教育王國

標題: 求救！！小一小朋友成日喊話好驚考試 [打印本頁]

作者: star_123 時間: 17-3-1 09:24 標題: 求救！！小一小朋友成日喊話好驚考試

我囝小一，呢排陸續開始考試，佢突然呢日，日日喊話好驚考試，溫咗都會唔記得晒，好驚唔識，唔想考試，我已解釋了好多俾佢聽，只要俾心機溫習，盡力去考，就算成績唔好，媽咪都一樣開心，唔會鬧佢，但佢都仲係喊話好驚，好不安。。。有無家長有經驗，如何可以舒緩到佢面對考試壓力呀？

今次已是第二學期考試，上學期都無呢個問題。。。

作者: Sask999 時間: 17-3-1 09:45

同學校老師了解一下在學校的情況。是否一線神校？壓力可以來自好多方面的。

作者: star_123 時間: 17-3-1 09:58

Sask999 發表於 17-3-1 09:45
同學校老師了解一下在學校的情況。是否一線神校？壓力可以來自好多方面的。
...

唔係咩勁學校，只是普通小學，其實已經同佢溫過，明明已識，但成日都覺得自己會考時唔記得晒！好驚

昨天已揾過班主任傾過下，老師話佢好乖，功課成績都好，無乜特別。。。
唔明點解突然俾自己好大壓力

作者: skkeung 時間: 17-3-1 10:04

star_123 發表於 17-3-1 09:24
我囝小一，呢排陸續開始考試，佢突然呢日，日日喊話好驚考試，溫咗都會唔記得晒，好驚唔識，唔想考試，我已 ...

小一小朋友驚是正常！

作者: miujoey 時間: 17-3-1 10:23

好正常的, 我小朋友都有問我幾次如果拎零分會點樣 ? 我同佢講你有溫書唔會得零分,放心, 只要你用心做份卷, 唔係求其做,你得幾多分媽咪都會接受, 唔洗怕,放鬆d. 跟住佢就無野啦

作者: Jane1983 時間: 17-3-1 10:26

有可能係聽同學講。如果你無逼佢，學校無逼佢，你同佢傾多d、安慰吓佢，慢慢佢就會明白係正常routine，就唔會panic。

作者: star_123 時間: 17-3-1 10:31

miujoey 發表於 17-3-1 10:23
好正常的, 我小朋友都有問我幾次如果拎零分會點樣 ? 我同佢講你有溫書唔會得零分,放心, 只要你用心做份卷, ...

我都有試過講你講過的說話，但我囝仲係不斷喊話仲係好驚，今星期只係考d oral....同電腦，普通話。。。。下星期先係考主菜，中英數常

希望佢正常返la

作者: star_123 時間: 17-3-1 10:36

Jane1983 發表於 17-3-1 10:26
有可能係聽同學講。如果你無逼佢，學校無逼佢，你同佢傾多d、安慰吓佢，慢慢佢就會明白係正常routine，就唔 ...

我會努力架la...
可能今個星期一次過考哂d散嘢: 中，英，普oral...電腦實習，筆試，每科老師提一次要溫習，對佢黎講可能好似一堆野，好多咁。。。。乜都要考

作者: PY-Sing 時間: 17-3-1 10:57

本帖最後由 PY-Sing 於 17-3-1 11:14 編輯

1. 平時要温習, 唔好迫埋温. 一個星期內, 密集式温習, 真係會記唔晒.
2. 考試前要做吓MOCK PAPER, 試吓有時限内完成份卷，学吓考試技巧.
3. 同小朋友講, 你明白佢的感受, 因為不論大人定小朋友, 面對考試都會有同樣的心情. 有咁GE 感覺, 要深呼吸, 放鬆心情. 重要同小朋友一齊重覆做深呼吸好幾次.
4. 慢慢培養閱讀課外書的習慣, 一, 可得到閱讀的樂趣, 而減壓; 二, 中文卷其實有60%以上係課外嘢(作文40%, 課寫卷一半約佔20% 係嗰D 閱讀理解等, 重有ORAL , 視聽), 所以淨係識晒課文係唔夠.

