教育王國
標題: 請問大家小朋友每日要用幾多小時做功課？ [打印本頁]
作者: Bigpig_2007 時間: 17-2-16 23:11 標題: 請問大家小朋友每日要用幾多小時做功課？
本帖最後由 Bigpig_2007 於 17-2-16 23:30 編輯
我的孩子小三，平時每日功課10樣！每日放學后兩個鐘頭返補習班都不可能完成功課，食完飯後又要繼續做，每日都要四個小時才能完成，仲慘過返工！佢經常都要11-12點後才可以睡覺！
我哋一般津校，知道同學校反映都冇用，因為已經有人做過，而插班學位普遍緊張，我哋又轉唔到校...... 我個仔資質一般，但其他小朋友是否都要做到咁夜？
我想幫我仔轉happy school ，但唔敢考慮寶校，因為怕同學欺凌或帶壞個仔，請問仲有什麼方法呢？
作者: ar_mak 時間: 17-2-16 23:48
提示: 作者被禁止或刪除 內容自動屏蔽
作者: tkinwong 時間: 17-2-17 00:04
其他同學是否都要四小時以上完成？
你自己的判斷，是否真的要四小時？還是有其他因素而影響到做功課效率？
作者: ar_mak 時間: 17-2-17 00:37
提示: 作者被禁止或刪除 內容自動屏蔽
作者: tkinwong 時間: 17-2-17 01:00
ar_mak 發表於 17-2-17 00:37 
其實我都唔係好明白,既然功課咁緊,何以仲去補習班? 果2個鐘不如去"功課補習班",做哂D功課再講其他好過啦. ...
我估樓主所指的補習班，其實係功課班。
如果「專心」做要做四小時功課，那的確是過多。而每晚都成十二點睡，日頭係會唔夠清神。
問題是，樓主首先要了解下點解要四個鐘頭做功課？係咪小朋友唔知點做？找不到源頭，轉校都未必有用。
作者: ar_mak 時間: 17-2-17 01:05
提示: 作者被禁止或刪除 內容自動屏蔽
作者: greentea000 時間: 17-2-17 01:54
cut 功課輔導班
改搵上門補習一對一
作者: LeeCC 時間: 17-2-17 07:45
功課班秩序如何？是否好騷擾，引致不能專心做功課？如因為無人照顧需要留小朋友在功課班，考慮轉補習社
如樓上所講，十樣功課中幾多樣是改正？如果日日都要大量改正，是小朋友大意錯還是不懂得做而功課班不能協助？
小朋友本身專注力是否弱？睡眠不足是原因之一
作者: JC_mami 時間: 17-2-17 09:34
回覆 Bigpig_2007 的帖子
小兒小一，每天大概5-6樣，因為學有一堂功課堂，開學到現在逢星期一至四，功課都已經在學校完成，星期五也只需做大概半小時。小兒就讀一間九龍塘出名谷的私小。我覺得要教佢時間管理，千萬唔好俾佢hae,尤其男仔，我仔坐超過半小時就開始發夢，唔專心，温書或做功課會事倍功半。亦可以利誘，例如做完功課可以睇半小時卡通，我仔很work
作者: 0030 時間: 17-2-17 09:53
10樣太多，正常5-6樣，所以選小學好重要～
作者: Bigpig_2007 時間: 17-2-17 09:59
greentea000 發表於 17-2-17 01:54
cut 功課輔導班
改搵上門補習一對一
其實之前係搵一對一補習，不過兩個老師，一個成日放飛機，一個就係hea做... 所以之後先轉功課輔導班，幫到手，不過真係功課太多啦！
基本上每日大概有兩樣改正，主要中文抄寫多，而且每科都會有TSA練習，唔淺架...... 我仔專注力一般，同其他同學比，可能最多都係差一個小時吧！ 大部份家長覺得有問題，多數敢怒不敢言，因為怕影響小朋友嘛......
作者: LeeCC 時間: 17-2-17 10:05
原來現在反得甘厲害, 仍有學校會有大量的tsa練習
作者: Bigpig_2007 時間: 17-2-17 10:08
tkinwong 發表於 17-2-17 01:00
我估樓主所指的補習班，其實係功課班。
如果「專心」做要做四小時功課，那的確是過多。而每晚都成十二點 ...
