教育王國
標題: 時間? [打印本頁]
作者: JoseHui 時間: 17-2-8 13:51 標題: 時間?
小女今年中五, 距離考DSE 還有一年時間. 每天應付做不完功課, 久吾久要做 Project, SBA 等搵資料咁, 好像連瞓覺時間都不夠. 何來時間溫習? 操卷 ? 唉! 現今教育制度真是..........
想請教大家時間緊迫如何安排溫習 ? 何時安排去遵 n, 英 K 等大間補習天皇才好?
Thanks
作者: brother4 時間: 17-2-8 14:38 標題: 回覆：時間
平時都有操，可能拆細來出，不是每份操，好多時間可用暑假全日回校做，什麼學校?
作者: 1998Ruby1998 時間: 17-2-8 20:24
我中四已經開始咁，一日 24 小時係絕對唔夠用。朝 8 晚 4，放學補習，夜晚做功課溫書做 project，仲慘過打工。打工還好，有人工賺，唔鍾意就可以換工，工作表現符合老闆預期唔畀人炒就得。讀書就慘，冇人工（雖然知識就是力量，但係用知識搵食果陣係 N 年後的事），返學正職冇得唔讀，補習半職，夜晚冇得休息睇電視煲劇要做功課。放假仲慘，話就話係假期，但係可能要返學校補課／補習。成績唔只要合格，仲要超出預期，跑贏大市。
好多時我仲辛苦過阿媽阿爸！阿爸星期六日唔洗返工可以玩同休息，我就要溫書打拼，然後仲畀阿媽阿爸話「唔努力讀書」！吊頸都要抖氣啦！如果老細叫你朝 8 晚 4，放工 OT，做到 8、9點先返屋企食飯，仲要夜晚冇得休息要密密做。好多父母同朋友都會話個老細痴線，不如辭工搵過份。但係同樣道理，放係學生身上，好多人就即刻覺得冇問題好正常。 
我最恐怖果陣凌晨 4 點先做曬 d 功課溫書同補習功課，訓 2 個鐘就要起身，7 點返到學校同同學彩排 presentation，全日有 3 個小測，冇機會上堂訓覺補眠，然後放學 4-7 點去補習，夜晚 8:30 先返到屋企，第二日仲有測驗。我果日前前後後飲左 3 樽特濃咖啡保持清醒，回想都覺得恐怖。最慘係因為平日放學後時間唔夠用，星期六日朝 8 晚 8 補習。Chur 到咁，鐵甲人都頂唔順啦！ 
作者: MC1128 時間: 17-2-8 21:00
1998Ruby1998 發表於 17-2-8 20:24 
我中四已經開始咁，一日 24 小時係絕對唔夠用。朝 8 晚 4，放學補習，夜晚做功課溫書做 project，仲慘過打 ...
成個農曆年假玩食瞓
作者: ivantissue 時間: 17-2-8 22:44
MC1128 發表於 17-2-8 21:00
點解我女咁hea
成個農曆年假玩食瞓
作者: brother4 時間: 17-2-9 00:14 標題: 回覆：1998Ruby1998 的帖子
好犀利好捱得，將來OT冇難度
作者: brother4 時間: 17-2-9 00:18 標題: 回覆：MC1128 的帖子
估不用担心，應 勝劵在握，所有可以煲劇來减壓
作者: CrabPincers 時間: 17-2-9 09:16
1998Ruby1998 發表於 17-2-8 20:24
我中四已經開始咁，一日 24 小時係絕對唔夠用。朝 8 晚 4，放學補習，夜晚做功課溫書做 project，仲慘過打 ...
