教育王國
標題: 我覺得社會應該要重視下中小學生沉迷打機問題 [打印本頁]
作者: COLOURDAY 時間: 17-3-3 22:16 標題: 我覺得社會應該要重視下中小學生沉迷打機問題
本帖最後由 COLOURDAY 於 17-3-3 22:17 編輯
究竟打機系一種文化，放鬆的活動，定系一種慢性毒藥，另類的社會的問題?中小學生心智未成熟，自制力弱，係咪應該教育佢地要向“沉迷打機”say no ? 有時做家長真的很無助，現在成街都系手機鋪，朋友個個有手游，家長禁唔得幾多，勸多兩句自己都覺得討厭。
作者: Honey 時間: 17-3-3 23:04 標題: 回覆樓主：
本帖最後由 Honey 於 17-3-3 23:07 編輯
點解家長唔勸得咁多？識得教就會同小朋友定好規矩架啦！家長有教導的責任。唔識教就唔好開始比手機，好簡單。比咗手機就唔管先出問題。
作者: IloveJJ 時間: 17-3-3 23:51
提示: 作者被禁止或刪除 內容自動屏蔽
作者: torunpoland 時間: 17-3-4 00:40
本帖最後由 torunpoland 於 17-3-4 04:43 編輯
COLOURDAY 發表於 17-3-3 22:16 
究竟打機系一種文化，放鬆的活動，定系一種慢性毒藥，另類的社會的問題?中小學生心智未成熟，自制力弱，係 ...
要社會重視？又關社會事？點解唔係由家庭做起？我覺得父母應該重視中小學生沈迷打機的問題先囉。
作者: 1998Ruby1998 時間: 17-3-4 04:16
我見過有家長沈迷打機同煲劇，上樑不正下樑歪機會率高好多。有 d 家長甚至當手機係奶嘴，細路一想發脾氣就畀部電話佢玩，有 d 細路甚至冇問過阿爸阿媽就係佢地個袋到攞部電話出來，我係酒樓見過唔少。不過依家越來越多家長買靚手機畀仔女，中學就話需要 whatsapp group 傾 project、搵老師、約補習老師時間等等，小學生真係需要嗎？ 
智能手機推出果陣，我都係用緊 Motorola 龜殼機，中三先用阿爸部舊 Samsung Mini （因為班長好多通知都係 whatsapp group 講，我冇 whatsapp 所以冇帶野畀老師扣分），但係我主動要求冇行動數據，同埋部 Mini 容量得 2 GB，裝唔到好多野，咁就唔會玩到遊戲，只會玩到 d 好低 B 連小學生都嫌棄的遊戲。
我上門同兩姐妹補習果陣，有一次佢地父母在場，個家姐（中一）未上堂所以玩電話，佢阿媽話即刻話，你今日已經玩左 30 分鐘，交電話，我地講好左，簽埋約架wor，冇得通融。家姐雖然有少少不滿，但係都好聽話咁交電話。
小朋友係會比較自律低，但係家長可以幫手提高同一齊抗拒誘惑，身先士卒，言傳身教。已經畀左手機，都可以亡羊補牢，為時未晚。
作者: MrBeast 時間: 17-3-4 08:47
水能載舟 亦能覆舟
作者: jumphigh 時間: 17-3-4 09:09
提示: 作者被禁止或刪除 內容自動屏蔽
作者: Jane1983 時間: 17-3-4 09:26
家長責任最大，社會點重視都無用。
作者: ysnmama 時間: 17-3-4 09:38
社會並沒鼓吹打機，是朋輩影響最大。所以家長要好好同自己子女溝通和教導。
作者: October. 時間: 17-3-4 10:20
靠人不如靠己，家長以身作則，唔打機唔煲劇，一見到仔女有打機瞄頭，就即刻禁止，電子產品一開始咗就好易沉迷，阿仔都返來講，佢中一時同學，當時成績都唔差，後尾群埋打機朋友，成績個個學期都退步，有d科開始唔合格。
不過，亦有見過自律性高既學生，本身對學業上心，會溫完書先打機，學業成績保持得好好，只是呢類學生本身有佢既特質，其它人還是打少d機好d。
作者: tutik 時間: 17-3-4 12:20
jumphigh 發表於 17-3-4 09:09
向沉迷say no學校一直有教啦，家長自己有冇教？你孩子沉迷打手机你点解比佢咁做？你有責任制止有責任没收 ...
你又知人地冇做？人地先知先覺在小學群組講中學生，你明未？個個話自己果個控制到，我接仔放學唔通見鬼？小學仲細睇得住，中學呢？本來我冇必要喚醒人，但因為朋輩影響，社會氣氛都變咗質。
就算小朋友做好課業也不宜花過多時間在電玩，有限既休息時間要静下來思考下，感受下生活，觀察下身邊人同事。本來社交既機會冇埋正常嗎？
話時話有啲grame 真係好毒，打唔完，又進级，轉頭又有message 開冇鬼宝盒加分，設計員既腦袋要小朋友成隱有幾難？我最憎打機又唔識，真係要有選擇性地比小朋友接觸。
作者: jumphigh 時間: 17-3-4 12:26
提示: 作者被禁止或刪除 內容自動屏蔽
作者: tutik 時間: 17-3-4 12:36
jumphigh 發表於 17-3-4 12:26
你係樓主？你出post想唤醒人？？ 咁你唸辦法唤醒自己先啦
...
