教育王國

標題: 【短片】小五生拋寶牒　祈求取消TSA [打印本頁]

作者: elbar 時間: 17-1-31 09:56 標題: 【短片】小五生拋寶牒　祈求取消TSA

【短片】小五生拋寶牒　祈求取消TSA

■外國人亦到林村拋寶牒許願。

大年初一大批市民「行大運」，到林村許願樹拋寶牒，許下新年願望。不少家長和小朋友除了祈求學業進步，更希望不用考TSA、輕鬆學習。有小五學生指，要用15分鐘才能看懂小六的TSA題目，希望支持取消TSA的「薯片先生」曾俊華成功當選特首，「唔想林鄭月娥做特首……想揼佢！」

就讀小五的黃同學指，他的第一個新年願望是成績好、升小六時不用考TSA，「小三TSA題目好容易，但小六嗰啲要睇15分鐘條題目先識答」，第二個新年願望是林鄭月娥不做特首，「一聽到嗰一句上帝叫我參選，我已經好想揼佢」。他支持曾俊華做特首，「因為佢話取消TSA」。其朋友、小六生李同學亦指害怕本學年需應考TSA，現時每日放學需在補習社做功課至晚上7點，坦言學業繁忙。

李太一家亦趁年初一到林村擲寶牒，其兒子讀小二，下年有機會要考TSA，但今年新年功課不算多。她的新年願望是兒子快樂成長，「如果可以梗係想唔使考試，個仔唔使咁辛苦。」大學生陳同學則希望學業進步，又指3月不希望見到林鄭月娥當選特首，「佢連紙巾（廁紙）都唔識買，咁有乜會識做？」

■吳家村盆菜宴參加者大快朵頤。

錦田盆菜宴196圍破紀錄

另外，本港最大的非原居民村落元朗錦田八鄉吳家村昨舉行千人盆菜宴，破紀錄筵開196圍，立法會議員田北辰和梁志祥亦到賀，氣氛熱鬧。村長徐發堅稱，吳家村盆菜屬客家盆菜，菜式有發財豆腐、梅菜扣肉、黃酒煮雞等，過年過節必備，村民今年更自製客家美食與來賓分享。村民吳先生趁初一回村探望家人，指盆菜吸引之處是「食嗰份情」，祝願大家身體健康。家住市區的楊太則首次跟朋友到村享用盆菜。她大讚村內新年氣氛濃厚，最期待客家豬肉等傳統美食，祝願香港「一直好落去，選一個好好嘅特首，大家心想事成！」

作者: skkeung 時間: 17-1-31 19:09

elbar 發表於 17-1-31 09:56
【短片】小五生拋寶牒　祈求取消TSA

小三取消，小六取消，不如取消埋DSE！

作者: Jane1983 時間: 17-1-31 19:13

真係，全部考試取消，Dse都唔使考，個個直升大學，畢業做經理...

作者: judy 時間: 17-2-1 14:29

就讀小五的黃同學指，他的第一個新年願望是成績好、升小六時不用考TSA，「小三TSA題目好容易，但小六嗰啲要睇15分鐘條題目先識答」，第二個新年願望是林鄭月娥不做特首，「一聽到嗰一句上帝叫我參選，我已經好想揼佢」。他支持曾俊華做特首，「因為佢話取消TSA」。其朋友、小六生李同學亦指害怕本學年需應考TSA，現時每日放學需在補習社做功課至晚上7點，坦言學業繁忙。

哈！小三TSA題目好容易。

小朋友别拆穿國王的新衣噃！

作者: judy 時間: 17-2-1 14:35

「小三TSA題目好容易，但小六嗰啲要睇15分鐘條題目先識答」

小六咁深，點解教協唔為民請命呢？

作者: himching 時間: 17-2-3 15:20

俾我拋寶牒　祈求考乜試都得心應手, 乜鬼TSA, DSE, IGCSE, IB, GMAT, IELTS, ....., 多d黎密d手, 使射你呀. 依啲先係正面屍圍. 拋一次寶牒, 更係大包圍, 先有成本效益麻.

作者: 洋蔥頭媽咪 時間: 17-2-3 15:27

呢啲所謂小朋友嘅想法，通常係父母洗腦嘅結果

作者: judy 時間: 17-2-3 15:42

小六嗰份(2014)，我俾阿仔做過，真係好淺。

可能有人話你覺淺而別人未必浅。也罢！但咩叫測驗先，測驗紧有人識有人唔識嘅啦，不如全部1+1=2，好冇？

作者: October. 時間: 17-2-4 11:05

我净係想講父母為兩餐冇時間跟功課、家庭缺支援，成績又麻麻地既基層學生，千祺唔好怕操練呀，先苦后甜，愉快學習唔係個個小朋友都有条件享有既。

作者: palmchristy 時間: 17-2-4 11:54

撇除政治因素唔講, 班反對TSA的家長咁多意見要取消TSA, , 都係覺得或者擔心自己小朋友用太多時間做功課.

小朋友用太多時間做功課, 好可能係佢地程度未達要求, 又或者做事拖拉. 只要花功夫改善此兩點, 對孩子將來大有益處. 如果這兩點未改善, 歸咎TSA亦無補於事.

作者: skkeung 時間: 17-2-5 21:29

palmchristy 發表於 17-2-4 11:54
撇除政治因素唔講, 班反對TSA的家長咁多意見要取消TSA, , 都係覺得或者擔心自己小朋友用太多時間做功課.

...

社會更殘酷，大了又要公司就他們？

歡迎光臨教育王國 (/)