將來出黎做野，就知道讀書好
我成日都同女講，依家幸苦幾年，搵份好工，將來好幾十年
我女果時都無煲劇，但無你講到甘慘，easter, xmas,暑假都有時間一家人去旅行，未試過捱夜，最多十二點零訓，補課都是長假期早人開學一兩日，係交ies果幾日兩點零三點訓
作者: 1998Ruby1998 時間: 17-2-9 09:43
回覆 CrabPincers 的帖子
我學校 Easter Xmas 後考試，所以好少人會選擇去旅行。然後我地補課係一放暑假即刻開始，一三五 9:00-3:00，二四六 9:00-2:00。我由中學開始就冇去過旅行冇煲劇，你女兒好好彩啊！
我唔算好慘，我同學仲忙過我，學校 choir、Orchestra、Concert Band、Editorial，因為成日 lunch time 練習，所以成日冇機會食 lunch，我見佢咁辛苦，捱義氣同佢寫左 2 篇 school magazine articles。
可能我地學校鍾意 push limit，十月頭 ies first draft，十一月中 final draft，12 月頭 hard copy 同 presentation 都要交，3 個月內寫份 5000 字 IES，對一個中五生有點吃力。
可惜，永遠都係旁觀者清，當局者迷。同仔女講「辛苦呢幾年，以後日子就好過」呢句說話其實有d難聽，就好似父母先入為主左，覺得仔女依家承受的壓力係碎料。因為當下日子難熬，「幾十年」呢個數字對學生來講係超級遙遠，連有冇大學讀／讀咩系都睇唔透，更不用說幾十年後。呢家野，冇返咁上下年紀同歷練係唔會明白。
其實我同朋友 DSE 後打工，覺得打工比讀書更有成就感。 以前 d 人話上到中學／大學，會懷緬小學同中學生活，但係我一點都冇，反而覺得當下的我比以前更好。
作者: 馬媽媽 時間: 17-2-9 10:46
1998Ruby1998 發表於 17-2-9 09:43
回覆 CrabPincers 的帖子
我學校 Easter Xmas 後考試，所以好少人會選擇去旅行。然後我地補課係一放暑假即 ...
When developing a career and keeping a position (not just having a job), the life and the pressure is harder than studying in primary or secondary schools.
Enjoy your life at university stage!!
作者: 馬媽媽 時間: 17-2-9 10:49
回覆 馬媽媽 的帖子
My daughter also knows that 「辛苦呢幾年 (the time of F.4 to F.6)，以後日子就好過」. It is not difficult to graduate from HK Universities when comparing with other oversea universities.
作者: TwinWong 時間: 17-2-9 11:08
JoseHui 發表於 17-2-8 13:51
小女今年中五, 距離考DSE 還有一年時間. 每天應付做不完功課, 久吾久要做 Project, SBA 等搵資料咁, 好像連 ...
本帖最後由 TwinWong 於 17-2-9 11:09 編輯
本帖最後由 TwinWong 於 17-2-9 11:09 編輯
我只见啊囡中五不停寫essay
中六反而補習停咗日日去自修室温書
到關門 改同學買練習互換操 考完1月個試
再去補中英文通識 然后報poly U玩英文oral
考晒試仲做好多份portfolio 準備interview
因為怕成績唔得 in 咗8間副學士 /學位 當取經
作者: ivantissue 時間: 17-2-9 11:14
CrabPincers 發表於 17-2-9 09:16
將來出黎做野，就知道讀書好
我成日都同女講，依家幸苦幾年，搵份好工，將來好幾十年
作者: pineapple0983 時間: 17-2-9 11:19
所以我成日建議啲人S4選修科選科最好要選啲相互有關連的科，咁做會慳番唔少時間。
否則讀6、7科完全冇關的科，淨搵paper操都較難，個腦讀完一科，又要抽離自己投入另一科，事倍功半~
作者: ivantissue 時間: 17-2-9 12:38
本帖最後由 ivantissue 於 17-2-9 13:08 編輯
pineapple0983 發表於 17-2-9 11:19
所以我成日建議啲人S4選修科選科最好要選啲相互有關連的科，咁做會慳番唔少時間。
否則讀6、7科完全冇關的 ...
作者: brother4 時間: 17-2-9 13:43 標題: 回覆：時間
由小學至中學，香港讀書太辛苦(填鴨式)，可能目標是大學，時間控制看番歷屆高手/狀元的心法及秘笈，網上有很多。。。入咗大學又可能另一個世界 ，可以hea著讀，如不想考第一名，gpa2ㄧ4可畢業
作者: 1998Ruby1998 時間: 17-2-9 18:03
回覆 馬媽媽 的帖子
Me and my friends did a full time job as waitresses and dish-washing. It was not as horrible as I thought.
