教育王國
標題: 女仔,想轉校 [打印本頁]
作者: nacky0825 時間: 17-2-7 16:48 標題: 女仔,想轉校
現在讀緊band 1c
成績中間
請問有無邊間中學會收插班生呢?
想搵D校風OK嘅學校
作者: 701003 時間: 17-2-7 20:20 標題: 引用：現在讀緊band+1c成績中間請問有無邊間中學
原帖由 nacky0825 於 17-02-07 發表
現在讀緊band 1c
成績中間
請問有無邊間中學會收插班生呢?
作者: TwinWong 時間: 17-2-7 21:15
nacky0825 發表於 17-2-7 16:48 
現在讀緊band 1c
成績中間
請問有無邊間中學會收插班生呢?
想轉同grade ？
作者: nacky0825 時間: 17-2-8 10:05
現在中一,唔係成績問題,低D grade都可以
作者: Yanamami 時間: 17-2-8 13:56
我諗你要打电話去心儀中学问下收唔收插班……係咪朋輩相处问題？又唔知你係边－区……
作者: nacky0825 時間: 17-2-8 16:57
現在係九龍塘區中學
作者: Yanamami 時間: 17-2-8 20:28
銀禧？邱佐榮？
作者: nacky0825 時間: 17-2-9 11:48
想轉去優才書院,但而家無位,亦問過培道,都係要6.7月先知有無位
作者: BallBallMaMa 時間: 17-2-10 16:13
nacky0825 發表於 17-2-9 11:48
想轉去優才書院,但而家無位,亦問過培道,都係要6.7月先知有無位
有沒有問過九龍真光中學？
作者: nacky0825 時間: 17-2-10 16:39
未,現在打算到6,7月時逐間打去問,學校功課測驗量,我諗間間斬差唔多
我淨係想個囡返學開心D,唔洗晚晚喊,跟住話唔想返學
近排我成日好驚睇D新聞,驚阿囡頂唔住,唉.....
作者: TwinWong 時間: 17-2-10 17:49
nacky0825 發表於 17-2-10 16:39
未,現在打算到6,7月時逐間打去問,學校功課測驗量,我諗間間斬差唔多
我淨係想個囡返學開心D,唔洗晚晚喊,跟住 ...
如果受欺凌要同學校講同揾社工幫忙
如果女較內弱去到邊一樣比人蝦
到到都有少少依類學生 不如正視 好過逃避
作者: cecichan 時間: 17-2-10 18:29
nacky0825 發表於 17-2-7 16:48
現在讀緊band 1c
成績中間
請問有無邊間中學會收插班生呢?
現在讀的是女校？
作者: johnmamama 時間: 17-2-11 13:34
nacky0825 發表於 17-2-7 16:48
現在讀緊band 1c
成績中間
請問有無邊間中學會收插班生呢?
作者: nacky0825 時間: 17-2-14 14:01
男女校,校風唔差的,都唔知點解,唉.....
作者: TwinWong 時間: 17-2-14 14:32
nacky0825 發表於 17-2-14 14:01
男女校,校風唔差的,都唔知點解,唉.....
不如先了解啊囡問題向邊 幫佢解結先
轉咗未必係好
作者: BallBallMaMa 時間: 17-2-14 15:10
nacky0825 發表於 17-2-14 14:01
男女校,校風唔差的,都唔知點解,唉.....
依間學校的學生，我朝朝都會見到，通常都好乖，考試期間更人人書不離手，校風應該幾好。
阿女以前讀邊間小學？會不會中學d老師嚴左，所以唔適應？
作者: VV2016 時間: 17-2-14 16:39
nacky0825 發表於 17-2-10 16:39
未,現在打算到6,7月時逐間打去問,學校功課測驗量,我諗間間斬差唔多
我淨係想個囡返學開心D,唔洗晚晚喊,跟住 ...
作者: johnmamama 時間: 17-2-14 19:07
nacky0825 發表於 17-2-14 14:01
男女校,校風唔差的,都唔知點解,唉.....