我認同樓主。又唔明呀？
作者: jumphigh 時間: 17-3-4 12:42
提示: 作者被禁止或刪除 內容自動屏蔽
作者: COLOURDAY 時間: 17-3-4 14:26
回覆 October. 的帖子
明白系家長自己責任，不能推卸，自己也很努力做好，小學還可以控制，但到中學，特別是男仔，佢可以去借去街鋪。慨歎越來越多家庭問題由機而起，只是想社會可以宣傳多d, 大家一齊幫下手
作者: COLOURDAY 時間: 17-3-4 14:49
回覆 tutik 的帖子
好多謝你的認同，其他jm說的也有道理，明白有部分家長自己助長歪風，希望姐妹們和平討論
作者: 洋蔥頭媽咪 時間: 17-3-4 22:59
我唔讚成一味禁止，當小朋友年紀漸長一旦接觸反而容易失控，所以培養孩子自控能力相比禁止來得有效。其實打機亦非洪水猛獸，適量電玩對孩子亦有正面作用，但是家長必須從小就要引導小朋友，一旦發現小朋友未能自控，家長就有責任必須出手，約法三章或禁止一排，慢慢培養小朋友嘅自制能力。唔可以懶社會、懶學校，要教育孩子，絕對須要由家長做起，其實有部份家長自己都一樣沉迷，甚至從小就放縱子女、電子奶嘴，時下有好多小學生家長在小朋友未有要求時，已急不及待出智能手機給他們，仲話唔新款小朋友唔用，根本家長先係最大責任。
作者: 洋蔥頭媽咪 時間: 17-3-4 23:08
jumphigh 發表於 17-3-4 09:09
向沉迷say no學校一直有教啦，家長自己有冇教？你孩子沉迷打手机你点解比佢咁做？你有責任制止有責任没收 ...
，部 唉瘋 係家長自己要買給孩子，自己唔去管叫學校管嚴啲，唉...... 家長其實有冇諗下問題出在哪裏？？ 
作者: planetearth 時間: 17-3-4 23:24 標題: 回覆樓主:
男孩子要多運動發洩過旺精力，建議多外出户外活動，就會忘記打機的刺激。 慢慢開解，唔好硬碰硬影響親子關係。 當孩子覺得受專重，才會尊重父母的 勸導。
作者: October. 時間: 17-3-5 11:02
本帖最後由 October. 於 17-3-5 11:10 編輯
planetearth 發表於 17-3-4 23:24
男孩子要多運動發洩過旺精力，建議多外出户外活動，就會忘記打機的刺激。 慢慢開解，唔好硬碰硬影響親子關 ...
係呀，我仔就係仲有其它嗜好，平時練下琴又參加制服團體，加上學業俾到佢滿足感，時間分薄咗，唔會一味打機。
仲有，爸爸好肯花時間陪個仔玩，同仔天南地北，中西史科學一齊傾，爸爸對仔既影響非常之大。
作者: Dallain 時間: 17-3-5 14:18
打機對小朋友來說就是一種慢性毒藥 也可以形容是社會誘惑的縮影 根本上要從家長家庭做起 當我們自己能做到了再去教導孩子
作者: planetearth 時間: 17-3-5 14:26 標題: 回覆樓主:
用疏導洪水的方法， 即是要發洩男孩子尋求刺激的慾望，建立在不同的興趣上。小孩子是血肉之軀,不是 機械人,按個制就可以停. 要慢慢溝通. 問他為何喜歡打機, 打機有什麼好處再問他有什麼壞處, 小孩子好聰明 其實好處壞處他們都知道的. 再讓他明白父母對他沉迷打機的擔憂，他或者會自己畀答案你， 如何控制自己不沉迷，讓你不再擔心。 當他感受到父母的尊重同愛，他便會尊重你的建議。 小孩子的人生目標是什麼？ 是否只要達到父母的期望？ 父母的期望是否只求考到高分數 這種短期的績效？還是他 知道能夠追求自己的理想？ 孩子的任何理想父母是可以引導的，但不能強迫。 父母可以幫孩子分析他們某些夢想的好與壞. 但要讓他們自己可以選擇. 他們也要明白，要達到自己的夢想 過程總要付出努力。 人覺得自己活得有價值的時候，就是覺得自己夢想。 夢想 是一個統稱 ，可以大可以小。 會因不同年齡而改變。 但當知道自己有自由可以追求夢想的話 ，就會有更多正能量。
作者: simonwan 時間: 17-3-6 23:22
教育孩子父母當然有責任啦！但系系手機問題上，學校又有無責任呢？
聽好多家長講，小孩上左中一后不得不買手機，因爲老師以whatsapp 溝通，同學做project 又要用whatsapp。
我真係唔明，老師、同學日日已經系學校見面，可以好好溝通，放學回家后真係好多緊要事要即刻溝通？而家處理緊國家大事？
老師、學校，唔好用手機同學生溝通。而中一開學前，同班同學家長商量好不買手機，或者起碼不買智能手機比學生。當有一定數量同學沒有智能手機，就會用回傳統方法溝通，亦可以減少打機問題。
作者: 1998Ruby1998 時間: 17-3-7 04:34
回覆 simonwan 的帖子