40+ is too far away from 18 year olds, one can hardly expect teenagers to truly understand, and that's life. If you had known everything well from the beginning and plan for it, that's not truly life, that's plan.
But well, I always believe with more pressure and responsibility, comes more freedom and enjoyment.
作者: October. 時間: 17-2-9 22:02
1998Ruby1998 發表於 17-2-9 09:43
回覆 CrabPincers 的帖子
我學校 Easter Xmas 後考試，所以好少人會選擇去旅行。然後我地補課係一放暑假即 ...
問我仔，我仔話努力溫書想考好d，成績好自己會開心d，就係咁簡單。
作者: Rattie 時間: 17-2-9 23:11
1998Ruby1998 發表於 17-2-9 09:43
回覆 CrabPincers 的帖子
我學校 Easter Xmas 後考試，所以好少人會選擇去旅行。然後我地補課係一放暑假即 ...
妳應該把妳呢d非人嘅高中生涯 po 响小一 升中 初中版，等d準家長有d心理準備，又或者諗吓貴校係咪真係適合自己 / 個女...........
作者: Rattie 時間: 17-2-9 23:13
MC1128 發表於 17-2-8 21:00
點解我女咁hea
成個農曆年假玩食瞓
我女當年仍然日日有得睇佢至愛嘅美劇
作者: Rattie 時間: 17-2-9 23:19
CrabPincers 發表於 17-2-9 09:16
將來出黎做野，就知道讀書好
我成日都同女講，依家幸苦幾年，搵份好工，將來好幾十年
我女高中都唔多捱夜，考試時期更加唔會夜瞓，佢話反正再温成效唔大，不如早d瞓第二朝頭腦清晰d好過
作者: brother4 時間: 17-2-10 00:01 標題: 回覆：時間
亞大很少做功課，捱夜是煲劇，記得家長日 當日見老師 ，可能亞大同咗學校講去留學，班主任話去留學好貴不如努力讀書，歷屆上三大一隻手內的數，想番去留學是好方法
作者: CrabPincers 時間: 17-2-10 07:30
1998Ruby1998 發表於 17-2-9 09:43
回覆 CrabPincers 的帖子
我學校 Easter Xmas 後考試，所以好少人會選擇去旅行。然後我地補課係一放暑假即 ...
我女都是xmas eater 之後考上，但所像中有一年xmas返左大陸浸溫泉，一年easter去左台灣，今年xmas都有去旅行，我覺得吊頸都要抖下氣，但我果時見個女，等船：飛機時會溫下書，去到就盡情玩
作者: CrabPincers 時間: 17-2-10 07:43
1998Ruby1998 發表於 17-2-9 18:03
回覆 馬媽媽 的帖子
Me and my friends did a full time job as waitresses and dish-washing. It was not ...
