教育王國

標題: 50億元的教育改革（鄭丹瑞） [打印本頁]

作者: elbar 時間: 17-2-22 09:03 標題: 50億元的教育改革（鄭丹瑞）

有特首參選人公布教育、稅務及房屋三大範圍的政綱，指出現行教育政策在理念及執行方面都出現問題，本年度教育經常開支達747億元，佔政府經常開支21.5%，是回歸後最低，這位特首參選人建議每年增加50億元的經常性教育開支。

「參選特首嘅人為咗達到入閘嘅目的，真係無所不用其極！」損友甲忍不住口，又在月旦時事：

增加50億元經常性教育開支，先唔好話呢個名有幾誤導，我一聽仲以為香港教育政策都未搞掂，竟然去搞『性教育』添！

算，當我無知兼心邪，我亦唔準備批評呢位提出50億元教育支出嘅參選人，佢本身喺過去五年對教育政策有決定性嘅話事權，點解佢明知不足，但係過去五年乜都唔做？依家先做?!

我淨係想知道，呢50億元到底對學生嚟講，有幾多實質性嘅幫助？定係反而可以助長更多人成立『求學只是求分數』嘅學店，去俾更多功課啲學生？去搵更多香港家長着數？！

「50億元，可以呃到班天真嘅民主派，但係可以買番因為頂唔住功課壓力而自殺嘅學生條命咩？」損友乙忿忿不平說。

「唔該佢慳番呢50億元，要嚟做其他民生發展啦！未來五年，聘請一個對教育真係有認識、有理念、有熱誠嘅教育局局長，五年二千萬，已經足夠有餘！企圖用錢去撫平大家對今時今日香港教育政策嘅不滿，係對香港家長嘅一種侮辱！」好事之徒講出這50億元的重點。

作者: ABC-DAD 時間: 17-2-23 00:54

專欄[作家]。

作者: skkeung 時間: 17-2-23 18:43

elbar 發表於 17-2-22 09:03
有特首參選人公布教育、稅務及房屋三大範圍的政綱，指出現行教育政策在理念及執行方面都出現問題，本 ...

唔知講乜？

作者: palmchristy 時間: 17-2-24 17:11

對人不對事.

不如針對地講吓50億 (747億的6.6%) 經常性開支可以做得啲乜. 請教師? 小班教學? 推動閱讀? 請專家持續研究減功課? 做教育檢討? 生命教育?

作者: Cheeselover 時間: 17-2-24 22:50 標題: 回覆樓主：

本帖最後由 Cheeselover 於 17-2-25 07:05 編輯

根據過去五年的財政預算案，教育支出分別是747億(16-17，725億(15-16)，678億(14-15)，638億(13-14)和604億(12-13)，數字告訴我們每年的教育支出約增加30-40億，所以增加50億，除非在現有每年遞增上再加50億，否則沒有什麼大驚小怪，政客都是這樣，競選承諾往往不會兌現，一旦部分兌現，就大吹大擂，不可一世。

歡迎光臨教育王國 (/)