教育王國

標題: 2017英國中學畢業 [打印本頁]

作者: wesleypiano 時間: 17-2-17 01:08 標題: 2017英國中學畢業

你地仔女英國中學有冇一個好大型好formal 嘅畢業典禮邀請父母參加？每間英國中學係唔係冇美國一樣，有四方帽帶，有畢業禮？我個仔甚至叫我地唔使嚟英國參加，只是一個好簡單係校園草地同老師同學影吓相，然後有個leaver's Ball.你地一樣嗎？

作者: yfchanMa 時間: 17-2-17 01:22

回覆 wesleypiano 的帖子

呀囝學校有leaver's ball, 無四方帽，無家長份，只係老師、同學一齊

作者: 1998Ruby1998 時間: 17-2-17 04:59

有 d 學校有，有 d 連 leaver's ball 都冇。我親戚讀果三間，一間私校，兩間公校，私校有 ceremony、ball、night out 等等你想到便有，但係唔包家長（雖然歡迎家長但係冇家長咁唔通氣踩場）。公校其中一間頒獎典禮請所有家長（有獎冇獎同學都可以帶家長），但係冇 ball，咩都冇。另一間頒獎典禮只係請有獎學生家長，有小型 ball 但係只包括學生同老師。

你個仔既然話唔洗就唔洗，不過你可以同佢講，難得你中學畢業，大個仔正式可以投身社會，父母好想過來支持同埋留下美好回憶，順便一齊遊英。不過如果你話唔洗過來英國的話，咁 ok 啦，父母留係屋企等睇你 send 相。

（話說我發覺原來我香港中學連畢業證書都冇，仲要畢業典禮夜晚舉行，完場即刻趕人走，都冇點同老師同學影相

）

作者: etoile 時間: 17-2-17 16:29

原本我都打算去睇佢畢業禮，但佢話只係last day響學校內有個church service，之後有leavers' lunch，跟住走得，家長最多去church service，所以唔洗去。

作者: wesleypiano 時間: 17-2-19 04:42

今晚同佢討論過，佢話可能只係下午同佢影吓相,之後佢要同同學去Levers' ball,唔得閒理我地，之後遅兩曰就要同同學去graduation trip!唔可以留低係英國同我地去玩.但我覺得個仔中學畢業都唔出席，好似人生欠左一D野！

作者: dizidizi 時間: 17-2-19 14:41

wesleypiano 發表於 17-2-19 04:42
今晚同佢討論過，佢話可能只係下午同佢影吓相,之後佢要同同學去Levers' ball,唔得閒理我地，之後遅兩曰就要 ...

吓！中學畢業，唔需要咁緊張要去參加畢業典禮，大學畢業才去都唔遲喇。(emoji)(emoji)

歡迎光臨教育王國 (/)