我仔唔啱填鴨式教育，機械式操練對佢冇用，我自己在家都要再教......
我真係想知大家平日功課，需要幾耐時間做完？如果10至11點睡覺，我想個仔每日最多只可以接受兩個鐘頭，大家又係咪呢？
我想有個指標去幫個仔進步，或者找合適學校
作者: Bigpig_2007 時間: 17-2-17 10:12
LeeCC 發表於 17-2-17 10:05
原來現在反得甘厲害, 仍有學校會有大量的tsa練習
一開學已經講明全級補課，不過唔提TSA字眼only!
作者: CALVEN 時間: 17-2-17 10:13
本帖最後由 CALVEN 於 17-2-17 10:19 編輯
我仔小五，每日功課三至五樣，昨日兩樣，通常做1.5小時，因為佢手腳慢(但考試又夠時間:igiveup)
晚上十點瞓至早上七點半
作者: bb鼠 時間: 17-2-17 10:24
我女小五，每日每科3樣，放學3:15，我放工返到屋企6:00通常做哂
做唔哂果日多數係放學唔做功課掛住同細佬玩
作者: wan_sosin 時間: 17-2-17 11:09 標題: 回覆樓主:
我小朋友都係小三，平均一日4，5樣功課，佢多數係學校先做一些，回家一小時內完成，比較花時間是數學，因為又要解題，又要寫答句，有時要寫落格仔簿，要注意格式，又要寫得細隻，唔太快得到
作者: IloveJJ 時間: 17-2-17 11:20
提示: 作者被禁止或刪除 內容自動屏蔽
作者: IloveJJ 時間: 17-2-17 11:27 標題: 回覆樓主:
提示: 作者被禁止或刪除 內容自動屏蔽
作者: b3410 時間: 17-2-17 12:28
係改正功課方面有小小心得。因為一年級時仔仔都係粗心大意，中文，常識字詞等功課第一遍抄些幾乎全錯，第二日改正等於全部再寫過。之後繼續錯一半左右，再改。如此循環，功課越來越多，寫的辛苦亂寫就錯更多。
改善方法就係儘量第一次對。情願自己辛苦，每一次字詞都仔細check一次，保持正確。之後慢慢減少重複改錯啲時間，小朋友都肯認真完成功課，慢慢加快速度。
作者: little_yolky 時間: 17-2-17 13:17
Bigpig_2007 發表於 17-2-17 10:08
我仔唔啱填鴨式教育，機械式操練對佢冇用，我自己在家都要再教......
我真係想知大家平日功課，需要幾耐 ...
至於你話抄寫多, 其實係最好, 因為唔駛用腦, 可以做得好快, 最驚係數學D TSA挑戰題, 有時出動埋C6都唔識計。不過, 佢學校功課唔多, 但小三時都試過8、9樣, 日日都有TSA練習的, TSA練習佢做得好快。
睇返阿妹, 今年小二, 做收12題錯11題, 英文練習兩頁錯一半, 又嘥時間擦重做, 10樣功課變20樣功課, 只有抄寫唔駛重做, 又係唔專心, 尤其攰時更唔專心, 唔做到天光就奇啦。所以, 囝囝如果攰, 真係一個惡性循環, 10樣功課唔係問題, 唔識做就大問題, 有無同功課班老師了解過佢情況, 佢係咪諗多過做? 如果大部份同學都係咁辛苦, 同學校講安排功課堂有無可能呢?
作者: Bigpig_2007 時間: 17-2-17 13:53
little_yolky 發表於 17-2-17 13:17
做功課呢家嘢真係要睇人。舊年阿女小三, 都有TSA練習做, 不過, 佢哋學校一三五有功課堂一個鐘, 所以佢一般 ...
我哋學校一星期都係得一至兩堂功課堂，呢個係一個好方法，有機會見到老師同佢哋傾下得唔得。
其實都係想學生成績好，操練之外，一定有好多方法吧⋯⋯
作者: Bigpig_2007 時間: 17-2-17 13:55
IloveJJ 發表於 17-2-17 11:20
寶校先有關愛！我識既讀寶校既小朋友，都係抽獎唔好彩入去，但返學返得好開心，老師好關心學生，學生跟唔 ...