作者: nacky0825 時間: 17-2-15 11:48
男女關係我都無咁煩,係朋輩關係,
啱啱開學果陣,我同個囡講,有唔明白地方問老師或者同學,但D同學會反話點解你咁都唔識,點解咁蠢
有D同學又會無啦啦郁手-我知道都真係好嬲,請問個位同學憑咩打我個囡
音樂唱歌考試又惡意發出嘈音,事後又講廢話-話我個囡點點點(因我囡考試時唱日文歌-佢自己自學)
我個囡讀小學都完全無問題,唔知果D同學咩心態,同過理主任提過,希望佢多D留意,但都係hea我
唉.........
我個囡成績唔差,全級大約200人,今年考47
到依家都係日日話唔想返學,我只可以安慰佢,叫佢俾心機挨多半年,KEEP住成績.再搵其他學校
作者: TwinWong 時間: 17-2-15 14:54
nacky0825 發表於 17-2-15 11:48
男女關係我都無咁煩,係朋輩關係,
啱啱開學果陣,我同個囡講,有唔明白地方問老師或者同學,但D同學會反話點解 ...
真係每間學校有依類學生 還是中一生 以為自己大個 有離普到仲會網上指名道姓咁欺凌 我女只會無視 唔理 中三定以為咗啦 有中一生初來報到
還笑我女 掂解你生得咁矮 真係把口好鬼拽 我話你唔嬲咩 佢又笑笑口 只覺學生品行每況愈下 佢話年年都有中一生 來 都可能會同我講同一翻説話 改變唔到嘅事實 不如唔好浪費時間諗
作者: Jessy 時間: 17-2-15 17:33
本帖最後由 Jessy 於 17-2-16 00:46 編輯
仲有成半年喎, 我覺得早轉早著, 女孩子心靈好脆弱
作者: YolandaTam 時間: 17-2-15 18:40
nacky0825 發表於 17-2-15 11:48
男女關係我都無咁煩,係朋輩關係,
啱啱開學果陣,我同個囡講,有唔明白地方問老師或者同學,但D同學會反話點解 ...
小女喺直資女校讀中一, 係由直屬小學升上. 佢都係俾人欺凌排擠, 仲要係由小二三開始至今, 啲人只係變本加厲, 原校升上嘅同學當中一些是非精將一啲N年前老師因私人理由對小女嘅LABEL以訛傳訛, 搞到有啲新嚟嘅同學都對小女有唔好印象. 今次中文夾PROJECT, 其中有一個人直情喺POWERPOINT上將小女個名加黑(好似人哋出訃聞), 有同學都睇唔過眼提出質疑, 覺得此舉太過份.
我問個女, 會唔會想對方唔好過, 佢同我講: 一, 唔值得為呢啲咁嘅人傷腦筋, 二. 而家對方咁做係佢品行唔好,如果我又對對方有惡意咪即係輪到我品行唔好 (小女操行A)? (班主任知道呢啲事, 但因為嗰位同學係其他班, 所以愛莫能助. 佢覺得小女係乖, 時常勉勵佢做好自己, 唔好太理人講乜嘢)
我回心一諗, 咁又啱喎. 面對呢啲風風雨雨, 只能靠年青人自己堅定. 我哋做家長, 可以做嘅係俾佢無限量支持同愛護. 轉校可治標, 未必治本.
作者: Jessy 時間: 17-2-16 00:46
YolandaTam 發表於 17-2-15 18:40
呢啲情況幾乎每間學校都有, 只差在自己孩子中唔中而已.
小女喺直資女校讀中一, 係由直屬小學升上. 佢都係 ...
作者: YolandaTam 時間: 17-2-16 00:54
Jessy 發表於 17-2-16 00:46
你囡好叻，識得點處理同睇得開，但個個小朋友唔同，有d未必頂得順
我明白，想當初我自己就係頂唔順嗰個，患上情緒病。但大個咗識多咗人，發覺欺凌呢樣嘢真係好常見，出嚟職場都有，避得一時唔避得一世。所以先話轉校可治標，但不能治本，當然如果年青人真係支持唔住，救人如救火，先治標(轉校)再治本(加強自信、培養堅定意志)都係上策。
作者: Jessy 時間: 17-2-16 01:01
YolandaTam 發表於 17-2-16 00:54
我明白，想當初我自己就係頂唔順嗰個，患上情緒病。但大個咗識多咗人，發覺欺凌呢樣嘢真係好常見，出嚟職 ...
