教育王國
標題: 黃大仙Happy School 天虹 vs 福德 [打印本頁]
作者: WunieCon 時間: 17-1-25 15:16 標題: 黃大仙Happy School 天虹 vs 福德
請問邊間好D?
天虹 - 怕太著重科技, 忽略體藝發展
福德 - 比較隔洩, 似乎要考TSA。中學校網較好, 但怕競爭會大...
作者: Happy_Charles 時間: 17-1-25 15:23
福德，其實都已經好HAPPY。
作者: WunieCon 時間: 17-1-25 15:58
Happy_Charles 發表於 17-1-25 15:23 
福德，其實都已經好HAPPY。
天虹開放日上星期去咗, 我老公就好鍾意
阿女都鍾意....
但總要睇現實, 考慮升中同學術學習問題...
作者: hkpapa852 時間: 17-1-25 16:13
Happy school總有佢不為人知既問題同原因。
天虹多年前收生不足接近殺校，全靠收雙非保命。
福德一直以嚟都係收較高比例SEN，所以亦無可能係催谷型。
作者: bearbee004 時間: 17-1-25 18:51
WunieCon 發表於 17-1-25 15:58
其實兩間都HAPPY最可惜係福德無開放日又無得參觀, 無辦法比阿女同自己親身去感受下...
天虹開放日上星期去 ...
要睇現實，兩間都⋯⋯
作者: WunieCon 時間: 17-1-28 23:28
hkpapa852 發表於 17-1-25 16:13
Happy school總有佢不為人知既問題同原因。
天虹多年前收生不足接近殺校，全靠收雙非保命。
知道呀，其實兩間之前都有試過面臨殺校，你講嘅雙非同SEN我亦都清楚。或者好多人都覺得D學校係無得揀先美為其名做Happy School，但我堅覺得傳統港式教育係扼殺咗好多嘢，咁有個機會去走返正少少嘅路，點解唔做呢？
作者: WunieCon 時間: 17-1-28 23:30
bearbee004 發表於 17-1-25 18:51
要睇現實，兩間都⋯⋯
其實我並唔係望子成龍嗰隻，我只係想阿女愉快學習得嚟唔會同香港升學要求脫軌啫~
作者: 小儀皇后 時間: 17-1-29 02:12
本帖最後由 小儀皇后 於 17-1-29 02:16 編輯
樓主，你呢個topic正正係我近排煩既野，至從參觀完天虹小學，覺得天虹小學好happy，但代價就係跨境生同升中網。
另外，福德係有開放日，上年九月定唔知十月，我同小朋友參觀左，你可以打電話去問下黎緊仲有無，福德環境好好，好舒服，但代價係sen學生，仲有係偏僻，同埋原來都多功課，係七樣，但我就唔知初小要用幾耐完成，因為功課量多唔等於做得耐。
我諗法同你差無幾，自己果代都係填鴨式教育，自問對日後踏入社會無大幫助，唔想自己小朋友再岔埋隻腳入去，唯有向呢d所謂happy school埋手。
作者: WunieCon 時間: 17-1-30 08:53
小儀皇后 發表於 17-1-29 02:12
樓主，你呢個topic正正係我近排煩既野，至從參觀完天虹小學，覺得天虹小學好happy，但代價就係跨境生同升中 ...
我過年前打咗去問，福德話無開放日...
我暫時決定如無意外應該排天虹先再排福德，始終比較清楚個情況，福德相對地資訊比較少，而且阿女都鍾意天虹多D。再者我又唔係望佢升中入名校，黃大仙自己本區，對D中學情況都熟悉D呀…
你小朋友都係12年出世? 我哋可以多D交流下喎~ 
作者: hkpapa852 時間: 17-1-30 14:31
本帖最後由 hkpapa852 於 17-1-30 14:59 編輯
WunieCon 發表於 17-1-28 23:30
其實我並唔係望子成龍嗰隻，我只係想阿女愉快學習得嚟唔會同香港升學要求脫軌啫~
...
係香港傳統學制既學校，尤其係官津校，想揀間Happy school又有好成績，其實係不切實際。
須知道小學升中分Banding既安排，亦係變種世襲制，學校前人成績差，後人既成績亦都唔會有可能短期變好。最大機會係強校越強，弱校越弱。
留意吓校務報告，你會發現弱勢學校真係可以無人入到B1中學。
作者: 小儀皇后 時間: 17-1-30 17:48
hkpapa852 發表於 17-1-30 14:31
係香港傳統學制既學校，尤其係官津校，想揀間Happy school又有好成績，其實係不切實際。
須知道小學升中 ...