請問你講嗰間學校叫咩名？
作者: MASAYA 時間: 17-2-17 14:07
little_yolky 發表於 17-2-17 13:17
做功課呢家嘢真係要睇人。舊年阿女小三, 都有TSA練習做, 不過, 佢哋學校一三五有功課堂一個鐘, 所以佢一般 ...
作者: IloveJJ 時間: 17-2-17 14:31
提示: 作者被禁止或刪除 內容自動屏蔽
作者: little_yolky 時間: 17-2-17 14:32
MASAYA 發表於 17-2-17 14:07
操到識連爸爸都唔識既題目，妳應該好開心
作者: wan_sosin 時間: 17-2-17 14:43
little_yolky 發表於 17-2-17 14:32
唔好話開唔開心, 阿女係儍既, 唔好理佢, 我無見過有小朋友主動要做練習的, 佢今年仲學埋上堂jot notes同埋 ...
你大女喜歡做練習，咁樣其他正路唔喜歡做太多練習的同學仔，面對日日的TSA練習，有什麼反應？
我仔間學校，小二開始會每科有本筆記簿，老師會教同鼓勵學生抄筆記，也會有預習功課，叫學生嘗試查字典，找資料，老師才會上堂正式教，中文課本不教的課文，會叫學生自習。
作者: IloveJJ 時間: 17-2-17 14:47
提示: 作者被禁止或刪除 內容自動屏蔽
作者: little_yolky 時間: 17-2-17 14:49
wan_sosin 發表於 17-2-17 14:43
你大女喜歡做練習，咁樣其他正路唔喜歡做太多練習的同學仔，面對日日的TSA練習，有什麼反應？
我仔間學校 ...
唔知你仔仔邊間學校, 但聽得多你講, 都覺得你哋學校好好。我哋學校只係老師隨意咁講過下, 阿女又發現有D測考係課文無但老師上堂有講, 佢醒水自己jot notes的。佢話好多同學上堂無抄筆記的。下學期剛開學, 佢開始預習常識, 返嚟話預習真係好, 上堂超明............不過, 缺點係佢要我同佢一齊預習, 我好攰, 因為我要同阿妹預習。
作者: wan_sosin 時間: 17-2-17 14:52
IloveJJ 發表於 17-2-17 14:47
你女學校日日要做TSA咁誇張？我見通常係程度淺既學校先操TSA。
本帖最後由 wan_sosin 於 17-2-17 15:11 編輯
係囉！我個仔間學校，只係程度普通嘅普通津校，學校有為學生準備考TSA的安排，但都無需要日日做TSA練習。
不過我知我隔離區間一線龍頭小學，都要小三學生一星期一日返早半小時做TSA練習
作者: little_yolky 時間: 17-2-17 14:52
IloveJJ 發表於 17-2-17 14:47
你女學校日日要做TSA咁誇張？我見通常係程度淺既學校先操TSA。
對中文科有一種執著, 但就搞到班細路好唔鐘意中文。
作者: wan_sosin 時間: 17-2-17 15:04
little_yolky 發表於 17-2-17 14:49
其他同學仔緊係發。晒。顛啦！
唔知你仔仔邊間學校, 但聽得多你講, 都覺得你哋學校好好。我哋學校只係老師 ...
我仔學校在傳統學校當中，都叫做肯做些靈活一點的安排。
上堂抄筆記，專心聽課，預習，同同學的合作性等等，今年開始，每科老師會為學生評分，幾個月會出一次個分數比家長睇到。達到某個水平會輕輕有些獎勵來推動學生。
學校期望學生學識主動學習。
不過這間學校只係一間在區內普通唔算好受歡迎的村校，升中派位一般。
作者: MASAYA 時間: 17-2-17 15:40
little_yolky 發表於 17-2-17 14:52
只有中文一科, 每日一個練習, 其實唔多, 阿女20分鐘之內做晒的。佢哋老師好變態, 對中文科有一種執 ...