我細囡都係好怕事的人，如同樣情況我都係會轉校先，再想辦法慢慢教佢同佢傾。
作者: emmafish 時間: 17-2-16 09:21 標題: 回覆樓主:
我覺得轉校為上策，不會處處也遇上衰人的，年紀小自己好難應付欺凌，在學校老師也未有能處理。
年中好難插班，而家揾定9月轉。
比D壓力校方，迫佢地正視做D野，等D衰學生知道你女唔係好蝦
作者: qkhui 時間: 17-2-16 09:53
樓主, 欺凌排擠後果真係可以好嚴重. 在教會識一個女孩. F.1時也給同學欺凌排擠. 另她患上情緒病, 好怕人. 看見她很心痛. 因她父母沒有正視問題. 後來女子識了我們教會一位女孩(同年紀), 她媽媽見這女孩的表現很不妥. 詢問之下才知原來在校給同學欺凌排擠, 她幫這女孩不停找別的學校. 終於轉校成功. 慢慢見這女孩勇敢面對其他人. 慢慢走出情緒病(但暫時也未能完全根治).
跟其他BK 家長講的一樣, 這時間比較難可以轉校. 最快也要新學年才可以. 所以現在最重要係給囡囡支持. 因每天喊, 每天不願返學. 真的好辛苦. 叫他忍真的不易 因她只是F.1只有12-13歲. 現在的青少年欺凌不是我們可以想像得到的. 跟EMMAFISH 講的一樣. 絕對要給學校壓力. 因要給囡囡知道, 你們是站在她身邊. 如囡囡覺得有需要. 你可以找欺凌同學的家長傾傾. 因今次是你囡囡, 下次可能又另一個. 要給這些學生知道. 他們的行為可以影響別人很深的.
作者: nacky0825 時間: 17-2-16 10:55
感謝各位媽咪建議
而家日日鼓勵佢
佢呢半年自信心同自我形象都低佐好多
所以我而家會積極鼓勵佢,多D讚佢,
過埋下學期,會興極打電話揾學校
係度多謝各位媽咪幫忙分析,令我無咁難受
有時同佢傾,佢喊全話唔返學,但我又唔可以俾佢唔返,個感覺就好似自己有份迫佢
作者: nacky0825 時間: 17-2-16 11:00
感謝各位媽咪建議
而家日日鼓勵佢
佢呢半年自信心同自我形象都低佐好多
所以我而家會積極鼓勵佢,多D讚佢,
過埋下學期,會興極打電話揾學校
係度多謝各位媽咪幫忙分析,令我無咁難受
有時同佢傾,佢喊全話唔返學,但我又唔可以俾佢唔返,個感覺就好似自己有份迫佢
作者: qkhui 時間: 17-2-16 11:21
有時同佢傾,佢喊全話唔返學 -- 其實真係好慘. 要佢自己獨自一個去承受.
有沒有再跟學校傾過問題 ?
作者: MariaTsui 時間: 17-2-16 16:39
nacky0825 發表於 17-2-16 11:00
感謝各位媽咪建議
而家日日鼓勵佢
佢呢半年自信心同自我形象都低佐好多
找學校要3月，4月就和學校查詢，暑假前已有插班結果。
作者: MM1155 時間: 17-2-16 17:37
轉校不失為一個治本方法，但現在可否向原校申請轉班，雖然就算轉咗班作用不大，但都好過原封不變！
作者: nacky0825 時間: 17-2-17 10:15
回覆 MariaTsui 的帖子
作者: greentea000 時間: 17-2-18 02:19
可以轉班嗎？
作者: wongkaka 時間: 17-2-20 18:44
會唔會考直資?
作者: hwl2b 時間: 17-2-21 10:38
nacky0825 發表於 17-2-16 11:00
感謝各位媽咪建議
而家日日鼓勵佢
佢呢半年自信心同自我形象都低佐好多
希望嚟緊9月, 一切可以重新開始, 囡囡忘記所有不快事,
開開心心過返中學生活
作者: nacky0825 時間: 17-2-21 11:10
回覆 hwl2b 的帖子
thx
作者: 李小B太太 時間: 17-2-22 13:48
如果女女的情緒太差，我可能會由得佢暫停返學添！（當然呢個係下下策，唔到最後唔會用）因為欺凌的後果好嚴重，好多小朋友做傻事，都係因為朋輩欺凌（日本最常見）。大不了明年由中一再讀過，好過發生咩難過的事，返唔到轉頭啊。。。
作者: jollyma 時間: 17-2-23 07:52 標題: 回覆樓主:
直資學校學生家庭環境較好,自會有好多欺凌事件。樓主囡囡平日性格係點？太過分既,都要反擊,唔係激烈反擊,至少要比對方知道我唔係咁好蝦,某程度上,轉校等如逃避,再講,初中生,朋輩間為建立自己地盤去欺凌好普遍
作者: celialing 時間: 17-2-27 14:53
Jessy 發表於 17-2-16 01:01
我都係頂唔順那種，我工作頭2-3年都係比人蝦，慢慢經驗多了做好自己見識多了先識睇開，我見樓主女兒晚晚喊 ...