我反而擔心，happy多六年，怕佢升到中一銜接唔到。
作者: 小儀皇后 時間: 17-1-30 18:00
WunieCon 發表於 17-1-30 08:53
我過年前打咗去問，福德話無開放日...
我暫時決定如無意外應該排天虹先再排福德，始終比較清楚個情況，福 ...
作者: tkinwong 時間: 17-1-30 19:06
小儀皇后 發表於 17-1-30 17:48
爸爸，你講呢d我都知道，happy school 代價就係升中網差，我都好苦惱，究竟比唔比小朋友happy多六年，其實 ...
本帖最後由 tkinwong 於 17-1-30 19:07 編輯
咁你要問自己打算小朋友讀怎樣的中學。如果滿足於band 2學校，那小學的確可以輕鬆一些。但是，再過六年又是否要谷小朋友考DSE?
作者: WunieCon 時間: 17-1-31 18:03
小儀皇后 發表於 17-1-30 17:48
爸爸，你講呢d我都知道，happy school 代價就係升中網差，我都好苦惱，究竟比唔比小朋友happy多六年，其實 ...
我覺得最緊要係比小朋友keep到享受學習，愉快學習唔代表唔使溫唔使練...
如果小朋友討厭學習，就算比佢入到band 1又點? Band 1都有大把唔讀書嘅人，壞學生亦都有。我以前正正係Band 1生，學校入面其實真正所謂嘅乖學生只係比人見嘅面嗰層...
反而預科我去左間Band 2讀，學校著重人格品質，成績或者係出嚟無咁突出，但個感覺真係師生一體，純樸好多~
再者DSE其實有D靠自己多過靠學校..
而且唔係個個小朋友都係靠操就得，有D真係越操越衰，所以我覺得應該係要視乎每個小朋友唔同情況
作者: Soundervolt 時間: 17-1-31 22:12
WunieCon 發表於 17-1-31 18:03
我覺得最緊要係比小朋友keep到享受學習，愉快學習唔代表唔使溫唔使練...
如果小朋友討厭學習，就算比佢入 ...
每個人資質、能力、性格都唔一樣，您可能讀B1學校有唔愉快經歷，但您既子女可能有所不同，而且宜家同以前學習環境已經改變，好成绩既學校未必係用填鴨式去催谷學生。奉勸楼主多了解可以選擇嘅學校作詳細比較，可能会發現有更好成績及更合適閣下子女既學校。
作者: WunieCon 時間: 17-2-1 09:59
Soundervolt 發表於 17-1-31 22:12
每個人資質、能力、性格都唔一樣，您可能讀B1學校有唔愉快經歷，但您既子女可能有所不同，而且宜家同以前 ...
其實我想表達意思係Band 1同Band 2並唔代表一切，成績教學方法同校風等要取得適當平衡。我當然明白呢個世上無"又要馬兒好，又要馬兒不吃草"呢個道理，所以而家做到嘅係幫阿女揀間比較平衡嘅學校，亦都係我開post問原因
作者: hkpapa852 時間: 17-2-1 11:00
WunieCon 發表於 17-2-1 09:59
其實我想表達意思係Band 1同Band 2並唔代表一切，成績教學方法同校風等要取得適當平衡。我當然明白呢個世 ...
黃大仙區中, 對小朋友關愛和協助做得較好, 又無咁催谷, 認識只有基慈, 可惜佢係45網.
作者: WunieCon 時間: 17-2-1 18:38
hkpapa852 發表於 17-2-1 11:00
其實你應留意辦學團體, 學校風格始終受制於辦學團體要求.
黃大仙區中, 對小朋友關愛和協助做得較好, 又無 ...
其實我本身係45網家，不過45網Happy School只有音小同真鐸，但我兩間都麻麻地
基慈我都有親戚讀梗
作者: 艾仔 時間: 17-2-11 16:31
WunieCon 發表於 17-2-1 18:38
其實我本身係45網家，不過45網Happy School只有音小同真鐸，但我兩間都麻麻地
基慈我都有親戚讀梗
...
