢最渣就係數學，我係驚俾數學拉低就真!
...

中英文兩科, 除咗做卷, 要考埋作文, 聆聽同口試, 要整體都攞到9X/100既人相對係少.

但數學同常識, 兩科相對地易攞高分, 甚至滿分, 所以呢兩科差一分可能排名會差一截

我小朋友間學校, 上學期期考呢兩科有3%-5%學生攞滿分, 30%學生係攞90分或以上

作者: IloveJJ 時間: 17-3-9 17:01

提示: 作者被禁止或刪除內容自動屏蔽

作者: little_yolky 時間: 17-3-9 17:29

mcl203 發表於 17-3-9 13:47
數學跌10分都唔算太多啫，要除38，即係平均分少左0.3, 睇吓本身係在乜位置~
...

點會差0.3分咁少, 數學跌10分, 好似IloveJJ學校咁計9倍, 即係總分跌90分

, 除33平均分係差2.7272727272727272727...........。我哋計兩倍分, 係除14, 跌10分平均分都差1.428571428571429, 唔止跌10名, 仲有科體育又跌咗5分呢。好彩佢科常識高咗6-7分補返下, 唔係就真係大鑊。所以佢今次跌咗10名, 喊到眼都腫埋。由B1B跌咗做B1C。數學呢樣嘢, 可以靠操卷高分, 好似佢唔操既, 係好蝕底。

作者: little_yolky 時間: 17-3-9 17:33

hkpapa852 發表於 17-3-9 16:37
中英文兩科, 除咗做卷, 要考埋作文, 聆聽同口試, 要整體都攞到9X/100既人相對係少.

但數學同常識, 兩科相 ...

聽聞有D學校, 排名只計中英兩科做卷分, 所以that's why成日聽到話平均分有99.X。

好彩我哋學校呈分只計做卷、作文、默書, 聆聽同會話唔計分。

仲有唔計體育, 起碼平均分可以高最少0.35到0.7分。

作者: hkpapa852 時間: 17-3-9 18:02

IloveJJ 發表於 17-3-9 17:01
勁! 點解你會知道學校既數據架?

因為個兩科老師話今年個一級既學生成績破咗歷來最好既紀錄

作者: Yanamami 時間: 17-3-9 19:49

本帖最後由 Yanamami 於 17-3-9 19:51 編輯

哗~俾你地d数目字搞到眼花！諗禁多做乜野吖？越知得深入越諗得多~考之前諗到天花龙鳳，考果时不似预期禁点？考完諗仲衰，都無補於事｡索性唔好諗禁多，全力以赴做到最好，考完就忘記背後面对將來仲好啦~我淨係知道，只要減絕careless mistakes已可以贏幾條街｡

作者: mcl203 時間: 17-3-9 20:04

Yanamami 發表於 17-3-9 19:49
哗~俾你地d数目字搞到眼花！諗禁多做乜野吖？越知得深入越諗得多~考之前諗到天花龙鳳，考果时不似预期禁点 ...

減絕 careless mistake, 對某D小朋友，難度係好高的~

作者: IloveJJ 時間: 17-3-9 22:49

提示: 作者被禁止或刪除內容自動屏蔽

作者: 小鹿揀學校 時間: 17-3-10 09:41

IloveJJ 發表於 17-3-9 22:49
哈哈，咁又係，不過滅絕careless mistake好難喎!

我會將之前功課/小測的careless mistakes剪晒出黎貼在幾張A4紙上.
臨考試前叫佢溫呢d

作者: IloveJJ 時間: 17-3-10 10:57

提示: 作者被禁止或刪除內容自動屏蔽

作者: ok3 時間: 17-3-10 11:50

Yanamami 發表於 17-3-9 19:49
哗~俾你地d数目字搞到眼花！諗禁多做乜野吖？越知得深入越諗得多~考之前諗到天花龙鳳，考果时不似预期禁点 ...

呢樣真! 好多時啲嘢佢地唔係唔識, 只係唔小心。唯有成日提佢小心啲，同做完一定要覆卷。

作者: Eat_Sleep_Play 時間: 17-3-10 13:36

小鹿揀學校發表於 17-3-10 09:41
我會將之前功課/小測的careless mistakes剪晒出黎貼在幾張A4紙上.
臨考試前叫佢溫呢d ..

Same Same，你同我個方法一樣，平時做練習，錯咗就做改正，另外再用一張紙寫低錯嘅原因，例如：唔記得換算單位、唔記得四捨五入之類，然後收集哂呢D做錯過嘅題目，塗咗個答案，考試前一日比佢再做多一次，最後覆習返之前"留意事項"果張紙，每次考試也可以9字頭，萬試萬靈

作者: Eat_Sleep_Play 時間: 17-3-10 13:45

ok3 發表於 17-3-10 11:50
呢樣真! 好多時啲嘢佢地唔係唔識, 只係唔小心。唯有成日提佢小心啲，同做完一定要覆卷。 ...

做完要覆卷我又有少少心得，考數學一定要用草稿紙，以前我女係隨便寫，邊度有位寫邊度，以致覆卷時要由頭再計過浪費時間，後來我教阿女响每題草稿旁邊寫上題號，方便check卷的時候唔需要重新計過一次，之後阿女話有機會睇錯題號變為要計算的一部分，最後佢順住D題目晌草稿紙由左至右每題清清楚楚咁列式，最後check卷時就好易容搵得返個列式，不需要由頭計過，慳了不少時間

作者: little_yolky 時間: 17-3-10 13:57

Eat_Sleep_Play 吓，體育都計分？發表於半小時前

唔係呈分, 係校內排名時會計埋。

作者: IloveJJ 時間: 17-3-10 14:32

提示: 作者被禁止或刪除內容自動屏蔽

作者: Eat_Sleep_Play 時間: 17-3-10 15:11

IloveJJ 發表於 17-3-10 14:32
謝分享，又試下!
睇嚟要高分，剩係靠阿仔溫習係唔得，都係要出手!

小學階段阿媽好難唔出手

作者: little_yolky 時間: 17-3-10 15:17

IloveJJ 發表於 17-3-10 14:32
謝分享，又試下!
睇嚟要高分，剩係靠阿仔溫習係唔得，都係要出手!

咁緊係啦, 連我都開始要出手了。學期初已經買咗中英數練習俾佢做, 常識教佢預習, 其他科教佢做筆記。默書叫C6同佢預默, 務求儘量高分。

復活節, 又要開始諗出mock卷了。

歡迎光臨教育王國 (/)