作者: celialing 時間: 17-2-27 14:55
nacky0825 發表於 17-2-16 10:55
感謝各位媽咪建議
而家日日鼓勵佢
佢呢半年自信心同自我形象都低佐好多
作者: yan98 時間: 17-3-11 14:00
未轉到校前，帶佢返教會識多d朋輩建立信心
作者: roybird 時間: 17-3-11 16:06
樓主加油，一定要比囡囡知道你會陪住佢，支持佢，父母支持好緊要，必要時要限度幫佢請一兩日假，囡囡好需要知道你企喺佢嗰邊，同佢分享你搵學校既進度，令佢知道係有希望，另外，必須同學校溝通，班主任hea你，打比主任，寫信比校長，搵社工傾，正如樓上所講，有可能係囡囡唔識處理，都有可能係同學太過份，現階段冇得下定論，最緊要幫到佢，事情過左再要繼續慢慢開解佢，同佢講分析返，教佢後要點預防點處理
作者: little_yolky 時間: 17-3-14 13:02
nacky0825 發表於 17-2-15 11:48
男女關係我都無咁煩,係朋輩關係,
啱啱開學果陣,我同個囡講,有唔明白地方問老師或者同學,但D同學會反話點解 ...
作者: 咪咪2007 時間: 17-3-19 18:37
要睇佢點睇，如果真的唔想返學就唔好迫，情願留班讀多年，驚佢一時睇唔開
作者: ms.aeroplane 時間: 17-3-21 08:53
little_yolky 發表於 17-3-14 13:02
班主任hea你, 有無搵訓導主任? 最緊要搵社工, 咁喊法好易喊到抑鬱, 抑鬱半年真係好長。 ...
Agree！班主任hea，搵高層施壓處理。表示你嘅擔心，近期大多少年自殺事件，你唔想見報＝學校更加唔想。就算你諗住轉校，都確保阿女響原校E幾個月可以安心！
另一方面去搵學校轉。令阿女知道有解決方案，唔會諗埋一邊！
作者: Lavonne 時間: 17-3-31 13:34
Jessy 發表於 17-2-16 00:46
你囡好叻，識得點處理同睇得開，但個個小朋友唔同，有d未必頂得順
Agree. 間間學校都有欺凌，如學校都不處理話，那些欺凌同學就會變本加厲，如果不想悲劇發生，就要立即轉校，日日返學會好大壓力，驚D同學會怎樣欺凌自己，遲早一日會爆㷛
作者: Lavonne 時間: 17-3-31 13:38
咪咪2007 發表於 17-3-19 18:37
要睇佢點睇，如果真的唔想返學就唔好迫，情願留班讀多年，驚佢一時睇唔開 ...
Agree. 個人認為個女的情緒，返學開不開心，緊要過成績
作者: Lavonne 時間: 17-3-31 13:40
little_yolky 發表於 17-3-14 13:02
班主任hea你, 有無搵訓導主任? 最緊要搵社工, 咁喊法好易喊到抑鬱, 抑鬱半年真係好長。 ...
如訓導主任，學校社工及社會都唔理，就一定不要讓你女返學！
作者: YolandaTam 時間: 17-3-31 19:04
Lavonne 發表於 17-3-31 13:40
如訓導主任，學校社工及社會都唔理，就一定不要讓你女返學！
唔俾學齡兒童上學好似係犯法
，係咪先要通知教局？
作者: Lavonne 時間: 17-3-31 19:09
YolandaTam 發表於 17-3-31 19:04
唔俾學齡兒童上學好似係犯法，係咪先要通知教局？
是，到時同他們講比同學欺凌，學校唔處理
作者: rubycourt 時間: 17-4-8 08:18
nacky0825 發表於 17-2-7 16:48
現在讀緊band 1c
成績中間
請問有無邊間中學會收插班生呢?
