教育王國

標題: 將來會出國留學，local or international school? [打印本頁]

作者: wigg 時間: 17-2-10 10:04 標題: 將來會出國留學，local or international school?

小兒會9月入小一，已有二線私小及CAIS offer, 請問各位經驗，若一早已打算送小朋友去外國讀高中的話，現階段應該讀local school還是international school比較適合？

有人說填鴨下學到的勤奮、紀律將來可以outperform 外國人。但小兒本身好動，但內向無乜自信，我怕入LS信心只會更低。

感激大家的意見！

作者: Kai12345678 時間: 17-2-10 10:07

wigg 發表於 17-2-10 10:04
小兒會9月入小一，已有二線私小及CAIS offer, 請問各位經驗，若一早已打算送小朋友去外國讀高中的話，現階 ...

經濟負擔許可當然是國際學校

作者: 亮燈 時間: 17-2-10 11:29

wigg 發表於 17-2-10 10:04
小兒會9月入小一，已有二線私小及CAIS offer, 請問各位經驗，若一早已打算送小朋友去外國讀高中的話，現階 ...

其實冇乜所謂，但如果想小朋友中文有一定根基的話，就搵間廣東話教中文既小學讀，如果唔太重視中文既話，就讀國際學校啦！

作者: jj100c 時間: 17-2-10 14:21

三或四年級先轉國際學校好D，始終local數學及中文教得深D。

作者: Ruby1219 時間: 17-2-10 18:12

wigg 發表於 17-2-10 10:04
小兒會9月入小一，已有二線私小及CAIS offer, 請問各位經驗，若一早已打算送小朋友去外國讀高中的話，現階 ...

其實不能一概而論，好睇個別父母教育理念丶取向丶經濟能力，亦視乎小朋友的性格，學習能力丶興趣等。

作者: peter_pan 時間: 17-2-10 22:29

回覆 Ruby1219 的帖子

十分同意。其實不一定要讀國際學校才可以說好的英文，本地學校學生出外讀書成功的例子無數，DGS, Co-ed 的好學生英語水平一定不比國際學校學生差，甚至更好。而作為第二語言， GSIS 學生的德文更比英國學生強。所以任何一條路均有它的好處，要好好衡量自己的能力可以如何在各方面為小朋友作支援，才決定那一條路適合自己。

作者: 1998Ruby1998 時間: 17-2-11 01:15

其實冇所謂，我阿媽係我小二同中四果陣係想送我去英國讀書，不過阿爸堅持要我識中文，起碼有張 DSE cert 證明我中文能力正常，往後大學畢業想留當地或者回港都得，甚至兩地考政府工都得。

唔一定「好動，內向無乜自信」係 local school 生活唔到，我呢個人版，超級好動（近乎 ADHD），冇時停成日爬來爬去，但係對陌生人就超級內向。我讀一線女校，老師雖然好討厭我咁活躍，但係佢地都算係有份建立我人生的一部份，無論好壞。

你永遠唔會知道個小朋友將來會點同埋去邊度發展，我情願畀佢留係 local school，唔得先去 international／出國，因為中文細個唔學，大個就唔願學，到時候想學已經太遲。如果一開始就去左 international school，我感覺就好似斷左佢人生其中一部份，international school 學生唔係咁願意講中文。我補習果兩個讀 QBS，唔願講廣東話／普通話，逼佢先講，同埋父母同佢地講廣東話，佢地講講下就用英文答。同埋數學真係淺到爆炸，我數學老師個女讀 AIS，d 數淺到佢頂唔順，要同個女操練。

當然，教育呢家野「家家有本難念的經」，不能一概而論，以偏概全。

作者: Ruby1219 時間: 17-2-11 02:02

1998Ruby1998 發表於 17-2-11 01:15
其實冇所謂，我阿媽係我小二同中四果陣係想送我去英國讀書，不過阿爸堅持要我識中文，起碼有張 DSE cert 證 ...