幾十年後好似好遠，但話甘快就到，我女真係有聽我講，但個仔就好似你/朋友甘，太長遠，當然我間不中又會幫佢洗下腦
待應/洗碗呢d工當然不恐怖，只要行得正企得正，做乜野工種，靠自己努力去搵錢的都應該尊重茲方/職業，呢個社會甘大，不會全部人都是律師/醫生/會計師之類，呢d高層人士都要生活，都要有人去茶餐廳煮飯/有人洗碗/有人幫佢地d車入油/洗車
如果未盡力，只是卦住玩/訓覺而不努力為將來去讀書，只要將來不好後悔就得
而我，就是好後悔當年點解會考時卦住訓，而以一分之差先讀到中六而後悔
依家你例後生，可以同父母住，無需要為住屋雜費而煩惱，試下叫你做待應/洗碗的朋友，用佢地的工資去租樓住一個月，看下可不可以還維持依家佢地的生活質素，到時再話我知夠竟恐不恐怖
作者: 1998Ruby1998 時間: 17-2-10 09:48
回覆 CrabPincers 的帖子
雖然我 DSE 後繼續同父母住，但係要交房租，水電煤 Wifi 四分一同家用。我果陣正職大概賺八千，家用兩千、房租一千五、雜費膳食等等加埋一千（我覺得已經算平），剩低三千五交通費（因為居住地方冇地鐵同埋我用成人票價）。所以要額外兼職補習。我當然知道維持生活質素係咩回事。依家我冇同父母住啦，住宿費父母墊住先，我依家半工讀人工剛剛好夠襟住宿費。平日咪幫 professor 做 research 同埋幫學校其他 society 做推廣，有錢收。雖然唔多，但係夠用啦。可惜就係點半工讀都唔夠畀學費，唯有等暑假打多兩分工。我有時候都想抖，但係阿爸阿媽同我講，呢個世界從來都唔會因為我而跟住一起抖。我記得以前小學去旅行，父母唔畀玩。我好記得有一次因為我係機上面心散溫唔到書，阿媽鬧到我喊，畀附近d 外國乘客投訴我嘈。你都算諗得開，唔係個個家長都意識到「吊頸都要抖下氣」呢個道理。
可能係我思想太奇怪，我覺得我自己一定要經歷年輕瘋狂、失敗慘痛、後悔、返唔到轉頭、接受看化呢d情節。 
我冇機會經歷到年輕瘋狂呢個階段，反而覺得自己有少少浪費左十幾年的生涯。
不過呢，仔仔如果係唔透，點洗腦都係唔透（可能會嫌你煩添 
），同我果班外國朋友相似，唔會去考慮將來，活在當下。畢竟你經歷左果幾十年，個仔冇經歷過，唔明白都係正常，唯有等開竅。又或者可以咁講，佢因為睇唔到將來，幻想唔到自己入大學個樣，所以覺得要開心左先。你女兒反而知道同埋想像到，所以就明白。
最後，都祝福你仔仔女女學業有成，仔仔早日開竅。
作者: MC1128 時間: 17-2-10 12:34
1998Ruby1998 發表於 17-2-10 09:48
回覆 CrabPincers 的帖子
雖然我 DSE 後繼續同父母住，但係要交房租，水電煤 Wifi 四分一同家用。我果陣正 ...
傻的嗎？你20未夠，大把年少輕狂的機會。玩還玩，記住要安全
作者: 梁太2010 時間: 17-2-10 13:25
提示: 作者被禁止或刪除 內容自動屏蔽
作者: tiffanychanmama 時間: 17-2-13 15:36
我仔上年考, 成績普通, 吾肯補習, 每晚到11點就睡, 反而入左大學先2點3點睡, 因為打機, 希望在明天, 捱過後我仔日日過佢既日子, 冇人管, 日日上網打機, 都吾似讀書
佢考DSE吾會開夜, 功課好求其, 佢話開夜會影響第2日精神, 所以點都吾會開夜讀書 (入大學開夜是因為第2日好晏起身), 仲有佢吾補習, 佢話補習會攪到冇時間溫書, 最後我唯有請補習老師上門, 好彩佢順利入到大學
所以別擔心, 係有壓力, 但別太緊張面對, 我仔操好多卷的沒預期好, 反而我擔心到死的通識同中文竟然考得吾差, 吾見佢補習同溫喎, 只有說佢有D運, DSE 盡力便可以, 別有太大壓力
作者: johnmamama 時間: 17-2-13 21:14
阿女中四沒特別補習，過年一樣去旅行，直到中四暑假，我才叫佢補中文，話晒都是死亡之卷，跟林xx老師，。中五過年，easter 都去旅行，只是中五下中年開始補數學，學校暑假教書，中六就開始操paper, 直到考Dse. 也沒有網上早報副學士， 中學沒有給她壓力，只放手。平日上堂留心， 見佢中六畢業試後溫書早上10到晚上8點。最後dse 結果7科5+
| 歡迎光臨 教育王國 (/) |
Powered by Discuz! X1.5 |