教育王國

標題: ADHD? [打印本頁]

作者: myhappybb    時間: 17-1-18 11:21     標題: ADHD?

我小朋友小一,上星期去瑪麗兒童精神科睇鍾醫生,佢話我仔中左大部份過度活躍症和專注力不足症, 佢話會要學校報告, 再在二月中確定係咪,如果係就會開藥俾我地, 又話我仔係中度以上的嚴重情度,我想問:

1. 因鍾醫生望落去較年輕,我想問有冇JM睇過佢? 係咪都OK?
2. 我都覺得我仔專注力應係不足, 但過度活躍方面我有質疑,因其實我仔係間唔中在課室離位, 老師話呢排有改進, 我仔也不是精力無窮無盡型,放學回家也已好累...有人話過度活躍症要去公園放下電, 但如我仔放學回家仲要放電才做功課, 佢實做唔到功課...另外, 他在商場的地方時有時會FING開我隻手周圍行, 但都係間唔中, 同埋叫佢番黎會番黎, 唔會繼續周圍走...
3. 食藥我有D猶疑...始終佢已經係偏細粒和好瘦, 生長線一直維持在5, 仲要食藥話會食慾不振...其實會唔會有D行為治療可以幫到佢?
4. 其實佢專注力係唔好, 上堂溫書等會遊雲, 同佢溫書都好辛苦...但佢可以好專注做自己鍾意的事, 例如看書,聽故事等都好專注的..究竟係咪真係好似醫生所講咁嚴重要食藥?


作者: bestwish    時間: 17-1-18 11:58

本帖最後由 bestwish 於 17-1-18 12:18 編輯

2. 我都覺得我仔專注力應係不足, 但過度活躍方面我有質疑,因其實我仔係間唔中在課室離位, 老師話呢排有改進, 我仔也不是精力無窮無盡型,放學回家也已好累...有人話過度活躍症要去公園放下電, 但如我仔放學回家仲要放電才做功課, 佢實做唔到功課...另外, 他在商場的地方時有時會FING開我隻手周圍行, 但都係間唔中, 同埋叫佢番黎會番黎, 唔會繼續周圍走...

過動症唔一定係成日走來走去, 我囝都唔會, 我囝會易衝動, 心急暴躁, 發皮氣都係HD的病徵。


3. 食藥我有D猶疑...始終佢已經係偏細粒和好瘦, 生長線一直維持在5, 仲要食藥話會食慾不振...其實會唔會有D行為治療可以幫到佢?

聽好多JM講, 可在吃藥前先吃正餐, 例如藥力得4小時果種。睇番JM經驗, only行為治療唔大機會好幫到, 尤其是上堂發呆果類。

4. 其實佢專注力係唔好, 上堂溫書等會遊雲, 同佢溫書都好辛苦...但佢可以好專注做自己鍾意的事, 例如看書,聽故事等都好專注的..究竟係咪真係好似醫生所講咁嚴重要食藥?

禁要自己衡量一下, 冇話一定要食藥, 如果家長接受到小朋友成績差, 日日比老師投訴, 禁唔食藥係絕對可以既。 但要考慮小朋友長遠發展。 將來條路係點樣同食唔食藥都有關係。因為部份ADHD成人都唔會好, 青春期時會易行差踏錯, (呢個我係最擔心, 反而成績唔係擔心的首要)。就算唔學壞, 都會冇心工作, 成日做錯野。因為專心唔到。


你囝囝只係小一, 可以再觀察一下先, 又不用太急去用藥, 睇下佢成績是否handle到, 同埋是否影響到學校生活。(例如社交, 自信等)

作者: jocelynqq    時間: 17-2-22 09:55

提示: 作者被禁止或刪除 內容自動屏蔽
作者: nancy1015    時間: 17-2-24 18:44

myhappybb 發表於 17-1-18 11:21
我小朋友小一,上星期去瑪麗兒童精神科睇鍾醫生,佢話我仔中左大部份過度活躍症和專注力不足症, 佢話會要學 ...

你的小朋友同我的差不多情況,老師都這樣說。經常被投訴,也跟我提過吃藥。現在我們在領思報了一個正斗奇兵自控能力、專注力方面的訓練,姑娘說我兒子感覺統合差,暫時不用考慮藥物方面。所以現在都在排隊感統課程,你可以參考一下。(經常被投訴,感覺很痛苦(emoji))

作者: ececbaby    時間: 17-3-6 00:17     標題: 引用:Quote:myhappybb+發表於+17-1-18+11:21+ 我

原帖由 nancy1015 於 17-02-24 發表
你的小朋友同我的差不多情況,老師都這樣說。經常被投訴,也跟我提過吃藥。現在我們在領思報了一個正斗奇 ...
你好,我小朋友都好似樓主的case,你說的課程係邊度?好想了解多些,謝謝!




作者: nancy1015    時間: 17-3-7 16:33

ececbaby 發表於 17-3-6 00:17
你好,我小朋友都好似樓主的case,你說的課程係邊度?好想了解多些,謝謝!



  ...

在旺角領思,你可以在網上找他們的網頁看一下

作者: DollyCC    時間: 17-5-23 09:01

bestwish 發表於 17-1-18 11:58
2. 我都覺得我仔專注力應係不足, 但過度活躍方面我有質疑,因其實我仔係間唔中在課室離位, 老師話呢排有改 ...

我贊成早食,原因唔好等到佢成績差,自信低,老師又唔喜歡佢,同學又唔同佢玩先食。到時無曬自信,大個左又未必乖乖聽話食藥。

作者: Sidneydo    時間: 17-5-23 15:47

部份ADHD小朋友能夠透過每天做運動改善,有個深度的入睡,上課就能全神貫注地上課,腦袋也清色一點,情緒會有明顯改善。




歡迎光臨 教育王國 (/) Powered by Discuz! X1.5