教育王國

標題: 女孩 7歲，再度被學校懷疑adhd [打印本頁]

作者: coffeejoeybb 時間: 17-2-10 18:13 標題: 女孩 7歲，再度被學校懷疑adhd

其實幼稚園k1-k3時，小女都表現好遊雲，發夢，唔聽指令，冇同理心，直腸直肚，自我中心，周身郁，冇時停，當時我都有帶過去社區中心上過行為情緒班，亦見過幾個社工，都只係話佢轉數快少少，所以覺得悶，而作出以上行為，同加埋有機會學左大人口吻，所以說話係比較直接，同令人難堪。當時見有慢慢改善，就沒有再理會呢一種特質，而且屋企人，唔覺得同唔接受我見意，所以不了了知。到今天來到小二的家長日，小學老師，再次提起小女，教左佢年半中文，都觀察到佢，（小一時都已經講過下周身郁，坐唔定）仍然不由自主地周身郁，發夢遊雲，對同學冇禮貌，鐘意捉人錯處，成日話同學，令同學唔開心，唔識睇人眉頭眼額，成日要各科老師叫佢名，招返佢個魂返黎上堂，但佢就冇騷擾人。講說話無大無細，說話不懂輕重，易放棄，依賴人，有時過份的自私，當正係人都要就佢，要同學跟佢做法，鐘意管人，但唔鐘意比人管，我有帶佢去學roller,訓練專注力，順便消佢體力，但成效不大，因為成做任何事都覺得可以玩，好輕視。而且我發掘唔到佢長處，加而發展。記性係好，重點係佢鐘意既野先會記得一清二楚，但唔肯記生字，反而課文，老師課堂上講過既野，全部記得，可以背出來，但中文閱讀理解奇差，考試錯失亦不少。
7歲我應該去邊做評估，一話只係懶？

作者: chowqv 時間: 17-2-17 08:17 標題: 回覆樓主:

你仲打算等？

作者: coffeejoeybb 時間: 17-2-17 08:18

chowqv 發表於 17-2-17 08:17
你仲打算等？

唔係，已經搵左社工約心理學家，希望盡快排期，亦已著手搵課程比佢上下先

作者: chowqv 時間: 17-2-17 08:23

coffeejoeybb 發表於 17-2-17 08:18
唔係，已經搵左社工約心理學家，希望盡快排期，亦已著手搵課程比佢上下先

...

如果老師同你講，可以去排CAC；至於排幾耐，要視乎小朋友既嚴重情況。
阿仔以前小一，有同學係咁，佢媽媽喊晒口去排，加埋社工既信，1個月就排到，係上學期尾已經食藥。

作者: coffeejoeybb 時間: 17-2-17 08:29

chowqv 發表於 17-2-17 08:23
如果老師同你講，可以去排CAC；至於排幾耐，要視乎小朋友既嚴重情況。
阿仔以前小一，有同學係咁，佢媽媽 ...

我都已經同註校社工講，希望佢同學校都願意幫我寫信去排，我女一年班時都還可以，易控制，冇禁易跳制，但二年班開始，可能見另一位有較嚴重adhd既同學，可以自行離座，周圍行，所以有樣學樣。

作者: chowqv 時間: 17-2-17 11:13

coffeejoeybb 發表於 17-2-17 08:29
我都已經同註校社工講，希望佢同學校都願意幫我寫信去排，我女一年班時都還可以，易控制，冇禁易跳制，但 ...

唔好等學校出信，去咗CAC排（搵西醫開轉介信，最好你地睇開果個）；起碼有日子見咗姑娘先，跟住有份表俾學校填。到時要唔要睇精神科醫生開藥，就到時至算。
等學校主動轉介，就有排等。

作者: coffeejoeybb 時間: 17-2-17 11:17

chowqv 發表於 17-2-17 11:13
唔好等學校出信，去咗CAC排（搵西醫開轉介信，最好你地睇開果個）；起碼有日子見咗姑娘先，跟住有份表俾學 ...

明白，唔該晒Jm

作者: jocelynqq 時間: 17-2-21 10:40

提示: 作者被禁止或刪除內容自動屏蔽

作者: mama.olive 時間: 17-2-27 17:30

如果係只係專注係自己鍾意既野而又唔識睇人眉頭眼額，都有可能係A仔喎，建議盡怏做評估

作者: Dressup123 時間: 17-2-27 17:47

以前排CAC要年幾，依家唔知要幾耐，CAC之後都要再排精神科。建議見普通科醫生寫紙直接排精神科。

歡迎光臨教育王國 (/)