作者: wan_sosin 時間: 17-3-1 11:08 標題: 回覆樓主：

本帖最後由 wan_sosin 於 17-3-1 11:09 編輯

家長說話要有技巧，你話，"如果成績唔好"什麼為之"唔好"?你即是講緊低分係唔好，其實可以讓小朋友感覺到成績唔代表什麼，並非好與唔好。
之後又話，成績唔好唔會鬧，咁樣即是成績差係有機會比人鬧。
其實可以咁樣講，考試只係幫助學生溫習學到嘅知識，你只要溫習就好了，媽媽會欣賞你努力讀書。不如計畫下考完試想去那裡玩。。。

作者: Sask999 時間: 17-3-1 11:15

star_123 發表於 17-3-1 09:58
唔係咩勁學校，只是普通小學，其實已經同佢溫過，明明已識，但成日都覺得自己會考時唔記得晒！好驚

昨天 ...

壓力可能來自同學仔，同佢計劃下考完試的活動，可以令佢放鬆一下！

作者: marie12345 時間: 17-3-1 11:26

你同佢講考試就當平時做練習咁做，唔好令佢睇考試睇得咁重要，唔合格唔識唔記得無所謂，比佢知道考試失手好平常，唔係次次都要好成績。小一就咁大壓力，平時唔好咁focus on成績，多d稱讚佢，唔好比壓力，因為佢自我要求高，要減壓。

作者: star_123 時間: 17-3-1 11:29

wan_sosin 發表於 17-3-1 11:08
家長說話要有技巧，你話，"如果成績唔好"什麼為之"唔好"?你即是講緊低分係唔好，其實可以讓小朋友感覺到成 ...

好的，我再試試換種方法同佢傾

作者: karen55407 時間: 17-3-1 11:30

star_123 發表於 17-3-1 09:24
我囝小一，呢排陸續開始考試，佢突然呢日，日日喊話好驚考試，溫咗都會唔記得晒，好驚唔識，唔想考試，我已 ...

本帖最後由 karen55407 於 17-3-1 11:44 編輯

我曾經收過老師電話，告訴我小朋友考試很緊張，狀似想暈。於是我即日接佢放學後立即同佢去公園玩咗個幾鐘，心情輕鬆下，我向佢旁敲側擊，知道佢緊張到手汗大出，連試卷也弄濕，寫不上字。我同樓主一樣，向佢解釋考試精神在於有無努力溫習，我對佢好有信心，因為佢有努力，亦向佢指出緊張只會導致影響表現，咁就唔抵！我提意我哋一齊回家再努力温習，增加自己明天嘅信心，同埋考試記得帶定手帕抹手汗。

作者: star_123 時間: 17-3-1 11:35

marie12345 發表於 17-3-1 11:26
你同佢講考試就當平時做練習咁做，唔好令佢睇考試睇得咁重要，唔合格唔識唔記得無所謂，比佢知道考試失手好 ...

我都覺得佢自我要求高，俾咗壓力自己，今日我已試過同佢講，只當做練習，晤好咁緊張，不過仲未冷靜到。可能要長期灌輸呢個概念。。。。

最奇係唔明點解上學期又無野，好正常。。。呢幾日突然咁緊張

作者: star_123 時間: 17-3-1 11:43

karen55407 發表於 17-3-1 11:30
我曾經收過老師電話，告訴我小朋友考試很緊張，狀似想暈。於是我即日接佢放學後立即同佢去公園玩咗個幾鐘 ...

