教育王國

標題: 6歲男童說要殺了自己，是亂講說話還是有自殺傾向？ [打印本頁]

作者: kelly425 時間: 17-2-8 10:19 標題: 6歲男童說要殺了自己，是亂講說話還是有自殺傾向？

本帖最後由 kelly425 於 17-2-8 10:43 編輯

六歲男童，讀小一，功課壓力不算很大，但做功課拖拉不專注，媽媽要求有點嚴格，有時控制不住情緒會很嚴厲地罵他。但父母都要工作，不是天天能回家陪伴，主要是爺爺麻麻同工人姐姐照顧。他現時也表現得比較戀母，和媽媽在一起是會很喜歡錫媽媽，也會說最中意媽媽。不過他近期都經常講反話，有時不聽話也會被家人責駡。

工人姐姐話最近兒子講過幾次要殺咗自己，究竟係叛逆期亂講嘢講反話定係有自殺傾向？應該點面對？

作者: 小曳人 時間: 17-2-8 11:03

多d了解孩子，到底係學其他人講，無特別意思，定係有咩唔開心？
有需要時，可以揾社工成輔導人士幫手

作者: bobo101^*^ 時間: 17-2-8 12:14

kelly425 發表於 17-2-8 10:19
六歲男童，讀小一，功課壓力不算很大，但做功課拖拉不專注，媽媽要求有點嚴格，有時控制不住情緒會很嚴厲地 ...

個人認為, 工人姐姐的說話不太可信, 應向自己兒子了解下先。
父母雙職, 兒子做功課拖拉時間, 相信家中長老同工人都幫不到, 可考慮參加功課班幫手, 在導師及其他小朋友陪同下, 一起做功課。一來可減低父母磨擦, 二來不用等你們放工回來才做功課(太晏)。始終剛升小一, 面對功課對小朋友來說, 都有一定困難, 尤其是功課上認字, 發現唔識睇, 就依賴及HEA住做。如果是主職媽媽既話, 就要控制自己情緒, 慢慢教囉!

作者: Hillkymama 時間: 17-2-8 13:01

同意先同孩子了解, 問下除了學習問題外, 在學校有無其他事發生.
睇下小朋友喺睇新聞,劇集定聽其他大人講自殺,有無諗過點行動, 定只係戲言.

如有相熟家長,問下同班小朋友有無事發生.
打比班主任了解下返學情況, 同埋搵社工傾下.

作者: HappyCheerBaby 時間: 17-2-8 13:18

回覆 kelly425 的帖子

吓, 咁大件事！最好搵社工傾吓，了解小朋友發生乜野事啦！

作者: crysta2l 時間: 17-2-8 15:03

任何人講得出要殺了自己都不要當是戲言, 不論是真心還是引人注意, 都是一個求助信號. 難得媽媽和他的關係仍是很好, 請放下功課, 耐心, 用心的聽聽他的心聲吧!! 每天多忙, 也要抽幾分鐘親親孩子!!

作者: brother4 時間: 17-2-8 15:41 標題: 回覆：6歲男童說要殺了自己，是亂講說話還是有自殺傾向？

唔怕萬一，最怕一萬，去見医生先，錢浪費咗不重要，重要一條生命，帶母親及孩子一起看，快快快

作者: MrBeast 時間: 17-2-8 16:10

小一未係反叛期，何不直接問小朋友有冇什麼不開心、特別事情，bed time story 後是很好的時機，記得只聽，不需提供解決方法

作者: vpo0615 時間: 17-2-9 15:28

難道樓主會因為有人答"係亂講說話", 就咁掉以輕心?

作者: cosyfook 時間: 17-2-9 21:15

本帖最後由 cosyfook 於 17-2-9 22:01 編輯

我囡小二時曾經俾我責罵時發脾氣講過要跳樓自殺，當時聽到嚇咗一跳，問清楚後知道佢係發洩先咁講。其後又有一次同樣情況發晒脾氣話想死，我就俾咗D地獄圖片佢睇，跟住話自殺嘅人會落地獄，會更加痛苦，佢睇完覺得好恐怖，我再同佢分析自殺根本解決唔到問題，之後就一直都無再提自殺了。

不過樓主最好要了解清楚囝囝為何會有此想法，不能掉以輕心

作者: jimjimjim 時間: 17-2-9 22:04

要正視
搵學校社工
一定要跟進
唔怕一萬只怕萬一無左個仔

作者: skkeung 時間: 17-2-10 19:57

kelly425 發表於 17-2-8 10:19
六歲男童，讀小一，功課壓力不算很大，但做功課拖拉不專注，媽媽要求有點嚴格，有時控制不住情緒會很嚴厲地 ...

看心理醫生'！

作者: choikiuma 時間: 17-2-12 09:10 標題: 回覆：6歲男童說要殺了自己，是亂講說話還是有自殺傾向？

不要廻避自殺的話題，要直接同囝囝了解，問他有沒有想過自殺，如何自殺等細節，如佢已有計劃細節，你要小心佢會實踐，你可以打電話比防止自殺撒瑪莉會熱線，社工會有專業意見比你

作者: LODAVID 時間: 17-2-13 14:04

回覆 kelly425 的帖子

但父母都要工作，不是天天能回家陪伴...._________________________________________________________________

什麼是不能天天回家陪伴? 晚上湊小朋友回家瞓還是連晚上都冇見?
見面時又會講咩.....只可講親子時間好重要. 多D相處; 多D了解; 多D說正面說話.
陪伴時侯"質"亦好重要. 唔好只看成績, 情緒智商訓練係呢個年齡更要看重.

歡迎光臨教育王國 (/)