作者: wan_sosin 時間: 17-2-17 15:48
MASAYA 發表於 17-2-17 15:40
我諗老師都唔想既，跟程序啫
老師個指引，無話要令學生喜歡該科目，學生唔喜歡係學生自己嘅事
作者: IloveJJ 時間: 17-2-17 15:55
提示: 作者被禁止或刪除 內容自動屏蔽
作者: IloveJJ 時間: 17-2-17 15:56
提示: 作者被禁止或刪除 內容自動屏蔽
作者: MASAYA 時間: 17-2-17 16:00
IloveJJ 發表於 17-2-17 15:55
我仔都係中英文有筆記，老師會教佢哋寫筆記，中文和數學有預習冊，每課開始前先預習。我都覺得咁樣好，起 ...
作者: MASAYA 時間: 17-2-17 16:01
IloveJJ 發表於 17-2-17 15:56
係咪因為咁，所以中學中文成績好呢？
作者: IloveJJ 時間: 17-2-17 16:02
提示: 作者被禁止或刪除 內容自動屏蔽
作者: little_yolky 時間: 17-2-17 17:55
IloveJJ 發表於 17-2-17 15:56
係咪因為咁，所以中學中文成績好呢？
作者: IloveJJ 時間: 17-2-17 17:57
提示: 作者被禁止或刪除 內容自動屏蔽
作者: babywoman 時間: 17-2-17 18:47
功課多就真係難搞。如果大部分家長都有此感覺 ，我覺得大家應該集合起來向學校反應下。
我仔小四，平日都比較少帶功課回家做，因在校的功課堂做晒。今日星期五，回家再做半個鐘，就ko咗全部功課。
作者: Bigpig_2007 時間: 17-2-17 20:59
babywoman 發表於 17-2-17 18:47
功課多就真係難搞。如果大部分家長都有此感覺 ，我覺得大家應該集合起來向學校反應下。
我仔小四，平日都 ...
家長多數只會私底下傾，個別去反應還可以，如果集合起來一齊反映，就會變成投訴，投訴完隨時冇運行，大部份家長都唔會博吧～
真係好羨慕，原來仲有咁多學校有咁多功課輔導堂（仔更正我：原來一個星期多數都係得一堂），功課又咁少，我諗都係再慢慢睇有冇機會轉下啦
作者: CALVEN 時間: 17-2-17 21:31
Bigpig_2007 發表於 17-2-17 20:59
家長多數只會私底下傾，個別去反應還可以，如果集合起來一齊反映，就會變成投訴，投訴完隨時冇運行，大部 ...
作者: babywoman 時間: 17-2-17 22:54
回覆 Bigpig_2007 的帖子
大家一齊反映一定得，個別反映，學校以為得你一個咁 ，或少數覺得有問題。
聽聞德信小學五六年前都多功課，經家長反映後，現在少咗 好多（聽在讀生講的）。
不過，我發覺少功課，小朋友都未必得閑。我仔身邊不少同學，放學後一至五及六都排滿節目，可能佢 地樂在其中，但我見到好辛苦。
作者: 山海兒女 時間: 17-2-17 23:25
其實，功課數量只係一個數字，跟本冇得比較，要比應該同自己班同學比。
但能力會因人而異。就算同一班，有人天天在學校完成所有功課，放學後一大堆課外活動，九點半上床；有人晚晚十二點還未做完功課。
我家兩個已經好唔同，明明覺得妹妹的功課好少，應該可以半小時完成，不知不覺，三個小時也未做完。之於哥哥，話好多功課，但好快完成又可以去玩。
作者: greentea000 時間: 17-2-18 00:00
樓主打聽左小四~小六功課量未？
越高班越多？
作者: 洋蔥頭媽咪 時間: 17-2-18 00:28
小三已經每日10樣，11-12點先訓覺，點捱到高小？通常高小功課會更多，若學校有分精英班，會再多啲。我兒小學時功課不多，通過1個鐘內完成，如果多果日佢亦會利用小息或午息時間做些少，時間分配好重要。我諗樓主有必要了解小朋友是否真係唔識，定粗心大意心散，亦必須要教孩子學懂時間管理，對將來升中後都好有用。如果學校功課真的太多，有必要跟學校反映吓，唔須要怕日後會點點點，好好與班主任溝通下，其實家校合作都好重要。
| 歡迎光臨 教育王國 (/) |
Powered by Discuz! X1.5 |