聽其他家長講，真鐸轉了校長後，變了吹谷形，小一每天10樣功課，每個月2次測驗
作者: 曼曼嘉嘉 時間: 17-2-11 20:46 標題: 回覆樓主:
昨為福德學校用家，我略講上學期的事給大家分享。我的小朋友是2016-17年度小一。我覺得學校地理位置有優點亦带缺點。家長如果從正門的斜坡上山，倒是有點喘氣。不想走坡，便要由後山（佛教醫院）旁的樓梯級上，反而很好走。亦因此學校在小山坡上，學校周圍被樹木包圍，有鳥聲和微風，空氣一流，坐在這兒很舒服。如果參加星期六的課外活動，家長會坐椅子上聊天，都是交流活動。 學校早上會用學校基金租用褓母車，由7:45~8:15派出5轉車來往樂富站至學校門口，只載學生，低年班優先。我覺得是非常好的安排，希望下一屆仍有基金運行。
校長和教職員方面。校長很有活力，會和同學在早會前拿昆蟲圖鑑坐在運動場上告知小朋友書中知識並配合周邊的環境指出生長情況。這是我做義工時看到的。或者，與同學玩呼拉圈，跳繩，乒乓球。幾乎校長身邊會被同學們圍住玩，我小朋友說的，受歡迎人物之一。另一位是外籍英語老師，公認的人士。低年級的班主任看似乎年輕，但是，我小朋友的班主任和科老師都會鼓勵同學。聖誕節，我是先收到老師的加油卡，群組家長們都收過。最主要鼓勵同學不要氣餒，下次做好D。我們班中在開學時段，這班小一生經常錯漏百出，唔見筆，外套，把别人的書本、功課帶回家，老師都幫忙找，沒有黑面。家長群組便能一清而楚，知道老師是能交付的人。
功課，小一功課5-7樣，星期五超過7樣。有網上功課（家長選擇做唔做）。我會做，在星期五做吓中英數（輪流）。有些同學仔超鐘意做某科目，爆分。中，英默互隔一星期一次。中文是詞語，文章句子初讀後背和加分部分。英文，差不多。只是句子未unseen。測驗考試前有工作紙，作業溫習。
課程，英數常按正常速度去教。中文，我個人認為會教快，上學期教下學期書的2課文。音樂科，低年級有樂器堂，放心，不會造成家長負擔的。另外，舞蹈堂是低年級日常課程，很好，小朋友們喜歡。
作者: 曼曼嘉嘉 時間: 17-2-11 20:53 標題: 回覆樓主:
家長另一問題，ADHD小朋友。初小，小班混合教學，老師盡量安排去照顧。老師會教一般小朋友去幫手照顧有差異的同學。家長群組互相幫忙找東西，手册功課，關係很好。這是小一生的實況。高小，校長說將來會有新安排。
作者: 曼曼嘉嘉 時間: 17-2-11 20:59 標題: 回覆樓主:
做功課的時間問題，因人而異。我小朋友用1.5-2.5小時5-8/9樣去完成。寫字要靚公整，必定花時間。初小也要花時間協助讀題目解题目。唔明白?解釋課文一次，又是時間。改正詞語少一D或者零已經是很好。
作者: siubibu 時間: 17-2-11 21:40 標題: 引用：做功課的時間問題，因人而異。我小朋友用1.
原帖由 曼曼嘉嘉 於 17-02-11 發表
做功課的時間問題，因人而異。我小朋友用1.5-2.5小時5-8/9樣去完成。寫字要靚公整，必定花時間。初小也要花 ...
作者: 曼曼嘉嘉 時間: 17-2-11 21:46
siubibu 發表於 17-2-11 21:40
請問你當年放這間第幾志願入?
