教育王國

標題: 請問有冇小朋友係救世軍幼兒園 (尤其大埔大元)?升小表現 [打印本頁]

作者: bc1019 時間: 17-1-20 16:25 標題: 請問有冇小朋友係救世軍幼兒園 (尤其大埔大元)?升小表現

請問有冇小朋友係救世軍幼兒園 (尤其大埔大元)?
救世軍幼兒園既畢業生升上小學既表現如何?會唔會追唔到?

謝謝!

作者: little_yolky 時間: 17-1-20 17:51

bc1019 發表於 17-1-20 16:25
請問有冇小朋友係救世軍幼兒園 (尤其大埔大元)?
救世軍幼兒園既畢業生升上小學既表現如何?會唔會追唔到?

好掂喎, 有乜事? 你小朋友有困難?

作者: bc1019 時間: 17-1-25 10:26

回覆 little_yolky 的帖子

不是呀，我小朋友剛兩歲，收到OFFER，但D人成日話救世軍幼兒園課程淺，比資助幼稚園還淺，所以想問下幼兒園畢業既學生升小情況，例如難唔難適應?追得辛唔辛苦等等

作者: little_yolky 時間: 17-1-25 12:52

bc1019 發表於 17-1-25 10:26
回覆 little_yolky 的帖子

不是呀，我小朋友剛兩歲，收到OFFER，但D人成日話救世軍幼兒園課程淺，比資助幼 ...

拿, 咁講。我知大元救世軍之前老師換得幾密(可能因為辛苦), 所以如果老師stable返, 我覺得問題唔大, 因為, 你千祈唔好旨意幼稚園教你D乜, 我兩個細路响救世軍學到最大既得益, 係自律、自覺學習、同小朋友相處等等既品格行為。你唔好以為小兒科呀, 出到去外面, 我先知救世軍既小朋友discipline係咁好既。不過, 我係禾輋救世軍。
至於學術嘢, 你一定一定一定要自己跟。咁細個小朋友, 媽媽最親, 你開開心心咁(就算你心裡面一萬個唔願意, 都唔好俾佢知)同佢伴讀中英文書, 一日半個鐘, 要持之以恒, 咁係無乜問題的。當然, 除非你既target係神校又另當別論, 如果係一般官津, 係無問題既。

如果你自己打好小朋友閱讀習慣同中英文底, 上到小一, 基本上你唔要求太高, 慢慢佢哋係會適應到課程的, 唔好諗住考第一(不過, 我哋屆真係有小朋友响小學考第一), 最緊要係, 學習係放長線釣大魚既遊戲, 你要放多D時間同小朋友學習, 但係令佢哋唔討厭學習, 咁, 上到小學就輕鬆好多了。

緊記, 幼稚園教乜都係假, 上到小學(除非你讀英小), 中文科係考中文, 數學科又係考中文, 常識科都係考中文, 中文一科好, 真係世界通行。要用多D時間响幼稚園階段訓練小朋友自己做功課, 自己執書包。唔好介意佢漏, 錯, 係無問題既, 到佢升小一, 你就會知道自己比人舒服了。但要先苦後甜, 依家開始一D一D咁做囉。呢方面, 救世軍就做得好好了。

推介：中文書睇青田系列, 英文書睇oxford reading trees, 一級一級慢慢上, 如果你夠勤力, 小朋友上小學考得好完全唔係難事。如果你好似我咁懶, 都起碼keep到中上。

作者: wsl05 時間: 17-1-28 08:51

老師有愛心，學生守紀律；兩女係個度讀幼兒園，幼稚園就出左去讀了

作者: bc1019 時間: 17-2-2 09:43

little_yolky 發表於 17-1-25 12:52
拿, 咁講。我知大元救世軍之前老師換得幾密(可能因為辛苦), 所以如果老師stable返, 我覺得問題唔大, 因為, ...

謝謝你咁詳細回覆~~
如果幼兒園，每間分校是否課程都一樣?

作者: bc1019 時間: 17-2-2 10:04

wsl05 發表於 17-1-28 08:51
老師有愛心，學生守紀律；兩女係個度讀幼兒園，幼稚園就出左去讀了

是否讀大元幼兒園?介唔介意講點解要轉出去讀?

作者: 小時了了 時間: 17-2-2 10:16

本帖最後由小時了了於 17-2-2 10:23 編輯

bc1019 發表於 17-1-20 16:25
請問有冇小朋友係救世軍幼兒園 (尤其大埔大元)?
救世軍幼兒園既畢業生升上小學既表現如何?會唔會追唔到?

Pls refer to 聽人講救世軍既幼稚園教學全面，其實好唔好: http://www.baby-kingdom.com/forum.php?mod=viewthread&tid=12918408&extra=&page=1, 呢個帖內有你問嘅問題其他網友睇法

作者: little_yolky 時間: 17-2-2 13:20

bc1019 發表於 17-2-2 09:43
謝謝你咁詳細回覆~~
如果幼兒園，每間分校是否課程都一樣?