多謝你既分享。我想問下你同佢解釋完，佢係咪已經明白，有無話佢,好驚考試呀？第二日仲有無咁緊張呀？

作者: wan_sosin 時間: 17-3-1 11:44

star_123 發表於 17-3-1 11:29
好的，我再試試換種方法同佢傾

加油！

對小朋友說話用正面言詞就好了，要有正能量。
事實小朋友開始明白什麼是考試，是有可能開始識得什麼是壓力，學去克服壓力都係成長嘅路，相信只有家長可以幫到佢哋渡過

作者: star_123 時間: 17-3-1 11:53

wan_sosin 發表於 17-3-1 11:44
加油！

對小朋友說話用正面言詞就好了，要有正能量。

絕對贊同，學識面對壓力，克服困難，舒缓情緒，比學業成績重要得多。。。。

作者: marie12345 時間: 17-3-1 11:54

上學期可能未體會到考試係咩一回事，所以上次無事。咁佢平日默書測驗呢？會好緊張嗎？如果持續落去很易有情緒問題，有需要要尋找專業幫助。

作者: karen55407 時間: 17-3-1 11:54

star_123 發表於 17-3-1 11:43
多謝你既分享。我想問下你同佢解釋完，佢係咪已經明白，有無話佢,好驚考試呀？第二日仲有無咁緊張呀？
...

本帖最後由 karen55407 於 17-3-1 11:57 編輯

改善了！仲要唔好在孩子面前緊張成績，他們是知道的，派卷我都忍住唔問佢分數，等佢自己先提起，成績好就打蛇隨棍上話：「係咪呢？你咁努力温書，點會差呢？」如果成績差就關心佢話：「係咪出得太深啊？你夠唔夠時間做呀？會唔會睇題目唔夠小心呀？咁老師有無話返個答案比你知呀？仲明唔明白呀？我哋一齊睇下有無辦法改善啦！」
要解決並非一時三刻做到，要慢慢增強自信心，明白父母是永遠支持自己、陪伴自己

作者: marie12345 時間: 17-3-1 11:57

我覺得唔好再問成績好d，唔care咁。

作者: IloveJJ 時間: 17-3-1 12:01 標題: 回覆樓主:

提示: 作者被禁止或刪除內容自動屏蔽

作者: karen55407 時間: 17-3-1 12:07

marie12345 發表於 17-3-1 11:57
我覺得唔好再問成績好d，唔care咁。

唔問並非將問題解決，因為始終小朋友就係緊張自己成績，要同佢一齊克服才是治本的方法

作者: marie12345 時間: 17-3-1 12:14

回覆 karen55407 的帖子

都唔係架，很多時小朋友是因為擔心家長責難而緊張成績的。

作者: karen55407 時間: 17-3-1 12:25

marie12345 發表於 17-3-1 12:14
回覆 karen55407 的帖子

都唔係架，很多時小朋友是因為擔心家長責難而緊張成績的。 ...

家長責駡就另計

作者: MrBeast 時間: 17-3-1 12:31

通常大人在溝通上都是想提供solution，其實好多時小朋友只需有人聽下佢地感受，listen more n talk less

作者: 小曳人 時間: 17-3-1 18:59 標題: 回覆樓主：

本帖最後由小曳人於 17-3-4 09:47 編輯

我睇見標題，個腦閃過以下幾樣嘢

- 溫得熟
- 唔會有人鬧
- 巴士廣告成日見到阿熟梅姐個廣告 (其實有無人試過？！)
我家小一生，我會俾自信精油佢搽，亦不停同佢講：分數只係老師教過嘅嘢，我地識得用到幾多，90以上就即係收到哂，very good，8x就即係有d嘢未係幾清楚，從新學返就ok

作者: picture 時間: 17-3-2 16:06

star_123 發表於 17-3-1 09:24
我囝小一，呢排陸續開始考試，佢突然呢日，日日喊話好驚考試，溫咗都會唔記得晒，好驚唔識，唔想考試，我已 ...

壓力可能來自坐佢附近嘅小朋友。
我小朋友試過開學一個月返嚟問媽咪究竟乜嘢叫做考得唔好，考幾多分先至唔會俾媽咪打，考幾多分唔會比媽咪鬧。
我自問冇從來冇同佢講過考得唔好要打要閙或要罰。我再問下佢邊個同學咁慘考得唔好會比媽咪鬧俾媽咪打，就發覺原來坐係佢附近嘅小朋友都有好緊張嘅父母，所以佢就以為小學嘅默書測驗成績會害佢俾媽咪打和鬧！

作者: star_123 時間: 17-3-2 17:24

picture 發表於 17-3-2 16:06
壓力可能來自坐佢附近嘅小朋友。
我小朋友試過開學一個月返嚟問媽咪究竟乜嘢叫做考得唔好，考幾多分先至唔 ...