34網，乙一農官，乙二福德。最主要聽取討論區前辈教訓，乙一可選一線，乙二選二線為保險線。在選校前也去福德打聽過，覺得自己接受到sen小朋友做同學沒有問題。
作者: 曼曼嘉嘉 時間: 17-2-11 23:17 標題: 回覆樓主:
有家長問福德多sen嗎？其實各班都出現2~3位遲緩同學，有些是言語，有些是多動行為，有些認知和專注力不足。這些同學其實在入學前相信已經知會學校和班主任，待为調適。如果要見社工和心理學家，學校有通告跟進。行為上，會離位的同學，老師叫回位坐好，但是佔少。我做義工，跟他們說故事，都會去投入舉手試答。當然，部分答案會比一般同學所說的答案更簡單。學業上，會存有一定的差異。因為福德收黃大仙，九龍塘和土瓜灣網的學生。以九龍塘來說，家長一向有補習和課外活動，填表的失誤令他們進入此。他們的子女都默書輕鬆取高分。部分土瓜灣家長也差不多情況。因為他們都原本是考1線小學。黄大仙家長是福德的中學網是九龍城為考慮點。而最後是有學障的家長，找支援學校得來不易。4種不同心理型態的家長去培養不同學習能力。有高亦有低。而鑑於福德由呢一位新任校長開始，課程改革，為的要配合以上情況，所以我們的中，英默模式與其他校相同，考卷模式也與街外練習差不多。只是未谷到一星期2科一齊來和操TSA考卷。故此，往年家長說5樣功課，到現在5~7樣，是增加了數量。福德是由去年增班至4班，既是加了人數又收了能力強的學生，是會按九龍城區內小學的做法一樣，小四分精英班。小四之前，大家互相交流，學習包容。至於，會否拖低band1比率?我個人認為前面的學生當中會有叻人，亦會考入band1.只是前幾屆班數少，入的只佔少數。如果2015年以後的的學生，多吸納不同性質的學生，學校的成績會比以往好。時間是必須的。我選擇福德，是會有覺悟，可能入band1率不及比1線小學高。但是，仍然可以自己努力去試考分。入唔到band 1中學，但是能入band2A的，校風良好的中學，亦是可以。如果要谷盡入band1A，福德不是你的菜。校長在開學家長會有提及過。發展全方位，是最重要。
作者: lomidwong 時間: 17-2-12 00:34
回覆 WunieCon 的帖子
請問親戚對基慈有何評價？ 我認同小學應愉快學習， 所以由48網搵happy school到45網的基慈， 參觀過基慈開放日， 都滿意學校嘅設施同課程安排， 但想知學校是否真的做到happy school, 多鼓勵學生, 愉快自主學習。 請分享多啲基慈嘅資訊謝謝。
作者: greentea000 時間: 17-2-12 11:00
happy school 亦非無得著，學生有種各樣，唔同於直私同名校集中一類家庭，反而真正學到點同唔同人相處。
另外，如果成績好仲可以轉到要求更高既學校嘛，唔係一定要讀到畢業。
作者: cubixluk 時間: 17-2-14 15:58
回覆 hkpapa852 的帖子
爸爸,
我見福德都入到KLN 3 既BAND 1 中學喎......
你點睇呢點???
作者: hkpapa852 時間: 17-2-14 18:11
cubixluk 發表於 17-2-14 15:58
回覆 hkpapa852 的帖子
爸爸,
作者: lav2011 時間: 17-2-14 18:57
WunieCon 發表於 17-1-28 23:30
其實我並唔係望子成龍嗰隻，我只係想阿女愉快學習得嚟唔會同香港升學要求脫軌啫~
...
無兩全其美
作者: conM 時間: 17-3-9 10:38
曼曼嘉嘉 發表於 17-2-11 21:46
34網，乙一農官，乙二福德。最主要聽取討論區前辈教訓，乙一可選一線，乙二選二線為保險線。在選校前也去 ...
怎知道邊間學校屬於幾線學校？
Ps:今年選校
作者: IYY 時間: 17-3-11 14:07
福德應該好過天虹, 就算不能入BAND 1, 九龍城網BAND 2 都有好多好學校揀, 升學選擇應比天虹優勝。
作者: 曼曼嘉嘉 時間: 17-3-11 21:26
conM 發表於 17-3-9 10:38
怎知道邊間學校屬於幾線學校？
一般可以在小學那區討論問前辈；又可以去看看有沒有消息該小學六年級獲派幾多個人入去英文中學（學校網址或該家長）。另外，1線小學的主科課程進度一向鐘意教快半年到一年，小一書單便能參考其中。
作者: treema101 時間: 17-3-12 23:47
回覆 IYY 的帖子
作者: bananaGi 時間: 17-5-4 13:02
你細個讀b1小同中架？ 成績如何？
作者: WunieCon 時間: 17-5-20 14:49
bananaGi 發表於 17-5-4 13:02
你細個讀b1小同中架？ 成績如何？
係呀，小學每次都係全級前10名，上到中學入唔到精英班基本上讀書氣氛都唔多好，中1-中2得一班精英班。再加上學校考卷係特別做深嘅，所以普遍人唔合格係一般正常事，有6-70分已經算好，久而久之個人會懶散咗，因為已經習慣唔合格，唔覺得有咩大問題。
學校又唔會有咩特別補課，差不多係自生自滅咁~
作者: 小明粉絲 時間: 17-5-21 08:37
WunieCon 發表於 17-1-28 23:28
知道呀，其實兩間之前都有試過面臨殺校，你講嘅雙非同SEN我亦都清楚。或者好多人都覺得D學校係無得揀先美 ...
