教育王國

標題: 小一銜接問題 [打印本頁]

作者: agneslo 時間: 17-1-27 00:45 標題: 小一銜接問題

有間出名幾谷、有直屬中學嘅津小揸手（25分必入），雙職父母冇請工人，現時註冊咗間屋企附近嘅全日幼稚園。但近來聽好多人講話呢種學校冇咩學術，用家都話冇咩功課，令我哋宜家擔心會唔會揀錯，怕佢小一跟唔上。

其實幼稚園讀咩學校真係咁重要嗎？初初諗住唔駛考小一冇咩所謂，但到小一咩都唔識咁入去會唔會更慘？

有冇家長經歷過？會唔會過一兩個月就ok? 還是初初跟唔上就好難跟得上？

作者: monodad 時間: 17-1-27 01:26

agneslo 發表於 17-1-27 00:45
有間出名幾谷、有直屬中學嘅津小揸手（25分必入），雙職父母冇請工人，現時註冊咗間屋企附近嘅全日幼稚園。 ...

睇下所謂谷嘅小學係邊間先至知，有多人以為津校谷，其實又唔一定真正係谷

作者: yoyoxd 時間: 17-1-27 09:12 標題: 回覆：小一銜接問題

提示: 作者被禁止或刪除內容自動屏蔽

作者: hkpapa852 時間: 17-1-27 09:23

agneslo 發表於 17-1-27 00:45
有間出名幾谷、有直屬中學嘅津小揸手（25分必入），雙職父母冇請工人，現時註冊咗間屋企附近嘅全日幼稚園。 ...

小一對幼稚園既小朋友嚟講, 最大挑戰係中文

基本上所有小學, 小一開學後最遲係9月第3個星期就要小朋友開始做60字-80字既中文閱讀理解, 測考亦會有至少兩份60字-80字既閱讀理解, 每篇要答5-10題問題.

另外, 如果用中文教數學, 數學既文字題又係一項大挑戰

早D去書局睇吓小一既補充練習, 睇吓練習內容就明白小一有咩要求, 再去做好準備

第二項挑戰: 無玩具
第三項挑戰: 規舉遠比幼稚園要求嚴格

第二同第三項, 早D為小朋友做定心理調適

作者: xiaoxiaoau 時間: 17-1-27 09:57

回覆 agneslo 的帖子

出名幾谷、有直屬中學嘅津小>>> too happy school of KG is too simple!

作者: L+H 時間: 17-1-27 10:35

好多人都講小學適應期會係成個小一，所以由happy幼稚園升上去學術深既小一可能唔止一年，小三先至追得到。
當然人人case不同。

作者: day_bo 時間: 17-1-31 12:17

agneslo 發表於 17-1-27 00:45
有間出名幾谷、有直屬中學嘅津小揸手（25分必入），雙職父母冇請工人，現時註冊咗間屋企附近嘅全日幼稚園。 ...

即使有學術私幼上，也要幾個月適應的。現在小一課程真的不容易，何況你所說的是谷既小學。雖然私幼上解題和寫字問題已沒太大問題，但學習功課形式上還有很大適應。如負擔到，揀間學術好一點幼稚園。

作者: jimjimjim 時間: 17-1-31 13:39

我係你會照選呢間全日制學校
再自己多陪佢睇書
升小最大問題之一中文搞唔掂
呢樣野讀私幼都唔會間間幫到佢
勁谷既私幼又未必岩小朋友
有好小學入硬何必令小朋友咁細就咁痛苦

作者: hha 時間: 17-1-31 13:45

我只知道，我仔同班同學中，有人差不多次次中英默都100分，亦有同學過咗半個學期，考試英文默書都仲係0分，連are都會只寫r , 所以差距可以十分大。
如果認為小朋友本身學術快上手或者父母有時間跟吓，讀多三年happy school係好happy的。否則，入到有直屬中學的小學，個直屬位都未必屬於你的。

作者: 星星的後裔 時間: 17-1-31 17:21

樓主無謂想太多，雙職父母冇工人有全日制收已很好。比到間谷既得半日，樓主可能仲煩。外補英文，比時間同小朋友睇書，雖未必及LH, KV 但應不會太落後。

作者: Jane1983 時間: 17-1-31 18:52

本帖最後由 Jane1983 於 17-1-31 18:53 編輯

按樓主的情況，我都照讀那間全日制幼稚園，自己再日常伴讀中英文書，加吓數學訓練。

學校無咩學術，佢可能花時間在自理、社交和情商訓練，呢d都係需要學的好嘢。家庭在學術亦可以做d，畢竟你求銜接，唔係考直私，難度唔算太高。

作者: nixphoenix 時間: 17-2-1 08:19

現今被評為「無咩學術」嘅學校其實都係跟小朋友發展制訂課程
唔係無學術
而係唔係好似傳統學校咁好多抄寫而矣
上小一會唔會唔適應？
研究指「happy」vs「academic based」嘅preschool可能係升小初期（即小一、二）成績上會有小小分別
但隨住小朋友無得食老本
Happy preschool小朋友係學校學到嘅soft skill 如自信、自主學習等等會幫助佢地係小三後反超前academic based school嘅小朋友
而且效果更長遠

香港嘅實況係要考直私就避唔到academic
所以家長幼稚園時㨂有學術嘅學校都好明白
但真正for小朋友走長遠嘅路/幼稚園小朋友所需反而可能係「非學術」嘅技巧
如果我小朋友好似你小朋友咁有25分必收嘅好學校
我會毫不猶豫俾個快樂童年佢
中文補低，其實親子閱讀/日常接觸都學到好多

歡迎光臨教育王國 (/)