咁驚？！等我問下有無呢個情況先

作者: picture 時間: 17-3-2 18:02

star_123 發表於 17-3-2 17:24
咁驚？！等我問下有無呢個情況先

我相信講嗰啲父母都係想嚇下小朋友嘅啫應該唔會真係又打又鬧，但係就令到小朋友有個好負面嘅印象好似讀書唔高分就係死梗。

作者: star_123 時間: 17-3-2 19:20

picture 發表於 17-3-2 18:02
我相信講嗰啲父母都係想嚇下小朋友嘅啫應該唔會真係又打又鬧，但係就令到小朋友有個好負面嘅印象好似讀書 ...

我問過佢，佢話無同學講過

作者: roybird 時間: 17-3-2 23:34

relax more, play in the park or do something your child likes, especially important for parents to do WITH them, not just letting them do or play by themselves. This will make children feel like their parents are right there with them physically and understanding them. Try meditation, 10 mins before sleep or every morning, clear their mind, think about things that happened that day, if happy, carry the happiness to the next day, if unhappy, acknowledge it and leave it behind after meditation. Think about what they can achieve, so many hopes and happiness that they can achieve in a day, regulate breathing, regain confidence. Your kid is only P1, you can make meditation a funny name, to make it more interesting. Hopefully you will see improvement after 1-2 months, but you have to do it regularly, everyday or every 2 days. This will improve concentration, confidence and emotions.

作者: miujoey 時間: 17-3-3 08:58

回覆 picture 的帖子

真係有好多家長為成績又打又鬧

作者: Maggieb1122 時間: 17-3-4 14:19 標題: 回覆樓主:

我囡第一次測驗都有以上情況，喊住話唔返學。我同佢講媽咪同你溫習咗盡力便ok。同埋我解釋比佢聽,點解要測考，因老師唔知教完你地，係米全班識哂，咁考完如果唔係咁好的老師會再教，等佢唔使咁驚，就算考得差都不怕。

作者: fishchow 時間: 17-3-4 20:47

roybird 發表於 17-3-2 23:34
relax more, play in the park or do something your child likes, especially important for parents to d ...

本帖最後由 fishchow 於 17-3-4 20:47 編輯

Very good advice, thank you ~

作者: 蝦米豬 時間: 17-3-5 00:11 標題: 回覆樓主:

六七歲的小朋友生理上未能承受一般大人覺得OK的壓力。有那些現象(尤其不只一次)要注意。大人說話要就住講。我自己常以蝌蚪和青蛙的故事提醒自己，不要硬把大人以為好的事強加小朋友身上，如果那是違反自然，失傷是孩子(青蛙媽媽硬要兒子小蝌蚪到水面，好看看出面廣濶的世界，兒子不想，覺得水裏更好。最後還是招不住媽媽，到水面來，最後缺氧死，因為蝌蚪雖然是青蛙所生，但"變態"之前只用腮呼吸，成人青蛙用肺和皮膚呼吸。醫院設兒科，是因為兒童在很多方面與成人不同

作者: Money18 時間: 17-3-6 09:01

star_123 發表於 17-3-1 09:24
我囝小一，呢排陸續開始考試，佢突然呢日，日日喊話好驚考試，溫咗都會唔記得晒，好驚唔識，唔想考試，我已 ...

首先都仔細想想上一次溫書應付考試的過程，(emoji)️時候你嘅期望及反應都會今小朋友過考試結果的價值觀放在得高了！考得好，考得唔好你嘅態度有唔同嗎？如何讓小朋友知道分數不是用來定高低，是讓大家知道有冇從課堂上學懂知識！這個價格值重要D，所以嚐試將成績同你嘅喜怒脫勾啦！考得唔好，你都唔會唔開心嘅態度或是者說話最好不要再説！當然考得好一定需要鼓勵！

歡迎光臨教育王國 (/)