好贊成樓主的睇法! 我對孖仔都係12年細b, 都好想為仔仔選一間平衡到學習興趣和學術的學校。 唔知天虹小學幾時再有開放日?
作者: WunieCon 時間: 17-5-21 20:52
小明粉絲 發表於 17-5-21 08:37
好贊成樓主的睇法! 我對孖仔都係12年細b, 都好想為仔仔選一間平衡到學習興趣和學術的學校。 唔知天虹小學 ...
啱啱尋日搞完咋~
你久唔久上校網留意下
作者: 小明粉絲 時間: 17-5-27 06:40
WunieCon 發表於 17-5-21 20:52
啱啱尋日搞完咋~
你久唔久上校網留意下
好, 謝謝!
作者: bananaGi 時間: 17-5-27 09:12
小明粉絲 發表於 17-5-21 08:37
好贊成樓主的睇法! 我對孖仔都係12年細b, 都好想為仔仔選一間平衡到學習興趣和學術的學校。 唔知天虹小學 ...
方向係好！ 但日日同國內學生一齊，好咩
作者: 小明粉絲 時間: 17-5-27 21:59
bananaGi 發表於 17-5-27 09:12
方向係好！ 但日日同國內學生一齊，好咩
其實校內雙非同學的比例是多少?
作者: Bbmarket 時間: 17-6-19 23:46
WunieCon 發表於 17-1-28 23:30
其實我並唔係望子成龍嗰隻，我只係想阿女愉快學習得嚟唔會同香港升學要求脫軌啫~
...
絕對認同你
作者: shirley2014 時間: 17-6-20 09:06
WunieCon 發表於 17-1-31 18:03
我覺得最緊要係比小朋友keep到享受學習，愉快學習唔代表唔使溫唔使練...
如果小朋友討厭學習，就算比佢入 ...
作者: WunieCon 時間: 17-6-20 23:46
shirley2014 發表於 17-6-20 09:06
我好認同你，我對我小朋友最低要求band2頭學校，band1我真是無諗過，九月小一，我都是選啲中等學校，雖然跨 ...
好認同你講法，而家真係好多標籤化，同埋整個社會都好階級化
作者: gwenstephen 時間: 17-6-22 10:41
WunieCon 發表於 17-6-20 23:46
好認同你講法，而家真係好多標籤化，同埋整個社會都好階級化
學校是社會的縮影，住分等級有私、公營; 玩有私人会所、公衆設施; 行也有私家、公車。
所以school 咪有 band 1 to 3, 九個格，由細同你分到大。 大陸仲勁，第一、二、三小學，連外表也看得出其規模…………問你死未？！
作者: car_tai 時間: 17-7-7 18:40
曼曼嘉嘉 發表於 17-2-11 20:46
昨為福德學校用家，我略講上學期的事給大家分享。我的小朋友是2016-17年度小一。我覺得學校地理位置有優點 ...
參觀完福德我都好喜歡佢地校舍，可能現今社會太電子化，所以我反而喜歡佢親近大自然既教學理念！
作者: gwenstephen 時間: 17-7-8 02:38
car_tai 發表於 17-7-7 18:40
參觀完福德我都好喜歡佢地校舍，可能現今社會太電子化，所以我反而喜歡佢親近大自然既教學理念！
...
有開放日嗎？什麼時候？
作者: car_tai 時間: 17-7-8 17:42
gwenstephen 發表於 17-7-8 02:38
有開放日嗎？什麼時候？
我係剛剛 10/6 去，果日好似係小一新生家長日！
| 歡迎光臨 教育王國 (/) |
Powered by Discuz! X1.5 |