教育王國

標題: 國際音小3月開家長答問大會　音樂教育全港最強？ [打印本頁]
作者: elbar    時間: 17-2-20 13:30     標題: 國際音小3月開家長答問大會　音樂教育全港最強？

                                 
香港首間音樂中小學國際基督教優質音樂中學暨小學，將於3月10日及3月24日舉行兩場2018/19小一入學家長問答大會，讓家長了解學校的辦學理念，但網上報名5分鐘已經全部額滿，家長反應非常踴躍。


國際音小的辦學宗旨是全日制優質音樂中小學，提供基督教優質教育和優質音樂教育， 讓學生在聖經真理及音樂的薰陶下，獲得優良的教育及栽培，這間學校的課程相對於其他直私小學，有甚麼獨特的特色。


1. 課程以音樂培訓為重心


國際音小的課程以音樂為重，音樂課的比重與中英數等科目無異，每周約9節，而課程主要包括 4 個部分：


音樂欣賞：


學習不同時期樂曲的特色、音樂歷史及分析等。


音樂創作：


小一會學習基礎樂理，期望同學在小學階段具備創作不同樂曲的能力，且不少同學在小二時已開始創作。


                                                                                                                                                                                    

學生上課情形（相片來源：經濟日報資料室）



器樂演奏：


同學在小一開始參與器樂課，每位同學可主修一種器樂，並在同一課時由導師作單對單教授。成績優異的同學可參與種籽計劃，加強訓練，並會定期舉行大師班及舉行種籽音樂會，邀請家長到校欣賞，豐富同學的演出經驗。


                                                                                                                                                                                    

學生上課情形（相片來源：經濟日報資料室）



合唱訓練：


校內每位學生也要參與合唱訓練，學習運音技巧、音準等；個別同學會獲選加入合唱團，並按高低音編進不同的聲部合唱。現時學校由小一到第十二班，按年級共有 5 個合唱團，除了在每年一度的大型音樂晚會中演出，也會參與社區的慈善表演。


2. 音樂配套完善


學校會邀請考官到校考核，學生在熟悉的環境中考試，減低學生在考試時緊張的感覺。校方不會催迫同學參與比賽，但有興趣的同學，老師也會代為報名。


3. 校園設施


該校除了一般的校園設施外，更設有一個可容納約800人的音樂廳、一個可容納約300人的小教堂、44個樂器練習琴藝室、3個小型演奏廳、1個電子音樂創作室等，為培訓音樂人才做好準備。


                                                                                                                                                                                    

非洲烏干達Watoto兒童合唱團《希望之聲音樂會》(香港之旅) -於國際基督教優質音樂中學暨小學演出。（相片來源：經濟日報資料室）



4. 學費
學校小學部（一至六年級）每級共有５班，中學部（七至十二年級）每級共有４班。2018 -19年度入學的小一新生需繳交的學費如下（學費已包括器樂全年費用$10,000）：


小一至小三：全年學費$52,000，分10個月繳交


小四至小六：全年學費$57,000，分10個月繳交


5. 申請入學方法


有興趣報名的家長請於4月3日至11日（4月4日學校假期除外）親身到校遞交申請表格，連同以下各項資料：




學校將於5月8日或之前透過電郵通知家長面試日期及時間等詳情，面試時請帶同已列印的電子通知書到場。

作者: 3hearts    時間: 17-2-20 14:35

話咁快又一年
作者: japoton    時間: 17-2-23 12:00

本帖最後由 japoton 於 17-2-23 12:04 編輯

回覆 elbar 的帖子

其實又係個套睇自己鐘唔鐘意個理念, 有家長覺得非谷不可, 谷就有成績,所以真係要睇返自己如何選擇

呀仔係音小讀得開心, 成績又唔差, 起碼每天他是開開心心上學, 返學還可以做自己喜歡的事

作者: 百畝林    時間: 17-3-11 04:03

昨晚剛去音小家長答問會。一開始係唱詩。學校宗教同音樂氣氛真係幾濃厚。真係鍾意嘅就好鍾意！
作者: Potato001    時間: 17-3-11 08:14     標題: 回覆樓主:

學校有好多音樂老師，上器樂班35個小朋友一齊去琴房上堂，每個小朋友一間房，有一個老師獨立較授，安排得好好。

昨天說初小每星期四堂音樂堂，唔知九堂係幾年級呢？
作者: se6b03    時間: 17-3-11 08:39

我自己其實唔太理解，照理音樂教育係香港並非主流。現實啲講，如果家長打算比小朋友第日大個做醫生，律師，工程師，機師等等，咁樣讀呢間音小有冇用呢？音樂係香港又好似無乜市場，大個咗搵唔搵到食呢？一大串疑問，受家長歡迎嘅主因係咪只係因為有一條龍中學呢？照這樣理解，如果有一間以優質體育教育為主嘅一條龍中小學開辦，以培養小朋友將來成為出色運動員，唔知家長又是否接受呢？
作者: 百畝林    時間: 17-3-11 09:22

佢受歡迎有佢嘅因素。每個小朋友同家長嘅要求都唔同嘅。
香港有私校，就係讓有唔同理念嘅辦學團體可以做到佢地想做嘅嘢。有供有求。
我諗音樂比較可以有系統咁教。就算他日小孩唔以音樂為職業，學好一個樂器或如果能以音樂舒發情感、減輕壓力，對每個人都有幫助。
作者: se6b03    時間: 17-3-11 09:35

百畝林 發表於 17-3-11 09:22
佢受歡迎有佢嘅因素。每個小朋友同家長嘅要求都唔同嘅。
香港有私校，就係讓有唔同理念嘅辦學團體可以做到 ...


可能辦學團體就係睇中呢個市場，音樂教育算係跟主流教育好唔同。如果以同樣理念引伸開去。可以辦藝術教育學校，體育教育學校。

作者: moledy    時間: 17-3-11 12:21

其實聽落都幾舒服..講真, 谷既學校都會叫小朋友要學一種學器LA..都係要額外比佢課餘去讀, 所以而+學校句埋比佢上學時學埋都覺得係一件好事..所以要睇下家長自己BUY 唔BUY 佢地衣套方法...
作者: BCoLick    時間: 17-3-11 15:53     標題: 回覆樓主：

本帖最後由 BCoLick 於 17-3-11 15:53 編輯

大家聽完琴日答問環節有咩感覺？

作者: 78c9    時間: 17-3-11 17:16

BCoLick 發表於 17-3-11 15:53
大家聽完琴日答問環節有咩感覺？

相信基督徒會十分喜歡，但不是基督徒的又覺得如何呢？
本人喜歡校長，昨晚一開始的頌讚
已經明刀明槍說給家長知道，我們是“神”校，每年都是這樣，本人十分欣賞
作者: funny-sue    時間: 17-3-20 17:45

我本人不是基督徒, 亦無宗教信仰, 但好欣賞校長的理念, 讀音樂不是一定要成為音樂家, 音樂的確令小朋友得變得有氣質, 加上學校課程不緊湊, 對小一生來講真的不錯



歡迎光臨 教育王國 (/) Powered by Discuz! X1.5