樓主，你寄咗信未？
作者: nacky0825 時間: 17-4-10 12:26
回覆 rubycourt 的帖子
未
要等6月尾,7月先知學校有無位
作者: ANNAFRIEND 時間: 17-4-18 13:37
其實唔明點解老師明知有欺凌而唔處理，想比機會佢地自己解決嗎？學校欺凌行為唔係老師想像甘簡單，被欺凌者長期受欺凌真係會睇唔開，唔通到出事先處理嗎?教育局已出了指引校園欺凌事件零容忍，唔該d老師唔好諗住比佢地自行解決，咩將來要適應社會都係要面對呢d事情。將來出社會已廿幾歲，思想人生經驗都唔同哂啦，佢地而家先12，3歲呀，有咩能力可以應付呀，通常被欺凌者都係孤立無援的，有大把人幫就唔駛比人蝦啦。真係好鬼嬲，比著我我可能直接去搵個欺凌者家長，問佢點解容許小朋友欺凌人地，橫惦轉校，轉校前攪大佢，咪當我地好蝦
作者: gigilovesnoopy 時間: 17-4-19 08:29
Dear nacky0825
我囡囡在小學時被欺凌，因為佢係SEN學生，小學老師唔識handle。
在中一時仍被欺凌，在中二下學期情況有改善。囡囡話邊間學校都有呢D咁賤的同學，所以最好裝備自己，睇吓佢地可以有幾叻﹝惡﹞，而家亞囡讀中三。好多謝學校老師同社工，佢已經走出過往的陰霾。不妨搵明愛的社工，私人的心理學家幫手，提昇囡囡及你的抗逆力。
作者: ANNAFRIEND 時間: 17-4-19 14:49
希望社會大眾關注校園欺凌事件，學校要認真處理，唔好得過扯過，等佢地自己解決。仲有校園欺凌者要嚴懲先有阻嚇性作用，仲要將事件公告家長，交代處理方法。校園欺凌事件唔可以收收埋埋，反而公開事件等全校同學反思。唔好等欺凌者以為蝦人好好玩，做個既衰野全世界都知。
作者: YmOra 時間: 17-4-20 11:33
學校欺凌事件以前年代都有,我記得"警署"在學期內有定時派人來學校講講座,學校與警方關係良好,校園"欺凌、毒品、三合會"等等事件亦會有所控制,唔知係咪ｅ＋中學唔會化時間做哩Ｄ""關愛""工作呢??
作者: nacky0825 時間: 17-7-10 11:29
今日派成績表,keep任全級40幾名
聽日開始寄信,希望成功
會寄培道,培敦同基道
作者: c_fun_all_c 時間: 17-7-10 23:18 標題: 回覆樓主
提示: 作者被禁止或刪除 內容自動屏蔽
作者: 十分鐘 時間: 17-7-11 15:20
nacky0825 發表於 17-7-10 11:29
今日派成績表,keep任全級40幾名
聽日開始寄信,希望成功
會寄培道,培敦同基道 ...
小妹妹加油吖
作者: joefoon 時間: 17-7-15 15:43
加油 支持你
作者: kwankwanchun 時間: 17-8-2 18:55 標題: 回覆樓主
介唔介意暗示下邊間中學，本身學校校風點？小女來年都升中
作者: DengCK 時間: 17-8-6 11:27
支持先轉校，慢慢再教。雖然話間間都有壞學生，排斥人的學生，但衰的程度不同。轉間新學校有個新開始，相信你女女會開心好多。
同時了解下女女待人處事係咪有點問題/唔識do,係就教佢做人圓滑手法（我都唔識
）。帶佢做下義工，等佢知道自己有能力幫人，而世界上有好多人好不幸都仍然好堅強。
加油！
作者: skkeung 時間: 17-8-7 10:19
nacky0825 發表於 17-2-10 16:39
未,現在打算到6,7月時逐間打去問,學校功課測驗量,我諗間間斬差唔多
我淨係想個囡返學開心D,唔洗晚晚喊,跟住 ...
聽到也覺心酸！加油！
| 歡迎光臨 教育王國 (/) |
Powered by Discuz! X1.5 |