教育王國

標題: 亞氏仔(2歲半)係咪一定唔識講大話? 唔識玩假想遊戲? [打印本頁]

作者: iamfine02 時間: 17-2-4 16:17 標題: 亞氏仔(2歲半)係咪一定唔識講大話? 唔識玩假想遊戲?

由於個仔見到小朋友就驚唔敢也唔鐘意同人玩，同人講野成日唔望人，而佢表哥係自閉加過動，所以我估個仔係亞氏(言語無問題)。最近協康做了評估，話唔係自閉係焦慮。

做完評估並無令我安心好多，因為心理學家問我佢有無重復行為或固執野，我答佢唔多，只係落咗車鐘意睇埋車門關上先肯走，鐘意睇門開關但對屋企的門又無很大興趣。屋企傢俬擺位改嘅時候佢會嘈兩下但一陣又無野。少少固執但又唔係好固執果種。

心理學家話佢地玩的時候好合作，有主動笑同眼神交流，覺得我仔無自閉。但我仍然擔心會唔會斷錯咗，因為我仔同大人交流係ok的，在學校亦無乜行為問題。

想問下大家，2歲半亞氏會有幾固執? 會唔會越大才顯現固執行為? 同埋佢好鐘意玩假想遊戲如扮搭車，又識講簡單大話例如明明爸爸無講過可以玩火車佢就話有講咁，亞氏小朋友有無呢d表現?

作者: LeeCC 時間: 17-2-4 18:27

我個仔八歲都吾明大話，唔識講大話和捉迷藏

歡迎光臨教育王國 (/)