書一樣, 但安排唔一定一樣。好似我哋禾輋救世軍, 申請政府經費, N4實行小一模擬課程, 其他幼兒園未必有。閱讀計劃、寫作練習亦未必一樣。我兩個女女同校唔同屆安排亦不一樣。

作者: miujoey 時間: 17-2-2 21:47

回覆 little_yolky 的帖子

請教中文書，青田系列是哪本書

作者: wsl05 時間: 17-2-2 22:33

回覆 bc1019 的帖子

因為考到根德同民記，加上九城校網較好

作者: little_yolky 時間: 17-2-3 11:39

miujoey 發表於 17-2-2 21:47
回覆 little_yolky 的帖子

請教中文書，青田系列是哪本書

青田系列有好多套書的, 你可以上青田教育中心網頁睇下。不過如果係學前小朋友或N1、N2, 我鼓勵睇我自己會讀系列, 因為字淺, 又有字咭, 陪小朋友睇, 又可以用字咭認字。最淺應該係紅色系列。小朋友認字多, 自己有信心睇, 就會睇得多。打好咗個基礎, 再睇佢哋有D多字D既係列。

同一時間, 記得睇埋oxford reading tree系列, 中英基礎都一齊打好。

作者: Allyly 時間: 17-2-6 12:09

本帖最後由 Allyly 於 17-2-6 12:09 編輯

阿仔在呢度畢業, 我覺得呢間學校好好, 尤其是自理方面. 幼稚園係淺, 但阿仔當時讀得好開心, 我覺得吾太影響小學, 小學都係睇佢有無心機溫書. 阿仔而家仲讀緊校內精英班.

作者: little_yolky 時間: 17-2-6 12:30

Allyly 發表於 17-2-6 12:09
阿仔在呢度畢業, 我覺得呢間學校好好, 尤其是自理方面. 幼稚園係淺, 但阿仔當時讀得好開心, 我覺得吾太影響 ...

對吧！救世軍出品自理、自律真係做得好。

我哋小學因為有幼稚園直升, 我兩個女個discipline真係明顯好好多架, 唔係老黃賣瓜。

其實, 如果父母响幼稚園階段積極伴讀, 上到小學問題唔會好大的。

作者: little_yolky 時間: 17-2-6 12:31

wsl05 發表於 17-2-2 22:33
回覆 bc1019 的帖子

因為考到根德同民記，加上九城校網較好

但係, 幼稚園升小, 同校網無關喎, 升小係跟住址網的。當然, 根德園學術好係大家都知的。

作者: wsl05 時間: 17-2-6 19:24

little_yolky 發表於 17-2-6 12:31
但係, 幼稚園升小, 同校網無關喎, 升小係跟住址網的。當然, 根德園學術好係大家都知的。 ...

所以舉家搬出九城，近返學，校網又好d

作者: bc1019 時間: 17-2-7 16:38

回覆小時了了的帖子

Thanks a lot for your advice~

作者: bc1019 時間: 17-2-7 16:40

little_yolky 發表於 17-2-2 13:20
書一樣, 但安排唔一定一樣。好似我哋禾輋救世軍, 申請政府經費, N4實行小一模擬課程, 其他幼兒園未必有。閱 ...

咁都幾好~即係學校會定時檢討佢既課程~其實我最擔心係個程度，因為依家小朋友讀緊間比較深既私校N班

作者: bc1019 時間: 17-2-7 16:45

謝謝你們樓上既意見

睇到你地既回覆，我都信心大左好多，等我再同我老公講下...最緊要都係靠家長!

最希望囡囡返得開心，又學到自理同紀律

作者: little_yolky 時間: 17-2-7 17:12

bc1019 發表於 17-2-7 16:45
謝謝你們樓上既意見

睇到你地既回覆，我都信心大左好多，等我再同我老公講下...最緊要都係靠家長!

不過你自己唔好怕辛苦至好呀。

作者: bc1019 時間: 17-2-7 17:16

little_yolky 發表於 17-2-7 17:12
不過你自己唔好怕辛苦至好呀。

哈哈~希望可以堅持到啦!
因為我同老公都係要返工，靠放工既小小時間同埋WEEKEND陪佢ja

Btw,平日在學校會唔會做埋功課先放學?

作者: 小時了了 時間: 17-2-7 17:26

bc1019 發表於 17-2-7 17:16
哈哈~希望可以堅持到啦!
因為我同老公都係要返工，靠放工既小小時間同埋WEEKEND陪佢ja

7-8年前, 我印象我女星期一至五係無咩野功課做, 我晚晚淨係同佢玩咋喎, 只係星期五派星期六日要做嘅功課, 我印象係咁.

所以, 如果你要求學術野要日日學書本野, 日日要做好多功課先至為之係學到野, 咁救世軍幼兒園唔係咁囉. 無功課, 家長真係唔好懶要自己同仔女伴讀睇書, 講故事, 呢兩樣野非常重要

作者: little_yolky 時間: 17-2-7 17:26

bc1019 發表於 17-2-7 17:16
哈哈~希望可以堅持到啦!
因為我同老公都係要返工，靠放工既小小時間同埋WEEKEND陪佢ja

我哋都係兩個返工的。大部份家長都係, 如果你自己堅持唔到, 就真係要搵間學術深D喇。

學校唔會做埋功課, 因為無乜功課, 係N3至有計數抄寫, 好少功課。同埋閱讀記錄冊咁, 無規定要寫幾多。

作者: Allyly 時間: 17-2-10 14:45

忘記講, 大元幼兒園的校長超好人.

作者: bc1019 時間: 17-2-13 15:40

謝謝你們各位的回應.....救世軍同囡囡依家讀緊果間真係各有各好....好懊惱!

歡迎光臨教育王國 (/)