國際學校（尤其top 的幾間），不是你讀不好local schools時想考就考到的。有些top local schools 學生中學也考不到CIS, GSIS, 等等。

的確大部分IS學生不喜歡說廣東話，但也視乎父母。我個仔由細到大都係IS, 直到中四過埋英國，但到而家同我的對話是全廣東話。他中四時與其他兩個香港LS去的男生一同考A level 中文，結果他考到A*，其他兩位考A.所以真不能一概而論。
至於數學也是。普遍LS好像叻些，但阿仔剛告訴我他們學校裏從SIS 收來的男生數學超班。

作者: wigg 時間: 17-2-11 18:08

好多謝大家嘅分享！我同意要學好中文，因為喺香港唔識中文都係難揾工，但同時英文都要兼備，唔係第日就算去咗外國讀書都係搞唔掂！我先生都係在香港傳統男校讀到中六，移民到外國讀埋大學，的而且確佢嘅數學超晒班。我公司亦有同事由細個開始讀國際學校，語文能力及處事都好好！

所以同意好睇小朋友！

作者: william99 時間: 17-2-11 22:20 標題: 回覆：wigg 的帖子

其实分别真是没有那么大。聪明的小朋友会很快把握规则，适应环境，不论是本地还是国际学校都能学好。

但是中文真是好重要，说不一定哪一天在香港中文的重要的程度会超过英文，所以我还是建议在本地学校读书。况且还没有国际学校那么贵。小学时间家长用些心孩子的成绩都会好好，现在的小学普遍也是活动教学，除非家里钱多，实在没有必要在小学阶段投入太多金钱。

作者: HHHR 時間: 17-2-12 02:51

回覆 wigg 的帖子

我個人覺得係間學校是否適合你兒子。

香港的本地及國際學校都有一定數量的優質學校，各擅勝長。小心選擇一間適合你兒子便可。

作者: lovelybunny 時間: 17-2-12 20:43

我情況同樓主好似，想個仔喺香港讀小學，之後打算送佢過加拿大讀grade 6-8. 自己覺得呢個階段最適合去外國讀書，一來可以train up有口音嘅流利英語，二來小朋友會比較融入當地社會。志於那一個grade過去要視乎到時小朋友嘅適應能力同屋企嘅經濟情況。

三年前我仔有一間不錯的直資和CAIS嘅offer，當時報CAIS都係諗住第時都會送佢去加拿大讀書，CAIS會係一個不錯嘅選擇（有報CDNIS但唔收）。最後，我哋揀咗去直資，因為諗完一大輪，都係先打好中文底同埋訓練好紀律為首要。去到外國真係一切都要靠自己，自律同自發性真係好重要。

由於我會prefer舉家過去陪伴孩子一起生活，而加拿大嗰邊基本上唔會搵得返香港嘅人工，所以要把握呢幾年時間去儲定錢。有諗過想將阿仔小學畢業之後，再申請入CAIS浸2-3年，brush up佢英文咁佢可以大少少過去都容易銜接啲（我唔想佢過去讀ESL，所以一係年紀細啲過去或者英文好啲嘅時候先過去），咁我哋一家可以再推遲幾年時間再搵下錢（現實是如此殘酷(emoji)），同可以等埋妹妹再大啲先一起過去。

作者: tempo526 時間: 17-2-15 14:27

提示: 作者被禁止或刪除內容自動屏蔽

作者: celinechan117 時間: 17-3-2 11:40

回覆 1998Ruby1998 的帖子

作者: Kelly0524 時間: 17-3-14 17:25

提示: 作者被禁止或刪除內容自動屏蔽

作者: Jlyan028 時間: 17-3-24 10:33

我都有這個念頭,比仔仔入IS。不如大家share 下。 whats app group pm me.

作者: Jlyan028 時間: 17-3-24 10:35

lovelybunny 發表於 17-2-12 20:43
我情況同樓主好似，想個仔喺香港讀小學，之後打算送佢過加拿大讀grade 6-8. 自己覺得呢個階段最適合去外國 ...

你會去加拿大邊度？

作者: lovelybunny 時間: 17-3-24 12:14

Jlyan028 發表於 17-3-24 10:35
你會去加拿大邊度？

去Vancouver. 你呢？

作者: Jlyan028 時間: 17-3-24 12:16

lovelybunny 發表於 17-3-24 12:14
去Vancouver. 你呢？

我都係呀(emoji)

作者: yellowbena0308 時間: 17-5-9 18:45

lovelybunny 發表於 17-2-12 20:43
我情況同樓主好似，想個仔喺香港讀小學，之後打算送佢過加拿大讀grade 6-8. 自己覺得呢個階段最適合去外國 ...

我都係想小朋友有一定中文程度及數學基礎，所以打算小一選擇local school. 不過我見多數家長係讀完小學先移民外國，但我老公要小朋友讀完小二丶三就走。會不會太細個?

作者: vf_mom 時間: 17-5-10 14:21

本帖最後由 vf_mom 於 17-5-10 14:22 編輯

yellowbena0308 發表於 17-5-9 18:45
我都係想小朋友有一定中文程度及數學基礎，所以打算小一選擇local school. 不過我見多數家長係讀完小學先 ...