我本來都係咁，覺得用老師同同學用 webmail 講咪得囉，再唔係 Facebook 寫個 message 畀我。
結果我中三家政堂，老師前日放學後先記得提科長單數學號要帶食材，個科長就係 whatsapp 到講，結果我連累到我雙數學號 partner （佢都係冇 whatsapp）被扣 50％ 分。我同老師講冇 whatsapp 唔係我錯，老師話「冇 whatsapp 係你問題，你班同學應該都知道你地兩個唔係 group 到，你地反省下係咪你地離群唔同班上同學合流，所以冇人提你？」
我 partner 冇出聲，都有安慰我，但係我好內疚，佢係個乖乖學生，從來冇老師鬧過佢，佢難受程度一定比我高。
個老師講到咁，我地兩個真係投曬降，唯有用智能手機。
結果發現冇 whatsapp 真係好難搵老師同收通知。我中五個英文老師（我仲要做科長），按章工作，朝 8 晚 3:30，遲少少落堂都搵佢唔到，office hours 外唔睇電郵，你有咩功課或者緊急通知就明天請早／祝你好運。有左 whatsapp，好容易就搵到佢，有咩臨時功課／預習都收到，唔係第二日返到學校兩邊捱鬧。另外搞 club、project、team 等等，我地好多野都要問過老師先可以攞簽名同 funding，用 whatsapp 係方便好多，可以即刻同佢地傾掂數，第二日一返到學校即刻攞簽名。仲有老師補課，下下用父母 whatsapp，連我阿爸阿媽都嫌我煩，係咁叫我換手機。
都唔知 whatsapp 係害人定幫人
作者: ar_mak 時間: 17-3-7 11:31
提示: 作者被禁止或刪除 內容自動屏蔽
作者: ar_mak 時間: 17-3-7 11:38
提示: 作者被禁止或刪除 內容自動屏蔽
作者: torunpoland 時間: 17-3-7 11:46
回覆 1998Ruby1998 的帖子
In my school days works could also be done, though in a slower pace comparatively speaking, without email, whatsapp or even phones..... the only time we could discuss the problems was the school hours like recess, lunch breaks.
作者: Artie 時間: 17-3-7 12:51
1998Ruby1998 發表於 17-3-7 04:34
回覆 simonwan 的帖子
個老師講到咁，我地兩個真係投曬降，唯有用智能手機
你呢個 case ，係老師問題，我知道大部分學校，老師最多只會用 email 通知學生，未聽過用 whatsapp。
作者: Ahbee02 時間: 17-3-7 13:41
本帖最後由 Ahbee02 於 17-3-7 13:45 編輯
其實孩子打機或使用電子產品并唔系單單只有壞處沒有好處甘絕對。正如之前有網友提到打機/使用電子產品其實并吾係洪水猛獸，適度使用好處也很多，例如方便溝通，檢索等等。我每日會比兩個細路看30分鐘ipad，佢地開心得黎又可以聽聽英文，重點係我一早同佢地約法三章，每天30分鐘，多1分鐘都吾得，並且嚴格執行，夠鐘就拿走部ipad。 細個個以前會喊，但喊左幾次都吾會比返部ipad佢，所以佢依家聽到個計時器嚮，就會通知我。
我大女平日除左做功課溫書練琴外，會抱怨時間吾夠用。因為佢有好多中意的野，包括看書，畫畫，做手工，寫野，養植物仔...佢吾會想到打機。我們大人可以做的野就係自小多d时间陪伴佢地，細心觀察佢地的長短愛好再加以配合。日子有功，佢地得閑的時候，會有很多愛好想法，電子產品自然唔會係top of mind.
作者: babywoman 時間: 17-3-7 14:44
家有小四仔。
應該小二暑假開始用pad, 當時主要看英文及普通話卡通。上youtube ，無意間就睇 到啲打機片，如－－小波子，巧克力等youtuber 都是他嘅至愛，引發佢 開始打遊戲，當然，再加上爸爸亦係一個打機友
無疑，英文同普通話都有進步的，特別普通話聽說方面。小四開始有點沉迷了，每日都冇乜功課，回家就捧pad睇片......仲話以後要做youtuber
.
最近開始，同爸爸合謀，每晚落公園跑步1至1.5小時。所以，每晚食完飯8點就落公園，帶上滑板車，帶上繩等可以玩嘅玩具，每晚都至起碼玩到9點半才回家，之後沖涼睡覺
，現在每日放學後，已唔會拎pad , 星期六日有時會讓他玩一小時。
多數升中先會買電話俾仔，希望到時佢已有一定的自制能力
| 歡迎光臨 教育王國 (/) |
Powered by Discuz! X1.5 |