小二、三走你要預左中文吾好，我有親友仔女加拿大土生土長，父母在家全講廣東話，小朋友吾頤講，用英文回答，現在長大了只識聽，睇同寫只識簡單中文。但現在加拿大那邊揾工，識中文及流利普通話反而有易揾工，因為好多大陸新移民，請來招呼他們。現在香港有幾間國際學校都著重中文，如CIS, ISF等中文好强，有好多學生IB考 Language Chinese A 的，所以我認同初少讀一間英文好的local 或直資，高少時轉去國際。

作者: ratafan 時間: 17-5-13 18:42

It depends on whether your kids plan to stay and work in Canada when they grow up. It is true that in terms of simply making a living, it's fine to stay in Canada. But when it comes to better work opportunities or upside in career, people generally turn to HK or China. So Chinese is getting more important now. Good command of Chinese is definitely an advantage.

作者: GBM 時間: 17-5-14 18:05

yellowbena0308 發表於 17-5-9 18:45
我都係想小朋友有一定中文程度及數學基礎，所以打算小一選擇local school. 不過我見多數家長係讀完小學先 ...

其實小二三走，讀咩類型學校我覺得冇咩所謂。我家姐個女，而家12歲，當年喺香港讀咗半個學期直資，跟住轉咗去讀國際，完成小二就移民去加拿大，轉咁多間，都冇咩英文上適應嘅問題，喺香港讀國際時，都有中文讀，不過係簡體字，我見佢女英文中文都好好。

而我，我仔讀了6年直資，而家將會上埋Form1, 打算出年或後年一家返美國，我冇咩擔心佢英文，反而想佢多讀中文，英文佢暫時，年年返美加，同啲表兄弟妹，都用英文溝通冇問題。

作者: yellowbena0308 時間: 17-5-14 18:30

GBM 發表於 17-5-14 18:05
其實小二三走，讀咩類型學校我覺得冇咩所謂。我家姐個女，而家12歲，當年喺香港讀咗半個學期直資，跟住轉 ...

我仔喺香港比較少講英文，所以老公先話早啲移民過去俾佢早啲適應。但我怕一開始小朋友會好驚，亦唔知有無小學肯收佢。你知道政府學校會收嗎?還是私校比較好？

作者: GBM 時間: 17-5-14 18:47

yellowbena0308 發表於 17-5-14 18:30
我仔喺香港比較少講英文，所以老公先話早啲移民過去俾佢早啲適應。但我怕一開始小朋友會好驚，亦唔知有無 ...

你去邊個國家？

作者: yellowbena0308 時間: 17-5-14 18:51

GBM 發表於 17-5-14 18:47
你去邊個國家？

美國東岸

作者: GBM 時間: 17-5-15 11:39

yellowbena0308 發表於 17-5-14 18:51
美國東岸

我將去西岸。

其實你如屬移民性質，可先睇吓你將會住嘅地區，公立學校質素如何，先再決定讀公定私立學校。

作者: lovelybunny 時間: 17-5-18 22:21

yellowbena0308 發表於 17-5-9 18:45
我都係想小朋友有一定中文程度及數學基礎，所以打算小一選擇local school. 不過我見多數家長係讀完小學先 ...

小二、三可能會細咗啲，所以想打好中文底先。

我親戚小二移民加拿大，喺屋企要用中文對答同日日睇中文報紙，所以keep到中文，但寫就好一般。

作者: mugtaitai 時間: 17-5-19 14:00

本帖最後由 mugtaitai 於 17-5-19 14:02 編輯

yellowbena0308 發表於 17-5-14 18:30
我仔喺香港比較少講英文，所以老公先話早啲移民過去俾佢早啲適應。但我怕一開始小朋友會好驚，亦唔知有無 ...

只要你係合法居民，所屬校區嘅公立學校一定會收，呢點可以放心。但要考慮嘅係該校區嘅公校質素水準如何，如果唔係咁理想，一係搬屋，搬去一個好嘅校區，一係入私立

嘅美國一般來講，私立嘅質素普遍好過公立，但學費幾貴，唔係好多家庭願意比，佢地好多情願貴少少搬去一個好校區，雖然間屋係貴左，但好校區嘅屋升值能力高，貴買貴賣，將來筆錢仍然係自己嘅，但私校學費比左出去就冇得回頭，呢個係一個考慮。我有朋友仔女細個時讀私校，後來覺得唔值得，賣屋搬左去一個好校區，將仔女轉左去公校，但亦有親戚認為美國嘅公校冇一間讀得，所以幾貴都堅持幾個仔女讀私校，純粹係家長嘅價值觀同選擇

歡迎光臨教育王國 (/)